ئه‌ڤرۆنيوز:
بريارا تاپۆكرنا وان خانيان دێ هيته ده‌ركرن كو ل گوندان هاتينه ئاڤاكرن ونه‌خشێن وان كه‌فتينه دناڤ ماسته‌ربلانا باژێرڤانيێ دا.
عه‌بدولحه‌ميد مه‌جيد، رێڤه‌به‌رێ گشتيێ پلاندانانێ ل وه‌زاره‌تا باژێرڤانيان وگه‌شتوگوزارێ ل هه‌رێما كوردستانێ راگه‌هاند” جڤاتا وه‌زيران بريارا تاپۆكرنا خانيێن حه‌ره‌ما گوندان يا ده‌ركرى وئه‌و برياره وان گوندان ڤه‌دگريت يێن كه‌فتينه دناڤ ماسته‌رپلانا باژێران وخانيێنل وان جهان دێ هێنه تاپۆكرن”.
وى به‌رپرسێ وه‌زاره‌تا باژێرڤانيان زێده‌تر بۆ باس گۆت” ئه‌و خانيێن دێ بريارا ناڤبرى ژێ گريت دێ چنه دناڤ باژێرڤانيا په‌يوه‌نديدار ڤه” دياركر ژى ” باژێرڤانى وفه‌رمانگه‌هێن تاپۆيێ وچه‌ند لژنێن په‌يوه‌نديدار دێ كاروبارێن تاپۆكرنا وان خانيان ئه‌نجامده‌ن ل دووڤ وێ بريارا حوكمه‌تێ ده‌ركرى”.
خوياكر ژى” ل هه‌ولێرێ ودهۆكێ وسلێمانيێ گه‌له‌ك گوند يێن هه‌ين كو كه‌فتينه دناڤ ماسته‌رپلانێ دا، له‌وما گه‌له‌ك خه‌لك دێ ژ ڤێ بريارا حوكمه‌تێ مفادار بن”.
ل دووڤ فه‌رمانه‌كا جڤاتا وه‌زيرێن هه‌رێما كوردستانێ، ئه‌و خانيێن ئاكنجيبوونێ يێن دكه‌ڤنه حه‌ره‌مێ گوندان، دێ ل سه‌ر خودانێن وان هێنه تاپۆكرن.
ب گۆره‌ى وێ فه‌رمانێ، دو لژنێن تايبه‌ت ژ وه‌زاره‌ت وده‌زگه‌هێن په‌يوه‌نديداردێ پێكهێت بۆ وێ چه‌ندێ فه‌رمان ب پشتبه‌ستن ب قانوونێ بهێته بجهئينان، لژنێن ناڤبرى ژى دێ هه‌ر ئێك ژ وه‌زاره‌تێن داد، باژێرڤانيان وگه‌شتوزار، چاندن وژێده‌رێن ئاڤێ، دارايى وئابوورى ورێڤه‌به‌ريا تۆماركرنا خانوبه‌را بخوه‌ڤه دگريت.
نيشاندان
