ئه‌ڤرۆنيوز:
ژئه‌گه‌رێ تێكچوونا ره‌وشا ساخله‌ميا، ئه‌ياد عه‌لاوى جێگرێ سه‌رۆك كۆمارا عيراقێ وسه‌رۆكێ ليستا (وه‌ته‌نيه)، هاته ڤه‌گۆهاستن بۆ نه‌خوه‌شخانێ.
ئۆفيسا ئه‌ياد عه‌لاوى د به‌ياننامه‌كێ دا به‌لاڤكر كو ئه‌ياد عه‌لاوى يێ هاتيه ڤه‌گۆهاستن بۆ نه‌خوه‌شخانا (ئيبن سينا) ل ده‌ڤه‌را كه‌سك ل به‌غدا.
ئه‌ياد عه‌لاوى ژدايكبوويێ سالا 1945 يه وهه‌لگرێ باوه‌رناما دكتۆرايێ يه ب زانستێن نوشدارى.
ئه‌ڤرۆنيوز:
ب داخوازنامه‌كا فه‌رمى ژلايێ سه‌رۆك كۆمارا توركيا، سوباهى دوشه‌مبى 9/7/2018 سه‌رۆك وه‌زيرێن هه‌رێما كوردستانێ دێ سه‌ره‌دانا توركيا كه‌ت.
نێچيرڤان بارزانى، سه‌رۆك وه‌زيرێن هه‌رێما كوردستانێ ل سه‌ر داخوازنامه‌كا فه‌رمى يا ره‌جه‌ب ته‌يب ئه‌ردۆگان، سه‌رۆك كۆمارا توركيا دێ سه‌ره‌دانا توركيا كه‌ت ودێ ل رێ وره‌سمێن سويندخوارنا ئه‌ردۆگانى وه‌كو سه‌رۆكێ نوو يێ توركيا پشكدار بيت.
برياره سوباهى دوشه‌مبى، رێ وره‌سمێن سويند خوارنا ئه‌ردۆگانى وه‌كو سه‌رۆك كۆمارا توركيا بۆ پێنج سالێن داهاتى ب رێڤه‌بچن
ئه‌ڤرۆ نیوز، نه‌وزاد هلۆرى:
بریاربوو ل 10/7/2018 كۆنگرێ هه‌شتێ يێ ئێكه‌تیا لاوێن دیموكراتا كوردستانێ بهێته ئه‌نجامدان، به‌لێ هاته پاشخستن بۆ 1/8 یا ئه‌ڤ ساله.
دلخواز سه‌رگه‌لى، به‌رپرسێ ناڤه‌ندا سه‌رهلدان یا چالاكى و پێگه‌هاندنا لاوان یا سه‌ر ب ئێكه‌تیا لاوێن دیموكراتا كوردستانێ ڤه ل دهۆكێ بۆ ئه‌ڤرۆ نیوز گۆت: (ژبه‌ركو سه‌رۆك بارزانى دێ گه‌شته‌كێ بۆ ده‌رڤه‌ی هه‌رێما كوردستانێ كه‌ت و نه‌شێت ل كۆنگره‌ى به‌رهه‌ڤ ببیت، كۆنگره دێ ل 1/8/2018 ده‌ستپێكه‌ت و هه‌تا 5 /8/2018 دێ به‌رده‌وام بیت ، هه‌ر چه‌نده بریار بوو ل 2018/7/10 ل هه‌ولێرێ بهێته ئه‌نجامدان)
زێده‌تر گۆت: ( هه‌موو به‌رهه‌ڤى بۆ كۆنگرێ هه‌شتێ يێ ئێكه‌تیا لاوان يێن هاتينه ئه‌نجامدان كو دێ ب ناڤێ ( كۆنگرێ پێشمه‌رگه) بيت و تێدا دێ ده‌سته‌‌يه‌كا نوو بۆ ئێكه‌تیا لاوان هه‌لبژارتن و به‌رنامێ نوو یێ كارى هێته دیاركرن).
ئه‌ڤرۆ نيوز، فاتما مزوورى:
سه‌ره‌دانا فه‌رمی یا وه‌زیرێ ده‌رڤه یێ ئه‌مه‌ریكا، مایك پۆمپیۆ ژبۆ كوریا باكوور ب دووماهی هات.
ب گۆره‌يی ئاژانسا یونیهاپی یا كۆریا باشوور، پۆمپیۆ سه‌ره‌دانا خوه ژبۆ پیانگ یۆنگ ب دووماهی ئينا و به‌ره‌ڤ تۆكیۆ برێكه‌فت، هه‌روه‌سا هاتیه راگه‌هاندن كو پۆمپیۆ د ناڤ فرۆكه‌یێ دا به‌رسڤا پرسیارێن رۆژنامه‌ڤانان ل دۆر سه‌ره‌دانا خوه دایه.
پۆمپیۆ راگه‌هاندیه كو كۆمبوونا وی ل گه‌ل به‌رپرسێن كۆریا باكوور ل دۆر ژناڤبرنا چه‌كێن ئه‌تۆمی يا ئه‌رینی بوو، گۆتژی: “ل سه‌ر پشكه‌ك ژ بابه‌تان بۆچوونێن جودا يێن هه‌ين، به‌لێ ل سه‌ر پرانیا بابه‌تان گاڤێن باش مه ئاڤێتنه.
پۆمپیۆ هه‌روه‌سا ئه‌شكه‌را كر كو به‌رپرسێن ئه‌مه‌ریكا و كۆریا باكوور رۆژا پێنجشه‌مبيا بێت ل سنورێ ناڤبه‌را كۆریا باكوور و باشوور كۆمبوونه‌ك ل دۆر راده‌ستكرنا رووفاتێن وان سه‌ربازێن ئه‌مه‌ریكی كو د شه‌رێ كۆریا د سالا 1950ێ ژبۆ سالا 1953 هاتنه كوشتن ئه‌نجام دده‌ن.
ژ ئالیه‌كی دن ڤه به‌رپرسێن بلند د وه‌زاره‌تا ده‌رڤه یا كۆریا باكوور ب ئاژانسا نووچه‌یێن ” كه‌ی سی ئێن ئێ ” راگه‌هانديه كو شاندێ ئه‌مر‌یكا دخوازيت ئێك لا و ب زۆرێ گڤاشتنان بێخيته سه‌ر ئیداره‌یا كوریا باكوور ب مه‌به‌ستا ژناڤبرنا چه‌كێن ئه‌تۆمی.
وی به‌رپرسی هه‌روه‌سا ته‌كه‌ز ل سه‌ر وێ یه‌كێ كریه كو پێدڤیه پرسا ژناڤبرنا چه‌كێن ئه‌تۆمی ب قۆناغ قۆناغ بكه‌ڤيته د وارێ بجهئينانێ دا.
ئه‌ڤرۆ نیوز ، نه‌وزاد هلۆرى:
سپێده‌هیا ئه‌ڤرۆ هه‌تا پشتى نیڤرۆ رێیا سه‌ره‌كى دناڤبه‌را هه‌ردو پارێزگه‌هێن هه‌ولێرێ و دهۆكێ ل خالا قه‌زا به‌رده‌ره‌ش ژبه‌ر خوه‌نشاندانێن كرێكارێن كۆمپانیه‌كا په‌ترۆلێ هاتبوو گرتن، قایمقامیا قه‌زا به‌رده‌رش ژى دیاركر كو كێشا وان ب ده‌مى هاته چاره‌سه‌ركرن.
ب گۆره‌ى وان پێزانينێن ب ده‌ست ئه‌ڤرۆ نیوز كه‌فتین ، كۆمپانیا په‌ترۆل ئوێل گوتیه كرێكارێن خوه ئه‌م دێ كارێن كۆمپانیا خوه راگرین و ب ڤێ یه‌كێ هه‌موو كرێكارێن خوه ده‌ركرینه و ئه‌ڤ چه‌نده ژى بوویه ئه‌گه‌ر كو كرێكارێن وێ كومپانیێ رابن ب ئه‌نجامدانا خوه‌نيشاندانه‌كێ و رێیا سه‌ره‌كى یا دناڤبه‌را هه‌ولێرێ و دهۆكێ ل نێزیك ناحیا رۆڤیا یا سه‌ر ب قه‌زا به‌رده‌ره‌ش ڤه بگرن وهزاران خه‌لك و ترومبێل هاتبوونه راگرتن.
بوتان شه‌مسه‌دین، ژ راگه‌هاندنا قه‌زا به‌رده‌رش بۆ ئه‌ڤرۆ نیوز گۆت: (قایمقامیا به‌رده‌ره‌ش ل گه‌ل نوونه‌رێن وان كرێكاران ئاخڤتیه و داخوازیێن وان ب نڤیساره‌كێ بۆ پارێزگارێ دهۆكێ ره‌وانه‌كریه و چاڤه‌رێ به‌رسڤا پارێزگارێ دهۆكێ دكه‌ن و نها نه‌رازیبوونا كرێكارێن كوۆمپانیێ يا ب دووماهى هاتیه و رێ ژى هاتیه ڤه‌كرن و كێشا وان ژى به‌روه‌خت هاتیه چاره‌سه‌ركرن)
ب گۆره‌ى پێزانينان كرێكارێن ل وێ كۆمپانیێ كاردكر نێزیكێ 350 كرێكارانه ل هه‌موو پشكێن كۆمپانیێ.
ئه‌ڤرۆ نيوز، فاتما مزوورى:
ده‌سته‌لاتدارێن يابان ئه‌ڤرۆ سپێدێ به‌لاڤكرن كو هژمارا قوربانيێن با و باران و له‌هيان كو باكوور و باشوورێن وه‌لاتى ڤه‌گرتين زێده‌بوويه و گه‌هشتيه 64 كوشيتا و 44 كه‌س ژى د بێ سه‌روشوونن.
ئه‌ڤه د ده‌مه‌كى دايه كو دوهى ژمارا وان كه‌سێن ژيانا خوه ژ ده‌ست داين 39 كه‌س بوو.
هنده‌ك ده‌زگه‌هێن راگه‌هاندنێ ژى به‌لاڤكرينه كو د سێ رۆژێن بۆرى دا ژ ئه‌گه‌رێ بارينا با و بارانان ب كێمى نێزيكى 50 كه‌سان گيانێ خوه ژ ده‌ست دايه و نێزيكى 50 كه‌سێن دژى د بێ سه‌روشوونن.
ئه‌ڤه ژبلى زيانێن ماددى يێن گه‌هشتينه وان ده‌ڤه‌ران، هه‌ر وه‌سان زێده‌ترى مليۆن كه‌سان ژ مال و جهێن خوه ژ به‌ر له‌هيان كوچبه‌ر بووينه.
ئەڤرۆ نیوز ، تۆڤی:
رۆژنامەکا سەر ب رژێما سووریێ ڤە بەلاڤەکریە، کو یەپەگێ بالێ سەربازی یێ پەکەکێ ل رۆژئاڤایێ کوردستانێ،دێ نەفتا وێ پشکا کوردستانێ رادەستی دیمەشقێ کەت.
ئەڤرۆ ئێکشەمبی 8/7/2018 رۆژناما (ئەلوەتەن) یا سووری ژ زارێ ژێدەرەکێ ئیداری یێ خۆجهێ رۆژئاڤایێ کوردستانێ بەلاڤەکریە کو یەپەگە و رژێما سووریێ رێککەفتینە ل سەر هندێ کو رژێما سووریێ دامەزراوێن نەفتێ یێن پارێزگەها حەسەکێ برێڤە ببەت و وێ نەفتێ بۆ خوە بفروشیت.
وی ژێدەری ئاشکرا کریە، کو ل چەند رۆژێن بوریدا شاندەکێ بەرپرسێن رژێما سووریێ سەرەدانا قامیشلۆ کریە و ل گەل یەپەگێ رێککەتینە.
ئەڤرۆ نیوز:
سپێدەھیا ئەڤرۆ رێیا سەرەکی دناڤبەرا ھەردوو پارێزگەھێن ھەولێر و دھۆک ل خالا قەزا بەردەرەش ژبەر خوپێشاندانێن کرێکارێن کومپانیەکا پەترۆلێ ھاتیە گرتن، و ھەتا نھا ژی نەھاتیە ڤەکرن.
ب گورەی ئەوان زانیاریێن کو دەست ئەڤرۆ نیوز کەفتین ، کومپانیا پەترول ئوێل گوتیە کرێکارێن خوە ئەم دێ کارێن کومپانیا خوە راگرین و بڤێ یەکی َھەموو کرێکارێن خوە دەرکرینە و ئەڤ یەک ژی بویە سەدەم کو کرێکارێن وێ کومپانیێ رابن ب ئەنجامدانا خوپێشاندانەکێ و رێیا سەرەکی یا دناڤبەرا ھەولێر و دھۆک ل نێزیک ناحیا روڤیا یا سەر ب قەزا بەردەرەش بگرن وھزاران خەلک و ترومبێل ھاتینە راگرتن.
ب گورەی زانیاریان کرێکارێن کو ل وێ کومپانیێ کاردکر نێزیکێ 350 کرێکارانە ل ھەموو بەشێن کومپانیێ.
بوتان شه‌مسه‌دین ژ راگه‌هاندنا قه‌زا به‌رده‌رش بو ئه‌ڤرۆ نیوز گۆت: (قایمقامیه‌تا به‌رده‌ره‌ش ل گه‌ل نونه‌رێن وان ئاخفتینه و داخوازیێن وان ب نڤیساره‌كێ بو پارێزگارێ دهۆكێ ره‌وانه‌كریه و چاڤه‌رێ به‌رسڤا پارێزگارێ دهۆكێ دكه‌ن، و نها نه‌رازیبونا كرێكارێن كومپانیێ دوماهى هاتیه و رێك ژى هاتیه ڤه‌كرن).
ئەڤرۆ نیوز ، زنار تۆڤی:
كۆمسیۆنا بلند یا سه‌ربه‌خۆ یا هه‌لبژارتن و راپرسیێ ل هه‌رێما كوردستانێ تۆماره‌كا نوو یا ده‌نگده‌ران بۆ هه‌لبژارتنێن په‌رله‌مانێ كوردستانێ چێكریە و ده‌نگده‌رێن مادێ 140 ژ تۆمارێ ده‌رخستن.
راگه‌هاندنه‌كا كۆمسیۆنا هەرێما کوردستانێ دیارکریە، کو شڤێدی تۆمارا نوویا ده‌نگان بۆ هه‌لبژارتنێن په‌رله‌مانێ كوردستانێ ب دوماهی هاتیه و بۆ چاپێ هاتیه هنارتن. هەروەسا تۆمارا نوو ژ تۆمارا كۆمسیۆنا هه‌لبژارتنێن عیراقێ یا جۆدایه و هژمارا دروست یا ده‌نگده‌ران تێدا هاتیه رێزكرن و ناڤێن دوباره و مری و ئاواران ژی هاتینه ده‌رخستن.
هه‌روه‌سا كۆمسیۆنێ ناڤێن ده‌نگده‌رێن مادێ 140 ژ تۆمارا نوو ده‌رخستیه و بریاره پشتی چاپكرنێ، كۆپیه‌كا تۆمارێ بۆ رایا گشتی و ئالیێن سیاسی یێن هه‌رێمێ بهێته هنارتن.
نيشاندان