ئه‌ڤرۆ نيوز:

رێڤەبەرێ پۆلیسێن قەزا و ناحیێن کەرکووکێ ئاماژە بوێ چەندێ دکەت، ‏چەکدارێن داعش د حالەتێ ھێرشکرنێ دانە و ھێزێن عیراقی ژی تنێ شێن ‏بەرگریێ ل خوە بکەن، نەک ھێرشی سەر داعش بکەن ھەروەسا دیارکر، ھەکە ‏رەوشا کەرکووکێ نەھێتە کۆنتڕۆلکرن پێشبینی دھێتەکرن، داعش ھێرشێن خوە ‏بەرفرەھتر بکەت، و دەڤەرێن دیژی کۆنتڕۆل بکەت.‏

عەمید سەحەد قادر، رێڤەبەری پۆلیسێن قەزاو ناحیێن کەرکووکێ بۆ رۆژناما ‏ئەڤرۆ ئەف ھێزا سەربازی و ئەمنیا ل کەرکووکێ ھەی تنێ ھێزا ئێک نەتەوە و ‏ئێک مەزھەبە، لەوڕا خەلکێ کەرکووکێ ئەڤێ ھێزێ ب ھێزا خوە نوزانن، پێدڤیە ‏ھێزەک ل کەرکووکێ ھەبیت ھێزا ھەموو نەتەوە و ئاین و مەزھەبان بیت نەوەکی ‏نوکە تنێ ئێک لایەن دسەت بسەر کەرکووکێ دا بگریت، لەوڕاژی ھەگەر ب ھویری ‏بەرێ خوە بدەینە رەوشا کەرکووکێ ب ساناھی ناھێتە کۆنتڕۆلکرن، مخابن نوکە ‏رەوشا کەرکووکێ زۆر یا ئالۆزە و ھێزێن عیراقی راستە د حالەتێ ھێرشکرنێ ‏دابوون و چەکدارێن داعش تنێ بەڕەڤانی ل خوە دکر، نوکە رەوش بەرۆڤاژی بویە ‏و ھێزێن عیراقی تنێ بەرگریێ ل خوە دکەن و چەکدارێن داعش یێن بھێز کەتی و ‏ھێرشی سەر ھێزێن عیراقی دکەن، ددەمێ رێڤەچوونا ئۆپەڕاسیۆنێن عیراقێ ‏ھەموو دەڤەرێن کەرکووکێ بتەمامی نەھاتینە پاقژکرن ژ چەکدارێن داعش و ‏ھێشتا ب ھزاران چەکدارێن داعش ل دەوروبەرێ کەرکووکێ ماینە و رۆژ بۆ رۆژێ ‏یێ بھێز دکەڤن.‏

عەمید سەرحەد قادر گۆتژی” حەیدەر عەبادی سەرۆک وەزیرێن عێراقێ ‏فەرمانەک دەرکریە، کو ھێزێن عێراقی ئۆپەڕاسیۆنێن نوو دژی چەکدارێن ‏پاشمایێن داعش ئەنجامبدەن، ھەر بۆڤێ مەرەمێ ژی لیوایەکا دیا پۆلیسێن فیدڕال ‏ئینایە کەرکووکێ، چونکە ژبلی ناف سەنتەرێ باژێڕی ل قەزا حەویجە کو 500 ‏گوند پێکھاتیە تژی چەکدارێن داعشە و خەلکێ دەڤەرێ ژی یێ ھەڤکارە دگەل ‏داعش، ل قەزایێن دوبز و داقووق و خورماتووژی بھەمانشێوە داعش بسەدان گوند ‏ددەستی دانە و ھێزێن پۆلیس و حەشدا شەعبی نەڤێرن ل سەنتەرێ قەزا و ناحیا ‏دوور بکەڤن و ھێرشی سەر گروپێن چەکدارێن داعش بکەن، شێم بێژم نوکە ‏رەوش ل کۆنتڕۆلا عێراقێ دەرکەفتیە و پێشبینیا ئەنجامدانا کریارێن تیرۆرستی ‏تێتەکرن ژلایێ داعشڤە.‏

ئه‌ڤرۆنيوز:

پشتى پارێزگه‌ها ميسان ل باشوورێ عيراقێ، ژبه‌ر بلندبوونا پلێن گه‌رمێ بۆ دسه‌ر 50 پلان دا، سوباهى كريه‌ بێهنڤه‌دانا فه‌رمى ل داموده‌زگه‌هێن حكومى، ئه‌ڤرۆ پارێزگه‌هه‌كا دى يا عيراقێ سوباهى بێهنڤه‌دانا فه‌رمى راگه‌هاند.

دوره‌يد ئه‌لبه‌غدادى، رۆژنامه‌ڤان ژ باژێرێ به‌عقووبه‌ سه‌نته‌رێ پارێزگه‌ها ديالا، بۆ ئه‌ڤرۆنيوز گۆت” ژبه‌ر بلندبوونا پلێن گه‌رمى ل پارێزگه‌ها ديالا ئه‌ڤرۆ موسه‌نا ئه‌لتميمى پارێزگه‌رێ ديالا بريار دا سوباهى پێنجشه‌مبى 5/7/2018 ببيته‌ بێهنڤه‌دانا فه‌رمى ل هه‌موو اموده‌زگه‌هێن حكومى ل وێ پارێزگه‌هێ”.

دوره‌يدى گۆت ژى” بێهنڤه‌دان رێڤه‌به‌ريا ساخله‌ميا ديالا ورێڤه‌به‌ريێن ب سه‌ر ڤه‌ ناگريت”.