ئه‌ڤرۆنيوز:
ترومبێله‌كا ژ جۆرێ بى ئێم ده‌بليۆ كو حه‌فت كه‌س تێدابوون دا درێيا چوونێ دا بۆ ئاهه‌نگه‌كا پێكئينانا هه‌ڤژينيێ دا تووشى روودانه‌كێ دبيت ودئه‌نجامدا حه‌فت كه‌س برينداربوون.
ئێڤاريا دوهى ل سه‌ر رێيا ئاكرێ – نوهه‌ڤا ترومبێلا ناڤبرى دوه‌رگه‌ريێت ودئه‌نجامدا دو زه‌لام ودو ژن وسێ زارۆك ژ دو خێزانان بريندار دبن ودهێنه ڤه‌گوهاستن بۆ نه‌خوه‌شخانا هاوارهاتنا ئاكرێ.
ئه‌ڤرۆ نيوز:
ژ ئه‌گه‌رێ پابه‌ندنه‌بوونێ ب رێنمايێن كۆمسيۆنێ ژ ده‌سپێكا هه‌وا هه‌لبژارتنان هه‌تا نوكه، كۆمسيۆنێ 210 كانديد ژ هه‌موو كانديد و ليسته و هه‌ڤپه‌يمانيا و قه‌واره‌يان سياسى سزا داينه.
حازم ردێنى، ئه‌ندامێ جڤاتا كۆمسيارێن كۆمسيۆنا بلندا هه‌لبژارتنێن عيراقێ بۆ رووداو راگه‌هاند كو 210 كانديد هاتينه سزادان، سزا ژى ب تنێ ماددى بوون، چو كانديد ژ ئه‌گه‌رێ سه‌رپێچيێن د هه‌ڤركيا هه‌وا هه‌لبژارتنان دا دوور نه‌خستينه.
د هه‌لبژارتنێن ئه‌ڤ ساله دا 320 حزب و هه‌ڤپه‌يمانى و ليست ب سه‌ر 88 ليست و 205 كيانێن سياسى و 27 هه‌ڤپه‌يمانيان پارڤه دبن. حه‌فت هزار و 367 كه‌س به‌ربژێرن كو 2014 كه‌س ژى ژنن.
ئه‌ڤرۆ نيوز، نه‌وزاد هلۆرى:
ھەتا نھا لایەنێن سیاسی ل شێلادزێ دکەش و ھەوایەکێ ئازاد دا بانگەشا ھەلبژاردنان دکەن و چوو لایەنێن سیاسی و وەلاتیان ژی سەرپێچی نەکرینە و چوو پوستەر و ئالا و وێنەیێن بەربژاران ژی نەھاتینە دراندن و لێڤەکرن.
ل شێلادزێ ھەڤرکیەکا زور لسەر بانگەشا ھەلبژاردنان دھێتەکرن، ب گورەی ئاخفتنێن وەلاتیان ھەڤرکیا ھەری ب ھێز ل دەڤەرێ پارتی یە و چاڤی َوەلاتیێن شێلادزێ بو خزمەتکرنا زێدەتر لسەر سەرکەفتنا پارتی یە و وەکو ئەو ددەن دیارکرن تنێ پارتی دشێت خزمەتێن زێدەتر بو کوردستانێ بکەت ژبەرکو پارتی خودان رابردویەکێ پری خزمەتە و چەندین شەھید و قوربانیدان ئەنجامداینە.
لایەنێن سیاسیی ل شێلادزێ ب پەنابرنا بو عەشیرەتێ مفایەکێ باش ل دەنگێن شێلادزێ وەرگرتیە و لایەنێن سیاسی 10 کەس ژ عەشیرەتا رێکان کو مەزنترین عەشیرەتە ل سنوورێ ناحیا شێلادزێ بەربژارکرینە داکو دەنگێن خوە زێدە بکەن ، و ژلایەکێ دنڤە ئەنجامدانا کێمیا خزمەتگوزاریان ژی بویە سەدەم کو ھندەک ئالیێن نویێن سیاسی بھێنە د گورەپانا سیاسی دا و ھەڤرکیێ لسەر کومکرنا دەنگان بکەن.
ڤيديۆ:
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئێكشه‌مبى رێكه‌فتى 6ى گۆلانا 2018ێ دهێته پێشبينيكرن ئه‌سمان ئه‌ور بيت و ل هنده‌ك ده‌مان ژى ئه‌ورێ ته‌مام بيت ل گه‌ل باران بارينێ ب تايبه‌ت ژى ل دانێ سپێدێ و بريسى ژى دێ هه‌بن.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ فشارێن نزمێن ده‌ريا سۆر دهێته پێشبينيكرن ئه‌سمان ئه‌ور بيت و ل هنده‌ك ده‌مان ژى ئه‌ورێ ته‌مام بيت ل گه‌ل باران بارينێ ب تايبه‌ت ژى ل دانێ سپێدێ و بريسى ژى دێ هه‌بن.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 15 پله بيت و بلندترين پله ژى دێ 28 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى ژى دێ د ناڤبه‌را 10 بۆ 20كم بيت د ده‌مژمێره‌كێ دا و ماوێ ديتنێ ژى دێ 8 بۆ 10كم بيت د ده‌مژمێره‌كێ دا.
ئەڤرۆ نیوز ، نەوزاد ھلوری:
ب مەرەما خزمەتکرنا لیست و قەوارێن سیاسی و بەربژار و ئاھەنگێن سەیرانان ، چاپخانەیەک ل سنوورێ قەزا ئامێدیێ ھاتە دامەزراندن کو دکەڤیتە سەنتەرێ ناحیا شێلادزێ.
کامیران نادر، خودانێ چاپخانێ دیارکر کو ئەو کاروبارێن ئەو ل چاپخانا زەلال ل شێلادزێ دکەن وەکو وان کارایە ئەوێن کو ل دەرڤەیێ کوردستانێ دھێنەکرن و پێدڤی ناکەت لیست و قەوارێن سیاسی و بەربژار و وەلاتی قەستا دەرڤە بکەن و گۆت: (ب مەرەما خزمەتکرنا لیست و قەوارێن سیاسی و بەربژار و ئاھەنگێن سەیرانان ، مە ب فەردیت کو چاپخانەیەکێ ل سنوورێ قەزا ئامێدیێ دابمەزرینیت کو دکەڤیتە سەنتەرێ ناحیا شێلادزێ و دبیتە ئێکەم چاپخانە ژی ل ھەموو دەڤەرا ئامێدیێ و بارزان).
زێدەتر گۆت: (ل ڤێرە ئەم ھەموو ئەوان کار و خزمەتێن ئەڤێن کو گرێدای ریکلام و بانگەشا ھەلبژاردن بکەین و پێدڤی ناکەت چوو لیست و قەوارێن سیاسیێن کوردستانێ قەستا دەرڤە بکەن بو چاپکرن و درۆستکرنا وان، و زێدەباری چاپکرنێ دھەمان دەم دا ھەموو جورە دیزاین ژی دھێنەکرن ب بھایەکێ گونجای و ب گورەی داخوازیان).
ب گورەی ئاخفتنێن ناڤبری قەیرانا دارایی و چونا بەربژار و لیست و قەوارەیان و چاپکرنا ریکلام و پێدڤیێن پروپاکندە و بانگەشیێن ھەلبژاردنان بو دەرڤە بویە سەدەم کو کارتێکرن ل کاروبارێن وان بکەڤن.
ئەڤرۆ نیوز ، زنار تۆڤی:
ژێدەرەکێ به‌رپرس یێ حكومی دیارکریە،کو مەزنترین كۆمپانیا (FedEx) بۆ ڤەگوهاستنا كه‌لوپه‌لان، سه‌رجه‌م گه‌شتێن خوە بۆ فڕۆكخانا به‌غدا هه‌لوه‌شاندینە و بریاردا رووبكەته فڕۆكخانا نێڤده‌وله‌تی یا هه‌ولێرێ.
زانیاری ئاشكرا دکەن،کو وێ كۆمپانیێ هەموو هەڤبه‌شێن خوە ل دەڤەرێن باشوریێ عێراقێ ئاگەهدار كرینە،کو دێ كه‌لوپه‌لێن خوە ژ فڕۆكخانا به‌غدا ڤەگۆهێزیتە فڕۆكخانا هه‌ولێرێ،هەروەسا هۆكارێن وێ بڕیارێ بۆ هندێ ڤەگەراندینە،کو ڕێكارێن فڕۆكخانا به‌غدا د ئالۆزن و دناڤبەرا ئیداره‌یا فڕۆكخانێ و ده‌سته‌یا گومرگێدا بڕیارێن جۆدا دهێنەدان و ناڤه‌ندێن بریارێ گەلەکن،ڤێ چەندێ ئه‌و بێزار كرینه.
دیسا گوتیە،هندەک بارێن كه‌لوپه‌لێن سه‌ر ب وێ کۆمپانیێ ماوێ نێزیكی هەیڤەکێیه ل فڕۆكخانا به‌غدا ماینه و هێشتا نه‌گه‌هشتینە ده‌ست هەڤبه‌شێن وان، بڕیار دایە،ئەڤرۆ كه‌لوپه‌ل و گه‌شتێن ڤەگوهاستنێ كه‌لوپه‌ل ب رێیا فڕۆكخانا نێڤده‌وله‌تی یا هه‌ولێرێ ئه‌نجام بدەت.
وێ كۆمپانیێ راگه‌هاندیه کو هۆكارێن سه‌ره‌كى یێن ڤەگوهاستنا كارێن وان بۆ فڕۆكخانا هه‌ولێرێ، ئه‌وه کو فڕۆكخانا هه‌ولێرێ ژ روویێ ب لەزاتی گه‌هاندنا كه‌لوپه‌لان بۆ هەڤبه‌شێن خۆ پله ئێکه و ب تنێ د چه‌ند دەمژمێراندا كاروبارێن وان برێڤە دچن.
ژێدەرەکی حوکومی گوتیە،وازهێنانا وێ كۆمپانیێ ژ فڕۆكخانا به‌غدا، حوکمه‌تا عێراقێ دێ داهاتەکێ زۆر ژ باج و گومركێ ژ ده‌ست ده‌ت.
ئەڤرۆ نیوز ، زنار تۆڤی :
میدیا و بەرپرسێن كۆمیسیۆنێ دووپاتیێ ل هندێ دکەن،کو پرۆسەیا كرین و فرۆشتن و مامەلەكرن ب كارتێن دەنگدانێ د هەلبژارتنێن عێراقێ دا بوویه دیاردەکا بەربەلاڤ،نوکە بۆرسەیا كرین و مامەلەكرن ب كارتێن دەنگدانێ هاتیە ڤەکرن و نرخێ هەر كارتەکێ دناڤبەرا 200 هەتا 800 دۆلارێن ئەمریكی دهێتە فروتن.
بەرپرسەکێ كۆمسیۆنێ ئاشكرا كریە،کو نرخێ كارتا ئەلیكترۆنی یا دەنگدانێ بلند بوویە،ل گەل نێزیكبوونا وادەیێ دەنگدانێ نرخێ وێ دێ بلندتر بیت، سەرەرای دلنیابوونا كۆمسیۆنێ و هێرشێن سزایی یێن توند، بەلێ ڤێ چەندێ هیچ كاریگەری ل سەر پرۆسەیا كرین و فرۆشتنا كارتا دەنگدانێ نەكریە، بەلكو ئەو رێژە زێدەتر لێهاتیە.
ڤێ پرۆسێ زێدەتر ل دوماهیا هەیڤا ئادارێ دەست پێ كریە و هەتا نوکە ب رەنگەکێ بەرفرەه بەردەوامی هەیە و بۆرسەیا كڕین و فرۆشتنیا بۆ هاتیە دروست كرن، ب نهێنی مامەلە پێ دهێتە کرن،هەروەسا نرخێ کارتێ ل دەیتپێکێ ب تنێ 50 هزار دینار بوو، بەلێ نوکە بۆ 200 هەتا 800 دۆلارێن ئەمریكی بلند بوویە.
فازل عەزاوی ئەندامێ جڤاتا كۆمیسیاران ل كۆمسیۆنا بلند یا سەربەخۆیا هەڵبژارتنێن عێراقێ دیارکریە،کو نرخێ كارتا ئەلیكترۆنی یا دەنگدانێ رۆژ بۆ رۆژێ روو ل بلندبوونێ دایە،زۆرترین مامەلەیێن كرین و فرۆشتنا كارتێن دەنگدانێ د کەمپێن ئاوارەیان دا دهێنە ئەنجام دان،ب تایبەتی ل كەمپێن سەلاحەدین و سلێمانیێ و نەینەوا و ئەنبار.
هەلبژارتنێن پەرلەمانێ عێراقێ دێ ل 12ی گولانێ هێنە ئەنجام دان، نێزیكی شەش هزار كاندیدان دێ كێبركێ ل سەر 329 كورسیێن پەرلەمانی كەن.
نيشاندان