ئه‌ڤرۆ نيوز:
به‌رى ده‌مه‌كێ كێم جێگرێ پارێزگارێ به‌رێ يێ دهۆكێ گورگيس شليمۆن چو به‌ر دلۆڤانيا خودێ و نوكه بۆ نوشداريا داد هاته ره‌وانه‌كرن.
په‌يامنێرێ ئه‌ڤرۆ نيوز، محه‌مه عه‌لى نورى، كو ل نه‌خۆشخانا ئازادى يێ ئاماده بوو ئاشكه‌را كر كو به‌رى ده‌مه‌كێ كێم گۆگيس شليممۆن جێگرێ پارێزگارێ دهۆكێ ژ ئه‌گه‌رێ جه‌لته‌كا مێشكى چو به‌ر دلۆڤانيا خودێ.
دا زانين ژى كو كوڕێ ناڤبرى ئه‌ڤ چه‌نده پشت راست و دا زانين كو ژ نشكه‌كێ ڤه ل مال بوو و جه‌لتا مێشكى لێدا و گۆت: “پشتى كێمتر ژ ده‌مژمێره‌كێ ل نه‌خۆشخانا ئازادى ل دهۆك چوو به‌ر دلۆڤانيا خودێ”.
په‌يامێنرێ ئه‌ڤرۆ نيوز ئاشكه‌را ژى كر كو نوكه ته‌رمێ وى به‌ر ب نوشداريا داد ل دهۆكێ بريه بۆ زانينا ئه‌گه‌رێن دروست يێن گيان ژ ده‌سدانا ناڤبرى.
ئەڤرۆ نیوز ،زنار تۆڤی :
سه‌رۆكێ پارتەکا ئیسلامى ل توركیا ره‌خنێ ل ئه‌ردۆغانی دگریت و دبێژیت،هەکە هوسا بچیت، نه كوده‌تا، به‌لکو دێ شۆرەشەک ل دژى ده‌ستهەلاتا وی به‌رپا بیت.
ته‌مه‌ل كه‌رموڵا ئۆغڵو،کو سه‌رۆكێ حزبا سه‌عاده‌ت یا توركییه،د لێدوانەکێدا ئه‌ڤرۆ ره‌خنێن توند ل سه‌رۆكێ توركیا گرتینە و به سه‌ركوتكاریێ تۆمه‌تبار كریه.
رۆژناما زه‌مان یا توركى كه‌رموڵا گوتیە،کو شۆرەش ژ ئه‌نجامێ سه‌ركوتكاریێ دروست دبن،نوکە ده‌ستهەلاتا ئاكپارتی ژی سته‌مكاریێ پەیرەو دکەت و ئه‌ڤە ژی د ئه‌نجامدا دێ بیته ئەگەرێ یاخیبوونا گه‌لێ توركیا ژ ڤێ ده‌ستهەلاتێ و گوتیە ژی، ئه‌ڤ ده‌ستهەلاتا نوکە خەلەتیێن كوژەک ده‌رهه‌قی وەلاتیێن خۆ دکەت.
نەرازیبوونا حزبێن توركیا ژ حالەتێ ئاوارته،پشتی كوده‌تایا ته‌مووزا 2016 ژلایێ حزبا ئه‌ردۆغانی هاتیە راگه‌هاندن.
دوهی ژی پارتیا گه‌ل یا كۆمارى جەهەپێ ل توركیا، داخوازى ژ حزبان كر کو خۆپیشاندانەکێ ساز بكه‌ن بۆ هندێ کو حالەتی ده‌ستهه‌لاتا ئاوارته ژ ڤی وەلاتی هه‌لبوەشینن.
ده‌ستهەلاتا ئاكپارتى كوده‌تایا 2016 كریه مەزنترین هێجەت بۆ لێدانا ئۆپۆزسیۆنێ و نه‌یارێن خۆ،لدووڤ راپۆرتێن نێڤده‌ولەتی ب ده‌هان هزار كه‌س ب تۆمه‌تا ئه‌نجامدانا كوده‌تایێ ل توركیا خستینە گرتیخانان.
ئەڤرۆ نیوز ، زنار تۆڤی :
بریارە ئەڤرۆ سێشەمبی 17.4.2018 پەرلەمانێ عێراق كۆمبوونا خوە یا ئاسایی ساز بكەت و هژمارەکا پڕۆژێن قانوونی یێن ناكۆكی ل سەر خستینە بەرنامێ كاری.
روونشتنا ئەڤرۆ یا پەرلەمانی دوماهی روونشتن نینە و لدووڤ ماوێ درێژكری یێ پەرلەمانی هەتا 30 خزەیرانا بهێت پەرلەمان دشێت كۆمبوونان ئەنجام بدەت و ئەڤ خولا پەرلەمانی ماوێ وی هەتا دەمێ بریار هاتیە دان ب دوماهی ناهێت، لەوما دڤی ماوەی دا دێ شێت روونشتنێن ئاسایی و نە ئاسایی ساز کەت.
بریاره ل روونشتنا ئەڤرۆ یا پەرلەمانێ عێراقێ پرۆژە قانوونا نوونەران ل دادگەها تێهەلچوونێ و هژمارەکا پڕۆژە قانوونێن دیتر بێخنە بەرچاڤ، بەلێ هیچ بەرنامەکێ كاری ل پێگەهێ فەرمی یێ پەرلەمانێ عێراقێ نەهاتیە بەلاڤ كرن.
بریارە ئەڤ خولا پەرلەمانی دوماهی روونشتنا خۆ ئەنجام بدەت،ل رۆژا هەلبژارتنان كو 12ی ئەیارا داهاتی، خولا پێنجێ یا پەرلەمانێ عێراقێ دێ هیێتە هەلبژارتن و خولا چارێ یا پەرلەمانێ دێ ب دوماهی هێت.
ئەڤرۆ نیوز ، زنار تۆڤی :
لدووڤ نووچەیێن فەرمی یێن رژێما سووری ل شەڤا بوری فرۆکخانا شەعیرات ل رۆژهەلاتا پارێزگەها حومسێ ل سووریێ هاتیە بوردۆمان کرن.
پشتی وێ بۆردومانێ ئەمریکا رەتکریە کو سوپایێ وی وەلاتی فرۆکخانا سووریێ بۆردومان کربیت و سوپایێ ئیسرائیلێ ژی راگەهاندیە، ”کو مە هیچ کۆمێنتەک بۆ وی نووچەی نینە“.
ئەو فرۆکەخانا سەربازی ژلایێ میلیشیاتێن ئیرانی و حزبوللا یا لوبنانی،کو ل دەستپێکا شەرێ نافخۆیی یێ سووریێ هاریکاریا رژێما سووریێ دکەن و وەک بنگەهەکێ سەربازی بکارئینایه.
ل هەیڤا ئادارا 2011 شەرێ نافخۆیی ل سووریێ دناڤبەرا گرووپێن ئۆپۆزسیۆنێ و رێکخراوێن تیرۆریستی یێن داعش و قاعیدە و رژێما سووریێ دروست بوویە.
ب ئەگەرێ وی شەری زێدەتر ژ پێنج ملیۆن وەلاتیێن سووری ئاوارە بووینە و پتری نیڤ ملیۆن کەسان ژی گیانێ خوە ژ دەست دایە.
ئەڤرۆ نیوز ، زنار تۆڤی :
ئەندامێن جڤاتا پیرێن ئەمریكا د دوماهی كۆمبوونا خۆ دا،گوتۆبێژان ل پرۆژەیەكێ دكەن بۆ سنوورداركرنا چالاكیێن سوپایێ ئەمریكا د هەلمەتا دژی توندرەوان ل عێراق و سووریێ و دەڤەرێن دیتر،هەڤدەم بزاڤا هندێ ژی ددەن،کو دەستهەلاتا سوپای ژ كۆشكی سپی وەربگرنەڤە.
هژمارەک ژ ئەندامێن جڤاتا پیران ب سەرۆكاتیا سیناتۆر بۆب كرۆكەر سەرۆكێ لیژنا پەیوەندیێن دەرڤه و سیناتۆر تیم كین ئەندامێ لیژنا یاسایێ سنوورداركرنا بكارئینانا هێزا سەربازی یا ئەمریكا د پرۆژێ هەموو هێزێن پێدڤی بۆ دەمەکێ گونجای،کو پشتەڤانیا شەرێ ئەمریكا ل دژی قاعیدە و تالیبان و داعش و رێكخراوێن هەڤشێوێن وان دكەن، بەلێ ل گەل هندێ ژی وان دڤێت جوولەیا سوپای سنووردار بكەن.
ئەڤ پرۆژە قانوونە رێگریێ ژ بكارئینانا هێزێ ل دژی هیچ وەلاتەكێ ناكەت،ماوەیەکێ دیاركری بۆ هەلمەتێن سەربازی ژی دیار ناکەت،بەلێ د خالەكێدا ئاماژێ ب هندێ دکەت،کو پێدڤیە هەموو چار سالان جارەکێ كۆنگرێسێ ئەمریكا ل سەر پرسا هەلمەتا سەربازی یا سوپایێ ئەمریكا رەزامەندیێ بدەت و وێ قانوونێ هەموار بكەتەڤە.
هەروەسا گەلەک ژ ئەندامێن كۆماری و دیموكراتی ل كۆنگرێس د هەڤرابوون،کو پشتی هێرشا 11 سپتێمبەرێ، ژلایێ كۆنگرێس و جڤاتا پیران ڤە گەلەک دەستهەلات ب قانوونێ و سوپای هاتیەدان، بۆ نوکە پێدڤی نینە و پێدڤیە ب قانوونێ وان دەستهەلاتان ژ سوپای وەربگیریت.
لدووڤ دەستوورێ ئەمریكا،كۆنگرێسی مافێ سنووداركرنا شەری و درێژكرنا وی ماوەی هەیە،نەكو سەرۆكێ وەلاتی،بەلێ پشتی 2001 سەرۆكی ئەو دەستهەلاتە ل جهێ كۆنگرێسی ب کار ئینایە و شەرێ ئەفغانستانێ و عێراقێ و تیرۆرستێن داعشێ راگەهاندیە.
ئەڤرۆ نیوز ، سەباح زۆهێر :
ژبه‌ر هاتنا هرو بایه‌كێ بهێزل ده‌ڤه‌را نه‌هلێ زه‌ره‌رو زیانه‌كا زور گه‌هانده به‌رهه‌مێ حلیکان و رێژه‌كا زور وه‌راندینه، ئه‌ڤه ژى دێ بیته ئه‌گه‌ر كو بهایێ وان ژى بهێته خوار، ژبه‌ر كو گه‌له‌ك خراب بووینه
محه‌مه‌د سه‌عید تاهر جوتیاره‌كێ ده‌ڤه‌را نه‌هلێ یه بۆ روژناما ئه‌ڤرۆ دده‌ته دیاركرن كو ئه‌ڤ ساله به‌رهه‌مێ حلیکان گه‌له‌ك یێ باشه و رێژه‌كا زور پێڤه هاتینه، لێ هاتنا هه‌وایه‌كێ بهێز زه‌ره و زیانه‌كا زور گه‌هانده به‌رهه‌مێ وان و رێژه‌كا زور ژ حلیکان وه‌راندینه.
گۆت حلیک به‌رهه‌مه‌كێ بهارى و نازكه زوى زیان پێدكه‌ڤیت، ژبه‌ر هندێ هه‌تا كو به‌رهه‌مێ بمینیت زور زه‌حمه‌ته، ئه‌ڤ هه‌وایه ژى گه‌له‌كێ بهێزبوو له‌وما زیانه‌كا زور گه‌هاندێ. گۆت ژى ئه‌و حلیکێن وه‌ریایى مه هه‌مى خرڤه‌كرینه و دێ فروشین، لێ ئه‌ڤ حلیکا كه‌فتى ب بهایێ وێ ناچیت ئه‌وا ب ده‌ست دهێته لێڤه‌كرن، ژبه‌ر كو قه‌یسی یا نازكه زوى دكه‌ڤیت و زیان پێدكه‌ڤیت، له‌وما بهایێ دهێته ئێكسه‌ر دهێته خوار ل به‌ر وێ زیانا پێ كه‌فتى، ئه‌ڤه ژى دبیته ئه‌گه‌ر كو زیانه‌كا ئابورى ب جوتیاران ژى بكه‌ڤیت و هنده‌كا دبیت ب ملیونا زیانه‌كا ئابورى پێ بكه‌ڤیت، ژبه‌ر كو رێژه‌كا زور ژ خه‌لكێ نه‌هلێ ژین و ژیارا وان ل سه‌ر چاندنێ یه پشت به‌ستنێ لسه‌ر چاندنێ دکەن.
ئه‌ڤرۆ نيوز:
ئه‌ڤرو پشتی نیڤرو16/4/2018 به‌هزاد علی ئاده‌م جێگرێ پارێزگه‌رێ دهوكێ كومبونه‌ك دگه‌ل به‌رپرسێ كومسیونا هه‌لبژارتنا تایێ دهوكێ ونونه‌رێن سازیێن ئه‌منی و خزمه‌تكاری ل باژێرێ دهوكێ ئه‌نجامدا.
دكومبونێدا به‌حسێ ده‌ست پێكرنا هه‌وا هه‌لبژارتنا وئه‌و زێده‌گاڤیێن ژلایێ قه‌وارێن سیاسی وبه‌ربژێرێن كیانێن سیاسی لسه‌ر جهێن خزمه‌تكاری وگشتی هاتینه كرن وه‌كو دانانا ریكلاما ل سه‌ر شوسته وباخچان وجهێن خزمه‌تكاری هاته كرن.
پاش كونفرانسه‌كێ روژنامه‌ڤانی هاته ل دارخستن لبه‌راهیێ جێگرێ پارێزگه‌رێ دهوكێ ئارمانجێن كومبونێ دیاركرن وگوت گازنده گه‌هشتینه مه كو زێده‌گاڤی ل سه‌ر هنده‌ك جهان هاتینه كرن ژلایێ قه‌وارێن سیاسی وبه‌ربژێران ئه‌م وه‌كو پارێزگه‌ها دهوكێ وده‌زگه‌هێن په‌یوه‌ندیدار دێ پێرابونێن یاسایی وه‌رگرین هه‌مبه‌ر وان زێده‌گاڤیێن هاتینه كرن وگوت: دڤێت هه‌موو زێده‌گاڤی هه‌تا نیڤرویا روژا پێنچ شه‌مبیا بهێت 19-4-2018بهێنه راكرن هه‌كه دێ سزایێن یاسایی ل سه‌ر هێنه دان، وخواست كو به‌ربژێر وقه‌وارێن سیاسی پێگیریێ ب رێنمایێن كومسیونێ بكه‌ن.
پاش یوسف سلمان به‌رپرسێ‌كومسیوناهه‌لبژارتناتایێ‌دهوكێ گوت مه رێنمایێن كومسیونێ داینه لایه‌نێن سیاسی وبه‌ربژێران كو پێگریێ ب رێنمایان بكه‌ن وزێده‌گاڤیا ل سه‌ر جهێن خزمه‌تكاری ویێن گشتی نه‌كه‌ن ودڤێت هه‌موو زێده‌گاڤی دماوێ سێ روژاندا بهێنه راكرن وهه‌كه ئه‌و زێده‌گاڤی نه‌هاتنه لادان خودانێن وان دێ هێنه سزادان وخواست كو هه‌وه‌كا رێك وپێك بو هه‌لبژارتنا بهێته كرن وپارێزگه‌ها دهوكێ ببیته جهێ سه‌ربلندیێ
ئه‌ڤرۆنيوز:
كۆمسيۆنا بلند يا هه‌لبژارتنان ل عيراقێ ژئه‌گه‌رێ ئه‌نجامدانا بن پێكريان، سزا ل سه‌ر 60 به‌ربژارێن قه‌واره وليستێن جودا جودا يێن پشكدار دهه‌وا بانگه‌شا هه‌لبژارتنێن جڤاتا نوونه‌رێن عيراقێ دا سه‌پاند.
كه‌ريم تميمى، په‌يڤدارێ كۆمسيۆنا بلند يا هه‌لبژارتنان ل عيراقێ ئاشكراكر” جڤاتا كۆمسياران بريارا سه‌پاندنا سزايێ ل سه‌ر 60 به‌ربژارێن ليستێن جودا جودا ده‌ركر، ئه‌و سزايه ژى پێكدهێن ژ سزايێن دارايى ل دۆر هه‌ر بن پێكرنه‌كێ”..
تميمى دداخۆيانيه‌كێ دا زێده‌تر گۆت” جڤاتا كۆمسياران دێ سزايێن زێده‌تر ل سه‌ر به‌ربژاران سه‌پينيت، هه‌كه جاره‌كا دى بن پێكرنان ئه‌نجام بده‌ن وپێگيريێ ب قانوونێ ورێنمايێن كۆمسيۆنێ نه‌كه‌ن، تاكه بن پێكرنا وان 60 به‌ربژاران ده‌ستپێكرن بوو ب هه‌وا بانگه‌شا هه‌لبژارتنان به‌رى ژڤانێ وێ يێ فه‌رمى يێ كۆمسيۆنێ دياركرى”.
ئه‌ڤرۆنيوز:
فراكسيۆنا پارتى ديموكراتى كوردستان ل په‌رله‌مانێ كوردستانێ داخواز ژ سه‌رۆكاتيا په‌رله‌مانى كر، كۆمبوونه‌كا نه‌ئاسايى يا په‌رله‌مانى بهێته ئه‌نجامدان تاكو ب زووترين ده‌م قانوونا چاكسازيێ دمووچه‌ى وخانه‌نشينيێ دا بهيته په‌سه‌ندكرن، هه‌ڤده‌م راگه‌هاند ژى ل دووڤ وێ قانوونێ ئێدى پاشكه‌فتا مووچان نامينيت.
سه‌رۆكێ فراكسيۆنا پارتى، ئومێد خوشناو، دكۆنفرانسه‌كێ رۆژنامه‌ڤانى دا گۆت” ب مه‌ترسى دزانين هه‌ر ئێك قانوونا چاكسازيێ دمووچه‌ى وخانه‌نشينيێ دا ب هاڤێژيته به‌ر ده‌ستێ يێ دى ونوكه هه‌ست ب هه‌بوونا بزاڤه‌كێ بۆ (موماته‌له‌كرنێ) ب وێ قانوونێ دهێته كرن”.
ئومێد خوشناو ئاماژه بۆ بزاڤێن فراكسيۆنا پارتى كر كو فراكسيۆنێن په‌رله‌مانى بگه‌هنه رێككه‌فتنه‌كێ ل سه‌ر پرۆژێ وێ قانوونێ وگۆت” به‌لێ هه‌تا نوكه جديه‌تێ دده‌ربازكرنا وێ قانوونێ دا نابينين، له‌وما دو داخوازى يێن هه‌ين، ب فه‌رمى داخواز ژ ده‌سته‌يا سه‌رۆكاتيا په‌رله‌مانى دكه‌ين كو سوباهى كۆمبوونا دناڤبه‌را سه‌رۆكاتيا په‌رله‌مانى وسه‌رۆكێن فراكسيۆنێن په‌رله‌مانى بۆ گه‌هشتن ب رێككه‌فتنه‌كێ ل سه‌ر ده‌ربازكرنا وێ قانوونێ بهێته كرن، هه‌روه‌سا مه ياداشته‌ك ئاراسته‌ى ده‌سته‌يا سه‌رۆكاتيا په‌رله‌مانى كريه وداخواز تێدا هاتيه كرن كو ل دده‌مێ حه‌فتيه‌كێ دا په‌رله‌مانێ كوردستانێ روونشتنه‌كا نه‌ئاسايى ئه‌نجام بده‌ت بۆ ده‌ركرنا وێ قانوونێ ب زووترين ده‌م، چونكى ترس ژ وێ چه‌ندێ هه‌يه كو قانوونا ناڤبرى بچيته دچارچۆڤێ بانگه‌شا هه‌لبژارتنان دا”.
گۆت ژى” فراكسيۆنا پارتى يا به‌رهه‌ڤه تاكو گه‌هشتنا نه‌مانا خانه‌نشينيێ بۆ په‌رله‌مانتاران، پشته‌ڤانيێ ل وێ قانوونێ بكه‌ت وپشته‌ڤانيێ ل پرۆژێ حوكمه‌تێ دكه‌ين، ديسا داخوازا كارپێكرنێ ب قانوونا خانه‌نشنيا ئێكگرتى يا عيراقێ هاتيه كرن بۆ پلێن تايبه‌ت، ئه‌ڤه ژى خراب نينه”.
سه‌رۆكێ فراكسيۆنا پارتى خوياكر” ژ ئه‌گه‌رێ قانوونا چاكسازيێ دمووچه‌ى وخانه‌نشينيێ دا، پاشكه‌فتا مووچه‌ى نامينيت وحوكمه‌تا هه‌رێما كوردستانێ ژى دێ هێته پێگيريكرن كو هه‌ر 30 رۆژان جاره‌كێ مووچه‌ى به‌لاڤ بكه‌ت”.
نيشاندان