ئه‌ڤرۆ نيوز:

ئەو جۆتیارێن ئامیرێن سەردەم ب کار دئینن بەحسا ھندێ دکەن کو کارێ وان ‏ئاسان کریە و پتر ئەو ل شوونا زەحمەتێ دبینن قازانجێ دکەن و بەرھەمێ وان ‏یێ جۆتیاریێ باشتر و پتر و ب ھێز دکەڤیت. ‏

ل دوور سیتسەمێ نوو یێ چاندنێ خەلیل عەلی جۆتیارە ل دەڤەرا دوسکیا ‏بەحسا ھندێ دکەت کو ھەر کارەکێ دکەت یێ جوتیاریێ ئەو ھند ل دووڤ ‏ئامیرێن سەردەم ناچیت چونکی ل وێ باوەریێ یە کو ھەر تشت یێ دەستکردە و ‏ئەو مفایێ درۆست نینە، دگەل ھندێ ژی گۆت بەرھەمێ من یێ کاری گەلەک ‏باشترە و ئەز ل دووڤ ھزرا باب و بابیرا دچم بەرھەمێ من یی جۆتیاریێ ‏گەلەکێ باشە و سالانە پارەکێ باش ژی پێڤە دھێت چونکی ھەست پێ دکەم ‏کارەکی پاقژ و یێ سەردەم یێ ئەنجام دایی ژبەر ئەو زەحمەت و ماندیبوونا ‏پێڤە دبینم دلێ من یێ پێ خوشە و ئەو پارێ پێڤە دھێت تێرا ماندیبوونێ ‏ھەیە لێ بەرۆڤاژی ڤێ چەندێ ژی قازانج تێدا نینە چونکی سیستەمێ نوو دناڤ ‏دا نینە. ‏

میکائیل عیسا ژی جۆتیارە ئاماژە کرە خالەکا دی کو ل دووڤ سیستەمێ نوو یێ ‏جۆتیاریێ و کارێ بەرھەمێ جۆتیارێ دکەم ژبەر ئامیرێن سەردەم پتر کار ‏ئاسان کریە و دیسا بەرھەمێ جۆتیاریێ ژی پتر و باشترە و ل دەمێ دبەینە ‏بازاری ژی پتر مفادارین ژ زیان کەفتنێ، ژبەر ھندێ ژی ھەر کارێ ل دووڤ ‏ئامیرێن نوکە بیت پتر یێ ئاسان و ھند زەحمەت نینە و کار ساناھی تر کریە, ‏بەرۆڤاژی ڤێ چەندێ ئەو جۆتیارێن نێزیکی من ل دووڤ ئامیرێن کەڤن دچن ‏ھێشتا یێن سەردەمێ باب و باپیران لەورا بەرھەمێ وان یێ باش نینە و پتر ئەو ‏ماندی دبن ژبەر ئامیرە ھند نینن پتر ب دەستی کار دکەن. ‏

ھەر ل دوور بابەتی ژی ھاریوان ئەسعەد ژی جۆتیارە ئاماژە دکەتە ھندێ کو ‏ئامیرێن سەردەم کار سڤک کریە و پتر مفادار کربووینە ژبەر ئەو پارێ پێڤە ‏دھێت و پتر خوشیێ ژێ دبینین ژبەر ھند پێڤە ماندی نابین ھەر چەندە ئەو ‏ئامیرە و سیستەمێ نوو گەلەک پارە لێ دھێنە خەرج کرن چونکی دگرانن لێ ‏دسەر ھندێ ژی را ماوەکێ درێژ خوە دگرن و دیسا ب سالا مفایی ژ وان ئامیرا ‏دبینین و دیسا ژی دراڤ پێڤە دھێت و قازنجەکێ باش ب ئامیرێن جۆتیاریێ یێن ‏سەردەم دبینین. ‏

ئەمین ئامێدی شارەزا و بسپورێ بیاڤێ چاندنێ ل سەر نە بکار ئینان ئامیرێن ‏نو ژ بێمفای یان نەزانینا سەرەدەریکرنێ یە دیارکر جۆتیار گوە ددەتێ لێ ‏حوکمەتێ ئەڤ چەندە پشت گوە ڤە ھاڤێ تی یە ،دڤیا حوکمەت ئەڤان ئامیران ‏بینیت و ب دەتە ناسکرن بۆ وەلاتیان خۆلێن بکار ئینانێ بۆ بھێنەڤەکرن، ھەر ‏ئامێرەک دبیاڤێ خودا،دەمێ ئەڤ چەندە بۆ جۆتیاری ھاتەکرن ھەلبەت داخوازا ‏جۆتیاری دێ ل سەر ھەبیت و داخوازا وی ئامێرێ پێدڤیا وی پێ ھەی کەت، ‏دڤی دەمی دا دڤێت حوکمەت ئامیران بھینیت و چ ب ئاوایێ قست یان ‏پشتەڤانیکرن و بۆ زێدەکرنا بەرھەمی بکەت.‏

بسپورێ چاندنێ ژی ئەو ئێکە ژی دازانین بیاڤێ کارێ چاندنا جۆتیاری ھند ‏نینە ئەڤی ئامیرین بکار بینیت،یان دەمێ جۆتیار دبینیت بەرھەمێ وی بکێمی ‏یێ کەتیە سەر ئێک و بھایێ خو ناگریت دێ چ دل ھەبیت ب چیت و ئامیرێن ‏نوو بینیت و بەرھەمی زێدە بکەت، گەلەک جۆتیاران ئامیرێن نوو بکار ئینان ‏بو بەرھەمی و باشترکرنا کاری لێ ئەو پلان و ستراتیژیەتا وی دانای ھوسا دەر ‏نەکەفت، مەزاختیێن وی لێکرین دەر ناکەفیت، وەک نوکە بەرھەمێ شتیان و ‏بێ بھایی یا وان و چ بۆ جۆتیاری ناگریت، بو جارا ئێکێ خیاری ب دەراسێ ‏بھێتە درین تشتەکێ نوویە مە گولێ بوویە چنین لێ بڤی شێوەی نە، ئەرێ ‏بھایێ خیارێن وی و مەزاختیێن وی ژێ دەرکەڤیت، نە پیتەپێدانا بەرھەمێ ‏جۆتیاری دبیتە ئەگەرێ دوور کەڤتنا وی ژ ئامیران و نە مەزاختنا پارەیەکێ ‏زێدەتر.‏

ئه‌ڤرۆ نيوز:

پارێزەرەکێ دادگەھا دھۆکێ راگەھاند کو شوفێرەکی دڤیا ترۆمبێلا خوە ب ‏زڤرینیت ژ نیشکەکێڤە پایسکلەک دھێت خوە ل ترۆمبێلا وی ددەت، وی ژی ‏ئەو سنێلە برە نەخۆشخانێ و مەزاختن ژی ھەموو ب ستویێ خوەڤە گرتن و ‏پایسکلەک ژی وەکو دیاری بۆ کڕی، بەلێ ھەر شوفێر ھاتە حوکم کرن.‏

پارێزەر نیوار تەیار دوسکی ل دادگەھا دھۆکێ بۆ ئەڤرۆ دیار کر کو شوفێرەکی ‏ل دەمژمێر 11 شەڤێ د سایدەکێ ھاتن و چوون تێدا دڤیا ترۆمبێلا خوە ب ‏زڤرینیت، لێ ژ نیشکەکێڤە پایسکلەک دھێت خوە ل ترۆمبێلا وی دەدت و گۆت: ‏سەرەرای دەمێ دڤیا ب زڤریت بەرێ خوە دا بەری خوە چ ترۆمبێل نەدیتن و ‏جادە یا تاری بۆ کارەب نەبوو وی شوفێری نە زانی پایسکلەک یا دھێت و چ ‏رووناھی ژی ب پایسکلا وی ڤە نەبوون و ژ نیشکەکێڤە ھات وی ھند دیت ‏تشتەک ب ترۆمبێلا وی کەفت و دەنگێ قێریا ھات شوفێر ژی راوەستیا بەرێ ‏خوەدایێ سنێلەکێ ژیێ وی 13 سالن پایسکلا خوە ل ترۆمبێلا وی دایە. ‏

پارێزەری دیار کر ژی کو، ئەڤی شوفێری ئەڤ سنێلە برە نەخۆشخانێ و ‏مەزاختنا نەخۆشخانێ ھەموو ب ستویێ خوەڤە گرت و بەردەوام سەرەدانا وی ‏دکر ل نەخۆشخانێ و پایسکلەک ژی بۆ کری وەکو دیاری و گۆت: ئەڤ کێشە ل ‏دادگەھێ ھاتە تومار کرن و ئەڤ زارۆیە د قانوونێ دا نابیت بھێتە لێ پرسین ‏کرن بابێ وی ھاتە داخواز کرن و داگێران ژ داوا خوە کر.‏

پارێزەری بەردەوامی ب ئاخفتنا خوە دا و گۆت: پشتی ھینگێ ھندەک ئاریشە ‏بۆ شوفێری چێبوون نەشیا بەردەوام سەرەدانا ڤی سنێلەی بکەت ل ‏نەخۆشخانێ، بابێ وی سنێلەی عاجز بۆ و ژ بریارا خوە لێڤە بۆ و جارەکا دیتر ‏داوا خوە نوو کرەڤە ل دادگەھێ، پشتی دادگەھا وان ب رێڤە چوویی دادوەری ‏چەندین جاران بزاڤ کر ئەڤ ھەردو لایەن پێک بھێن، بەلێ بابێ سنێلەی ب ھیچ ‏رەنگەکی داگێران ژ داوا خوە نەکر چونکی دبێژیت ئەڤی شوفێری ئێدی ‏سەرەدانا مە نەکر و ئەم پشتگوە خستین، لەوما دڤێت ئەڤ شەفێرە بھێتە ‏سزادان و حوکم کرن.‏

پارێزەر نیوار ئەو چەندە ژی گۆت: ل بەندێ 23 ل سەر برگا ئێک د قانوونا ‏ھاتن و چوونێ دا دادوەری مافێ ھەی سزا ژی بدەت و د ھەمان دەمدا غورامە ‏ژی بکەت، لێ ل دووڤ راپورتا پزیشکی ئەڤ سنێلە باش بوویە تووشی چ شکەستنا ‏نە بوویە، لەوما دادوەری بریار دا شوفێر دو ھەیڤان بھێتە حوکم کرن بەلێ ‏ھەکە کوژمێ 500 ھزار دینارێن عیراقی غوراما خوە بدەت، دێ حوکمێ وی ‏بھێتە راگرتن و ھەکە ئەڤی شوفێری د ماوێ سێ سالان دا چ روودان ئەنجام ‏نەدان ئەڤ سزایە ل سەر وی ناھێتە جێبەجێکرن، ھەروەسا دادوەری ماف دا ‏بابێ سنێلەی ل دادگەھا مەدەنی داخوازا قەرەبوویی بکەن ل سەر وێ زەرەرا ‏گەھاندیە کورێ وان، بەلێ بابێ وی گوت مە چ نەڤێت بەس مە دڤیا ئەڤ ‏شوفێرە بگەھیتە سزایێ خوە.‏
پارێزەری دا زانین ژی کو، د ڤان سالێن دووماھیێ دا گەلەک داوایێن پایسکلان ‏دھێنە تومار کرن و دبنە ئەگەرێ گیان ژ دەستدانا ھندەک سنێلان ژی، ئەگەرێ ‏سەرەکی ل ڤێرە مە چ قانوونێن پایسکلا نینن، لەوما پتر ل سەر شوفێرێ ‏ترۆمبێلێ دچیت، دڤێت خودانێن پایسکلان ل سەنتەرێ باژێری و جھێن گەلەک ‏وەلاتی لێ ھەبن لەزاتیێ نەکەن و گۆت: دایک و باب دڤێت بزانن خوشی ئەو ‏نینە کو پایسکلێ بۆ زارۆیێ خوە بکرن و بەردەنە سەر جادان و بێ کو رووناھی ‏ب پایسکلێ ڤە ھەبیت یان کولاڤ و دەسگورک و یێن چوکا بو بکڕن، ئەڤجا ‏پێدڤیە ل گەل کڕینا پایسکلێ ئەڤ ھەموو کەل و پەلێن پاراستنا وان بو دابین ‏بکەن داکو شوفێر ژ دوورڤە پایسکلێ بینیت.‏