ئه‌ڤرۆ نيوز:
نوترین ڤێرژنا ئایفۆنێ ژلایێ بکارهێنەرانڤە نەڕازیبوون لێ دکەفیت و ئاریشە بۆ درۆستکریە د کامیرێ و دابەزینا باتریێدا.
ل گورى نوچەیەکێ ماڵپەرێ ” bgr” بکارهێنەرێن ئایفونێ تووشى چەند ئاریشەکان بووینە.
زۆربەیا بکارهێنەڕێن ئایفۆنێ د نوترین ئەپدەیتا ئایفۆنێدا کو iOS 11.4 -ە چەندین ئاریشە بەرهەنگارى بکارهێنەران بووینە وەکە زۆر دابەزینا باتریا مۆبایلان و ئاریشە د کامیرێدا و ڕەشبوونا ناڤدا ل دەمێ گرتنا وێنەى.
کۆمپانیا ئەپڵ تا نها ئەگەرێ ئاریشێ نەزانیە کو ئاریشە د کامیرێدا و فلاشى و خەزنکرنا وێندا درۆستبوویە بۆ هندەک بەکار هێنەران.
ئەڤ ئەپدەیتە ب فەرمى ل ٢٩ى مەها ئەیارێدا بەلاڤکریە و ئاریشا بەرێ یا ئایفۆنێ چارەسەربکەت، لێ دووبارە ئاریشەیەکا نوو بۆ هندەک ژ بکارهێنەران درۆست بوو.
ئێک ژ بکارهێنەڕێن ئایفۆنێ نڤێسیە وزەیا باتریێ ٥٠%ێ بۆ٢٠%ێ دابەزیە بێى کو بکاربینیت، ب مەرجەکى بەریا کو سیستەمى بکەت ب ڤى ڤێرژنێ نوو وەسان نەبوو.
کوپانیا ئەپڵ ب فەرمى داخازا لێبوورینێ ژ بکارهێنەرێن ئایفۆنێ کر و سوزا چارەسەرکرنا ئاریشێ دایە.
ئه‌ڤرۆنيوز:
رێڤەبەریا گشتی یا سەقاناسی و بیڤەلەرزێ ل ھەرێما کوردستانێ راگەھاند کو سوبه‌هى دێ دیاردەکا فەلەکی ل ھەرێما کوردستانێ و گەلەک دەڤەرێن جیھانێ روو دەت.
کەشناسیێ ئاماژە ب وێ چەندێ کر کو ھەموو سالان ل 20 یان 21ی خزیرانێ دا، دیاردەیەکا فەلەکی رووددەت و یا بەرنیاسە ل وەرگەریانا ھاڤینێ. ئەڤ سالە ژی ل 21ی خزیرانا 2018ێ دەمژمێر 11:07 دەقیقە ب دەمێ جیھانی و 13:07 ب دەمێ کوردستانێ دێ رۆژا ئێکێ یا ھاڤینێ بیت.
بەحس ل وێ چەندێ ژی ھاتیە کرن کو دێ دوورترین خال ژ ھەتاڤێ گەھیتە 152 ملیۆن و 97 ھزار و 701 کیلۆمەتر، بەلێ ل گەل وێ چەندێ ژی د نیڤا تەپا باکوور دا دێ وەرزێ ھاڤینێ دەست پێ کەت، چەنکو خواربوونا تەوەرێ خواریا ئەردی ب 23 بۆ 26 پلان ل سەر خۆلگا و ھەلپەزێ و ھاتنە خوارا ئاستێ ئەردی ل دەمێ زڤرین ل دۆر رۆژێ دبیتە ئەگەر کو 20 یان 21ی خزیرانێ ژ ھەموو سالەکێ تیشکا رۆژێ ھەتا رادەکی یا ستوونی بیت ل سەر خولگا کێڤژالە ل نیڤا تەپا باکوورێ ئەردی و دبیتە ئەگەرێ بلندبوونا پلێن گەرمێ ژ بەر مانا زێدەترا ھەتاڤێ ل ئەسمانی و درێژبوونا دەمێ رۆژێ بۆ دووماھی ئاست.
تەکست ل سەر ھندێ ژی کریە کو ھەڤدژی ڤێ چەندێ ل باشوورێ ئەردی، تیشکا ھەتاڤێ دێ خوار بیت ل سەر خولگا گیسکی ژ بەر ھندێ ژ دەرئەنجامێ کێمیا مانا رۆژێ ل ئەسمانی و کورتبوونا ماوێ رۆژێ و درێژبوونا ماوێ شەڤێ، ل نیڤا تەپا باکوور دا دیاردا وەرگەریانا زڤستانێ ئانکو ھاتنە خوارا زۆر یا پلێن گەرماتیێ دێ دەست پێ کەت و وەرزێ زڤستانێ ل ھەموو 20 یان 21ی خزیرانێ دەست پێ کەت.
سەقاناسیێ بەحس ل وێ چەندێ ژی کریە کو د ھەمان دەم دا و ل جەمسەرێ بەستی یێ باکووری و ژ وی دەمی و پێڤە ھەتا ماوەکێ دی ھەتاڤ ل ئەسمانی ئاڤا نابیت و ھەڤدژی ڤێ چەندێ ل کیشوەرێ بەستیێ باشووری شەڤھاتنەکا بێ دەرکەفتنا ھەتاڤێ ھەتا ماوەکی دێ ب سەر وێ دەڤەرێ دا ھێت.
ئه‌ڤرۆنيوز، سالار دۆسكى
دژیێ 72 سالیێ دا ئه‌ڤرۆ 20/6/20018 د. عه‌بدولحه‌كیم موختار یێ بەرنیاس پ د. حكیم موختار، ئێكەم راگرێ كولیژا ئەندازیاری ل زانكۆیا دهۆكێ و شيره‌تكار ل حوكمەتا هەرێما كوردستانێ وەغەرا دووماهیێ كر و ل گۆرستانا شاخكێ هاتە ڤەشارتن.
د.عەبدولحكیم موختار، ژدایكبوویێ سالا 1944 يه، دەستەكێ بالا هەبوویە دپڕۆژێن ئاڤ و بەنداڤان دا ل عێراقێ و كوردستانێ، باوەرنامەیا ماستەر و دكتۆرايێ ب بسپۆریا ئاڤ و بەنداڤان ل ئەمریكا وەرگرتینە، چار سالان پڕۆفیسورێ هاریكار بوویە ل ئەندازیاریا شارستانی ل زانكۆیا ڕۆژهەلاتا ناڤەڕاست ل توركیا ۱۹۸۷- ۱۹۹۱شارەزا و ڕاوێژكارێ نەتەوێن ئێكگرتی بوو بۆ ۱۲ پڕۆژەیان ل سالا1987هەتا سالا ۱۹۸۹،
ئەڤرۆ نیۆز:
ئه‌ڤرو سپێدێ 20-6-2018فه‌رهاد ئه‌مین ئه‌تروشی پارێزگه‌رێ دهوكێ پێشوازیا به‌رێز (دومینیك ماس) كونسلێ وه‌لاتێ فره‌نسا ل هه‌رێما كوردستانێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا اسماعیل محمد احمد هاریكارێ پارێزگه‌رێ دهوكێ بو كاروبارێن مروڤایه‌تی به‌حسێ ره‌وشا په‌نابه‌ر وئاواره‌یان ل سنورێ پارێزگه‌ها دهوكێ وئه‌و كار وخزمه‌تێن پارێزگه‌ها دهوكێ ب هه‌ڤكاریا رێكخراوێن مروڤایه‌تی پێشكێشی وان دكه‌ن ب گشتی هاته كرن.
دته‌وه‌ره‌كێ دن دا به‌حسێ روژا جیهانی یا په‌نابه‌ران وچاوانیا باشكرنا ره‌وشا په‌نابه‌ران هاته كرن.
پاش ل كه‌مپا دومیز یا په‌نابه‌رێن سوری وب هه‌لكه‌فتا روژا جیهانی یا په‌نابه‌ران وب ئاماده‌بوناپارێزگه‌رێ‌دهوكێ‌وكونسلێ‌فره‌نساماڵاهونه‌رمه‌ندانلكه‌مپادومیزهاته‌ڤه‌كرن ،بڤێ هه‌لكه‌فتێ پارێزگه‌رێ دهوكێ په‌یڤه‌ك پێشكێشكر وروژا جیهانی یا په‌نابه‌ران ل هه‌موو په‌نابه‌ران پیروزكر وته‌كه‌زكر كو ده‌لیڤێن باش بو زاروك وگه‌نج وخودان شیانان ل ناڤا كه‌مپا دومیز دێ هێنه پێش كو ب رێكا ڤی سه‌نته‌ری شیانێن خو دبوارێن هونه‌ریدا پتر پێش بێخن وسوپاسیا رێكخراوێن فره‌نسی و یو ئێن وهه‌موو لایه‌نێن دی كر كو بوینه هاریكار بو ئاڤاكرنا مالا هونه‌رمه‌ندان.
ل دوماهیێ سوپاسیا حكومه‌ت وگه‌لێ فره‌نسا كر كو به‌رده‌وام هاریكاریا هه‌رێما كوردستانێ وپه‌نابه‌را وئاواره‌یان دكه‌ن ، هه‌روه‌سا ره‌خنه ژی ل رێكخراوێن یو ئێنێ گرتن كو هاریكاریێ دگه‌ل په‌نابه‌رێن سوریی ل هه‌رێما كوردستانێ وه‌كو پێدڤی ناكه‌ن هه‌مبه‌ر وان هاریكاریێن یو ئێن بو په‌نابه‌رێن سوری ل ده‌وله‌تێن دی یێن ده‌وروبه‌ر پێشكێشدكه‌ن وخواست كو هه‌موو لایه‌ن پتر هاریكاریا په‌نابه‌ران بكه‌ن.
پاش كونسلێ فره‌نسی دپه‌یڤه‌كێدا گوت: ئه‌ڤرو ئه‌م هاتینه ژبه‌ر كو روژا جیهانی یا په‌نابه‌را یه وسوپاسیا هه‌رێما كوردستانێ وپارێزگه‌ها دهوكێ كر هه‌مبه‌ر وێ هاریكاریا بو په‌نابه‌ران دكه‌ت ، هه‌روه‌سا گوت : هاتنا مه ژبو وێ یه‌كێ یه كو ئیرو دێ ئاهه‌نگه‌كا هونه‌ری وره‌وشه‌نبیری ل دهوكێ هێته كرن وهونه‌رمه‌ندێن فره‌نسی وكوردستانی دێ پشكداربن كو ئه‌ڤه‌ژی بخو په‌یامه‌كه كو ئه‌م ب هه‌ڤره دێ دبه‌رده‌وامبین ل سه‌ر پێشكێشكرنا چالاكیێن هونه‌ری وموسیقێ وته‌كه‌زكر كو حكومه‌تا فره‌نسا دێ یا به‌رده‌وامبیت بو پشته‌ڤانیكرنا هه‌رێما كوردستانێ وپه‌نابه‌رێن سوری.
پاش جودا په‌یڤێن رێكخراوا ریبێرتو چیمه‌نتو یا فره‌نسی ورێكخراوا UNFPAونوینه‌راتیا حكومه‌تا كوردستانێ ل ده‌رڤه‌ی وه‌لات وپه‌یڤا مالا هونه‌رمه‌ندان هاتنه خاندن.
ل دوماهیێ مالا هونه‌رمه‌ندان چه‌ند خه‌لات به‌لافكرن وچه‌ند ستران پێشكێشكرن.
هه‌ژی گوتنێ یه مالا هونه‌رمه‌ندان ب پشته‌ڤانیارێكخراواریبێرتوچیمه‌نتویافره‌نسی هاتیه ئاڤاكرن وژلایێ رێكخراواUNFPAهاتیه بجهكرن ئارمانج ژێ ئه‌وه هاریكاریا زاروك وگه‌نج وخودان شیانێن كه‌مپا دومیز بهێته كرن ودهه‌موو بوارێن هونه‌ریدا.
ئەڤرۆ: ژیمان سەعید
ستێرا ھێلا ناڤین یا کورد و یانا دالکورد یا سویدی رێوان ئەمین د دیدارەکێ دا بۆ رۆژناما ئەڤرۆ دیارکر ئەو دێ ل قوناغا دوێ ھەمی شیانێن خوە تەرخان کەن بۆ دەستڤە ئینانا ئەنجامێن باشتر بۆ یانا دالکورد ل یاریێن مای دخولێ دا و ئەوان ھێشتا دەلیڤە گەلەک مایە ژبەرکو ھێشتا ١٩ یاری یانێ ماینە کو دەلیڤا ڤەگەراندێ ئەوان گەلەک مایە .
رێوان ئەمین ئەوێ ل سالا ١٩٨٨ ل باژێرێ دھۆکێ ژ دایکبووی و پاش ل گەل خێزانا خوە بەر ب وەلاتێ ھولەندا ڤە چووین زێدەتر دیارکر ئەو ل یانا دالکورد یێ ئارامە ھەر چەندە گەلەک یانێن ھولەندی و ئورۆپی ل ماوێ بوری داخوازی ژ ئەوی کر ھەڤبەستێ ل گەل ئیمزا بکەن ھەر چەندە ژلایێ مادی ڤە ژ ھەڤبەستا دالکورد بلندتر بوون لێ ئەوی خواست ئەڤ سالە ژی خزمەتا ڤێ یانا کوردی بکەت ل ئورۆپا .
رێوان ئەوێ بەری نوکە یاری ل یانا ھێرنڤین یا ھولەندی کری و ھەلبژارتیێن ھولەندا یێن ١٥ سالی ھەتا ١٩ سالی سەبارەت وەرزێ بھێـت ناڤبری دیارکر ئەو ناخوازیت نوکە چو بریارا ل سەر چونا خوە بدەت ژبەرکو ئەو دخوازیت نوکە تەرکیز ل سەر یاریێن مای یێن یانا خوە بکەت دخولا سوید دا ھەر دەمێ وەرزێ ئەڤ سالە ب دووماھیی ھات ل گەل یانا دالکورد وی دەمی دێ ھزر ل سالا بھێت کەت ھەر چەندە گەلەک یانە ل مێرکاتویا زڤستانا بوری و بۆ مێرکاتویا نوکە ژی داخوازی ژ رێڤەبەرێ وی یێ تایبەت کرینە بۆ ئیمزاکرنا ھەڤبەستا ئەوان یانا ژ ئەوان ژ دو یانێن مەزن ل سوید و ھەردیسان بەلجیکا و ھولەندا لێ من ھەتا نوکە چو بەرسڤ ل سەر نەداینە چاڤەرێ بین ھەتا دووماھیا ڤێ سالێ .
ل دوماھیێ ئەو چەندە ژی نەڤەشارت کو ژیانا ھەڤژینیێ پێک نە ئینایە و دھزرا وی دا نینە یاریێ بو یانێن کوردستانێ بکەت ژبەرکو ئەو دخوازیت ھەر ل ناڤا خولێن ئورۆپی بیمنت و ئارمانجا وی یا ھەرە مەزن ئەوە یاری بۆ ئێک ژ یانێن بەرنیاس بکەت ل ئورۆپا ئەو دبینت ئەڤ چەندە نە یا ب زەحمەتە بۆ وی ژبەرکو ئەو نوکە گەلەک ژ ئاستێ خوە یێ رازی یە و چەند یانێن بەرنیاس ل سەر ئاستآ خولێن وەلاتێن خوە داخوازی ژ ئەوی کریە کو بەرنیاسن ژی ل ئورۆپا لێ ئەو دێ چاڤەرێ ھەڤبەستا یانەکا بەرنیاستربیت.
زاخۆ,ھشیار دوبانکی:
چاڤەرێ دھێتەکرن یانا زاخۆ مێڤانداریا قارەمانیا عیراقێ ل سەر ئاستێ لاوان بکەت ب یاریا باسکت بولێ کو ژڤانا ھەڤرکیێن وێ ب پشکداریا شەش یانا ل سەر ئاستێ عیراقێ ل ٥/٧/٢٠١٨ ، کو تیما زاخۆ وەکو نوونەرا ئێکانە یا ھەرێما کوردستانێ دێ پشکداری د ھەڤرکیێن خولا عیراقێ دا کەت کو چاڤەرێ دھێتەکرن ھەمی یاریێن وێ ل ھولا گرتیا بنگەھێ وەرزشی و لاوان ل زاخۆ بھێنەکرن .
راھێنەرێ تیما لاوێن باسکت بۆلا یانا زاخۆ بۆ رۆژنانا ئەڤرۆ دیارکر بۆ ڤاڤارتنێن کوما ھەرێما کوردستانێ ژی کارگێریا یانا زاخۆ مێڤانداریا وێ کومێ کربوو کو ئەو وەکو قارەمانا کوما خوە دەربازی یاریێن دووماھیا خولێ بوون و بۆ پشتەڤانیا تیما باسکت بولێ کارگێریا یانێ داخواز کر ئەو مێڤانداریا یاریێن دووماھیا قارەمانیا عیراقێ بکەن و پشتی ئەوان ب فەرمی نڤێسینەک پێشکێشی ئێکەتیا عیراقێ کری بۆ مێڤانداریا قارەمانیێ ئەو ژی ل سەر داخوازیا یانا زاخۆ رازیبوون .
ناڤبری ئاماژە ب وێ چەندێ ژی کر ڤەکرنا ڤێ قارەمانیێ دێ گرنگیا خوە ھەبیت ژبەرکو ماوەکێ درێژە یاریا باسکت بولێ ل ھەرێما کوردستانێ نەمایە مریە کو ئێکەتیا باسکت بولێ ل کوردستانێ ماوەکێ درێژە چو چالاکی ب رێڤەنەبرینە و ئەڤ چەندە بوویە ئەگەرێ پاشڤەزفرینا ڤێ یاریێ .
ل دووماھیێ ناڤبری دیارکر ئەوان بەرھەڤیێن باش بۆ یاریێن دووماھیا قارەمانیا عیراقێ کرینە و ئارمانجا ئەوان یا سەرەکی ئەوە ھەڤرکیێ ل سەر رێزێن ئێکێ و دوێ سێ بکەن .
ئه‌ڤرۆنيوز:
برياره ل ڤێ هه‌يڤێ ده‌سته‌يه‌كا نوو يا كاردينالان بۆ فاتيكان بهێته دياركرن، بۆ ڤێ مه‌ره‌مێ ژى 14 كه‌س يێن هاتينه هه‌لبژارتن كو ببن كاردينال كو دناڤ واندا مه‌سيحيه‌كێ خه‌لكێ زاخۆ يێ هاتيه ده‌ست نيشانكرن وه‌كو ئێكه‌م كه‌س ناڤێ وى هاتيه خواندن ببيته كاردينال.
ل دووڤ مالپه‌رێ كوردستان تى ڤى، برياره د رێ وره‌سمه‌كى دا ب به‌رهه‌ڤبوونا پاپايێ فاتيكانێ، ل رۆژێن 28 و29 ڤێ هه‌ڤێ پلا كاردينال بۆ 14 كه‌سان بهێته دان كو دێ بنه هاريكارێن پاپايێ فاتيكانێ.
دهه‌لبژارتنا وان 14 كه‌سان دا كو ئێك ژوان مه‌سيحيه‌كێ خه‌لكێ زاخۆيه ب ناڤێ (مار لويس روفائيلێ ئێكێ ساكۆ).
ده‌سته‌يا كاردينالان ناڤه‌نده‌كا فه‌رمى يه ل ئه‌سقوفيا كاسۆليكى يا ئايينێ مه‌سيحى، هه‌روه‌سا ل ده‌مێ مرنا پاپايێ فاتيكانێ، ده‌سته‌يا كاردينالان پاپايێ نوو دهه‌لبژێرن.
مار لويس روفائيلێ ئێكێ ساكۆ ل سالا 1948 ل باژێرێ زاخۆ ژدايكبوويه، ل 1963 بوويه قوتابى ل په‌يمانگه‌ها ماريوحه‌نا حه‌بيب ل مووسل ول سالا 1974 بوويه قه‌شه ل مووسل، هه‌لگرێ دو باوه‌رنامێن دكتۆرايێ يه ل رۆما وزانۆيا سۆربۆن ل فه‌ره‌نسا، هه‌روه‌سا هه‌لگرێ باوه‌رنامه ماسته‌رێ يه دفقهێ ئيسلامى دا.
ئه‌ڤرۆنيوز:
كۆمسيۆنا بلند يا هه‌لبژارتن وراپرسى ل هه‌رێما كوردستانێ بريارا هژمار 4 كو يا تايبه‌ته ب ده‌زگه‌هێن راگه‌هاندنێ وچاڤدێران ڤه ده‌ردكه‌ت.
كۆمسيۆنا بلند يا هه‌لبژارتن وراپرسى ل هه‌رێما كوردستانێ ئاگه‌هداريا هه‌موو لايه‌نێن په‌يوه‌نديدار وده‌زگه‌هێن راگه‌هاندنێ وچاڤدێران دكه‌ت كو ل رێكه‌فتى 20/6/2018 دێ ده‌ست ب تۆماركرنا ده‌زگه‌هێن راگه‌هاندنێ وچاڤدێرێن پرۆسا هه‌لبژارتنان هێته كرن.
نيشاندان