ئەڤرۆ نیوز ، زنار تۆڤی:

سەرۆک وەزیرێن ھەرێما کوردستانێ ئەڤرۆ ب سەرەدانەکێ گەھشتە وەلاتێ ھۆلەندا و دێ ل گەل سەرۆکوەزیرێن وی وەلاتی دا کۆم بیت.

پشتی دوھی د رێورەسێمن سووند خوارنا رەجەب تەیب ئەردۆغانی سەرۆکێ تورکیا دا پشکداری کری، ئەڤرۆ سێشەمبی نێچیرڤان بارزانی ب سەرەدانەکێ چوو وەلاتێ ھۆلەندا و ھەر ئەڤرۆ دێ ل گەل سەرۆک وەزیرێن وی ولاتی دا کۆم بیت و دێ چەندین پرسێن گرنگ گۆتوبیژ کەت.

مالپەرێ فەرمیێ یێ حوکمەتا ھۆلەندا د بەیانەکێ دا ئاشکرا کریە، کو سەرۆک وزیرێن وی وەلاتی دێ ل گەل نێچیرڤان بارزانی چەند پرسان گۆتوبێژ کەت، ژ وانا شەرێ دژی داعشێ، پرسا کۆچبەران و ئارامی و ئاسایشا کوردستانێ.

ھۆلەندا ئێک ژ وان وەلاتان بوو یێن د شەرێ دژی داعشێ دا ھاریکاریا ھەرێما کوردستانێ کری و پشتەڤانی ل پێشمەرگەی کری، د گەرما شەرێ دژی داعشێ ژی دا سەرۆک وەزیرێن ھۆلەندا سەرەدانا ھەرێما کوردستانێ کر بوو و ل گەل نێچیرڤان بارزانی کۆم ببوو.

ئەڤرۆ نیوز ، زنار تۆڤی:
ره‌جه‌ب ته‌یب ئه‌ردۆغان سه‌رۆك كۆمارێ توركیا، كارنامه‌ و كابینا حوکمه‌تا نوو یا توركیا راگه‌هاند و هژمارا وه‌زاره‌تان ژ 21 وه‌زاره‌تان كره‌‌ 17 و هه‌ردو وه‌زیرێن ناڤخوه‌ و ده‌رڤه‌ وه‌ك خوه‌ هێلان.

ره‌جه‌ب ته‌یب ئه‌ردۆغان سه‌رۆك كۆمارێ توركیا به‌ری ده‌مه‌كێ كێم، د پرێس كۆنفرانسه‌كێ دا، كابینا نوو یا حوکمه‌تێ راگه‌هاند و ناڤێ هه‌ر 17 وه‌زیرێن كابینا نوو ئاشكرا كر و فوئاد ئوكتای وه‌كه‌ جێگرێ خوه‌ ده‌ستنیشان كر.

هه‌روه‌سا د پێكهاته‌یا حكومه‌تا نوو دا، بێرات ئەلبایراک، کۆ دبیتە زاڤایێ ئەردۆغانی وەکو وەزیرێ گەنجینە و دارایی هاتە دانان، هه‌ردو وه‌زیرێن ناڤخوه‌ و ده‌رڤه‌، مه‌ولود چاویشئۆغلۆ و سلێمان سۆیلۆ ل سه‌ر كارێن خوه‌ مان و خه‌لوسی ئاكار ژی كو سوپاسالار بوو، پۆستێ وه‌زیرێ به‌رگریێ وه‌رگرت.