ئەڤرۆ نيوز:
نێچیرڤان بارزانی سەرۆک وەزیرێن ھەرێما کوردستانێ ئەڤرۆ دێ پشکداری رێورەسمێن سووندخوارنا سەرۆک کۆمارێ نوو یێ تورکیا بیت.
ئەڤرۆ ئێڤاری رێورەسمێن سووندخوارنا رەجەب تەیب ئەردۆغان وەک سەرۆک کۆمارێ وی وەلاتی بۆ پێنج سالێن دی دێ ل کۆچکا سەرۆکاتیا تورکیا ل ئەنقەرە برێڤەچن. نێچیرڤان بارزانی سەرۆک وەزیرێ ھەرێما کوردستانێ ب فەرمی بۆ وان رێورەسمان ھاتیە داخوازکرن و دێ بەرھەڤی سووندخوارنا ئەردۆغانی بیت، کو ھژمارەکا سەرۆک و سەرۆک وەزیرێن وەلاتێن جیھانێ دێ پشکدار بن.
ئەڤرۆ نيوز:
بڕیاربوو ل 10-7-2018 کۆنگرێ ھەشتێ یێ ئێکەتیا لاوێن دیموکراتا کوردستانێ بھێتە ئەنجامدان، بەلێ بۆ 1-8-2018 ھاتە پاشخستن.
دلخواز سەرگەلی، بەرپرسێ ناڤەندا سەرھلدان یا چالاکی و پێگەھاندنا لاوان یا سەر ب ئێکەتیا لاوێن دیموکراتا کوردستانێ ڤە ل دھۆکێ بۆ ئەڤرۆ نیوز گۆت: “ژ بەرکو سەرۆک بارزانی دێ گەشتەکێ بۆ دەرڤەی ھەرێما کوردستانێ کەت و نەشێت ل کۆنگرەی بەرھەڤ ببیت، لەو کۆنگرە بۆ 1-8-2018 ھاتە پاشخستن و ھەتا 5-8-2018 دێ یێ بەردەوام بیت”.
زێدەتر گۆت: “ھەموو بەرھەڤی بۆ کۆنگرێ ھەشتێ یێ ئێکەتیا لاوان یێن ھاتینە ئەنجامدان کو دێ ب ناڤێ (کۆنگرێ پێشمەرگە) بیت و تێدا دێ دەستە‌یەکا نوو بۆ ئێکەتیا لاوان ھێتە ھەلبژارتن و بەرنامێ نوو یێ کاری ھێتە دیارکرن
ئه‌ڤرۆ نيوز:
نێزیکی 1200 پێشمەرگێن ژینگەھا دھۆکێ ژ بۆ بەرەڤانیێ ژ ئاخا ھەرێما کوردستانێ کارێ خوە یێ ژنگەھێ بجە ھێلابوون و چوو بوونە بەرۆکێن شەڕی و شەڕ دژی داعش دکرن، لێ نھا جارەکا دی ڤەگەڕیاینە سەر کارێ خوە یێ چاڤدێریا ژینگەھێ.
ئەندازیار محەمەد تاھر بریفکانی، رێڤەبەرێ ژینگەھا دھۆکێ بۆ ئەڤرۆ دیار کر، ئەڤە ماوێ دو سالانە سەرپێچی و زێدەگاڤی ل سەر ژینگەھێ زێدەتر لێ ھاتبوون، چونکو پتریا ئەو پێشمەرگێن چاڤدێریا ژینگەھا دھۆکێ دکرن د شەڕێ دژی رێکخراوا تیرۆرستی یا داعش دابوون، بەلێ نھا ئەو پێشمەرگە ھەموو کو نێزیکی 1200 پێشمەرگەیان بوون ڤەگەڕیاینە سەر کارێ خوە و دەست ب چاڤدێریا ژینگەھێ دکەن.
بریفکانی ئاماژە ب وێ چەندێ ژی کر، د رۆژێن ئێکێ یێن کارێ خوە دا، پێشمەرگێن چاڤدێریا ژینگەھێ دو تۆمەتبار ل ناحیا زاویتە دەستەسەرکرینە کو راببوون ب گرتنا ھژمارەکا کەوان و بۆ دادگەھێ ھاتنە رەوانەکرن.
ئەڤرۆ نیوز ، زنار تۆڤی:
بریاره ئه‌ڤرۆ دووشه‌مبی 9 ته‌مۆزا 2018 مووچێ هەیڤا نیسانێ یێ فه‌رمانبه‌رێن دو وه‌زاره‌تێن حوکمه‌تا هه‌رێما كوردستانێ بهێتە دابه‌شکرن.
لدووڤ وێ لیستا وه‌زاره‌تا دارایی و ئابوورى یا حوکمه‌تا هه‌رێما كوردستانێ بۆ دابه‌شكرنا مووچان راگه‌هاندی ئه‌ڤرۆ دێ مووچێ فه‌رمانبه‌رێن هه‌ر ئێك ژ وه‌زاره‌تێن ساخلەمیێ و وەزارەتا دارایی و ئابوورى هێنە دابه‌شکرن.
هەروەسا بریارە سوبەهی سێشه‌مبی 10 ته‌مۆزێ مووچێ فه‌رمانبه‌ر و كارمه‌ندێن جڤاتا ئاسایشا هه‌رێما كوردستانێ بهێته دابه‌شکرن.
ژ ئەگەرێ دوکێلا گازا سرۆشتی رەوشا چەندین وەلاتیان تێکچوویە
ئەڤرۆ نیوز ، زنار تۆڤی:
ژ ئەنجامێ دەرخستنا گازا سرۆشتی ل ناحیا چەمانکێ، رەوشا ساخلەمیا چەندین کەسان ل گوندێ گری یێ سەر ب وێ ناحیێ ڤە تێکچوویە و بۆ نەخۆشخانا تەنگاڤیان ل دهۆکێ هاتینە رەوانەکرن.
چەند وەلاتیێن گوندێ گری ل ناحیا چەمانکێ یا سەر ب قەزایا ئامادیێ ڤە، ژ ئەنجامێ دەرئینانا گازا سرۆشتی ژ ئالیێ کۆمپانیەکا دەرخستنا گازا سرووشتی ڤە ل وێ دەڤەرێ تۆشتی بهێن کورتیێ نەخۆشیان بووینە و ژ بەر تێکچوونا رەوشا ساخلەمیا وان، ئەو وەلاتی ژبۆ نەخۆشخانا تەنگاڤیان ل دهۆکێ هاتینە رەوانەکرن.
سوبەهی دێ پیرێز چوونا کریستیانۆی بۆ یۆڤێنتۆس راگەهینیت
ئەڤرۆ نیوز ، زنار تۆڤی:
رۆژنامه‌کا به‌ربەلاڤ ل ئیتالیا دیارکریە، کو فلۆرێنتینۆ پیرێز سه‌رۆكێ ریال مه‌درید ب وی بوهای رازیبوویه یێ کو یوڤێنتۆس بۆ كڕینا كریستیانۆی پێشكێشی یانا مه‌دریدێ كری.
رۆژناما توتو سپۆرت، ئاماژه ب هندێ كریه، کو پیرێزێ سه‌رۆكێ یانا ریال مه‌درید رازیبوویه ب 100 ملیۆن یۆرۆیان كریستیانۆ رۆنالدۆی ب فروشیتە یانا یوڤێنتۆس.
هەروەسا رۆژناما ماركا ئاشكرا كریه كو فلۆرێنتینۆ پیرێزێ سه‌رۆكێ ریال مه‌درید، سوبەهی سێشه‌مبی د پرێس كۆنفرانسەكێدا دێ چوونا كریستیانۆی ژ وێ یانێ راگه‌هینیت.
كریستیانۆ رۆنالدۆ ل هاڤینا 2009 ژ یانا مانچێسته‌ر یونایتد ب گرێبه‌ستا 90 ملیۆن یۆرۆیان بۆ ریال مه‌درید هاتیە ڤەگوهاستن، د نوکە دا ب 451 گۆلان گۆلكارێ مێژوویی یێ یانا مه‌دریدیە، دڤێ هاڤینێدا ده‌نگۆیێ هندێ هەیه، کو ستێرا پورتوگالی ب مووچێ سالانه ب 30 ملیۆن یۆرۆیان په‌یوه‌ندیێ ب یوڤێنتۆسێ بكەت.
ئەڤرۆ نیوز ، زنار تۆڤی:
رودان بالایی ئەو کچا کوردا خەلکا باژێرێ دهۆکێ یە، کو نوکە ل گەل خێزانا خوە ل وەلاتێ ئەمریکا دژیت، بۆ جارا ئێکێ یە وەکو کچەکا کوردا گەنج دبیتە نوونەرا عێراقێ ل نەتەوێن ئێکگرتی.
رودان بالایی ژ ئەمریکا بۆ ئەڤرۆ نیوز گوت: من وەک کچەکا کورد بۆ ئێکەم جار نوونەراتیا عێراقێ کریە د 15 مین لوتکەیا نێڤدەولەتی یا گەنجان ل نەتەوێن ئێکگرتی کر، کو بنگەهێ سەرەکی یێ وێ ل باژێرێ نیویۆرکێ ئەمریکی یە.
ناڤهاتیێ گوت ژی: بەری دو هەیڤان من داخوازەک پێشکێشی یۆئێنێ کر، کو ئەز وەک کچەکا گەنج نوونەراتیا عێراقێ بکەم، وان ژی رەزامەندی نیشان دا،لەوما ئێکەم جارە کچەکا کورد پشکداریێ د ڤێ لوتکەیا نێڤدەولەتی یا گەنجان دڵ دکەت، کو 163 گەنجان ژ وەلاتێن جۆدا یێن جیهانێ پشکداری تێدا کریە، ژ سەرجەمێ 193 وەلاتێن جیهانێ، هەروەسا د وێ لوتکێ دا من بەحسێ مافێن مرۆڤان کر و هێرشا داعشێ بۆ سەر کوردستانێ، هەروەسا من بەحسێ کورد و کوردستانێ و رەوشا پەنابەران ل عێراقێ و کوردستانێ کر و دیسا من بەحسێ هێرشا داعشێ بۆ سەر ژن و کچێن کوردێن ئێزدی کر و ئەو دەردەسەری و ئێش و ئازارێن ب سەرێ وان هاتین.
رودانێ گوت ژی: من سەرەدانا کوردستانێ کریە و من دوو سالان ل سلێمانیێ و دومیز دناڤا پەنابەران دا کارکریە، هەروەسا د وێ گۆتارێ دا من بەحسێ پەروەردە و فێرکرنێ کر و من ئاماژە ب هندێ دا، کو نابیت جۆداهی دناڤبەرا نەتەوان دا بهێتە کرن و ئەز ئێکەم کەس بووم، کو من گوتارا خوە ل نەتەوێن ئێکگرتی پێشکێش کری.
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ، ئه‌ڤرۆ ئێكشه‌مبى 8/7/2018 پێشبينيێن پلێن گه‌رمێ يێن سوباهى دوشه‌مبى به‌لاڤ دكه‌ت.
رێڤه‌به‌ريا ناڤبرى دياركر كو بلندترين پلا گه‌رمێ سوباهى ل هه‌رێما كوردستانێ دێ 42 بيت ل پارێزگه‌ها هه‌ولێرێ.
دياركر ژى پلا گه‌رمێ سوباهى ل پارێزگه‌ها سلێمانيێ دێ 41 بيت و ل پارێزگه‌ها دهۆكێ 40 بيت.
ئەڤرۆ نیوز ، زنار تۆڤی:
ئەڤرۆ ئێکشەمبی 8.7.2018 ل دەمژمێر 6 ئێڤاری دەزگایێ خانی یێ روشەنبیری و راگەهاندنێ پەنەلەکێ ڤەکری ل سەنتەرێ روشەنبیری ل زانکۆیا دهۆکێ بۆ هەرسێ پەرلەمانتارێن کورد ل پەرلەمانێ عێراقێ ئەشواق جاف و سامی ئەتروشی و ماجد شنگالی سازکر و تێدا هەرسێ پەرلەمانتارێن کورد ل پەرلەمانێ عێراقێ بەحسێ چەندین خالان کر.
پەرلەمانتار ئەشواق جاف بەحسێ سەربورا پەیوەندیێن هەرێمێ و بەغدا کر و چەندین خالێن گرنگ بەحسکرن، کو ناڤهاتی ل دو خولان دا ئەنداما پەرلەمانێ عێراقێ بوو.
لدووڤ دا پەرلەمانتار ماجد شنگالی بەحسێ تەوەرێ (دیتنا حوکمەتێن عیراقێ بۆ دەڤەرێن کوردستانی یێن ژ دەرڤەی ئیدارا ھەرێمێ) کر و دیسا بەحسێ مادێ 140 و ئەو ئاریشە د کەڤنە د رێکێ وی مادەی دا و ئەگەرێن بجهنەئینانا وی مادەی بەحسکرن.
هەروەسا دکتۆر سامی ئەترووشی ژی بەحسێ (پاشەرۆژا ھەرێما کوردستانێ د ناڤ کاودانێن دەڤەرێ دا) کر و ب تەسەلی چەندین خال دانە دیارکرن و لدووڤ دا دانوستاندن ژ لایێ بەرهەڤبوویان ڤە هاتە کرن.
نيشاندان