ئه‌ڤرۆ نيوز:

پارزینگەھا “کەسکێ” ل نێزیک باژێرێ تەلەعفەر د نھا دا کار ل سەر دھێتەکرن کو دووبارە ە نوژەنکرن ژلایێ حوکمەتا عێراقێ ڤە رۆژانە 350 ئەندازیار و کارمەند کاری ل سەر دکەن و راوێژکارەکێ ئەمن و ئابووری یێ ھەرێما کوردستانێ دبێژیت حوکمەتا بەغدا تنێ نەشێت ڤێ پارزینگەھێ نوژەن بکەت پێدڤی یە رێکەفتنەک بھێتەکرن دگەل ھەرێمێ ژبو دوبارە نوژەنکرنا وێ .

د بێوار خەنسی، راوێژکارێ ئەمن و ئابووری ل ھەرێما کوردستانێ و بسپور دبواری جیۆلوجیدا بو رۆژناما ئەڤرۆ دیار کر کو حوکمەتا عێراقێ بتنێ نەشێت پارزینگەھا “کەسکێ” نوژەن بکەت دوبارە بدەتە کاری ژبەرکو رێکخراوا تیرۆرستی یا داعش ئەو پارزینگەە د بنیات دا پەقاند بو دەمێ شەر ل سەر دھاتەکرن ژلایێ ھێزێن پێشمەرگەی ڤە ھاتیە کۆنترول کرن پێدڤیە حوکمەتا عێراقێ ب ھەڤکاری دگەل حوکومەتا ھەرێما کوردستانێ بگەھن رێکەفتنەکێ ژبو نوژەنکرنا ڤێ پارزینگەھێ ،ئەوپارزینگەھە ژێدەرێ سەرەکی یێ ئابووری یێ رێکخراوا تیرۆرستی یا داعش بوو کو رۆژانە داعش 10 ھزار بەرمیل یێن پترۆلێ ژێ دفروتن.

ناڤبری دیار کر کو د نھا دا سەرھەلدانا گرۆپێن رێکخراوا تیرۆرستی یا داعش ل دیالا و کەرکوک و ھندەک دەڤەرێن دی مەترسیە ل سەر ئابوورێ عێراقێ تایبەت پترۆلێ ژبەرکو د نھا دا ھەولێن کۆنترولکرنا جەندین چارزیینگەھێن کەرکوک و جەند دەڤەرێن دی نە مەترسی یا ھەی کو دووبارە داعش وان پارزینگەھا کۆنترول کەت پێدڤیە حوکمەتا عێراقێ بلەز کاربکەت ژبو ڤەگەریانا پێشمەرگەی بو وان دەڤەرا کو ھەماھەنگ بن ژبو پاراستنا وان پارزینگەھێن کەرکوک و جەند دەڤەرێن دی یێن عێراقێ .

وەزارەتا پترۆلا عێراقێ ب فەرمی محەمەد حەکیم ،رێڤەبەرێ کاروبارێن نوژەنکرنێ ل پارزینگەھا کەسکێ راگەھاند کو بەری ماوەیەک بو ب رێکا لژنەکا تیبەت کار ھات بو کرن ژبو ھژمارتنا زیانێن ب پارزینگەھێ کەفتین پلانەک ھات دارێژتن ژلایێ تیمێن تەکنیکی ئەندازیارێن شەھرەزا دبوارێ پترۆلێ داکو بھێتە نوژەنکرن باشتر ژ بەری بھێت پەقاندن ،د نھا دا کار ل سەر نوژەنکرنا وێ یا بەردەوامە رۆژانە 350 ئەندازیارو و تەکنیکار بەشداری د نوژەنکرنا پارزینگەھێ پشتی نوژەنکرنا وێ ب دوماھی دھێت دشیان دایە کو رۆژانە 10 ھزار بەرمیلێن پترۆلا خام بەرھەم بینن ، ژلایەکی ڤە دڤێ پارزینگەھێ دا 500 مەتر سێجا پترۆلا خام بەرھەم ئئێت د ئێک رۆژدا بو کارگەھا بادوش یا چیمەنتویێ یا بادوش دھێتە بکارئینان، ناڤبری دیار کر کو پشتی ئەڤ نوژەنکرنە ب دوماھیک بھێت د پلان دا ھەیە ئاستێ بەرھەم ئینانێ بەرەڤ زێدەبوونێ بچیت د دوماھیا ڤێ سالێ دا ، ژلایەکێ دی ڤە عەلی خوزەیر، ئەندامێ ئەنجومەنێ پارێزگەھا مووسل بو رۆژناما ئەڤرۆ دیار کر کو دھێتە پێشبینی کرن پشتی ئەڤ نوێژەنکرنە ب دوماھیک بھێت ل سالا 2019 شیان ھەنە کو رۆژانە 70 ھزار بەرمیلێن نەفتا خام بەرھەم بینیت.

ئەڤرۆ نيوز:

سەرۆکێ لژنا سۆتەمەنی و پیشەسازی ل جڤاتا پارێزگەھا دھۆکێ ئاشکراکر کو بەغدا ھایدارکرینە ڤێ حەفتیێ دێ پانزین گەھیتە کوردستانێ ژ سەرجەمێ پێنچ ملیۆن لترێن پانزینێ بەھرا پارێزگەھا دھۆکێ ژ ڤێ رێژێ ملیۆن لترێن پانزینێ نە.

عەبدسەمەد تێلی سەرۆکێ لژنا سوتەمەنی و پیشەسازی ل جڤاتا پارێزگەھا دھۆک بۆ رۆژناما ئەڤرۆ گۆت: چاڤەرێی گەھشتنا پانزینا بەغداینە ھاتینە ھایداکرن کو ڤێ حەفتیێ پانزین بگەھیتە کوردستانێ و چەند پانزینخانە دێ ھێنە دەست نیشانکرن بۆ ترۆمبێلێن تایبەت و تەکسیان و بۆ ھەر لترەکێ 600 دینار ھاتینە دەست نیشانکرن، ئەڤ بھایە ژی دبیت بھێتە گوھۆڕین بتنێ دێ جۆرەکێ پانزینێ بیت.

ھێشتا گۆت: بەھرا دھۆکێ ملیۆن لترن لێ ئەڤە دەسپێکی یە ھەتا دگەھیت، ئەم رازی نابین ل سەر ڤێ رێژا ھاتیە دیارکرن چنکو پارێزگەھا دھۆکێ رۆژانە پێدڤی ب ملیۆن و 500 لترێن پانزینێ یە، ھەتا نوکە دیارنەبوویە ئەو رێژا بۆ کوردستانێ ھاتیەدیارکرن کا دێ رۆژانە بیت یان نە.

تێلی گۆت ژی: ل پارێزگەھا دھۆکێ دو جورێن پانزینێ ھەنە، یا محسن و نورمال، ل پارێزگەھا ھەولێرێ ھەتا پێنج جورێن پانزینێ دھێنە فرۆتن ژ بەر کوالێتیا نەباش پانزینێ ل پارێزگەھێن ھەرێمێ چەندین ترۆمبێل ھاتینە سۆتن.

ھێشتا گۆت: پانزیخانێن حوکمی ل پارێزگەھا دھۆکێ نەماینە و بتنێ ھەولێرێ ھەنە و مەرج نینە پانزیخانا حوکمەتێ پانزینا حوکمی ل بھێتە بەلاڤەکرن، دبیت ھەر قەزایەکێ پانزیخانەک بھێتە دەست نیشانکرن و دەست ب بەلاڤەکرنا پانزینێ بکەت.

ئەو ژی ئاشکراکر کو وەرزێ ھاڤینێ پارێزگەھا دھۆکێ پێدڤی ب 1700 لترێن پانزینێ یە و وەزرێ زڤستانێ پێدڤی ب ملیۆن 300لترێن پانزینێ یە.

ئه‌ڤرۆ نيوز:

سەرۆکا لیژنا پێشمەرگەی ل پەرلەمانێ کوردستانێ ئاشکرا کر، وەزارەتا دارایی رازیبوونا خوە نیشادایە ھەر پێشمەرگەکێ بریندار چارەسەری ل ناڤخوەیا ھەرێمێ بۆ نەھێتە کرن، بۆ دەرڤەی وەلاتی بھێتە ھنارتن و دبێژیت: ل گەل باشبوونا رەوشا ئابووری دێ بەلاڤکرنا ھەڤکاریا ئێک ملیۆنی ژی ل سەر پێشمەرگێن بریندار دەست پێ کەت.

شیلان شێخ جەعفەر، سەرۆکا لیژنا پێشمەرگەی ل پەرلەمانێ کوردستانێ بۆ رۆژناما ئەڤرۆ گۆت: “مە دانوستاندن ل گەل ھەردو وەزارەتێن دارایی و پێشمەرگەی بۆ چارەسەرکرنا پێشمەرگێن د ئەنجامێ شەڕێ تیرۆرستێن داعشێ دا برینداربووین کرینە، بزاڤێن مە ھێشتا دێ د بەردەوام بن بۆ چارەسەرکرنا پێشمەرگێن بریندار، وەزارەتا دارایی رازیبوونا خوە نیشادایە ھەر پێشمەرگەکێ چارەسەریا وی ل ھەرێما کوردستانێ نەبیت و پێدڤی ب دەرڤەی ھەرێما کوردستانێ بیت، دێ مەزاختیێن پێدڤی بۆ ھێنەکرن و ھێتە ھنارتن بۆ نەخۆشخانێن وەلاتێن بیانی”.

شیلان شێخ جەعفەر گۆتژی: “وەزارەتا دارایی سۆزا ڤێ چەندێ ژی دایە، ھەکە رەوشا ئابووری یا حوکمەتێ بەرەف باشتر بچیت دێ مەزاختیێن ئەڤان پێشمەرگێن بریندار ژی ھێتە بەلاڤکرن یێن ل سەر پارێ خوە بۆ چارەسەرکرنێ چووینە ژ دەرڤەی وەلاتی و بەلاڤکرنا ھەڤکاریا ئێک ملیۆن دیناری ژی بۆ پێشمەرگێن بریندار دێ دەست پێ کەت یا کو بڕیارە ھەر پێشمەرگەیەک مفاداربیت ژ ھاریکاریا حوکمەتێ”.