ئەڤرۆ نيوز:

مامێ وان ھەر دو کچ و کورێ د بێ سەرووشوون ل قەزا سۆران بۆ رۆژناما ئەڤرۆ دیار کر کو ل مەغرەبیا رۆژا 22/6/2018ێ برایێ وی پەیوەندی پێ کر و گۆتێ (زریان، جیلان) ڤەنەگەریاینە مال ئەڤە ژ دەمژمێر 10 سپێدێ یێن دەرکەفتین ئەم ھەر ماین ھەتا درەنگی شەڤ نەزڤرین بێ ھیڤی بووین و دەزگەھێن ئەمنی پۆلیس و ئاسایش ئاگەھدارکرن ل سەر بێ سەرووشوونیا وان ھەر د شەڤ دا دەیکا وان ژی بێ سەروشین دبیت ئەڤە سێ رۆژە چاڤەرێ ڤەگەریانا وان ھەموو زالگەە و پۆلیس یێن ھەموو باژێرا ئاگەھدارکینە وێنەیێن وان ژی ل زالگەھا ھاتینە دانان، ئەڤرۆ پۆلیسێن دھۆکێ و زاخۆ ژی دێ ل سەر بێ سەرووشوونیا وان ھێنە ئاگەھدارکرن”.

ناڤھاتی دیار کر کو وان کچ و کورا ئاریشە دگەل کەسێ نەبوینە بابێ وان د وێ رۆژێ دا چوویە گوندی ئیڤاری زڤریە بتنێ دەیکا وان یا ل مال، ل دووڤ پێزانینێن دەستپێکێ کو گومانا رەڤاندنێ ل سەرە کو دەیکا وان ژی پشکدارە ژ بەرزەبوونا وان ژبەر کو دەیکا وان ژی ب شەڤ خوە بەرزەکریە و ھەتا نوکە ڤەنەگەریایە مال و گۆت: “ئەو خووشک و برا بناڤێن زریان عەزیز د ژیێ 11 سالیێ دایە و جیلان عەزیز ژیێ وێ 13 سالە ئاکنجیێن سەنتەرێ باژێرێ سۆرانن، داخوازێ ژ وەلاتیان دکەین کو ھەر کەسێ وان بینیت مە ئاگەھدار بکەت”.

ئه‌ڤرۆ نيوز:

سەرۆکێ باژێرڤانیا قەزا بەردەرەش، دیارکر کو ژبەر بەرژەوەندیا گشتی یا خەلکێ قەزا ناڤبری، بریار دا کو پیشەسازیا بەردەرەش ژ ناف بازاری بھێتە ڤەگوھاستن بۆ جھەکێ دی.

ئەندازیار عمر میکایل سلیم، سەرۆکێ باژێرڤانیا قەزا بەردەرەش بۆ ئەڤرۆ گۆت: چونکو پیشەسازی ل نزیک بازاری بوو، ئەڤ کارە گەلەک یێ بزحمەت بۆ وەلاتیان وەک خودانێن دوکانان و خودانێن ترۆمبێلان، ھەتا ھەیڤا دوازدە یا ئەف سالە دبیت جھێ نوو ب تەمامی ب دووماھی بھێت.

سەرۆکێ باژێرڤانیا بەردەرش ئەو ژی گۆت: ھەر دوکاندارەک ل دووڤ بسپووریا کارێ وی مە پارەچەکا ئەردی دایێ وخزمەت گۆزاری ژی بۆ ھاتینەدابینکرن، ئاف، کارەب، رێک، لێ ھێشتا رێک نەھاتینە قێرکرن، ھەر دەما ھەموو ھاتنە ڤەگوھاستن بۆ جھێ نوو دێ ریکێ قێرکەین, ب ڤی رەنگی پیشەسازییەکا نوو مودێرن دھێتە ئاڤاکرن.