ئەڤرۆ نیوز:
ھەلبژارتیێ پرتوگال قارەمانا ئوروپا خاترا خوە ژ ھەڤرکیێن موندیالێ د قوناغا ١٦ دا خواست پشتی توشی خوسارەتیێ بوی ل سەر دەستێ ھەلبژارتیێ ئوروگوای ب دو گۆلان بەرامبەر گۆلەکێ.
د نیڤا ئێکێ دا ھەلبژارتیێ ئوروگوای شیا ل دەقیقەیا ٨ ژ یاریێ ب رێکا کاڤانی پێشبکەڤیت پشتی ڤێ گۆلێ ھەلبژارتیێ پرتوگال چەندین بزاڤ کرن بۆ راستڤەکرنا ئەنجامێ یاریێ لێ ھەمی بزاڤ دێ مفا بون ھەتا نیڤا ئێکێ ب پێشکەفتنا ئوروگوای ب گۆلەکێ بێ بەرامبەر ب دوماھی ھاتی.
د نیڤا دویێ دا ھەلبژارتیێ پرتوگال ژ ئەگەرێ فشارەکا زێدە لسەر گۆلا ئوروگوای گۆلا وەکھەڤیێ بینن ب رێکا کلیپەر پیپێ ل دەقیقەیا ٥٥ لێ پشتی بورینا ١٠ دەقیقەیا ئەدیسون کاڤانی شیا گۆلا دویێ و سەرکەفتنێ بۆ وەلاتێ خوە ئوروگوای توماربکەت ب ڤی ئەنجامی پرتوگال ژی خاترا خوە خواست ژ موندیالێ ل قوناغا بھێت دێ یاریا خوە ھەمبەر ھەلبژارتیێ فرەنسا کەت..
ئه‌ڤرۆ نیوز:
ئاژانسا سپاتنیك یا رووسى كو ئاژانسه‌كا نووچه‌یانه خزمه‌تێن خوه ب زمانێ كوردی راگرتن.
ئاژانسا سپاتنیك كو ب پتری ده‌هـ زمانان وه‌شانێ دكه‌ت، پشكا كوردی ژ ئاژانسێ داخست و سوبه ژڤانێ داخستنێ یه، سپاتنیكێ ئه‌گه‌ر بۆ كێمییا خوانده‌ڤانان ڤه‌گه‌راند لێ شرۆڤه‌كار وێ یه‌كێ بۆ نێزیكبوون و پێشڤه‌چوونا په‌یوه‌ندیێن رووسیا و توركیا ڤه‌دگه‌رینن.
ئه‌ڤرۆ نيوز:
به‌ره‌ڤانيا باژێرێ دهۆكێ د راگه‌هاندنه‌كێ دا ئاماژه ب وێ يه‌كێ كريه كو پشتى كو ئه‌ڤرۆ ئاگر بەربویە موه‌لیدێن کارەبا ئوتێلا جوتیار و دوو ئوتومبێلا ئێك ئوتومبێلەکا بارهەلگرە و ئوتومبێلەکا نیسان تایبەتە هەر، زوو بنگەهێ نزاری هاتە هنارتن بو جهێ رویدانێ و دیڤدا بنگەهێ دهوکێ و بنگەهێ گرێ باسێ گەهشتنە جهێ رویدانێ و بسەر پەرشتیا رێڤەبەرێ بەرەڤانیا باژێرێ دهوکێ ، عمید ،عبدالحکیم طاهر صالح رویدان هاتە كونترولكرن.
به‌ره‌ڤانيا باژێرێ دهۆكێ ئاماژه ب وێ يه‌كێ كريه كو دوو پولیسێن بەرەڤانیا باژێری بێهوش بوینە و کەسەك برێژەیا 20% سوتیە و دوو ئوتومبێل و سێ موالێدە و نیزیکی 6000 لترێن گازوایلێ هاتینە سوتن و پێشبینیێن دەسپێکێ دیارکریە ئەگەرێ ڤێ رویدانێ شورەتەك چیبویە دەمێ ڤالەکرنا گازوایلێ ژ ئوتومبێلا بارهەلگر بو تانکێ موالیدێ و رویدانا ئاگری پەیدابویە.
ئه‌ڤرۆ نيوز:
عەباس ئەکرەم، په‌يڤدارێ وه‌زاره‌تا خواندنا بلند راگه‌هاند: ئه‌ڤ ساله هه‌تا كو 70% كورسييێن خواندنێ يێن زانكۆيان دێ بۆ ده‌رچوويێن خولا ئێكێ يا تاقيكرنان بن.
عەباس ئەکرەم، په‌يڤدارێ وه‌زاره‌تا خواندنا بلند هه‌روه‌سا دياركر: سالا بوورى رێژا سه‌ر 55% يا كورسيێن خواندنێ بۆ ده‌رچوويێن خولا ئێكێ يا ده‌رچوويێن پولا 12 ئاماده‌يى بوو، هه‌روه‌سا رێژا 45 % بۆ خولا دووێ يا ده‌رچوويان بوون، به‌لێ ئه‌ڤ ساله تاوه‌كو ئاستێ 70% دێ بۆ قوتابيێن خولا ئێكێ بيت.
ئه‌ڤرۆ نیوز:
وه‌رزێ هاڤینێ و بلندبوونا پلێن گه‌رمێ گه‌له‌ك زه‌حمه‌تییان بۆ شۆفێران چێدكه‌ت و گه‌له‌ك شیره‌ت دهێنه كرن بۆ خوه‌پاراستنێ لێ شیره‌ته‌كا گه‌له‌ك گرنگ كو دهێته ژبیركرن گرێدایی ساخله‌مییا مرۆڤییه.
نۆشدارێن ئه‌مریكی شیره‌تێن وێ یه‌كێ دكه‌ن كو ل ده‌مێ هه‌لكرنا هینكه‌را ترومبێلێ(ته‌برید) پێدڤییه جیاوازییا دناڤبه‌را پلێن گه‌رمێ یێن ناڤ ترومبێلێ و ده‌رڤه‌ی ترومبێلێ شه‌ش پله‌یان زێده‌تر نه‌بن ژبه‌ركو به‌روڤاژی دێ ئاریشه د خۆلا خوینا مرۆڤی دا چێبن و كاریگه‌رییه‌كا خراب ل سه‌ر ساخله‌مییا مرۆڤی په‌یدا كه‌ن،
له‌ورا پێدڤییه هه‌ژمارا هینكه‌ر گه‌له‌ك نه‌هێته بلندكرن و ته‌زيكرن ل ده‌مێ پلا گه‌رمێ ژده‌رڤه‌ی ترومبێلێ گه‌له‌ك یا بلند بیت.
هه‌ڤده‌م پێدڤییه كه‌سێن دچنه ترومبێلێ دا د ڤێ گه‌رمێ دا گه‌له‌ك ئاڤێ ڤه‌خوون دا تۆشی هشكبوون و ئاریشێن دی یێن ساخله‌میێ نه‌بن.
هه‌روه‌سا ل ده‌مێ ده‌ستپێكێ دچییه ترومبێلێ دا په‌نجه‌ران ڤه‌كه هه‌تا هه‌وایێ ژده‌رڤه پیچه‌ك دچیته ژوور و هندى ستێرنێ ترومبێلێ یێ كه‌ل بیت نابیت ترومبێل بهێته هاژووتن.
ئه‌ڤرۆ نیوز:
مه‌ولود چاويشئۆغلو، وه‌زیرێ ده‌رڤه یێ توركیا راگه‌هاند، ئه‌نقه‌ره ده‌ست ب رێكاران كرییه بۆ دوباره ڤه‌كرنا كۆنسولخانێن خوه ل باژارێن مووسل و به‌سرا ل ئیراقێ.
توركیا ل 11 خزیرانا سالا 2014ێ ژبه‌ر گه‌فێن ئێمناهیێ كۆنسولخانێن خوه ل باژارێن مووسل و به‌سرا داخستن پشتی داعشێ ده‌ست ب سه‌ر كۆنسولخانا وێ ل مووسل ودا گرتی و چل و هه‌شت كه‌س كو كۆسول ژی ناڤدا بوو ب بارمته برین، پشتی سێ مه‌هان داعشێ بارمته ئازادكربوون.
ئەڤرۆنیۆز، سالار دۆسكی:
رێڤەبەرێ بەرەڤانیا باژێری ل دهۆك ئاشكراكر كو ئەڤرۆ ئێڤاری 30/6/2018 ژ ئەگەرێ ڤەگۆهاستنا گازوایلێ ژ ترومبێلا تانكەر بۆ تانكێ مولیدان ل بانێ ئوتێلا جوتیار ل تاخێ شێلێ، گازوایل هاتیە رێتن وبۆ ئەگەرێ وێ چه‌ندێ ئاگر هه‌لبيت، تیمێن بەرەڤانیا باژێری ئاگر كونترۆل كریە و ڤەكۆلین ل سەر روودانێ یا بەردوامە.
عەمید عەبدالحكیم تاهر سالح، رێڤەبەرێ بەرەڤانیا باژێری ل پارێزگه‌ها دهۆكێ بۆ ئەڤرۆ نیۆز گۆت” ژ ئەنجامێ ڤێ ئاگر بەربوونێ كرێكارەكێ ئوتێلێ ب سڤكی بریندار بوویە كو ملێ وی هاتیە سوتن، كارمەندەكێ بەرەڤانیا باژێری ژى گێژ بوویە و هاتیە رەوانەكرن بۆ نەخوه‌شخانێ”.
گۆت ژى” تانكەرا گازویلێ ب تمامی هاتیە سوتن و ترومبێلەكا وەلاتیەكی ل تەنشت تانكه‌رى ژی هاتیە سوتن و مولیدەكێ كارەبێ ژى يێ سوتى و بیستانەك ژی نێزیك ئوتێلێ يێ هاتینە سوتن و سوباهى دێ راپۆرتا زیانێن مادی هێتە دروستكرن و ڤەكۆلینێن هوور دێ هێنە دەستپێكرن”.
ئه‌ڤرۆ نیوز، نه‌وزاد هلۆرى:
پشتى نیڤرۆیا ئه‌ڤرۆ ژ ئه‌نجامێ توپ بارانكرنا له‌شكرێ توركیا بۆ ده‌ڤه‌رێن سنوری ل ده‌ڤه‌را بارزان، كچه‌كا 19 سالى هاته شه‌هیدكرن.
ژێده‌ره‌كێ ژ نێزیك روودانێ بۆ ئه‌ڤرۆ نیوز گۆت: (پشتى نیڤرۆيا ئه‌ڤرۆ توپخانێن له‌شكرێ توركیا گوندێ ئه‌لانیا یا سه‌ر ب ناحیا شێروانى مه‌زن ب دژوارى توپ بارانكر و د ئه‌نجام دا كچه‌ك هاته شه‌هیدكرن)
زێده‌تر گۆت: ( ناڤێ وێ كچێ دنیا ره‌شیده و خه‌لكا گوندێ ئه‌لانیايه يێ سه‌ر ب ناحیا شێروانى مه‌زن ل مێرگه‌سووره ل سنوورێ ده‌ڤه‌را بارزان ، تیمێن ڤێراگه‌هشتنا بله‌ز ته‌رمێ وێ رزگاركریه و بۆ كه‌سوكارێن وێ زڤراندیه).
ب گۆره‌ى پێزانينێن وى ژێده‌رى، وێ كچێ ل گه‌ل خێزان و كه‌سوكارێن خوه قه‌ستا ئاقارێ گوندێ خوه كربوو ب مه‌ره‌ما كۆمكرنا كه‌نگرۆكان.
نيشاندان