ئه‌ڤرۆ نيوز، فاتما مزوورى :

رۆژا ئێکشەمبی ھەلبژارتنێن پەرلەمانێ تورکیا و سەرۆکاتیا وی وەلاتی ھاتنە کرن.

پشتی سەرکەفتنا ئەردوگان بۆ سەرۆک کۆماریێ، سیستەمێ وی وەلاتی بۆ سەرۆکاتیێ ھاتە گوھۆڕین.

د ماوێ ب رێڤەچوونا ھەوا ھەلبژارتنان دا، ئەردوگان ھندەک سۆز ژ بۆ باشترکرنا روویێ ئابووری دابوون، ژ بەر ڤێ چەندێ و ژ ئەگەرێ سەرکەفتنا وی، گوھۆڕین ب سەر بھایێ دراڤێ وی وەلاتی د بۆرسان دا ھات.

ب گۆرەی 100 بۆرسێن ستەمبۆلێ پشتی ھەلبژارتنان، بھایێ پشکان ب رێژا 3.3% بلندبوون ب خوە ڤە دیتیە.

ھەروەسا پشتی راگەھاندنا ئەنجامێن دەسپێکی یێن ھەلبژارتنان و سەرکەفتنا رەجەب تەیب ئەردوگان، بھایێ لیرێ تورکی ل ھەمبەر دۆلاری بەر ب بلندبوونێ ڤە چوو ب رەنگەکی کو ئێک دۆلار بەرامبەرە ب 4.5 لیرە، د دەمەکی دا کو بەری ھەلبژارتنان ئێک دۆلار یێ بەرامبەر بوو ب 4.8 لیرە.

ئه‌ڤرۆ نيوز، فاتما مزوورى:

ب سه‌ده‌ما روودانێن ليبيا د ده‌سپێكرنا بازارێ ئه‌ڤرۆ دا بهايێ په‌ترۆلێ بلندبوون ب خوه‌ ڤه‌ ديت.

شه‌ڤا ده‌ربازبوويى، دامه‌زرێنه‌رێن په‌ترۆلا نشتيمانى يا ليبيا راگه‌هاند كو ژ ئه‌گه‌رێ شه‌ر و هه‌ڤركيان هنارتنا په‌ترۆلێ دێ كێم بيت، د ڤى وارى ژى دا هنده‌ك هوشدارى دانه‌ وان كۆمپانيێن په‌ترۆلێ ژ ليبيا دكرن. ئه‌ڤ چه‌نده‌ ژى بۆ ئه‌گه‌ر بهايێ په‌ترۆلێ بلند ببيت.

ئه‌ڤ داخۆيانيا ده‌سته‌يا په‌ترۆلا نشتيمانى يا ليبيا بۆ ئه‌گه‌ر كو بهايێ په‌ترۆلا بڕينت ب رێژا 0.10% زێده‌ ببيت و بهايێ هه‌ر به‌لرميله‌كا په‌ترۆلێ بگه‌هيته‌ 74.80$ و هه‌رديسا بهايێ په‌ترۆلا خاڤا ئه‌مريكى ب رێژا 0.26% بلند بوويه‌ بهايێ به‌رميلا په‌ترۆلێ ب 68.26$ سه‌ره‌ده‌رى ل گه‌ل دهێته‌ كرن.

كێمبوونا ئاستێ هنارتنا په‌ترۆلێ كارتێكرن كريه‌ سه‌ر بهايێ په‌ترۆلا ئۆپێك ب ره‌نگه‌كى هه‌ر به‌رميله‌كا په‌ترۆلا ئۆپێك ب رێژا 1.4% بلند بوون ب خوڤه‌ ديتيه‌ و ئێك به‌رميل ب 71.60$ سه‌ره‌ده‌رى ل گه‌ل دهێته‌ كرن.

ئەڤرۆ نيوز:

رێڤەبەرا گەشەپێدانا پێشەسازی ل پارێزگەھا دھۆک ئاشکراکر کو ئەڤە ژ سالا 2015 وەرە چیمەنتوو ژ کارگەھا تاسلوجە یا سلێمانیێ بۆ ھەر دو پارێزگەھێن ھەولێر و دھۆک نەھاتیە و ئەگەر ژی بۆ بلندبوونا بھایێ چیمەنتویێ ڤەگەراند.

خانم نازدار عەبدالقادر حسێن، رێڤەبەرا گەشەپێدانا پێشەسازی ل پارێزگەھا دھۆک بۆرۆژناما ئەڤرۆ گۆت: ماوێ سێ سالانە چیمەنتوو ژ کارگەھا تاسلوجە بۆ دھۆک نەھاتیە و ئەڤە چونکو چیمەنتوو ل کارگەھێ یا گرانە و ھەتا دگەھیتە پارێزگەھا دھۆک گەلەک گران لسەر وەلاتیان راوستیت و دیسا ھەولێرێ ژی ب ھەمان شێوە ماوێ سێ سالانە چیمەنتوو ژ کارگەھا تاسلوجە نەوەرگرتیە.

نازدارێ، ئاشکراکر ژی کو تەنا چیمەنتوویێ کارگەھا تاسلوجە تەنی ب 60 ھزار دیناران دەتە بەلندەری، ھەتا دگەھیتە پارێزگەھا دھۆکێ تەن دکەھیتە 76 ھزار دیناران، بەرامبەر چیمەنتوویا تورکی ل بازارێ دھۆکێ ئەرزانترە ژ یا کوردستانێ و کارگەھا سلێمانیێ لەوما پتر خواست ل سەر چیمەتوویا تورکی ھەیە ژ یا حوکمەتا ھەرێما کوردستانێ.
نازدار عەبدالقادر ئەو ژی گۆت: بەری سالا 2015 رۆژانە پێنچ ھزار تەنێن چیمەنتووویێ ژ کارگەھا تاسلوجە سلێمانیێ گەھشتنە پارێزگەھا دھۆکێ و دھاتنە بەلاڤەکرن ل سەر ھەموو قەزایێن پارێزگەھێ، لێ نوکە کەسەک خوە تۆمارناکەت بۆ وەرگرتنا چیمەنتوویێ.

رێڤەبەرا گەشەپێدانا پیشەسازی ئەو ژی گۆت: بۆ خەلکێ قەزایێن پارێزگەھێ وەک زاخۆ و ئاکرێ و ئامێدی گەلەک ئاریشە دروست بوون دا چیمەنتوو ھێتە سێمێلێ و دڤێت خەلکی بخو بربا قەزایێن خوە و ئەڤێ چەندێ ژی بارگرانی بۆ وەلاتیان دروست کر و تەن پتر گران دبوو.

خانم نازدار، چیمەنتوویا کوردستانێ کوالێتیا وێ گەلەک یا باشە چونکە ھەتا سالا بوری ژی ل بن کونترۆلا کومپانیەکا فەرنسی بوو و خەلکی گەلەک حەزێ دکر و قەیرانێ کارتێکرن ل سەر دکر و چیمەنتوویا وەلاتێن بیانی ژی کارتێکرن ل سەر وەلاتیان کر.

رێڤەبەرا گەشەپێدانا پیشەسازی ئەو ژی دیارکر کو پێشنیار داینە وەزارەتا داریی یا حوکمەتا ھەرێما کوردستانێ کو کارگەھا تاسلوجە تەنێ چیمەنتوویێ بکەتە 40 ھزار دینار و 16 بۆ ڤەگوھاستنێ ھەتا گەھشتبا پارێزگەھا دھۆک دا بیتە 56 ھزار دینار و ئەڤە ژی دێ پتر خەلکێ کوردستانێ مفایی ژێ وەرگریت، لێ وەزارەتا دارایی رازی نەبوو گۆت بھایێ کێمە، ئەڤە پێشنیارا ھەرسێ پارێزگەھێن ھەرێما کوردستانێ بوو بۆ وەزارەتا دارایی .