ئه‌ڤرۆنيوز:
ئه‌ڤرۆ ئێڤاری 30/4/2018  فه‌رهاد ئه‌مين پارێزگه‌رێ‌ دهوكێ‌ پێشوازیا تيم ستاپلیتون جێگرێ‌ بالیوزێ‌ ئوستورالیا ل ئێراقی كر .
دهه‌ڤدیتنه‌كێ‌ به‌حسێ‌ ره‌وشا ده‌ڤه‌رێ‌ و به‌رهه‌ڤیێن هه‌لبژارتنێن پهر‌له‌مانێ‌ ئێراقێ‌ هاته‌ كرن ,
پارێزگه‌رێ‌ دهوكێ‌ ئاماژه‌ ب ره‌وشا پارێزگه‌هێ‌ و پشته‌ڤانی كرن و هاریكاری كرنا وه‌لاتێ‌ ئوسترالیا دبیاڤێن جودا دا كر و داخواز كر كۆمپانیێن وه‌لاتێ‌ وان باشتر رۆل هه‌بیت دئاڤه‌دانكرنا ده‌ڤه‌رێ‌ دا و داخواز كر كو بالیۆزخانا ئوسترالیا كۆمپانیێن وه‌لاتێ‌ خوه‌ هانده‌ت بۆ پشكداری كرنێ‌ دئاڤه‌دانكرنێ‌ وئه‌نجامدانا  پرۆژێن وه‌به‌رئینانێ‌ دا بكه‌ن ,
ژلایێ‌ خوه‌ڤه‌، جێگرێ‌ بالیۆزێ‌ وه‌لاتێ‌ ئوسترالیا ده‌ست خوه‌شی ل كارگێريا پارێزگه‌ها كر بۆ وێ‌ خزمه‌تا مه‌زن یا بۆ ئاواره‌ و په‌نابه‌ران كری و دوپات كر كو وه‌لاتێ‌ وان دێ‌ به‌رده‌وام بیت دهاريكارى كرنێ‌ دا دبیاڤێ‌ په‌روه‌رده‌ وچاندنێ ل ده‌ڤه‌رێ .

 ئەڤرۆ نیوز، ئێقبال عومەر :

وەلاتيەکێ خەلكێ گوندێ سەرگەلێ ل ناحیا دێرەلکێ بۆ ئەڤرۆنيوز دیارکر ، مە مارەکێ دو سەر ل گوندێ سەرگەلێ دیت وبۆمە جهێ مەندوهوشیێ بوو.

سه‌ردار ره‌شيد زێده‌تر گۆت” مە ل گوندێ سەرگەلێ کارێ کولانێ دکر دا کو بنیاتێ پرۆژەکێ دانین، ژ نشکەکی ڤە مارەك ژبن ئاخێ دەرکەفت و کرێکارێن مە گۆته من ئەڤە مارەك ژبن ئاخێ هات دەرێ، پشتی مە بەرێ خوە دایێ ده‌ركه‌فت یێ دو سەره‌ و نەوەك مارێن دی يە، بەلێ ڤی ماری وەکو مارێن دی نەدشیا بزاڤا هاتنوچونێ بکەت ژبەرکو هەر سەرەك بۆ خوە دچو”.

دياركر” پشتی مەزانی ئەڤ مارە یێ ژەهردارە، ئیکسەر مه‌ کوشت ژبەرکو مەترسی ل سەر ژیانا وەلاتیان هەبوو”.

ناڤبرى گۆت ژى” پشتی من ئەڤ مارە کوشتی ئەز گه‌له‌ك پەشێمان بووم، ژبەرکو پیدڤی بۆ من پەیوەندێ ب باخچێ گیانەوەران ل دهوکێ کربا، چونكى ئەڤ مارە گه‌له‌ك يێ سەرنج راکێش بووژبه‌ر هه‌ردو سه‌رێن وى كو هه‌ر ئێك ل ره‌خه‌كى بوو.

ئه‌ڤرۆ نيوز:

د په‌يامه‌كێ دا حوكمه‌تا هه‌رێما كوردستانێ رۆژه‌ك وه‌كو بهێنڤه‌دان ب هه‌لكه‌فتا رۆژا جيهانى يا كرێكاران راگه‌هاند.

ئه‌ڤه‌ ژى ده‌قێ په‌يامێ يه‌:

 ئەڤرۆ نيوز:‏

بەرپرسێ ژینگەھێ ل وەزارەتا باژێرڤانیا حکومەتا کوردستانێ دیارکر ، باشترین چارەسەری بۆ ‏پاراستنا ژینگەھێ ھشیارکرنا خەلکی یە ژ مەترسا پیس بوونا ژینگەھی ئەڤە ئەرکێ کەرتێ ‏پەرورەدێ و ماموستایێن ئاینی و ساخلەمیێ ھەیە کو بەحسێ زیانێن پیس بوونا ژینگەھێ بکەن ‏کا چ مەترسی ھەیە.‏

فەرمان خەلیل ، بەرپرسێ ژینگەھێ ل وەزارەتا باژێرڤانیێ بۆ ئەڤرۆ دیارکر، مەزنترین بزاڤ ‏دھێنە کرن بۆ دانا کومپانیایێن ڤاڤارتنا گلێشی ل ھەموو پارێزگەە و ناوچە و دەڤەرێن ‏کوردستانێ بۆ وێ چەندێ گلێش ل دەرڤەی مالان و باژێری نەبیتە سەدەمێ بەلاڤبوونا ‏نەخوشیێ ل دھۆک و چەندین دەڤەرێن دن یێن کوردستانێ دێ کارگەە ھێنە ڤەکرن‎‎‏.‏

ناڤھاتی گوتژی: ئەگەر کارگەھێن ڤاڤارتنا گلێشی بکەڤنە کاری دێ ھەتا رادەیەکێ باش گلێش ‏دویرکەڤیت ل سەر جادە یان ژبلی جوانکرنا سیمایی و پاراستنا ژینگەھێ ب سروشتێ دێ ‏مفایەکێ ئابۆری ژی ھەبیت بۆ وەلات.‏

ئەڤرۆ نیوز:‏

پڕۆژە قانوونەک ھاتیە بەرھەڤکرن و گورەی ئەڤی پڕۆژەی ھەیڤانە دێ مینحەیەک بۆ خەلکێ ھەژار و ‏کچێن قەیرە و کێم ئەندامان ھێتە بەلاڤکرن، پەرلەمانتارەک ژی دبێژیت: پڕۆژە یێ ھەموو فڕاکسیۆنێن ‏پەرلەمانیە و ڤەخواندنا ئێکێ بۆ ھاتیە کرن.‏

شوکریە شێخانی، ئەنداما پەرلەمانێ کوردستانێ بۆ رۆژناما ئەڤرۆ گۆت: ھەموو فڕاکسیۆنێن پەرلەمانی ل ‏سالێن بۆری پڕۆژە قانوون بۆ گۆھڕینا ژیانا وەلاتیان و تایبەت بۆ وەلاتیێن ھەژار بەرھەڤکربوون، بەلێ ‏ھەموو پڕۆژە ھاتینە کۆمکرن بۆ ناڤا ئێک پڕۆژە و خواندنا ئێکێ بۆ ھاتیەکرن و ھاتیە ھنارتن بۆ ‏لیژنەیێن پەیوەندیدار بڕیارە پشتی پێداچوونێ ڤەخواندنا دویێ بۆ بھێتە کرن و بھێتە پەسەندکرن، ب ‏پەسەندکرنێ ژی دێ مفایەکێ زۆر وەلاتیێن ھەژار و کێم دەرامەت ھەبیت، چونکە ئەف پڕۆژە تایبەتە ب ‏خەلکێ ھەژار.‏

شوکریە شێخانی گۆتژی: گورەی ئەڤی پڕۆژەی دێ ھەیڤانە پارەیەک وەکی مینحە بسەر وەلاتیێن ھەژار ‏ھێتە بەلاڤکرن وەکی سیستەمێ سۆشیال یێ ئەورۆپا، بەلێ دێ رێنمایێ بۆ ھێنە دەرکرن و ھەموو وەلاتیان ‏ڤەناگریت، بۆ نموونە وەکی مە دیارکری خەلکێ بێ سەرپەرشت و کچێن قەیرە و ئەڤێن چو داھات نەبن و ‏بسەلمینیت مووچە نینە ھەموو دێ مفاداربن، بۆچوونا حوکمەتێ ژی ل سەر ھاتیە وەرگرتن، نوکە رەوشا ‏دارایی بەرەڤ باشتر دچیت ئەز باوەرم ئەگەر بھێتە پەسەندکرن دێ خەلکەکێ زۆر مفاداربیت.‏