ئەڤرۆ نيوز:
پەسنا پشتەڤانێن ھەردو ھەلبژارتیێن سینیگال و ژاپون ل سەر ئاستێ جیھانێ ھاتە کرن پشت رژدیا وان ل سەر پاقژکرنا جھێن خوە د ناڤا یاریگەھێ دا ژ دەستپێکا قارەمانیێ و ھەتا نوکە.
پشتەڤانێن ڤان ھەردو ولاتان نوکە ل پێشیا مانشێتین روژنامەیێن جیھانی دھێن ب ئەگەرا رەوشتێ وان یێ پاقژیێ د یاریێن ئێکێ یێن قارەمانیێ دا و دووڤدا پشتی ب دووماھی ھاتنا یاریێن ھەلبژارتیێ وەلاتێن وان ب وەکھەڤی.
ل روژنامە و تورێن جڤاکی وێنەیێن پشتەڤانێن ھەلبژارتیێن ژاپون و سینگال ھاتینە بەلاڤەکرن و تێدا دیاردبن دەمێ جھێن خوە پاقژ دکەت و بەرمایکێن ل بن کورسیان رادکەن و کیسێن بەرمایکا یێن شین ددەستێن وان دا.
دڤی بیاڤی دا ئێک ژ پشتەڤانێن ھەلبژارتیێ ژاپون ب ناڤێ واتارو موریتا دیارکر ئەو حەز ل پشتەڤانیا ھەلبژارتیێ خوە و دیسان راکرنا کیسێن بەرمایکان دکەن و دخوازن رەوشەنبیریا خوە د قارەمانیێ دا بو جیھانێ نیشان بدەن.
ب ھەمان شێوە پشتەڤانێ ھەلبژارتیێ سینیگال ب ناڤێ جورا ندوی دیارکر کو پێدڤیە ئەف کارێ ھەنێ بدەن و بو جیھانێ دیاربکەن ئەو یێ سەرەدەریەکا جوان دکەن.

ئه‌ڤرۆ نیوز:
رۆژنامه‌یا ماركا ئسپانى د راپرسیه‌كێ دا د سایتێ خوه‌ یێ فه‌رمى دا ئه‌نجامدایه‌ ل دۆر هه‌لسه‌نگاندنا ئاستێ هه‌لبژارتیێ ئسپانیا د یاریێن قوناغا كومان دا پشتى زه‌حمه‌ته‌كا مه‌زن دیتى هه‌تا شیاى ده‌ربازى قوناغا شازدێ بیت.
د ڤێ راپرسیێ دا 73% ژ ده‌نگده‌ران ژ پێكهاتیێ سه‌ره‌كى یێ راهێنه‌رێ ئسپانیا فێرناندو هیێرو د رازى نینن به‌رامبه‌ر 27% د رازینه‌ ژ ڤى پێكهاتیێ هه‌رسێ یاریێن قوناغا كومان دا یارى كرى، .
د هه‌مان راپرسى دا 55% ژ گوهۆرینێن راهێنه‌رى د رازى نه‌ به‌رامبه‌ر 45% د رازى نینن تایبه‌ت گۆلچیێ ئسپانیا دیخیا ئه‌وێ ئاسته‌كێ خراب پێشكێش كرى د سه‌رجه‌مێ سێ یاریان دا پێنج گۆل لسه‌ر هاتینه‌ توماركرن كو د ڤێ راپرسیێ دا 68% داخواز كریه‌ كیبا گۆلچیێ ئه‌تله‌تیكو مه‌درید بیته‌ یێ سه‌ره‌كى د یاریا بهێت دا به‌رامبه‌ر 20 % حه‌زدكه‌ن پێپێ رینا بیته‌ سه‌ره‌كى و 12% هه‌ر دیخیا بمینت.
د هه‌مان راپرسى دا ئیسكو هاته‌ هه‌لبژارتن وه‌ك باشترین یاریزانێ ئسپانیا برێژا 83% به‌رامبه‌ر 7% ئسپاس و 6% بۆ ئینیستا ل دیفدا دیێگو كوستا و جوردى ئه‌لبا