ئه‌ڤرۆ نيوز:

 نوشداره‌كێ تایبەتمەندێ نشتەرگەریێن گشتی ددەتە دیارکرن کو رەمل ئێک ژ وان نەخوه‌شیانە کو گەلەک کەس ب ئەگەرێن جودا توش دبنێ.

گۆت ژى” نیشانێن ھەبوونا رەملێ ل دەڤ نەخوشی ئه‌ڤه‌نه‌:

*ئێشانا تەنیشت و پەراسیا

*ئێشانا بنێ زکی

*زێدەبوونا گه‌رماتيا له‌شی ژبەرهه‌ودانان

*ئێشان دگەل دەست ئاڤێ و زێدەچوونا دەست ئاڤێ

*گوھۆرینا رەنگێ دەست ئاڤێ و بێھنا وێ

*ھندەک جاران عێلنجی و دل رابوون

 ل دۆر ئەگەرێن پەیدابوونا رەملێ ل دەف مروڤی، ئیحسان سالح نوشدارێ تایبەتمەندێ نشتەرگەریێن گشتی بۆ نوش نيوز دبێژيت” زێدەبوونا رێژا کالسیومێ د له‌شێ مروڤی دا وجۆرێ ئاڤا ڤەخوارنێ یا تێر تۆخمێن کانزایی بۆ ده‌مه‌كێ درێژوجۆرێ خوارنێ، وخوارنێن زێدە پروتین و خوێ دبنە ئەگەرێ زێدەبوونا رەملێ و چێبوونا بەرکێ گولچیسکێ وپیربوونا مروڤی چێبوونا بەرکی و رەملێ زێدە دکەت وئاریشە ل کارێ گولچیسکێ دا ئەگەرەک سەرەکی یە بۆ چێبوونا رەملێ و بەرکی”.

سه‌باره‌ت رێيێن چارەسەریا رەملێ، دياركر” ڤەخوارنا رێژەکا باش ژ ئاڤێ کو دو لتر بۆ کەسێن بالغ بووی وکێمکرنا خوارنا گوشتێ سور و ئەو خوارنێن گەلەك خوێ تێداوکێمکرنا خوارنێن گەلەک ئوکسالات دناڤ دا وەکو بندەق و شوکۆلاتا وحەبێن مسەکن وحەبێن هه‌ودانان”.

نوشدار ئيحسانى ئاماژە دا وێ چەندێ ئەو خوارن و شریناھیێن زارۆ ل دوکانا ب دەست خوڤە دئینن وەکو(چبس و ئەندومی) خرابیەکا مه‌زن بۆ زارۆکی ھەیە و کارتێکرنەکا دکەن و نەخوه‌شیا پەیدا دکەن، لەوما فەرە دایك و باب ھشیاربن ل سەر زارۆیان و چاڤدێریێ لێ بکەن ھندی بشێن نەھێلن وان خوارنان بخۆن داکو توشی نه‌خوه‌شيان نەبن.