ئەڤرۆ نیوز، فاتما مزووری:
سەرۆکێ لژنا ئەمنی ل جڤاتا پارێزگەھا ھەولێرێ ھوشداریێ ددەتە وان کەسان یێن کو چەکێ بێ مۆلەت ھەیی و سەرپێچیا قانوونێ دکەن. خویا ژی کر کو د ھەردو رۆژێن بۆری دا، 50 کەس ھاتینە دەستەسەرکرن.
نەجیب موحسن، سەرۆکێ لژنا ناڤخۆ ل جڤاتا پارێزگەھا ھەولێرێ راگەھاند کو جڤاتا پارێزگەھا ھەولێر گازی رێڤەبەریێن پۆلیسێن ھەولێر کریە دەربارەی زێدەبوونا رێژا تاوانان و ھەلگرتنا چەکێ بێ مۆلەت.
گۆتژی: “د کۆمبوونێ دا رێڤەبەرێ پۆلیسێن ھەولێرێ سەدەما وێ یەکێ ئاشکەرا کر کو ب تایبەت پشکەک ژ وان بوویەران تێکەلی ب چارەکرنا کێشێن عەشیرەتگەری ھەیە کو د ناڤبەرا وەلاتیان دا دھێنە کرن و پاشان ئەو پێکھاتن دھێنە شکاندن.
سەرۆکێ لژنا ناڤخۆ ل پارێزگەھا ھەولێر خوەیاژی کر کو ئاکنجیێن ھەولێرێ تەکەزێ ل سەر وێ چەندێ دکەن کو رەوشا ئەمنی یا باژێرێ ھەولێرێ یا پاراستیە و ھێزێن ئەمنی دەست ب ڤەکۆلینێ کرینە ل گەل وان کەسێن سەرپێچیا قانوونێ دکەن.
د ڤی چارچۆڤەی دا، د ماوێ دو رۆژێن دەربازبووی دا، 50 کەس ھاتینە گرتن و دەست ژی ب سەر ھندەک چەکێ بێ مۆلەت دا ھاتیە گرتن.
نەجیب موحسین ئەو یەک ژی خوەیا کر کو وەزیرێ ناڤخۆ و پارێزگارێ ھەولێرێ و تەڤاھیا بەرپرسێن ئەمنی و پەیوەندیدار پشکداری د ناڤا ئێ ھەوێ دا کریە و بریارە ھەر کەسەکێ سەرپێچیا وێ قانوونێ بکەت، ھەمبەری دادگەھێ بکەن و سزایێن قانوونی وەربگرن.
گۆتژی: “ئەو بڕیارە ھەموو کەسەکی دگریت ب بێ جوداھی و ھەر کەسەکێ د ھەر پلە و پۆستەکی دا بیت نابیت ل سەر وێ قانوونێ دا بیت.”
نيشاندان