ئەڤرۆ نیوز ، زنار تۆڤی:
سترانبێژا كورد یا باكورێ كوردستانێ جانێ ب ئەگەرێ پشته‌ڤانیكرنێ ل هه‌ده‌پێ ل باژێرێ ئه‌درنە هاته گرتن.
مه‌دیایێن توركی وەسا به‌لاڤكرینه كو سترانبێژا كورد جانێ یا كو بۆ بانگه‌شا هه‌لبژارتنان ل باژێرێ ئه‌درنە بوو و د ده‌ما ڤه‌گه‌ریانێ دا ل زالگه‌هه‌كا ئه‌منى یا پۆلیسێن توركیا هاتیه ده‌سته‌سه‌ركرن.
سترانبێژ جانێ ل باژێرێ ئه‌رزه‌رومێ ژ دایك بوویه و ئەڤە ماوی چه‌ندین سالانه ل وه‌لاتێ ئه‌لمانیا ئاكنجى بوویه و وێ چەندین ئه‌لبۆم و ڤیدیۆ کلیپ هەنه.
ئەڤرۆ نیوز ، زنار تۆڤی:
ئەو جڤاتا دادوه‌ران یاکو ب كارێن كۆمسیۆنێ رادبن راگه‌هاندیە: کو ب تنێ ئه‌و سندۆقێن ده‌نگدانێ دێ ب ده‌ست هێنه هژمارتن یێن کو سكالایێن فه‌رمی ل سه‌ر هاتینه دان.
د به‌یاننامه‌یه‌كێ جڤاتا دادوه‌ران ئاشكرا كر: ڤاڤارتنا ده‌نگان دێ ب به‌رهه‌ڤبوونا نوونه‌رێن نه‌ته‌وه‌یێن ئێكگرتی برێڤه‌چیت ل جهـ و ده‌مه‌كێ ده‌ستنیشانكری و پاشان دێ هێته ده‌ستنیشانكرن.
د وێ به‌یاننامێ دا هاتیه ژی: سندۆقێن ده‌نگدانێ یێن وان ده‌ڤه‌ران دێ ب ده‌ست هێنه ڤاڤارتن، ئه‌وێن سكالایێن فه‌رمی ل سه‌ر هاتینه تۆماركرن.
ئەڤرۆ نیوز،ھەژار مەعروف:
ستێرا کورد و یانا ئەلتینوردو یا تورکی میرکان ئایدین ئەڤرۆ ب فەرمی ھەڤبەستا یانا ئەحد یا سعودی ئیمزاکر پشتی ھەڤبەستا ئەوی ل گەل یانا تورکی ب دووماھیی ھاتی و ب ھەڤبەستەکا ئازاد ھاتە ڤەگوھاستن.
میرکان ئایدین د داخویانیەکێ دا بۆ ئەڤرۆ نیوز دیارکر ماوەکێ درێژە دانوستاندن ب رێیا بریکارێ ئەوی یانا ئەحد یا سعودی ھاتنەکرن ھەر چەندە دو یانێن تورکی یێن خولا پلا نایاب ئەوژی ئالانیا سپور و رێزا سپور ب فەرمی داخوازی ژ ئەوی کربوو ئیمزاکرنا ھەڤبەستێ و یانەکا ئەلمانی دبوندس لیگا ٢ و ل گەل ئێکا دانیمارکی داخوازی ژێ کربوو لێ ئەوی ھەڤبەستا سعودی ھەلبژارت ژبەرکو وەرزێ نوو یێ خولا سعودی پێشکەڤتنەکا مەزن ب خوڤە دیتی یە ھەردیسان چەندین ستێرێن جیھانی نوکە ھەڤبەستا یانێن سعودی ئیمزاکریە .
ھەژی گوتنێ یە مێرکان ئایدین کوردێ باکورێ کوردستانێ یە بەری نوکە یاری ل یانێن بوخوم یا ئەلمانی کریە و ھەردیسان دالکورد یا سویدی و یانێن ئەسکیشەھیر و ئاکیسەھیر و گوزتەپە و ئەلتینوردو یێن تورکی
ئه‌ڤرۆ نيوز، فاتما مزوورى:
جه‌بار لعێبی، وه‌زیرێ نه‌فتا عێراقێ راگه‌هاند، سزایێن ئه‌مه‌ریكایێ باندۆر ل سه‌ر رێكه‌فتنا ڤه‌گوهارتنا نه‌فتا خاڤ د ناڤبه‌را عێراق و ئیرانێ دروست ناكه‌ت.
لعێبی د جڤینا رێكخراوا ئۆپیك ئاماژه ب وێ كر، ئه‌و نه‌فتا خام یا تا نها ژبۆ ئیرانێ دهێته شاندن، كرێ یا وێ كاره‌بێ پێ تێت داین كو ئه‌و وڵات بۆ عێراقێ دابین دكه‌ت.
گوت ژی ل سه‌ر بنه‌ما‌یێ گوهرتنێ ده‌ست ب شاندنه‌كه كێم كریه ژبۆ پالاوگه‌هێن ئیرانێ، ته‌كه‌زی ژی كر كو سزایێن ئه‌مه‌ریكایێ بۆ سه‌ر ئیرانێ باندۆر ل سه‌ر رێكه‌فتنا ناڤبه‌را به‌غدا و تارانێ نابه.
ئەڤرۆ نیوز:
ل دووڤ ئەنجامێن 95%یا ڤاڤارتنا دەنگێن هەلبژارتنێن سەروکایەتی و پەرلەمانێ تورکیا ڤی رەنگی بوون:
ئاکپارتی: 42.3 %
جەهەپە: 22.76%
هەدەپە: 11.25 %
مەهەپە: 11.21 %
ئیی پارتی: 10.12 %
سەعادەت: 1.40%
یێن دی: 1.46% دەنگان
بەربژێرێن سەرۆکاتیێ:
– ئەردۆغان: 52.5%
– موحەڕەم ئینجە: 30.7%
– سەلاحەدین دەمیرتاش: 8.13%
– مەراڵ ئاکشەنەر : 7.41%
– تەمەل کەرەموڵڵا ئۆغڵو: 0.90%
– دۆغۆ بارینچاك: 0.20%
ئه‌ڤرۆ نیوز:
هه‌لبژارتیێ كولومبیا سه‌ركه‌فتنه‌كا مه‌زن لسه‌ر هه‌لبژارتیێ پوله‌ندا توماركر ب سێ گۆلان بێ به‌رامبه‌ر د یاریێن كوما هه‌شتێ دا ژ موندیالا روسیا.
د ڤێ یاریێ دا هه‌لبژارتیێ كولومبیا ب ئاسته‌كێ باش هاته د یاریێ دا پێخه‌مه‌ت سه‌ركه‌فتنێ و شیا ب ساناهى ڤێ چه‌ندێ ده‌ستخوه ڤه بینت و سێ گۆلان ب رێكا یاریزانێن خوه یارى مینا و كوادرادو و رادمێل ڤالكاو توماربكه‌ن و سێ خالێن گرنگ ده‌ستخوه ڤه بینن و هه‌ڤركى د ڤێ كومێ دا شاراند ژبه‌ركو هه‌لبژارتیێ ژاپون و سینیگال رێزا ئێكێ و دویێ دهێن ب چار خالان و كولومبیا ژى ب سێ خالان رێزا سیێ دهێت و پوله‌ندا بێ خال رێزا چارێ یا ڤێ كومێ دهێت و پلێتا ده‌ربازبونێ هێشتا مایه هه‌لاویستى ناڤبه‌را هه‌رسێكێن ئێكێ.
ئه‌ڤرۆ نيوز، فاتما مزوورى:
جڤاتا نیشتیمانی یا ئاسایشا عیراقێ ب سهرۆكاتیا حه‌یده‌ر عه‌بادی سه‌رۆك وه‌زیران و فه‌رماندێ گشتیێ هێزێن چه‌كدارێن عیراقێ كۆمبوون و هنده‌ك بڕیار ل دۆر ده‌ستێوه‌ردانێن توركیا د كاروبارێن عیراقێ دا راگه‌هاندن.
نڤیسنگه‌ها راگه‌هاندنا سه‌رۆك وه‌زیرێن عیراقێ د به‌یاننامه‌یه‌كێ دا ئه‌ڤرۆ ئێكشه‌مبی به‌لاڤكریه و تێدا هاتیه: سه‌رۆكێ جڤاتا وه‌زیران و فه‌رماندێ گشتێ هێزێن چه‌كدار ل عیراقێ، سهرۆكاتیا كۆمبونا جڤاتا وه‌زیران و ئاسایشا نیشتیمانی كریه و تێدا دانوستاندن ل دۆر بن پێ كرنێن توركیا ژبۆ سه‌ر ئه‌سمان و ئاخا عیراقێ كریه.
هه‌روه‌سا گۆتژی: د وێ روونشتنێ دا ب هووربینی ئه‌و مژارێن ژ لايێ بزاڤ و وه‌زاره‌تا به‌ره‌ڤانى و زێره‌ڤانێن سنور و به‌ره‌ڤانيا ئه‌سمانی و وه‌زاره‌تا ده‌رڤه هاتیه به‌حس كرن و هنده‌ك بڕیار دانه ژبۆ سه‌روه‌ریا عیراقێ و ره‌تكرن و قه‌بۆل نه‌كرنا وان ده‌ست درێژیێن دكه‌نه سه‌ر ئاخا عیراقێ.
جڤاتێ هنده‌ك رێيێن چاره‌سه‌ريێ دیار كرن ژبۆ روو ب رووبونا عیراقێ و پێكئانینا لژنه‌‌كێ ژ سه‌رۆكایه‌تیا ئه‌ركانێن سۆپا و ئۆپه‌راسیۆنێن هه‌ڤپشك و ئاسایش و هه‌واڵگری و وه‌زاره‌تا به‌ره‌ڤانى و هێزێن سنور و ناڤخوه و شيره‌تكارێن ئاسایشا نیشتیمانی دا كو راپۆرت و رێنمایێن خوه ب زوو پێشكیش بكه‌ن.
ئه‌ڤرۆ نيوز، فاتما مزوورى:
وه‌زاره‌تا كاره‌با هه‌رێمێ راگه‌هاند كو ب سه‌ده‌ما بلندبوونا پلێن گه‌رمێ د نها دا ده‌مژمێرێن پێدانا كاره‌بێ بۆ 12 ده‌مژمێران هاتينه كێمكرن.
وه‌زاره‌تا كاره‌بێ د روونكرنه‌كێ دا راگه‌هاند كو د نها دا وه‌زاره‌تا كاره‌بێ دو هزار و 700 مێگاواتێن كاره‌بێ به‌رهه‌م دئينيت، به‌لێ خواستێن ب كارئينانا كاره‌بێ بۆ چار هزار و 500 مێگاواتان بلندبوويه.
ئاماژێ ب وێ چه‌ندێ ژى دكه‌ت كو ئه‌و نوكه ب تنێ دشێن 12 ده‌مژمێران كاره‌بێ بۆ وه‌لاتيان دابين كه‌ن.
وه‌زاره‌تا كاره‌بێ داخوازێ ژ وه‌لاتيان دكه‌ت ژبۆ گه‌هاندنا خزمه‌تكاريێن كاره‌بێ بۆ وه‌لاتيان ب ئاوايه‌كێ باش د ڤى وه‌رزى دا د هاريكار بن دا كو ئه‌ڤ بارگرانيا ل سه‌ر حوكمه‌تێ چه‌نده‌كێ كێم ببيت.
ئه‌ڤرۆ نيوز، فاتما مزوورى:
سه‌رۆك وه‌زيرێن هه‌رێما كوردستانێ و فه‌رماندێ ناڤه‌نديا هێزێن ئه‌مركيا ل عيراق و سوريا كۆم بوون و د كۆمبوونێ دا ته‌كه‌ز ل سه‌ر هاريكاريا ئه‌مريكا ژبۆ هێزێن پێشمه‌رگه‌ى هاته كرن.
ب گۆره‌ى مالپه‌رێ فه‌رميێ حوكمه‌تا هه‌رێما كوردستانێ ئه‌ڤرۆ رۆژا ئێكشه‌مبی 24 خزیرانا 2018ێ پشتى نيڤرۆيا ئه‌ڤرۆ نێچيرڤان بارزانى سه‌رۆكێ حوكمه‌تا هه‌رێما كوردستانێ كوردستانێ و جوزێف ڤۆتيل فه‌رماندێ ناڤه‌نديا هێزێن ئه‌مريكا ل عيراق و سوريا و كين گرۆس قونسۆلێ گشتى يێ ئه‌مريكا ل هه‌رێما كوردستانێ ل گه‌ل شانده‌كێ له‌شكرى كۆمبوو.
د كۆمبوونێ دا ره‌وشا ئه‌منى و سياسى يێن ده‌ڤه‌رێ هاتنه گه‌نگه‌شه‌كرن و رۆناهى خسته سه‌ر بزاڤ و پێنگاڤێن داهاتى و هه‌لبژارتنا عيراقێ ژبۆ پێكئينانا كابينا نوو يا حوكمه‌تا عيراقێ و كارتێكرنا رۆلێن كوردان د وێ پرۆسێ دا.
ب گۆره‌ى ناڤه‌رۆكا نووچه‌ى هه‌ردو لايان ته‌كست ل سه‌ر پێدڤى و هه‌ماهه‌نگيا له‌شكرى يێن د ناڤبه‌را هه‌ڤپه‌يمانيا ب سه‌رۆكاتيا ئه‌مريكا و پێشمه‌گه‌ى ڤه ب تايبه‌ت ژبۆ ژناڤبرنا پاشمايێن داعش ل ده‌ڤه‌رێ.
ئه‌ڤرۆ نيوز:
جڤاتا ئاساییشا هه‌رێما كوردستانێ، پشتی زێده‌بوونا حاله‌تێن كوشتنێن ب چه‌كی و ئه‌نجامدانا تاوانێن جودا ل هه‌رێما كوردستانێ، ئه‌ڤرۆ راگه‌هاندنه‌ك به‌لاڤكر يه و تێدا هوشداری دايه هه‌می وان ئالی و كه‌سێن تاوانباران د ڤه‌شێرن، یان ده‌ستوه‌ردانێ د ئاراسته‌یا یاسایێ دا دكه‌ن، كو یێ رێ ل هه‌مبه‌ر زێده‌بوونا تاوانان و دیاردێن دزیێ خوه‌ش دكه‌ن.
د راگه‌هاندنا جڤاتا ئاساییشا هه‌رێما كوردستانێ دا هاتییه، ب هاریكاری و هه‌ماهه‌نگییا ئالیێن په‌یوه‌ندیار ژ وانا وه‌زاره‌تێن ناڤخوه و پێشمه‌رگه و لژنه‌یێن ئه‌منی و پارێزگه‌هان و هه‌می سازیێن سه‌ر ب جڤاتا ئاساییشا هه‌رێمێ، ده‌ست ب جێبجێكرنا رێكارێن پێدڤی هاتییه كرن ژ بۆ كو ب دژواری رووى ب رووی بنپێكاری و تاوانباران بن.
نيشاندان