ئه‌ڤرۆ نیوز:
به‌رى ده‌مه‌كى یاریا فره‌نسا و پیرو ب سه‌ركه‌فتنا فره‌نسا ب گۆله‌كێ بێ به‌رامبه‌ر ب دوماهى هات و ب ڤێ سه‌ركه‌فتنێ فره‌نسا ده‌ربازى قوناغا شازدێ بوو به‌رامبه‌ر پبرو ژى موندیال بجه هێلا.
نووترين نووچه
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
- دبیت سەرژمێریا گشتی ل كەركووكێ بۆ گوهۆڕینا رەوشا وێ پارێزگەهێ بهێتە بكارئینان
- هەلبژارتن تنێ بۆ ب دەستڤەئینانا كورسییان نینە، بەلكو پراكتیزەكرنا دیموكراسیەتێ یە
- ژ بۆ ئاشتیێ یا ژ دەستێ مە بهێت دێ ئەنجام دەین
- درووشمێ ئێك هەرێم، ئێك پەرلەمان، ئێك حوكمەت، ئێك هێزا پێشمەرگەی، كاك مەسعود بارزانی ئاماژە یا بۆ كری.
- بەرپرسەكێ پارتی: پارتی دێ سۆزێن خوە ب جهئینیت
- ب سەركەفتنا پارتی د هەلبژارتناندا دێ هەرێم زێدەتر ب هێز و ئارام و ئاڤەدان بیت
- تێکچوونا قۆناغا ئاشتیێ دێ بیتە ئەگەرێ شکەستنا ئاکپارتیێ
سهرهكى Twitter
کۆمپانیەک 46 دوکانێن ئەلیکترۆنی ل دھۆکێ ددانیت
ئه‌ڤرۆ نيوز:
کۆمپانیەکا کەرتێ تایبەت بۆ ئێکەمین جارە ل ھەرێما کوردستانێ دەست ب دانانا دوکانێن ئەلکترۆنی کریە و ھەتا نھا 99 دوکان ل دھۆک و ھەولێرێ داناینە کو 46 ژ وان ل دھۆکێ نە و کەس ل بەر ڤان دوکانان کارناکەت و 24 دەمژمێران دێ د ڤەکری بن و بۆ ماوێ 25 سالان دێ د دەستێ کۆمپانیێ دا بن و پشتی ھینگی دێ بنە مۆلکێ حۆکمەتێ و گۆت: ژ وان 46 دوکانان ل پارێزگەھا دھۆکێ ھاتینە دانان، 20 ل سەنتەرێ دھۆکێ ھاتینە دانان و 26 ژی ل قەزایێن ئامێدیێ و زاخۆ و سێمێل و ئاکرێ و دێرەلۆک و شێلادزێ ھاتینە دانان.
د. کامیران رەقیب موفتی، رێڤەبەرێ گشتیێ فەرمانگەھا برێڤەبرن و ھەلسەنگاندن و مۆلەتدانێ ل دەستەیا وەبەرھێنانێ بۆ ئەڤرۆ دیار کر، کۆمپانیا ڤێرجینیا تۆباکۆ، کۆمپانیەکا خۆمالی یە، ب کۆژمێ دوو ملیۆن و 893 ھزار دۆلاران دەست ب دانانا 99 دۆکانێن ئەلکترۆنی ل دھۆک و ھەولێرێ کریە و ئەڤ دوکانە د ھەڤچەرخن و ھەموو کەرەستەیێن خوارنا رۆژانە و شرینی و شەربەتێن رۆژانە دێ ل ڤان دوکانان ھێنە فرۆتن و کەس ل بەر وان دوکانان کارناکەت، بەلکو دێ ب رێیێن ئەلکترۆنی وەلاتی شێن پارێن خوە کەنە تێدا و کەرەستەیان بۆ خوە ژێ ئیننە دەر.
ئاشکرا ژی کر کو ئەڤ دوکانە ھەموو ل سەر جادێن گشتی ھاتینە دانان و ئەڤە ئێکەمین قۆناغە و ل قۆناغا دوویێ ئەڤ کۆمپانیە دێ دەست ب دانانا وان دوکانان ل قەزا و دەڤەرێن دی کەت و ڤێ کۆمپانیێ مۆلەت ژ دەستەیا وەبەرھێنانێ وەرگرتیە و گۆت: دێ جگارە و کارتێن مۆبایلێ و خورانێن گازی ژی ل ڤان دوکانان ھێنە فرۆتن.
ئاشکرا ژی کر کو بۆ جێبەجێکرنا ڤی پرۆژەی ل پارێزگەھا دھۆکێ دێ 46 دوکانان ب کۆژمێ ملیۆنەک و 750 ھزار دۆلاران خەرج کەت و ب کۆژمێ ملیۆنەک و 143 ھزار دۆلاران دێ 53 دوکانان ل پارێزگەھا ھەولێرێ دانیت و گۆت: ھزار دانانا ڤان دوکانان ھەر ژ وێ کۆمپانیێ یە و بۆ ئێکەم جارە کۆمپانیەکا لۆکال ب ڤی کۆژمێ مەزن پرۆژەیەکی ل ھەرێما کوردستانێ ددانیت.
د. کامیران رەقیب موفتی، رێڤەبەرێ گشتیێ فەرمانگەھا برێڤەبرن و ھەلسەنگاندن و مۆلەتدانێ ل دەستەیا وەبەرھێنانێ ئاماژە دا وێ یەکێ، ڤێ کۆمپانیێ جھێ وان دوکانان ب شێوەیەکێ موساتەحە بۆ ماوێ 25 سالان ب کرێ گرتیە و پشتی 25 سالان ئەڤ دوکانە ھەموو دێ بنە مولکێ حۆکمەتا ھەرێما کوردستانێ و سەرۆکاتیێن باژێرڤانیان دێ وان دوکانان ب رێڤەبەن و داھاتی بۆ
گۆت ژی: ل گۆەری وێ مۆلەتا ڤێ کۆمپانیێ وەرگرتی، د ئازادن بۆ فرۆتنا ھەر کەرەستەیەکێ خوارنێ کو مفا بۆ وەلاتیان تێدا ھەبیت و دێ 24 دەمژمێران د ڤەکری بن و چو جاران ناھێنە داخستن و کارەبا وان ژی دێ 24 دەمژمێری بیت و ھەر وەختەکێ وەلاتیان بڤێت دشێن بچن و کەرەستەیێن خوە ژێ بکرن و پارێن خوە بکەنە تێدا.
`ناڤبری خویاژی کر کو ژ وان 46 دوکانان ل پارێزگەھا دھۆکێ ھاتینە دانان، 20 ل سەنتەرێ دھۆکێ ھاتینە دانان و 26 ژی ل قەزایێن ئامێدیێ و زاخۆ و سێمێل و ئاکرێ و دێرەلۆک و شێلادزێ ھاتینە دانان.
ب وێنه: پێشمەرگەیەک كه‌فته د ئاڤا گه‌ليێ عه‌لى به‌گ دا
ئەڤرۆ نیوز، نەوزاد ھلۆری:
دەمەکێ کێم بەری نھا تیێمن نقومڤانێن سەر ب بەرەڤانیا باژێری شیان وەلاتیەکێ ژ مرنێ رزگار بکەن کو چو نەمابوو د رووبارێ گەلی عەلی بەگ دا ب خەندقیت.
دڤی واریدا عیماد رێکانی بەرپرسێ بەرەڤانیا باژێری ل سوران بو ئەڤرۆ نیوز گۆت: (دەمەک بەریا نھا تیمێن نقومڤانێن سەر ب رێڤەبەریا بەرەڤانیا باژێری وەلاتیەک ژ مرنێ رزگارکر کو کەفت بوو رووبارێ گەلیێ عەلی بەگ دا و چوو نەمابوو ب خەندقیت).
زێدەتر گۆت: (ناڤێ ئەوی وەلاتی ھوشەنگ سالح سەیدایە و خەلکێ ناحیا حەریرێ یە ، و لسەر رووبارێ گەلیێ عەلی بەگ مولێ مەلەڤانی و دەم بوراندنێ بو ، سوپاس بو خودێ تیمێن مە د نێزیک بوون و ھەر زو شیان ئەوی رزگار بکەن بەری کو ب خەندقیت).
ب گورەی زانیاریێن ئەڤرۆ نیوز ئەو وەلاتی پێشمەرگەیە سەر ب فەرماندەیا پێشمەرگێ زێرەڤانیی و پلەیا عەریف ھەیە و ل سالا 1991 ژ دایکبوویە.
گەنجێن 18 سالی ژی تووشی ڤان نه‌خۆشيێن مه‌ترسيدار دبن
ئه‌ڤرۆ نيوز:
ژ ئەنجامێ ئەو پێشکەفتنا پزیشکی یا د زوو دەستنیشانکرنا نەخۆشیان دا پەیدابووی، ئەو گوھۆرینێن کو ب سەر شێوازێ ژیانێ دا ھاتین وەکو خوارنا نەساخلەم و کێمیا ئەنجامدانا چالاکیێن لەشی، وەکریە کو گەلەک نەخۆشی تووشی گەنجان ببن ھێشتا دژیێ 17 و 18 سالیێ دا و ژوان نەخۆشێان ژی دێ ئاماژە ب شەش نەخۆشیان دەین کو ژلایێ کومەلا ئەمریکی یا ساخلەمیا گشتی ھاتینە دەستنیشانکرن:
* پەنجەشێرا پیستی یا میلانی : پەنجەشێرا پیستی یا میلانی تووشی کەسێن پێنجی سالی دبیت، بەلێ ژبەر پێشکەفتنا ژیانا نوو وەلێ ھاتیە کو نەخۆشی تووشی سنێلە و گەنجێن بیست سالی ژی ببیت، چارەسەری بۆ نەھێلانا پەیدابوونا ڤێ نەخۆشیێ ئەوە قەستا سالۆنێن پیست رەشکرنێ نەکەین، ژبەرکو ئەو دەلیڤا توشکرنا ڤێ نەخۆشیێ ب سێ جارکی زێدەدکەن ل دووڤ پەیامەکا رۆژناما ” Cancer Epidemiology, Biomarkers & Prevention”، ھەروەسا پێدڤیە کریمێن خوپاراستنێ ژ تیشکا رۆژێ ب کاربینن ل دەمێ مرۆڤ دناڤبەرا دەمژمێر 10-دویێ نیڤرۆ دەردکەڤیت، گرۆڤە ژی ھەنە کو خوارنا ڤیتامین بی پیستی ژ تووشبۆنا پەنجەشێرێ دپارێزیت.
* نەخۆشیا پێتیبوونا ھەستیان: ژیێ تایبەت بۆ دەستنیشانکرنا ڤێ نەخۆشیێ 65 سالیە، ھندەک ژی د ژیێ 50 سالیێ دا تووشی نەخۆشیێ دبن، کاترین دیمەر، رێڤەبەرا بەرنامێ ساخلەمیا ھەستیان ل کولیژا پزیشکی یا زانکۆیا واشنتون دبێژیت: بۆ خوپاراستنێ ژ ڤێ نەخۆشیێ پێدڤیە ھەستیێن خوە ب ھێز بێخین ئەوژی ب خوارنا ڤیتامین (دی) و کالسیومی، ھەروەسا شیرەتان دکەت کو رۆژانە راھێنان بھێنە کرن داکو ھەستی بھێزبکەڤن و خوە دووربکەن ژ جگارەکێشانێ و مەی ڤەخوارنێ ژبەرکو وەکو ژەھرێ نە بۆ ھەستیان.
* جەلتە: ئەڤ نەخۆشیە ژی پتر ل دەڤ کەسێن 65 سالیێ و پێھەل دھێتە دیتن بەلێ د ئەڤرۆ دا تووشی گەنجێن بیست سالی و سیە سالی ژی دبیت، ژ گرنگترین فاکتەرێن دەلیڤا تووشبۆنێ ب جەلتێ زێدەدکەن جگارەکێشانە، ھەروەسا ھندەک ئاریشێن دی یێن ساخلەمیێ ھەنە کو مەترسیێ ب تووشبۆنا نەخۆشیان زێدەدکەن وەکو بلندبوونا فشارا خوینێ و شەکرێ و قەلەویێ و زێدەبوونا کولیسترۆلی یە دخوینێ دا، پێدڤیە چارەسەریا وان نەخۆشیا بھێتە کرن داکو گەنج تووشی جەلتێ نەبن.
*پەنجەشێرا مەمکی: ژیێ دەستنیشانکرنا ڤێ نەخۆشیێ 45 سالی و پێھەلترە، بەلێ ل نوکە تووشی کچێن سنێلە ژی دبیت، (ئان باتریدج) رێڤەبەرا پرۆگرامێ نەخۆشێن پەنجەشێرا مەمکی ل پەیمانگەھا دانا فاربەر یا پەنجەشیرَێ دبێژیت بو نەھێلانا ڤێ نەخۆشیێ پێدڤیە ژن راھێنانان ب شێوەیەکێ رێکخستی بکەن و سەنگێ خوە ب پارێزن و خوە ژ مەی ڤەخوارنێ دوور بکەن، ھەکە وان فاکتەرێن زکماکی ھەبن پێدڤیە پێرابوونێن جدی وەربگرن دا تووشی ڤێ نەخۆشیێ نەبن وەکو چەند دەرزیکا وەربگرن یا مەمکی ژێڤەبکەن ھەکە زانی دێ تووشی نەخۆشیێ بیت.
* ئەلزەھایمەر: ژیێ پێشبینیکری بۆ تووشبۆنێ ب نەخۆشیێ ل سەر 65 سالیێ دایە، بەلێ ھندەک ل ژیێ پێنجی سالیێ ژی تووش دبن، د.گوستافو ئەلفا، رێڤەبەرێ جڤاتا ماموستایێن دەروونی یێن ئەمریکی دیاردکەت کو دشیاندایە خو ژ ڤێ نەخۆشیێ ب پارێزن ب رێیا ھێزکرنا بیردانکێ و لەشێ خوە و مێشکێ خوە، ئەوژی ب رێیا فێربوونا زمانەکێ نوو یان فێربوونا چاوانیا ژەنینا پیانویێ و ئەو ھەموو تشت مفای دکەن، ھەروەسا دیاردکەت کو تشتێ مفای ل دلی بکەت دێ مفای ل مێشکی ژی کەت لەورا یا گرنگە ئاستێ کولیسترۆلی یێ کێم بیت و فشارا خوینێ ل خوارێ بیت و بەژن زراڤی بھێتە پاراستن.
سەیرترین تیتالێن شووکرنێ
ئه‌ڤرۆ نيوز:
نەریت و تیتالێن دەواتێ ژ جڤاکەکی بۆ جڤاکەکی و ژ باژێرەکێ بۆ باژێرەکی جودانە، ئەندونیسی ژی ب سەیرترین شێوە دەواتێن خوە د گێرن و ھزر دکەن بێ ئەو تیتالە دەواتا وان یا پیرۆز نابیت، ئەڤ سروشتە د ھەموو دەڤەرێن ئەندونیسیا ناھێنەکرن بەلکو ھندەک ژ وان:
ــ ئەندونیسی د ژیەکێ گەلەک بچووک دا خێزانێ پێک دئینن، کور د ژیێ 17 سالیێ دا خێزانێ پێک دئینن و کچ ژی ژ 17 سالیێ بچووکتر.
ــ مەزاختنێن گەلەک کێم ل دەواتێن خوە د مەزێخن، دیسان جلکێن بیک و زاڤان ژی ژ پێشانگەھێن ناڤ و دەنگ لنک وان ب کرێ د ئینن.
ــ بیک و زاڤا شوقەکا تایبەت ناکرن بەلکو زوربەیا وان لنک خێزانا بیکێ ژیانا خوە دبەنە سەری، ئەگەر بۆ خوە مالەکا جودا دانا دڤێت ھەر نێزیکی مالا دەیک و بابێن بیکێ بیت.
ــ گەنجێ ئەندونیسی نابیت بۆ خوە کەس و کارێن خوە بخازیت مینا کچ خالەتێ یان کچ مەتێ، ھەروەسا نابیت ئەو کچا دخازیت جیرانا وی بیت یان بنیاسیت یان ھەر کچەکا دەڤەرا وی بیت، دڤێت کچەکا دەڤەرەکا دی بیت و یا دوور ژ وان.
ــ د ماوێ دەزگریێ دا نابیت کچ ژ مال دەرکەڤیت، چو ماوێ دەزگریێ رۆژەک بیت یان ھژار رۆژ بن نابیت دەرکەڤیت ھەتا رۆژا دەواتێ.
ــ زاڤا دڤێت ماوێ دەستنیشانکری یێ دەواتێ ئامادە بیت و گیرۆ نەبیت، ھەکە ھاتوو گیرۆ بۆ دڤێت کوژمەکێ پارەی یێ گەلەک مەزن بدەتە بیکێ یان زێرا بۆ بیکێ بکریت.
ــ د رۆژا دەواتێ دا پەردەکا ستوور دانە دناڤبەرا بیک و زاڤا دا و نا راکەن ھەتا زاڤا کومەکا سترانێن رومانسی بۆ بیکێ بێژیت، ھەکە ستران گۆتن دێ وێ پەردێ راکەن و دێ لنک ئێک روونن ب شێوەکێ سروشتی.
ــ رۆژا دەواتێ نابیت پێ بیکێ ب عەردی بکەڤیت دەمێ دچیتە مالا خوە، باب نەچار دبیت کچا خوە یا بیک ل سەر پشتا خوە راکەت ھەتا دبەتە مالا وێ، چەند مالێ وێ یا دوور بیت یان نێزیک.
دلێ خوە ژ نەخۆشیان بپارێزە
ئه‌ڤرۆ نيوز:
ساخلەمیا دلی ژێدەرێ سەرەکیە کو مرۆڤ ھەست ب گەنجاتیێ بکەت و ببیتە خودان ھێز و شیانێن باش، داکو دلێ خوە ژ نەخۆشیان بپارێزی، ل دووڤ ڤان رێنمایان ھەرە:
گرنگیێ ب خوارنا تێشتێ بدە.
سپێدەھیان راھیچنانێن وەرزشی بکە.
رۆژانە سێڤ و مۆزان بخۆ.
گرنگیێ ب خوارنا چەرەز و خۆرمێ بدە.
ھشیاری خوارنا شرینی و شەکرێ ببە دا ھەڤسەنگیا وان د ناڤ خوینێ دا راگری.
بکە کەنی و خۆشیێ ژ ژیانێ ببینە، خوە ژ دلتەنگیێ دوور بکە و سەیرانان بۆ ناڤا سروستی بکە.
رۆژانە 7 – 8 سەعەتان بنڤە.
ددانێن خوە رۆژانە بشۆ.
ریژا خوێ د ناڤ خوارنێ دا کێم بکە.
خوە ژ جگاران دوور بکە.
پیڤازێ ژ سیستەمێ خوارنێ دوور نەکە.
په‌رله‌مانتاره‌ك: هژمارتنا ب ده‌ست يا ئه‌نجامێن هه‌لبژارتنان دێ چار هه‌يڤان ڤه‌كێشيت
ئه‌ڤرۆنيوز:
ئه‌ندامه‌كا لژنا قانوونى ل په‌رله‌مانێ عيراقێ، ئه‌ڤرۆ پێنجشه‌مبى 21/6/2018 پێشبينى كر ده‌مێ ته‌شريعى يێ په‌رله‌مانێ عيراقێ بهێته زێده‌كرن بۆ سه‌رپه‌رشتيكرنێ ل سه‌ر پرۆسا هژمارتنا ب ده‌ست يا ئه‌نجامێن هه‌لبژارتنان.
سادق له‌بان، ئه‌ندامێ لژنا قانوونى ل په‌رله‌مانێ عيراقێ راگه‌هاند” سه‌رۆكاتيا په‌رله‌مانى دێ بزاڤێ كه‌ت ده‌مێ په‌رله‌مانى بۆ چار هه‌تا پێنج هه‌يڤان بهێته زێده‌كرن ژبۆ سه‌رپه‌رشتيا پرۆسا هژمارتنا ب ده‌ست يا ئه‌نجامێن هه‌لبژارتنان”.
دياركر ژى” درێژكرنا ده‌مێ په‌رله‌مانى ب مه‌ره‌ما په‌يدا نه‌بوونا ڤالاهيا دستوورى يه”.
گۆت ژى” بريارا دادگه‌ها فيدرالى ب هژمارتنا ده‌نگان ب ده‌ست دێ ده‌ليڤێ ده‌ته سه‌رۆكاتيا په‌رله‌مانى داخوازا درێژكرنا ده‌مێ ته‌شريعى يێ په‌رله‌مانى بكه‌ت”.
خوياكر” دبيت هژمارتنا ب ده‌ست يا ئه‌نجامێن هه‌لبژارتنان چار هه‌يڤان ڤه‌كێشيت ژبۆ راگه‌هاندنا ئه‌نجامێن نوو يێن هه‌لبژارتنان”.
دهێته زانين ل 30/6/2018 ده‌مێ ته‌شريعى يێ په‌رله‌مانێ عيراقى يێ نوكه دێ ب دووماهى هێت.
جوتيارێن كوردستانێ دده‌مێ 10رۆژان دا ژ فروتنا گه‌نمى دێ پارێن خوه وه‌رگرن
ئه‌ڤرۆنيوز:
به‌رپرسه‌كێ وه‌زاره‌تا چاندنێ ل عيراقێ، ئه‌ڤرۆ پێنجشه‌مبى 21/6/2018 ئاشكراكر كو وه‌زاره‌تا بازرگانيا عيراقێ ده‌ست ب وه‌رگرتنا هه‌ردو به‌رهه‌مێن گه‌نمى وجه‌هى ژ جوتيارێن هه‌موو پارێزگه‌هێن عيراقێ وهه‌رێما كوردستانێ كريه ودده‌مێ 10 رۆژان دا ژراده‌ستكرنا وان به‌رهه‌مان، دێ جوتيار پارێن خوه وه‌رگرن.
عه‌بدولمه‌هدى زه‌مه‌د ئه‌لقه‌يسى، بريكارێ وه‌زاره‌تا چاندنێ ل عيراقێ دداخۆيانيه‌كا رۆژنامه‌ڤانى دا گۆت ژى” به‌رهه‌مێن جه‌هى وگه‌نمى تنێ ژ ده‌ڤه‌رێن رزگاركرى ژ داعشێ ناهێته وه‌رگرتن ول سالا بهێت كرينا وان هه‌ردو به‌رهه‌مان ژ وان ده‌ڤه‌ران دێ چيته دپلانا چاندنێ دا”.
خوياكر ژى” رێنمايێن ڤه‌بر ژ جڤاتا وه‌زيرێن عيراقێ هاتينه ده‌ركرن ل دۆر مه‌زاختنا پارێن جوتياران دده‌مێ 10 رۆژان دا ژ وه‌رگرتنا به‌رهه‌مان، به‌رۆڤاژى ڤێ چه‌ندێ دێ به‌رپرسێ فه‌رمانگه‌ها به‌رپرس ب وى كارى ڤه هێته سزادان”.
ئه‌رزانى بچووكترين ياريكه‌ره ل مونديالا رووسيا
ئه‌ڤرۆنيوز:
دانييل ئه‌رزانى ياريكه‌رێ هه‌لبژارتيێ ئوستراليا وب ره‌گه‌ز ئيرانى دهێته هژمارتن بچووكترين ياريكه‌ر دمونديالا رووسيا 2018 دا.
ئه‌رزانى يارى ل جاده وتاخێن باژێرێ خوره‌م ئاباد يێ ئيرانى كريه وده‌مێ ل گه‌ل خێزانا خوه چوويه ئوستراليا به‌رده‌وام بوو ل سه‌ر ياريا ته‌پا پێ هه‌تا گه‌هشتيه رێزێن يانا ملبورن ستى يا ئوسترالى وپاشى هه‌لبژارتيێ ئوستراليا.
حزبوللا: دێ هێرشێ كه‌ينه سه‌ر سه‌ربازێن ئه‌مريكى ل عيراقێ
ئه‌ڤرۆنيوز:
چه‌كدارێن ميليشيا حزبوللا يا عيراقى يا سه‌ر ب حه‌شدا شه‌عبى ڤه دبه‌ياننامه‌كێ دا گه‌فێن تۆلڤه‌كرنێ ژ ئه‌مريكا وئيسرائيلێ كرن ودووپات كر كو ب توندى دێ دژى ئه‌مريكا راوه‌ستيت ژبه‌ر بوردومانا ميليشيێن حه‌شدا شه‌عبى ل سووريێ.
دبه‌يانناما حزبوللا يا عيراقى دا هاتيه” بوردومانا ئه‌ندامێن حزبوللا يا عيراقى ژلايێ فرۆكێن ئه‌مريكا ڤه كاره‌كێ چاڤه‌رێ كرى بوو، چونكى هه‌بوونا مه ل سنورێ دناڤبه‌را عيراقێ وسووريێ بۆ ژناڤبرنا پاشمايێن تيرۆرستێن داعشێ وپاراستنا سنوورێن عيراقێ، دژى سياسه‌تێن ئه‌مريكا وزايونيزمێ بوو، چونكێ ئه‌و دخوازن داعش ل ده‌ڤه‌رێ بمينيت.
حزبوللا يا عيراقى دبه‌يانناما خوه دا سه‌رۆكێ ئه‌مريكى دۆنالد ترامپى ب گه‌مژى ناڤكر ودبێژيت” خوينا چه‌كدارێن مه ب هه‌روه ناچيت ودێ هێزێن ئه‌مريكى ل عيراقێ كه‌ينه ئارمانج”.
گه‌فێن حزبوللا دده‌مه‌كى دانه كو ل شه‌ڤا ئێكشه‌مبيا بۆرى فرۆكێن شه‌ركه‌ر بوردومانا بنگه‌هێن سه‌ربازى يێن حه‌شدا شه‌عبى ل باژێرێ ئه‌لبوكه‌مال يێ سوورى ل سه‌ر سنورێ عيراقێ كربوو ودئه‌نجامدا 38 كه‌س هاتن كوشتن كو پتريا وان چه‌كدارێن حه‌شدا شه‌عبى بوون.
نيشاندان
WP Facebook Auto Publish Powered By : XYZScripts.com