ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى تيرمه‌ها 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1205 |
| 1 يۆرۆيێ ئه‌ورۆپى | 1400 |
| 1 ليرێ توركى | 260 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ل كومه‌لگه‌ها ده‌روازه‌ی نێڤده‌وله‌تی يێ ئیبراهیم خه‌لیل د ماوێ (6) هه‌یڤێن بوری دا پتر ژ (18) هزار ته‌نان هاتینه زڤراندن و (651) ته‌ن هاتینه ژناڤبرن ژ كه‌رستێن جوراوجور
راگه‌هاندنا كومه‌لگه‌ها ده‌رگه‌هێ نێڤده‌وله‌تی يێ ئیبراهیم خه‌لیل د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه دا راگه‌هاند كو ل دووڤ راپورتێن تاقیگه‌هێن كومه‌لگه‌ها ئیبراهیم خه‌لیل هه‌ر ژ رێكه‌ڤتی 1-1-2018 هه‌تا 1-7-2018 د ڤان (6) هه‌یڤێن بوری دا 18 هزرا ته‌ن و 908 كیلۆ هاتینه زڤراندن و 651 ته‌ن و 53 كیلۆ هاتینه ژناڤبرن ژ كه‌ره‌ستێن جوراوجور یێن خوارنێ و ڤه‌خوارنێ و پاقژكه‌ر و بیناسازی… هتد، پشتی دیار بووی ژ ئه‌نجامێن پشكنینێ نه ل دووڤ رێنماێن تاقیگه‌هێن كومه‌لگه‌هێ بوون.
ئه‌ڤرۆ نيوز، نيوار محه‌مه‌د سه‌ليم:
باسترمه ئێك ژ وان خارنێن گه‌له‌ك به‌رچاڤه كو خه‌لكه‌كێ زێده ل عيراقێ و ل پارێزگه‌ها دهۆكێ ژى بۆ خوارنێ ب كار دئينيت چو ل گه‌ل هێكا بيت بۆ تێشتێ يان ژى ب هه‌ر ره‌نگه‌كێ دى بيت.
رێبه‌ر قه‌ساب، ل پشكا گۆشتى ل فه‌وزى مۆل، به‌حس چاوانيا چێكرنا باسترمێ نيشان دده‌ت كو ب ره‌نگه‌كێ گه‌له‌ك ب ساناهى دهێته چێكرن.
پێدڤياتى:
– نه‌رمێ گۆشتى
– سير
– خوێ
– بهاراتێن باسترمێ
چاوانيا چێكرنێ:
ل ده‌سپێكێ دێ گۆشتێ خوه كه‌يه قيمه و پاشان سيرێ ژێ هێرى و ل دووڤ پێدڤياتيێ ڤان كه‌رستان كه‌يه د ناڤ ئێك دا و تێكڤه ده‌يى و پاشان ژى كه‌يه د كيسه‌كێ هه‌وا ژێ ده‌رنه‌كه‌ڤيت دا، هنده‌ك ژى رووڤيكێن په‌زى يان گۆلكى ب كار دئينن ل دووڤ حه‌زا وان دمينيت و پاشان ژى دێ بۆ ماوه‌كى كه‌يه د به‌فرگرێ دا و پاشان ژى دێ به‌رهه‌ڤ بيت بۆ خوارنێ.
ئەڤرۆ نیوز نەوزاد ھلۆری:
ھژمارەکا زور یا جھێن گەشتوگۆزاریێن تورماکری و نە تومارکری ل دەڤەرا ئاکرێ ب گشتی ھەنە ، ژبەر ھەبوونا پەکەکێ ھەتا نھا بەشەک ژ وان جھێن گەشتوگۆزاری و ھاڤینگەھان چوو خزمەتگوزاری نەگەھشتینێ.
بێوار حسێن ئێکە ژ وەلاتیێن دەڤەرا نەھلێ دیارکر کو ھژمارەکا جھێن گەشتوگۆزاریێن دەڤەرا نەھلێ و زێبارێ ل سنوورێ قەزا ئاکرێ ھەنە ھەتا نھا چوو خزمەتگوزاری نینن و بۆ ئەڤرۆ نیوز گۆت: (بەر بلندبوونا پلێن گەرمێ و خراب بوونا کارەبا نیشتمانی ، ھژمارەکا زور یا گەشتیارێن ھەرێما کوردستان و ناڤەراستا عیراقێ سەرەدانا دەڤەرا زێبارێ و دولا نەھلێ و جھێن گەشتوگۆزاریێن وێ دکەن و دەمێن خوە دبورینن بەلێ نەبوونا خزمەتگوزاریێن مینا رێک و تورا کارەبێ و ھێلێن پەیوەندیان و تیمێن باژێرڤانیی بو پاقژکرنا وان جھان ئەو جھە وەکو خوە بمینن و پێش نەکەڤن و خودانێن وان جھان نەکارن مفای ژێوەربگرن وەکو ژێدەرەک بو دەستڤەئینانا داھاتی).
زێدەتر گۆت: (دبیت ئەگەرا سەرەکی وێ یەکێ کو حوکمەت و لایەنێن پەیوەندیدار نەکارن خزمەتگوزاریان بو وان جھێن گوزاری درۆست بکەن ئەو بیت کو نێزیکێ 40% ژ وان جھێن گەشتوگۆزاری دکەڤنە نێزیکێ بارەگایێن چەکدارێن پەکەکێ و فروکە بەردەوام ل وان دەڤەرا دزڤرن و جار جار ژی بوردومان دکەن، بەلێ دیسان ئەڤ یەک نابیتە بھانە و لایەنێن شولەژێ دڤێت کار لسەر وێ یەکێ بکەن کو بوردومان بھێتە راگرتن و خەلک مفای ژ جھێن خوە یێن گوزاری وەربگرن).
ھەیسەم موسلح وەلاتیەکێ دن یێ دەڤەرێ یە ددەت دیارکرن کو گەلەک ژ ھاڤینگەھێن دەڤەرێ مینا کەشکاڤا، دوپترێ، گویسکێ، گەلیێ سیلێ، سەروکانی و خالانە ھەتا نھا چوو خزمەتگوزاری نینن و بۆ ئەڤرۆ نیوز گۆت: (ئەگەر حوکمەت و لایەنێن شولەژێ کار لسەر دابینکرنا خزمەتگوزاریان بو وان ھاڤینگەھان بکە ندێ ھزار کەس بنە خودان کار ب تایبەتی تەخا گەنجان و داھاتەکێ بو خوە و خێزانێن خوە دابین کەن).
لسەر تەوەری ئەڤرۆ نیوز پەیوەندی ب رێڤەبەریا گەشتوگۆزارا ئاکرێ کر بەلێ بەرھەڤنەبوون چوو داخویانیان لسەر بابەتی بدەن، ب گورەی زانیاریێن ئەڤرۆ نیوز 40 جھێن گەشتوگۆزاری ل سنوورێ قەزا ئاکرێ ھەنە کو ژ وانان 17 تومارکرینە و بەشەک ژ خزمەتگوزاریان بو ھاتینە دابینکرن بەلێ ئەڤێن دن چوو خزمەتگوزاری بو نەھاتینە کرن.
ئه‌ڤرۆ نيوز:
زانكۆيا نه‌وروز يا تايبه‌ت ل دهۆكێ د رۆنكرنه‌كێ دا دياكريه كو زانكۆيا وان هه‌موو مه‌رجێن زانستى د زانكۆيێ دا هه‌نه و يا باوه‌رپێكرى يه ژ ئاليێ وه‌زاره‌تا خواندنا بلند ڤه، و ئه‌و ده‌نگوباسه ره‌ت كرينه كو باوه‌رنامێن وان نه دباوه‌رپێكرى بن كو چه‌ند زانكۆيێن توركى قوتابيێن وان نه وه‌رگرتبن و دياركريه كو بۆ ڤى بابه‌تى ئه‌و ل گه‌ل وه‌زاره‌تا خواندنا بلند ئاخفتى نه بۆ ئێكلاكرنا ڤى بابه‌تى.
ئه‌ڤرۆ نيوز:
ئه‌ڤرو سپێدێ فه‌رهاد ئه‌مین ئه‌ترووشی پارێزگه‌رێ دهۆكێ، سه‌را زانینگه‌ها ئه‌مریكی ل قه‌زا سێمێلێ سه‌ر ب پارێزگه‌ها دهۆكێ دا، ژلایێ به‌رێز(جون مێزس) سه‌رۆكێ نوو یێ زانینگه‌ها ناڤبری و مامۆستایێن زانینگه‌هێ پێشوازی لێ هاته كرن.
د هه‌ڤدیتنه‌كێ دا پارێزگه‌رێ دهۆكێ پیرۆزباهیا سه‌رۆكێ نوو یێ زانینگه‌ها ئه‌مریكی كر و سه‌ركه‌فتن بۆ خواست و هیڤی خاستن كو زانینگه‌ها ئه‌مریكی ببیته فاكته‌ره‌كێ ب هێز بۆ پێشئێخستنا ئاستێ زانین و زانستێ ل ده‌ڤه‌رێ هه‌روه‌سا خواست كو سه‌رۆكێ نوو یێ زانینگه‌ها ئه‌مریكی بشێت شاره‌زایا خۆ د وارێ زانستی دا بێخیته د خزمه‌تا قوتابی و خه‌لكێ ده‌ڤه‌رێ دا و مفا ژ سه‌ربورێن وی یێن زانستی بهێته وه‌رگرتن.
د ته‌وه‌ره‌كێ دن دا به‌حسێ ره‌وشا زانینگه‌ها ئه‌مریكی ل ده‌ڤه‌رێ و به‌رهه‌ڤیێن وان بۆ وه‌رگرتنا قوتابییان و ڤه‌كرنا هه‌ردو كۆلیژێن نوژداری و په‌رستیاری ل ناڤا زانینگه‌هێ بۆ سالا نوو یاخاندنێ هاته كرن.
ئه‌ڤرۆ نيوز:
ل پێنج پارێزگه‌هێن توركيا، ئوپه‌راسيون ب مه‌ره‌ما گرتنا 235 كه‌سێن ب تومه‌تا ئه‌ندام ل رێكخراوا عه‌دنان ئوكتار هاتنه ئه‌نجامدان و ئه‌ڤرۆ عه‌دنان ئوكتار هاته گرتن.
رێكخراوا عه‌دنان ئوكتار ژ ئاليێ دادگه‌هێن توركيا ڤه هاته گونه‌هباركرن ب ئه‌نجامدانا چه‌ندين تاوانان وه‌كو ده‌ستدرێژيا سێكسى بۆ سه‌ر سنێلان و ره‌ڤاندنا زارۆيان، پێشێلكرنا ياسايا به‌رهنگاربوونا تيرورێ و سستكرنا خه‌لكى ب په‌يوه‌نديكرن ب خزمه‌تا سه‌ربازى ڤه.
ب، سەرجان مەحمود:
پشتی کو ئەردۆگان حوکمەتا خوە راگەھاند د ناڤا دو دەمژمێران دا پارێ تورکیا ب رێژەکا مەزن بھایێ خوە ژ دەست دا و ھژمارەکا زێدە کۆمپانیێن ئورۆپا ژی بریارا خوە ڤەکێشاندنا ژ تورکیا دان و راگەھاندنا جیھانی و بسپۆرێن ئابووریێ ژی وەسا دبینن کو ئێدی تورکیا بوویە دەولەتا مالباتی و پارتەکا سیاسی.
رۆژناما نەو ئۆسنابروکیر زیدونگ یا ئەلمانیا د مالپەرا خوە یا ئنترنێتێ دا شرۆڤەیەک بەلاڤ کر و راگەھاند کو سەرۆک کۆمارێ تورکیا حوکمەتا نوو یا ب سەرۆکاتیا خوە راگەھاند کو ئەڤە ژی ئێدی ئاشکرایە تورکیا بوویە دەولەتا تاکەکەسی یا ئەردۆگانی و مالباتا وی و مخابن ئێدی کەس نەشێت ل تورکیا بەحسێ دیمۆکراسیێ و مافێن مرۆڤی بکەت و د سیاسەتا دەرڤە و ناڤخوە دا ژی دەرکەڤت ھۆلێ کو سیاسەتا ئەردۆگانی دوبارە یا ئالۆزیێ یە.
رۆژناما فاز یا ئەلمانیا ژی د مالپەرا خوە یا ئنترنێتێ دا بابەتەک ل سەر حوکمەتا سەرۆک کۆمار ئەردۆگانی وەشاند و راگەھاند کو ل تورکیا ئێدی یەک بریاردەر ھەیە و سیاسەت، ئابووری، قانوون و پاشەرۆژا ھەر تاکەکەسەکی و ھەموو تورکیا د دەستێ ئەردۆگانی دایە و پاشەرۆژەکا نەدیار ل پێشیا تورکیایە.
رۆژناما شپیگل ژی ناڤێ وەزیرێن حوکمەتا ئەردۆگانی بەلاڤ کر و بابەتەک تایبەت ل سەر رەوشا سیاسەتا دەرڤە یا تورکیا وەشاند و د بابەتێ دا دیار دکەت کو رەنگە دەستھەلاتا تاکەکەسی یا ئەردۆگانی تورکیا بەر ب ئەلمانیا یا سەردەمێ ھیتلەری ڤە ببەت و د سیستەمێ نوو دا ھەموو کارمەند و دبلۆماتکارێن تورکیا دێ ل دووڤ پەیڤ و داخوازێن ئەردۆگانی کار بکەن و بێگۆمان دێ ئالۆزیێن نوو د سیاسەتا دەرڤە یا تورکیا دا دەرکەڤیتە ھۆلێ و چو کەس ل ئورۆپا ل سەر رەوشا تورکیا ئانکۆ پاشەرۆژا تورکیا گەشبین نینە.
مالپەرێ ئابووری یێ رۆژناما رینپلاز ژی راگەھاند کو ٧٠% ژ سەرمایەدارێن بیانی یێن کو ل تورکیا کار دکەن ژ ئێکەتیا ئوروپا نە و کارێن بازرگانیێ ژی ھەری زێدە د ناڤبەرا ئێکەتیا ئورۆپا و تورکیا دا دھێتەکرن و پشتی راگەھاندنا حوکمەتێ و ناڤێن وەزیرێن سیستەمێ نوو یێ ئەردۆگانی، سەرمایەدارێن ئورۆپی دو دلن و باوەریا بازرگان و سەرمایەدارێن ئورۆپا و جیھانێ ب کابینا نوو یا ئەردۆگانی ناھێت و نە دوورە ھژمارەکا زێدە ژ بازرگان و سەرمایەدارێن بیانی ژ بازارێن تورکیا ڤەکێشن و ئەو یەک دێ باندۆرەکا گەلەک خراب ل ئابووریا تورکیا کەت.
ھەر د ڤێ مژارێ دا رۆژناما واشنتۆن پۆست و نیویورک تایمزێ ژی بابەتێن جودا جودا ل سەر سیستەمێ نوو یێ تورکیا و پاشەرۆژا کابینا سەرۆک کۆمار ئەردۆگانی وەشاندن و ھەر دو رۆژنامان ژی د بابەتێن خوە دا دیارکرن کو تورکیا کەڤتیە رێیەکا تاری و نەدیار و دەولەمەند و کارساز و سەرمایەدار ژ رەوشێن تاری و نەدیار دترسن و پێشبینیا ڤێ یەکێ ژی کرن کو پارێ تورکیا د دەمەکی کورت دا نرخەکی مەزن ژ دەست بدەت و د ناڤا دو دەمژمێران دا پارە تورکیا ل ھەمبەر یورۆ و دۆلار ب نێزیکی 3% بھایێ خوە ژ دەست دا و ئەو یەک ژی نیشا ددەت کو تورکیا بەر ب قەیرانەکا مەزن یا ئابووری ڤە دچیت.
نيشاندان
