ئه‌ڤرۆ نيوز:
وه‌زاره‌تا خواندنا بلند و ڤه‌كولينێن زانستى د راگه‌هاندنه‌كێ دا، 30 سكوله‌رشيپ ل وه‌لاتێ چيك بۆده‌رچوويێن 12 ئاماده‌يى راگه‌هاندن.
بۆ زانينا مه‌رجان ڤى لينكێ ل خوارێ ڤه‌كه
ئەڤرۆ نيوز، فاتما مزووری:
د. یوسف گۆران وەزیرێ خواندنا بلند و ڤەکۆلینێن زانستی راگەھاند کو خواندنا بلندا عیراقێ مافێ پێدان و پێنەدانا باوەریێ ب زانکۆیێن ھەرێما کوردستانێ نینە و دا زانین ژی کو شاندەکێ وان بۆ چارەکرنا کێشان دێ سەرەدانا بەغدا کەت.
ئەڤ گۆتنێن وەزیرێ خواندنا بلند د چارچۆڤێ سەرپەرشتیکرنا کۆمبوونا حەفتیانە یا جڤاتا دیوانا وەزارەتێ دا ھاتن.
د. یوسف گۆران گۆت: “ژ بەر کو دستووری ئاماژە یا ب وێ چەندێ کری کو ئەم پشکەکا گرنگین ژ عیراقێ، ئەوان مافێ پێدان و پێنەدانا باوەریێ ب مە نینە، چونکو ئەڤ بابەتە د دەستەلاتا ھەرێما کوردستانێ و وەزارەتا خواندنا بلند و ڤەکۆلینێن زانستی ل ھەرێما کوردستانێ دایە”.
گۆتژی: “کا چاوان ڤەکرنا قوتابخانەکا نوو مافێ ھەرێما کوردستانێ یە، وەسان ژی ڤەکرنا زانکۆ و دامەزراوێن خواندنا بلند د دەستەلاتا وەزارەتا مە دانە”.
دا زانین ژی کو ئەرکێ وان ب تنێ وەرگرتنا دوسیێن زانکۆ و دامەزراوێن خواندنا بلندا ھەرێما کوردستانێ یە و گۆت: “دستووری ئاماژە یا ب وێ چەندێ کری کو پرۆسا خواندنێ ل عیراقێ دێ ب ھەڤپشکی ھێتە دانان، ژ بەر ھندێ ژی دڤێت د سەرەدانەکێ دا بۆ بەغدا بەحس ل وێ چەندێ ژی بکەین”.
ھەر د ڤێ کۆمبوونێ دا بەحس ل وێ چەندێ ژی ھاتە کرن کو گەلەک جاران وەزارەتا خواندنا بلند و ڤەکۆلینێن زانستی بێ ڤەگەریان بۆ وەزارەتا خواندنا بلند لھەرێما کوردستانێ کار ل گەل زانکۆیێن ئەھلی دکەت و ل سەر وێ چەندێ رێکەفتن کو نابیت ژ نھا و پێڤە بێ رەزامەندیا خواندنا بلند ل ھەرێما کوردستانێ ئەڤ کارە بھێتە کرن و ھەڤدژی ڤێ چەندێ دێ ب “خیانەت ل گەل وەلاتی” سەرەدەری ل گەل ھێتە کرن.
وەزیرێ خواندنا بلند بەحس ل وێ چەندێ ژی کر کو عیراقێ مافێن ھەرێما کوردستانێ ژی نەداینە ھەر وەکو گەلەک سکۆلەرشیپ بۆ عیراقێ دھێن و بەھرا ھەرێما کوردستانێ ناھنێریت و بۆ نمۆنە ژی 200 سکلۆرشیپێن ژ ئەمریکا بۆ عیراقێ ھاتینە دابینکرن.
د داخۆیانیەکێ دا بۆ رۆژناما ئەڤرۆ ھێمن ئەمین شوانی، رێڤەبەرێ راگەھاندنێ ل دیوانا وەزارەتا خواندنا بلند و ڤەکۆلینێن زانستی ل ھەرێما کوردستانێ گۆت: “ھەر د وێ کۆمبوونێ دا رێڤەبەرێن گشتی ھاتنە راسپارتن کو ب گۆرەیی پەیوەندیێن خوە دوسیێن تایبەت ب ئاریشان ئامادە بکەن و پشتی تەمامبوونا ئەوان دوسیان د دەمەکێ گەلەک نێزیک دا، سەرەدانا بەغدا بکەن ب مەرەما چارەکرنا ئەو کێشێن ھەین”.
ئه‌ڤرۆنيوز:
برياره هه‌لبژارتيێ عيراقێ يێ ته‌پا پێ ل ده‌ستپێكا هه‌يڤا بهێت بۆ جارا ئێكێ دديرۆكا خوه دا ياريه‌كا هه‌ڤالينى ل باژێرێ قودسێ ئه‌نجام بده‌ت.
رۆژنامه‌ڤانه‌كێ وه‌رزشى ل به‌غدا بۆ ئه‌ڤرۆ نيوز گۆت” هه‌لبژارتيێ عيراقێ يێ ته‌پا پێ ل رۆژا 5/8/2018 دێ ياريه‌كا هه‌ڤالينى ل گه‌ل هه‌لبژارتيێ فلستينێ ئه‌نجامده‌ت وه‌كو خوه به‌رهه‌ڤكرنه‌ك بۆ قاره‌مانيا كێشوه‌رێ ئاسيا كو برياره ل هه‌يڤا كانوونا دويێ 2019 ل وه‌لاتێ ئێماراتێ بهێته رێكخستن”.
دياركر ژى” دێ بيته ئێكه‌مين جار دديرۆكا خوه دا هه‌لبژارتيێ عيراقێ ل باژێرێ قودسێ ياريێ بكه‌ت”.
دهێته زانين هه‌ر شانده‌كێ به‌ر ب فلستينێ ڤه بچيت، پێدڤيه ل سه‌ر سنورێ ئوردنێ ده‌ستويريه‌كێ ب ناڤێ (ده‌ستويريا هاتنا ژۆر) ژلايێ ده‌ستهه‌لاتا ئيسرائيلێ ڤه پێ بهێته دان.
ئەڤرۆنيوز،باسم قاسم شنگالی
ئەڤرۆ سێ شەمبی 10/7/2018 ل ناحیا گرعزێر ل باشوری قەزا شنگالێ خانیەك ب گەنجەکی ڤە پەقی و کوشت.
ژیدەرەکی بۆ ئەڤرۆنيوز گۆت” ئەڤرۆ وی گەنجی قەستا ناحیا گرعزێر کربوو كو ل بن دەستهلاتا حەشدا شەعبی دايه ل باشوری قەزا شنگالێ ب مەرەما سەردانەکێ بۆ مالا خوە پشتی ژناڤچوونا تیرۆرستێن داعشێ”.
دياركر ” ده‌مێ چوويه دخانيێ خوه ڤه، پیڤە پەقی ب ئەگەرێ وان پاشمایێن داعشێ ل دیڤ خوە هێلاین ل دەڤەرێ”.
ئاماژەک” ئەڤ گەنج كو ناڤێ وێ عه‌لى موراد ره‌ڤۆ بوو ژيێ وى 27 سال بوون”.
خوياكر” ل گه‌ل داگیركرنا شنگالێ ژ ئالیێ تیرۆرستێن داعشێ ڤه، پتریا مال و سازی و جهێن گشتی یێن وێ ده‌ڤه‌رێ، هاتبوونه مین رێژكرن و هه‌رچه‌نده پرۆسه‌یا لێگه‌ریان و پاقژكرنا وان ده‌ڤه‌ران ده‌ستپێ كربوو، لێ هێشتا جهێن مین رێژكری ماینه و ب ته‌مامی نه‌هاتینه پاقژكرن”.
ئه‌ڤرۆنيوز:
سيناتۆره‌كێ ئه‌مريكى دكۆنگره‌كێ رۆژنامه‌ڤانى دا ل باليۆزخانا ئه‌مريكى ل به‌غدا راگه‌هاند، تنێ ئابووره‌كێ باش وسيسته‌مه‌كێ په‌روه‌رده‌يى يێ ب هێز دێ داعشێ شكێنيت.سيناتۆر ليندسى گراهام، ل دووڤ مالپه‌رێ (البوابه) دكۆنگره‌كێ رۆژنامه‌ڤانى دا گۆت” شكاندن وژناڤبرنا گرۆپا داعش يا تيرۆرستى ل عيراقێ وسووريێ بێ سه‌ربازێن ئه‌مريكى دێ با ب زه‌حمه‌ت بيت”.
ناڤبرى ئاماژه دا حه‌شدا شه‌عبى ژى وگۆت” دبيت ل داهاتى گرفتا سه‌ره‌كى ئه‌وا روو ب روويێ حوكمه‌تا عيراقێ ببيت ئه‌وه كا چاوان ره‌فتارێ بكه‌ت ل گه‌ل وان گه‌له‌ك گرۆپێن چه‌كدار ل ناڤ عيراقێ تاكو بشێت هه‌موو وان چه‌كداران بێخيته دناڤ له‌شكرێ عيراقێ دا”.
ئەڤرۆ نیوز ، زنار تۆڤی:
کۆمسیۆنا بلند یا سەربەخۆیا هەلبژاردن و راپرسیێ ل هەرێما کوردستانێ داخوازیەکێ ئاراستەی وەلاتیێن دکەت.
ئەڤرۆ سێشەمبی 10/7/2018 دێ ل سەرجەم باژێر و باژێرکێن کوردستانێ دێ تۆمارا دەنگدەران هێتە ڤەکرن.
بەرپرسێن کۆمسیۆنێ داخوازێ ژ وەلاتیێن هەرێما کوردستانێ دکەت کو سەرەدانا بنگەهێن تۆمارکرنا دەنگدەران بکەن و دلنیابن ژ هاتنا ناڤێن خوە.
وەسا بریارە ل 30 ئیلۆنا 2018 هەلبژاردنێن پەرلەمانێ کوردستانێ بهێنە ئەنجامدان و کومسیۆنێ ژی تۆمارێن نوو ئامادەکرینە.
ئەڤرۆ نیوز ، زنار تۆڤی:
وەزارەتا ئەوقاف و كاروبارێن ئاینی ئاشكرا كر، کو ل رۆژا 23 تەمۆزێ دێ ئێكەم گەشتا حەجیان ژ هەرێما کوردستانێ بۆ سعوودیە دەست پێ کەت و هژمارا حەجیێن هەرێمێ بۆ ئەڤ سالە 5 هەزار و 439 كەسن و حەجا بازرگانی ژی هەیە.
نەبەز ئیسماعیل پەیڤدارێ وەزارەتا ئەوقاف و كاروبارێن ئاینی ل حوکمەتا هەرێما كوردستانێ راگەیاند، بۆ ئەڤ سالە هژمارا حەجیێن هەرێما کوردستانێ 5 هەزار و 439 كەسن و گۆژمێ پارێ داخواز كری ژ لایێ بەغداڤە هاتیە دیاركرن کوو 4 هزار و 100 دۆلارن.
هەروەسا گوتیە، گەشت دێ ل فرۆكخانێن هەولێر و سلێمانیێ بۆ سعوودیە بن دێ ل رۆژا 23 تەمۆزێ ئێكەمین گەشت هێنە ئەنجام دان.
نەبەزی گوتیە ژی، هەرێما كوردستانێ هەمان وان رێکاران جێبەجێ دکەت یێن کو ژ لایێ بەغداڤە دهێنە دەرکرن و تایبەتی ئەوێن بجهگەهاندنا فەریزا حەجێ بۆ سالا 2018، هەروەسا هژمارا حەجیێن بازرگانی ژی ل گەلە.
نيشاندان