ئەڤرۆ نیوز:
نیستۆر پیتانا دادڤانێ ئه‌رجه‌نتینی دێ یاریا دووماهیا مۆندیالێ یا دناڤبەرا فرنسا و كرواتیا برێڤەبەت
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سه‌ره‌كى Twitter
روودانەکا سەرنجراکێشە
ئەڤرۆ نیوز:
رۆژناما “حورییەت” یا تورکی بەلاڤکریە، کو وێنەگرەکێ تورکی خەلکێ مەلاتیا کارەساتەک ب سەرێ زاڤایەکێدا ئینایە دەمێ ژیێ دروست یێ بووکێ دزانیت.
ئەڤ وێنەگرە دبێژیت، پشتی کو وی زانی ژیێ بووکێ پازدە سالە، وی چەندین جاران بزاڤکریە کو وێ ئاهەنگێ راوەستینیت.
هەروەسا وی وێنەگری دیارکریە، من تێبینیا هندێ کر، کو بووک گەلەک یا بچووکە و ترس یا ل دەف دیاربوو، لەوما ل دەمێ وێنەگرتنێدا من گوتە زاڤای ژیێ بووکێ چەندە؟، ئەوی ژی بەرسڤ دا و گوت 15 سالە، لدووڤدا شەرەدەڤ دناڤبەرا وان دا روودایە و بوویە شەر، د ئەنجامدا وێنەگری دفنا زاڤای شکاندییە.
دیسا وی وێنەگری ل سەر فەیسبووکێ خوە نڤێسیە هەکە ئەز دڤی بابەتی دا بێ دەنگ مابا مە، واتە دا هاریکاریا مامەلەکرنا خراب ل گەل زارۆیان دەم.
هەروەسا گوتیە، چو هێز نینن د دونیایێ دا من پال بدەت، کو زارۆیەکێ وەک بووک وێنە بکەم و ئەز نەیێ پەشێمانم ژ وی کارێ من کری”.
ل نەجەفێ ژی خوەنیشاندانان دەست پێکر
ئەڤرۆ نیوز ، زنار تۆڤی:
سال بۆ سالێ رەوشا عیراقێ یا بەرەف نە ئارامیێ و ئالۆزیێن مەزنتر ڤە دچیت، لەوما ژبەر نەبوونا خزمەتگوزاریان ل چەندین باژێران خەلکێ خوەنیشاندان کرینە، کو ئەو خوەنیشاندان ژی ل دژی کێمیا خزمەتگۆزاریان و بێکاریێ بووینە، پشتی کو خوەنیشاندان گەهشتینە پارێزگەها نەجەفێ، خەلکێ وێ داخوازا دەست ژ کارکێشانا حوکمەتێ کریە.
خوەنیشاندانان ل پارێزگەها نەجەفێ یا ناڤەراستا عیراقێ ژی دەست پێکر و چالاکڤانێن سڤیل ل تۆرێن جڤاکی دیار دکەن: کو خوەنیشاندانێن وان دێ بەردەوام بن هەتاکو حوکمەت خزمەتگۆزاریێن وەکی ئاڤ و کارەب و پێدڤیاتیێن سەرەکی بۆ وان دابین دکەت.
هەروەسا خوەنیشاندەران داخواز کریه، کو چارەیەک بۆ زێدەبوونا رێژەیا بێکاریێ بهێتە دیتن، هەکە نە هاتە دیتن، پێدڤی یە ب زوو ترین دەم حوکمەت دەست ژکار بکێشیت.
فروکێن تورکیا گەلیێ بالندا بومبە بارانکر
ئەڤرۆ یوز، ئێقبال عومەر:
فرۆکێن له‌شكرێ تورکی گەلیێ بالندا یا سەرب ناحیا شێلادزێ ڤە به‌رى ده‌مه‌كێ كێم بومبە بارانکر کوشتی ژی هەنە و ترس و لەرزەکا مەزن د دلێ خەلکی دا پەیدا کریە.
ئه‌ڤ شه‌ڤه ل دەمژمێر ۱۱ و پێنجی خۆله‌ك، دو فرۆکێن تورکی ژبەر هەبوونا چەکدارێن پەکەکێ ل گەلیێ بالندا یا سەر ب ناحیا شێلادزێ ڤە کرینە ئارمانجا خوە و بومبە بارانکرینە، دڤێ بومبەرانکرنێ دا چه‌ند گریلایێن پەکەکێ هاتینە کوشتن ب گۆره‌ی ژێدەرەکی نێزیكی وی جهی.
جهێ بومبەبارانکرنێ بتنێ سەد مەتران ژ زالگەها پێشمەرگەى ل گه‌ليێ بالندا يێ دوورە، ديسا نێزیك 200 مەتران ژ مالێن وەلاتیێن گوندێ کەمپێ یا دوورە و بەرو ئاخ و سەچمە ب سەر زالگەهێ دا دەرباز بووينە و هەروەسا بوویە ئەگەرێ ترس و لەرزەکا مەزن د دلێ وەلاتیێن دەڤەرێ دا .
خوه‌نيشاندانێن باشوورێ عيراقێ به‌رفره‌هتر بوون
ئه‌ڤرۆنيوز:
پشتى خوه‌نيشاندانێن چه‌ند رۆژێن بۆرى يێن باژێرێ به‌سرا ل دۆر داخوازا خزمه‌تگوزاريان وده‌ليڤێن كارى، ئه‌ڤرۆ ئه‌ينيێ 13/7/2018 پێلا خوه‌نيشادانان گه‌هشته چه‌ندين پارێزگه‌هێن باشوورێ عيراقێ ژ وان ميسان وواست وزيقار.
حه‌سه‌ن ئه‌لداوود رۆژنامه‌ڤان ژ باژێرێ به‌سرا بۆ ئه‌ڤرۆنيوز گۆت” ئه‌و چه‌ندا ل به‌سرا رووداى جهێ مه‌ترسيێ يه وترسه‌ك يا هه‌ى كو به‌رفره‌هتر ببيت كو ده‌ستپێكا روودانان، هنده‌ك گه‌نجێن قه‌زا مده‌ينه داخوازا ده‌ليڤێن كارى دكر ل كۆمپانيێن په‌ترۆلى ل به‌سرا”.
گۆت ژى” بارى ئابوورى يێ وه‌لاتيێن به‌سرا ژ سالا 2014 ووێڤه يێ به‌ر ب خرابيێ ڤه چووى، ب تايبه‌تى پشتى هاتنا داعشێ وپه‌يدابوونا قه‌يرانا دارايى ل عيراقێ كو چه‌ندين كۆمپانيێن په‌ترۆلێ خوه ژ عيراقێ وب تايبه‌تى ژ به‌سرا ڤه‌كێشا، ديسا چه‌ندين پرۆژه ژى هاتن راوه‌ستاندن كو هژماره‌كا مه‌زن يا گه‌نجان دوان پرۆژان دا كاردكر”.
دياركر ژى” په‌يدابوونا گرفتێن ئاڤێ وكاره‌بێ ژى كارتێكرنا خوه هه‌بوو كو خوه‌نيشاندان به‌رفره‌هتر ببن، ب تايبه‌تى پشتى رێژا خوێ دئاڤا شه‌تولعه‌ره‌ب دا زێده‌بووى”.
ژلايێ خوه‌ڤه رۆژنامه‌ڤان حه‌يده‌ر جيزانى ژپارێزگه‌ها ميسان بۆ ئه‌ڤرۆ ئاشكراكر كو ژ ئه‌گه‌رێ خوه‌نيشاندانێن ئه‌ڤ شه‌ڤه يێن ميسان دو وه‌لاتيێن خوه‌نيشانده‌ر هاتن كوستن ودو ژى برينداربوون”.
ژلايێ خوه‌ڤه ژێده‌ره‌كێ رۆژنامه‌ڤانى دياركر كو خوه‌نيشانده‌ر ل باژێرێ نه‌جه‌ف ئه‌ڤ شه‌ڤه چوونه دفرۆكخانا نه‌جه‌ف دا وپاشى هێزه‌كا پۆليس وله‌شكرى هات وفرۆكخانه كونترۆلكر.
ئاماژه دا” رێڤه‌به‌ريا پۆليسێن نه‌جه‌ف بريارا قه‌ده‌غه‌كرنا هاتنوچوونێ ل پارێزگه‌ها نه‌جه‌ف ده‌ركر.
خوياكر ژى” خوه‌نيشانده‌ران باره‌گايێ ره‌وتێ حيكمه ب سه‌رۆكاتيا عه‌مار حه‌كيم ل باژێرێ نه‌جه‌ف سوت”.
ئاماژه دا كو ل خوه‌نيشادانێن پارێزگه‌ها زيقار 41 كه‌س برينداربوون كو 35 كه‌س ژ هێزێن ئه‌منى بوون و 6 كه‌س ژى ژ خوه‌نيشانده‌ران.
ل دهۆكێ پرۆسا هژمارتنا ب ده‌ست يا ده‌نگان دێ ده‌ستپێكه‌ت
ئه‌ڤرۆنيوز:
شاندێ كۆمسيۆنا بلند يا هه‌لبژارتنان ل عيراقێ گه‌هشته پارێزگه‌ها دهۆكێ وبرياره پرۆسا هژمارتنا ده‌نگێن هه‌لبژارتنێن په‌رله‌مانێ عيراقێ ل دهۆكێ ده‌ست پێ بكه‌ت.
ژێده‌ره‌كى ژ كۆمسيۆنا بلند يا هه‌لبژارتنان ل عيراقێ بۆ ئه‌ڤرۆنيوز گۆت” سوباهى شاندێ كۆمسيۆنێ دێ سه‌ره‌دانا بنگه‌هێ هاتيه ته‌رخانگرن بۆ پرۆسا هژمارتنا ب ده‌ست يا ده‌نگان ده‌ت كو دكه‌ڤيته كوليژا چاندنێ ل زانكۆيا دهۆكێ”.
دياركر ژى” دبيت شاندێ بلند يێ كۆمسيۆنێ بريارێ بده‌ت سوباهى ده‌ست ب پرۆسێ بهێته كرن ودبيت ژى پاش بێخيت بۆ رۆژا ئێكشه‌مبى، لێ بريارا دووماهيێ دده‌ستێ وى شاندى دايه”.
دياركر ژى” هه‌موو سندووق ناهێنه هژمارتن، به‌لكو تنێ ئه‌و سندووق دێ هێنه هژمارتن يێن تانه ل سه‌ر هاتينه دان ژلايێ قه‌وارێن سياسى ڤه”.
يانا زاخۆ ژ رێزا دووماهيێ هاته رێزا 19
ئه‌ڤرۆنيوز:
دچارچۆڤێ گه‌را 37 وبه‌رى دووماهيێ ژ خۆلا عيراقى يا ته‌پا پێ بۆ يانێن پلا ناياب، ئه‌ڤرۆ ئه‌ينيێ يانا زاخۆ ل يارێگه‌ها خوه يانا ئه‌لبه‌حرى مێهڤانكر وشيا سه‌ركه‌فتنێ ب ئه‌نجامێ 3-2 ب ده‌ستڤه‌بينيت.
ب ڤى ئه‌نجامێ يانا زاخۆ خالێن خوه گه‌هاندنه 24 خالان وژ رێزا 20 ودووماهيێ هاته رێزا 19 درێزبه‌ندا خۆلێ دا وبه‌رى دووماهيێ وخالێن يانا ئه‌لبه‌حرى هه‌ر مانه 35 خال ول رێزا 16 دهێت.
يانا زاخۆ تنێ ياريه‌ك يا ماى ئه‌وژى دێ ل گه‌ل يانا ديوانيه ل ده‌رڤه‌ى ياريگه‌ها خوه ئه‌نجام ده‌ت.
هه‌ر ئه‌ڤرۆ يانا زه‌ورا ب ده‌ستڤه‌ئينانا قاره‌مانيا خۆلا عيراقێ يا پلا ناياب مسوگه‌ر گر پشتى دوراندنا هه‌ڤركا وێ يانا جه‌ويه ل گه‌ل يانا شورته ب ئه‌نجامێ 0-1.
دو فرنسی و کورواتیەک به‌ربژارن بۆ وەرگرتنا خه‌لاتێ باشترین یاریکەرێ مۆندیالێ
ئەڤرۆ نیوز ، زنار تۆڤی:
رۆژناما ماركا یا ئسپانی ناڤێن به‌ربژارێن خه‌لاتێ باشترین یاریكه‌رێ مۆندیالا 2018 ل رووسیا ئاشكرا كرن و دیاركر كۆ هه‌ر ئێك ژ كاپتنێ هه‌لبژارتیێ كرواتیا لۆكا مۆدرێچ و هه‌ردو یاریکەرێن هه‌لبژارتیێ فرنسا كلیان ئێمباپی و ئه‌نتوان گریزمان دێ ڤی خه‌لاتی ئێكلاكه‌ن.
بەری نوکە فیفایێ راگه‌هاندیه كۆ ئێكسه‌ر پشتی ب دووماهی هاتنا یاریا دووماهیێ یا مۆندیالێ دێ ناڤێ باشترین یاریكه‌رێ كۆپا جیهانێ هێته راگه‌هاندن و هه‌رچه‌نده ناڤێن به‌ربژاران ئاشكه‌را نه‌كرینه لێ رۆژناما ئسپانی دیاركریه كۆ لۆکا مۆدرێچ یێ کورواتی بهێزترین به‌ربژاره ڤی خه‌لاتی بده‌ستڤه‌ببه‌ت، ئەو ژی پشتی د سێ یاریێن مۆندیالێ دا بوویه باشترین یاریكه‌ر.
هه‌روه‌سا ئه‌نتوان گریزمان و كلیان ئێمباپی ژی رۆله‌كێ به‌رچاڤ د سه‌ركه‌ڤتنا فرنسا دا هەبوویە و ئەو هەلبژارتیە گەهاندیە یاریا دووماهیا موندیالێ.
پرۆسا ب دەست هژمارتنا دەنگان ل هەلێرێ ب دووماهی هات
ئەڤرۆ نیوز ، زنار تۆڤی:
پشتی کو سکالا ل سەر 215 سندۆقێن دەنگدانێ ل هەولێرێ هاتینە تۆمارکرن، ئه‌ڤرۆ ئەینیێ 13.7.2018 پرۆسا ب ده‌ست هژمارتنا ده‌نگان ل هه‌ولێرێ ب دووماهی هات و ئەو 215 سندۆقە ب دەست هاتنە هژمارتن.
د هەمان دەمدا ئەندامەکێ جڤاتا دادوەری ژی دیارکر: کو پرۆسا ب دەست هژمارتنا دەنگان ل هەولێرێ چو ئاستەنگی نەبوون و چو گوهۆرین د ئەنجامێن دەنگدانێ دا نەهاتنە کرن.
بۆ هەڤژینان: ئەگەرێن گیرۆبوونا زکپریێ
ئەڤرۆ نیوز:
گیرۆبوونا زکپریێ دبیتە ئەگەرێ دلنەرحەتیێ بۆ گەلەک ژ وان خانمێن خەونان ب دایکینیێ ڤە دبینن، ب تایبەتی دەمێ خزم و هەڤالێن وان بەردەوام ژێ دپرسن، ئەڤە ژی دیارترین ئەگەرێن گیرۆبوونا زکپریێ نە.
. د خانماندا:
.تەمەن: ل دەستپێکێ خانمان دوو ملیۆن هێک هەنە و هەتا تەمەنێ پێگەهشتنێ هژمارا هێکان دبیتە 400 هزار ، ئانکو هژمارا وان هێکێن ئەگەرێ حەلبوونێ هەیە کێم دبن، ب ئەگەرێ خوین دیتنا هەیڤانە ژ دەست ددەت.
.ئەگەرێن دەروونی: ئەگەرێن دەروونی راستەوخۆ کار دکەنە سەر شیانێن زکپریا خانمان ب تایبەتی هەکە روودانەکا نەخۆش ب سەری بهێت یان خەلک بەردەوام دەربارەی زکپریێ و هەبوونا زارۆیان ژێ بپرسن و گڤاشتنێ بێخنە سەر.
.قەلەوی: دبیتە ئەگەرێ کۆمبونا چەوریان د لەشیدا و دروستبوونا کیسان سەر هێلکدانێ کو ئەگەرێ سەرەکیە ژبۆ گیرۆبوونا زکپریێ.
.لاوازی: جۆداهیەک هەیە دناڤبەرا رەشاقەتێ و لاوازیێ، چونکی لاوازی دبیتە ئەگەرێ تێکچوونا سیستەمێ خوارنێ و کاردکەتە سەر شیانێن زکپریێ.
.تێکچوونا هۆرمۆناتان: بلندبوونا ئاستێ هۆرمۆناتان ل رادێ ئاسایی یێ خوە د بیتە ئەگەرێ سەرنەکەفتنا زکپریێ، هەروەسا وەرگرتنا چارەسەریێن کیمیایی ب ئەگەرێ توشبوونێ ب پەنجەشێرێ هۆرمۆنێن شیر زێدە دکەت و د ئەنجامدا ئەگەرێ زکپریێ کێم دبیت.
.مادێ پارێزەر: ڤەکۆلینان سەلماندیە کو ئەو مادێن پارێزەر یێن دکەنە ناڤ خوارنا قودیکان دا دبیتە ئەگەرێ نەزۆکیێ.
. ل دەف زەلامان :
.نەبوونا سپێرمان.
.زۆرجار شەکر کاردکەتە سەر شیانێن زەلامان.
.جگارەکێشان و مادێن هۆشبەر کاردکەتە سەر شیانێن چێبوونا زارۆیان.
نيشاندان
WP Facebook Auto Publish Powered By : XYZScripts.com