ئه‌ڤرۆ نيوز:
ژ ئەنجامێ کارنەکرنا ھژمارەکا پالدەرێن ئاڤێ، یێن پرۆژێ ستراتیژیێ ئاڤا ئامێدیێ، ئاڤا ڤەخوارنێ ب دروستی ناگەھیتە وەلاتیان، ھاولاتی ژی داخواز دکەن کو رێژا بەردانا ئاڤێ بھێتە زێدەکرن و لایەنێن پەیوەندیدار ژی دووڤچوونا بابەتی کریە.
سامی ئوشانە، رێڤەبەرێ ناحیا دێرەلۆکێ بۆ رۆژناما ئەڤرۆ دیار کر، راستە ژ بەر ھاتنا وەرزێ ھاڤینێ و گەرمبوونا سەقای وەلاتیان پێدڤی ب رێژەکا پتر یا ئاڤا ڤەخورانێ ھەیە و گۆت: “رێژا بەردانا ئاڤێ ھەر وەکو بەری نوکە یە و نەھاتیە کێمکرن، لێ ژ بەر کو ھەتا نوکە، پرۆژێ ئاڤێ رادەستی حوکمەتێ نەھاتیە کرن و ھەر د دەستێ کۆمپانیا ب جھئینەر دایە، لەو ئەو ب تنێ دووڤچوونا ئاریشێن وی بابەتی دکەن، دیسا داخوازیا وەلاتیان ژی ل سەر زێدەکرنا رێژا بەردانا ئاڤێ بەرچاڤ وەرگرتیە”.
ناڤھاتی دیار ژی کر کو قایمقامێ قەزا ئامێدیێ ژی، ل سەر ڤێ ئاریشێ سەرا پرۆژێ ئاڤێ دایە و ئەڤ ئاریشە چارەسەر بوویە، نوکە و پێدا، ل دووڤ پێدڤیاتێن وەلاتیان رێژا بەردانا ئاڤێ دێ ھێتە زێدەکرن.
دەربارەی وان پالدەرێن ئاڤێ یێن کار نەکەن، رێڤەبەرێ ناحیا دیرەلۆکێ گۆت: “پالدەرێن یەدەک بۆ پرۆژەی ھاتینە دانانان و دێ ل دووڤ پێدڤیا وەلاتیێن دەڤەرێ ب ئاڤێ؛ دێ کار ب وان پالدەران ھێتە کرن”.
نيشاندان