ئه‌ڤرۆ نيوز:
ل دووڤ ئه‌نجامێن ده‌ستپێكێ، د هه‌لبژارتنێن ئه‌ڤرۆ يێن توركيا دا، جاره‌كادى هه‌ده‌په شيا به‌ربه‌ستا 10% بۆ گه‌هشتن ب په‌رله‌مانێ توركيا ده‌رباز بكه‌ت.
HDP به‌ربه‌ستا 10% بۆ گه‌هشتن ب په‌رله‌مانێ توركيا ده‌ربازكر
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سهرهكى Twitter
ئه‌نجامێن هه‌لبژارتنێن توركيا
ئه‌ڤرۆ نيوز:
جوداكرنا ده‌نگێن هه‌لبژارتنێن په‌رله‌مان و سه‌رۆكاتيا توركيا به‌رده‌وامه، رێژا پشكداريكرنێ د هه‌لبژارتنان دا 87% بوويه و ل دووڤ ئه‌نجامێن ده‌ستپێكى كو 80% ده‌نگ هاتينه جوداكرن، ئه‌نجام ب ڤى ره‌نگى نه:
ئاکپارتی: 43.32 %
جەهەپە: 21.8%
مەهەپە: 11.5 %
هەدەپە: 10.25 %
ئیی پارتی: 9.92 %
سەعادەت: 1.40%
يێن دىە: 2.46%
بەربژێرێن سەرۆک کۆماريێ، ل دووڤ رێژا 82%يا جوداكرنا دەنگان:
– ئەردۆغان: 54.1%
– موحەڕەم ئینجە: 29.9%
– مەرال ئاکشنەر: 7.4%
– سەلاحەدین دەمیرتاش: 7.3%
– تەمەل کەرەموڵڵا ئۆغڵو: 0.91%
- دۆغۆ بارینچاك: 0.20%
فیفا دێ ڤه‌كولینێ ل گه‌ل ڤان دو یاریزانا كه‌ت
ئه‌ڤرۆ نیوز:
ئێكه‌تیا ته‌پا پێ یا نیڤده‌وله‌تى فیفا بریار دا ڤه‌كولینێ دگه‌ل هه‌ردو یاریزانێن سویسرا ئه‌نجام بده‌ت ب ئه‌گه‌رێ رێكا ئاهه‌نگیرانا وان.
زێده‌تر فیفایێ د به‌یاننامه‌كێ دا ل سایتێ خوه یێ فه‌رمى راگه‌هاندیه ئه‌و دێ ڤه‌كولینێ د رێكا ئاهه‌نگیرانا هه‌ردو یاریزانێن سویسرا شێردان شاكیرى و گرانت تشاكا كه‌ن پشتى شیاین دو گۆلان لسه‌ر هه‌لبژارتیێ سربیا توماربكه‌ن د یاریا وان یا بورى دا و ئه‌ڤ ئاهه‌نگیرانا وان بۆ مه‌ره‌مێت سیاسى هاتینه بكارئینان دژى سربیا كو ئه‌ڤ هه‌ردو یاریزانه د بنیات دا خه‌لكێ ئه‌لبانیا نه له‌ورا حكومه‌تا سربیا ژى دلگرانیا خه هه‌مبه‌ر ڤێ جورێ ئاهه‌نگیرانێ دیاركریه كو ئاماژه ب وێ چه‌ندێ كریه هێمایێ ده‌ستێ وان د ده‌مێ توماركرنا گۆلێ دا بۆ وى ته‌یرێ ره‌ش یێ لسه‌ر ئالایێ ئه‌لبانیا هه‌ى ڤه‌گه‌راند كو لده‌مێ ل سالا 1998 ئه‌لبانیا و كوسوڤو بریار داى جودابن ژ یوگسلافیا به‌رێ وێ ده‌مى حكومه‌تا بلگراد ب هه‌مى شێوا به‌رهنگاریا ڤێ بریارێ بوى ب چه‌كێ كومه‌ل كوژ.
ب وێنه .. وه‌كهه‌ڤیا ژاپون و سینیگال ببینه
ب وێنه .. مێسى بۆ ئه‌گه‌ر پشته‌ڤانه‌ك ژیانا خوه ب دوماهى بینت
ئه‌ڤرۆ نیوز:
پشته‌ڤانه‌كێ ئه‌رژه‌نتین ل وه‌لاتێ هندێ دوماهى ب ژیانا خوه ئینا پشتى وێ خوساره‌تیا گران یا توشبوى لسه‌ر ده‌ستێ هه‌لبژارتیێ كرواتیا ل رۆژا چارشه‌مبیا بورى ژ چارچوڤێ هه‌ڤركیێن موندیالا روسیا.
رۆژناما ئه‌ندیان ئكسپرێس ئاشكرا كر پولیسێن وه‌لاتێ هندێ لاشێ پشته‌ڤانه‌كێ هه‌لبژارتیێ ئه‌رژه‌نتین ب ناڤێ دینو ئه‌لێكس ل وه‌لاتێ هندێ دوماهى ب ژیانا خوه ئینایه پشتى وى ئاستێ خراب یێ هه‌لبژارتیێ ئه‌رژه‌نتین و خوساره‌تیا وێ هه‌مبه‌ر هه‌لبژارتیێ كرواتیا ب سێ گۆلان بێ به‌رامبه‌ر و ئه‌ڤ چه‌نده هاته پشتراستكرن پشتى نامه‌یه‌ك د به‌ریكا وى دا دیتى تێدا نڤیساى ژ ئه‌گه‌رێ ئاستتێ خراب و خوساره‌تیا ئه‌رژه‌نتین وى بریار دایه دوماهى ب ژیانا خوه بینت.
هارى كین سه‌ركێشا گۆلكه‌رێن موندیالێ ژ رونالدۆى وه‌رگرت
ئه‌ڤرۆ نیوز:
هێرشبه‌رێ هه‌لبژارتیێ ئنگلیز هارى كین پێشه‌نگا گۆلكارێن موندیالێ ژ كرستیانو رۆنالدوى وه‌رگرت.
ستێرا ئنگلیزى و یانا توتنهام هارى كین د یاریا ئه‌ڤرۆكه دا هه‌مبه‌ر هه‌لبژارتیێ په‌نه‌ما شیا هاتریكه‌كێ توماربكه‌ت و هژمارا گۆلێن خوه بكه‌ته پێنج گۆل ژ سه‌رجه‌مێ دو یاریا و ب ڤێ چه‌ندێ شیا پێشه‌نگا گۆلكه‌رێن موندیالا روسیا 2018 بكه‌ڤیت ب جوداهیا هه‌ڤركێ خوه ستێرا هه‌لبژارتیێ پرتوگال كرستیانو رونالدو خودانێ چار گۆلان و یێ به‌لچیكى لوكاكو ب سێ گۆلان.
دڤان هه‌ردو حاله‌تان دا ئه‌لمانيا دێ ژ مۆنديالا رووسيا 2018 ده‌ركه‌ڤيت
ئه‌ڤرۆنيوز:
ره‌وشا گرۆپا شه‌شێ دمۆنديالا رووسيا 2018 كه‌فته دگرێيه‌كا ب زه‌حمه‌ت دا ب تايبه‌تى پشتى سه‌ركه‌فتنا ئه‌لمانيا ل سه‌ر سويد ب ئه‌نجامێ 2-1.
وێ سه‌ركه‌فتنا ئه‌لمانيا، ده‌ربازبوونا فه‌رمى يا هه‌لبژارتيێ مه‌كسيك گيرۆكر وهه‌موو حاله‌ت دگه‌را دووماهيێ دا ل وى گرۆپى د پێشبينى كرى نه.
هه‌رچه‌نده ئه‌لمانيا نوكه 3 خال يێن هه‌ين پشتى هاتيه دوراندن ل به‌رامبه‌ر مه‌كسيك 0-1 ول سه‌ر سويد سه‌ركه‌فتى 2-1، به لێ هه‌تا نوكه ئه‌لمانيا يا ل به‌ر مه‌ترسيا ده‌ركه‌فتنێ ژ مۆنديالێ ئه‌وژى هه‌كه هه‌رسێ هه‌لبژارتيێن مه‌كسيك وئه‌لمانيا وسويد پشتى ياريا سيێ دووماهيێ وه‌كهه‌ڤبوون دخالاندا وهه‌ر ئێك ژوان 6 خال كۆمكرن، دێ په‌نا هێته برن بۆ جوداهيا گۆلان وپاشى ياريێن ئێكسه‌ر دناڤبه‌را وان هه‌رسێ هه‌لبژارتيان دا وهه‌كه جوداهيا گولان دبه‌رژه‌وه‌ندا مه‌كسيك وسويد دا بيت، ئه‌لمانيا دێ ده‌ركه‌ڤيت ژ مۆنديالێ.
ديسا هه‌كه ئه‌لمانيا ب سه‌ركه‌ڤيت ل سه‌ر كوريا باشوور ب ئه‌نجامێ 1-0 وهه‌كه مه‌كسيك ب جوداهيا گۆله‌كێ وب ئه‌نجامێ 2-3 يان 3-4، دوێ حاله‌تێ ژى دا دێ ئه‌لمانيا مالئاڤاهيێ ژ مۆنديالێ كه‌ت.
نوكه مه‌كسیك سه‌ركێشیا وێ گرۆپێ دكه‌ت ب 6 خالان وسوید ل رێزا دویێ دهێت ب سێ خالان وئه‌لمانیا ل رێزا سیێ دهێت بسێ خالان وجوداهیا گۆلان ژ سوید و كوریا باشوور ببێ خال ل رێزا چارێ ودووماهیێ دهێت.
ئنگلیز ب نیڤ ده‌رزنێ گۆلان سه‌ركه‌فتن لسه‌ر په‌نه‌ما توماركر
ئه‌ڤرۆ نیوز:
د یاریێن كوما هه‌شتێ دا هه‌لبژارتیێ ئنگلیز شیا سه‌ركه‌فتنه‌كا مه‌زن و مێژووى د یاریێن گه‌را دویێ دا توماركر ل سه‌ر هه‌لبژارتیێ په‌نه‌ما ب شه‌ش گۆلان به‌رامبه‌ر گۆله‌كێ.
د نیڤا ئێكێ دا هه‌لبژارتیێ په‌نه‌ما یاریه‌كا هێرشبه‌رى و ڤه‌كرى دگه‌ل هه‌لبژارتیێ ئنگلیز كر لێ ئه‌ڤ چه‌نده ب گرانى لسه‌ر راوه‌ستیا پشتى د نیڤا ئێكێ دا یاریزانێن ئنگلیز پێنج گۆل سه‌ر توماركرین برێكا یاریزانێن خوه هارى كین دو گۆل ب په‌نه‌لتیێ و جون ستونز دو گۆل و لینگارد ژى گۆله‌ك و نیڤا ئێكێ ب ڤى ئه‌نجامى ب دوماهى ئینا.
د نیڤا دویێ دا هه‌لبژارتیێ ئنگلیز به‌رده‌وامى دا ئاستێ خوه یێ باش و فشارا خوه زێده‌كر پێخه‌مه‌ت توماركرنا گۆلێن زێده‌تر و ئه‌ڤ چه‌نده ژى ل ده‌قیقه‌یا 62 ده‌ستڤه‌هات ده‌مێ هارى كین شیاى گۆلا خوه یا سیێ و شه‌شێ بۆ وه‌لاتێ خوه ئنگلیز توماربكه‌ت پشتى ڤێ گۆلێ په‌نه‌ما بزاڤ كرن بۆ توماركرنا گۆله‌كێ و شیان ل ده‌قیقه‌یا 78 ب رێكا یاریزانێ خوه بولوى توماربكه‌ت و یارى ب ڤى ئه‌نجانى ب شه‌ش گۆلان به‌رامبه‌ر گۆله‌كێ توماربكه‌ن و ئنگلیز ب فه‌رمى ده‌ربازى قوناغا شازدێ بوو به‌رامبه‌ر په‌نه‌ما موندیال بجه هێلا.
به‌نكا رافيده‌ين رۆهنكرنه‌كێ ل دۆر سولفه‌يا 15 مليۆن دينارى بۆ فه‌رمانبه‌رێن وه‌زاره‌تا په‌روه‌ردا عيراقى به‌لاڤ دكه‌ت
ئه‌ڤرۆنيوز:
به‌نكا رافيده‌ين يا عيراقى ئه‌ڤرۆ ئێكشه‌مبى 24/6/2018 رێنمايێن مه‌زاختنا سولفه‌يا 15 مليۆن دينارى بۆ فه‌رمانبه‌رێن وه‌زاره‌تا په‌روه‌ردێ ل عيراقێ به‌لاڤكرن.
پشكا راگه‌هاندنێ ل به‌نكا رافيده‌ين يا عيراقى دبه‌ياننامه‌كێ دا بۆ ده‌زگه‌هێن راگه‌هاندنێ يێن عيراقێ، دياركريه كو رێنمايێن مه‌زاختنا سولفه‌يا 15 مليۆن دينارى بۆ فه‌رمانبه‌رێن وه‌زاره‌تا په‌روه‌ردێ گوهۆرين ب سه‌ردا نه‌هاتيه وه‌كو رێێن پێشكێشكرنا سولفه‌يا فه‌رمانبه‌رێن ده‌وله‌تێ يه كو پێشتر بريار ل سه‌ر هاتبوو دان”.
به‌نكا رافيده‌ين يا عيراقى ئه‌وژى رۆهنكريه كو پێدڤيه ل سه‌ر داخوازكه‌رێ سولفێ سه‌ره‌دانا وى لينكێ ئه‌لكترۆنى يێ تايبه‌ت ب مه‌زاختنا سولفێ ڤه وپاشى بچيته دناڤ وێ خانا تايبه‌ت ب پێدانا سولفێ ووێ فورمێ داگريت كو يا گرێدايه ب وه‌رگرتنا سولفێ ڤه”.
به‌رى نوكه به‌نكا رافيده‌ين يا عيراقى راگه‌هاندبوو، هه‌ر فه‌رمانبه‌ره‌كێ مووچێ وى يێ بنه‌ره‌تى ژ 500 هزار ديناران كێمتر بيت، دشێت سولفه‌كا 5 مليۆن دينارى وه‌رگريت، هه‌ر فه‌رمانبه‌ره‌كێمووچێ وى يێ بنه‌ره‌تى ژ 500 هزار ديناران زێده‌تر بيت، دشێت سولفه‌يا 10 مليۆن دينارى وه‌رگريت، سولفێ ژى دێ ب رێيا كارتا ئه‌لكترۆنى وه‌رگريت.
خوارنگه‌هێن دادێ و بابۆ هاتنه سزادان
ئه‌ڤرۆ نيوز، نيوار محه‌مه‌د سه‌ليم:
لژنا دووڤچوونا بازارى ل قايمقاميا قه‌زا دهۆكێ راگه‌هاند كو ئه‌وان ئه‌ڤرۆ سه‌ره‌دانا چه‌ندين جهان كريه و د سه‌ره‌دانێن خوه دا هه‌ردو خوارنگه‌هێن دادێ و بابۆ بۆ ماوێ سێ رۆژان داخستن و ب گۆژمه‌كێ پاره‌ى سزادان.
به‌رپرسێ لژنا دووڤچوونا بازارى خۆيا كر كو لژنا دووڤچوونا بازارى ل قايمقاميا قه‌زا دهۆكێ ئه‌ڤرۆ 24ى خزيرانا 2018ێ سه‌ره‌دانا چه‌ندين خوارنگه‌هـ و كافتريا و گۆشفرۆشان كر.
يوسف محه‌مه‌د حه‌سه‌ن، به‌رپرسێ لژنا دووڤچوونا بازارى ئاشكه‌را كر كو دڤێ گه‌ريانێ ب پشكداريا هژماره‌كا رێڤه‌به‌ريان لژنا دووڤچوونێ شيان دو خوارنگه‌هان ب ناڤێ “دادێ و بابۆ” ژ به‌ر پێگرينه‌كرن ب رێنمايێن ساخله‌ميێ بۆ ماوێ سێ رۆژان بهێنه دايخستن و ب گۆژمه‌كێ پاره‌ى بهێنه سزادان.
نيشاندان
WP Facebook Auto Publish Powered By : XYZScripts.com