ئه‌ڤرۆ نيوز، فاتما مزوورى:

جڤاتا پیران یا ئەمریکا پرۆژێ قانوونا بودجەیا بەرەڤانیێ یێ سالا 2019ێ پەسەند کر، د وی پرۆژێ قانوونێ دا ژی فرۆتنا فرۆکێن F-35 بۆ تورکیا قەدەغە کر.

د پرۆژێ قانوونا ل جڤاتا پیران دا ھاتیە پەسەندکرن دا ھاتیە، وەزیرێ بەرەڤانیێ پلانەک پێشکێشی کۆمیتەیێن کۆنگرەسێ و کۆمیتەیێن پەیوەندیدار دکەت، تێدا فرۆتانا فرۆکەیێن F-35 بۆ تورکیا قەدەیە.

پرۆژێ قانوونا جڤاتا پیران، قەدەغەکرنا فرۆتانا فرۆکەیێن F-35 بۆ تورکیا، ب ھەولا کرینا تورکیا یا سیستەما بەرەڤانیێ S-400 ڤە گرێ دا.

تورکیا و رۆسیا د كانوونا ئێكێ يا 2017ێ دا ل سەر کرینا سیستەمێ بەرەڤانیێ S-400 بۆ تورکیا پێکھاتبوون.

ھەروەسا ل سەر ھەڤکاریا تەکنۆلۆژی یا پێشخستنا بەرھەمئینانا S-500 ل تورکیا ژی پێکھاتبوون.

ڤێ یەکێ ژی کارڤەدانەکا نەرازیبوونێ ژ لایێ ئەمریکا و ناتۆیێ ڤە ل دژی خوە ئینا.

واشنتۆن گۆت کو کرینا S-400 ژ لایێ تورکیا دێ ب ئاوایەکی نەرێنی باندۆرێ ل کرینا فرۆکێن F-35 بکەت.

وەزیرێ دەرڤە یێ تورکیا مەولود چاویش ئۆغلو ژی گۆت: “ئەم ناخوازین پەیوەندیێن خوە ب ئەمریکا تێک ببەن، لێ ھەگە ئەمریکا فرۆکێن F-35 نەدا مە، ئەم دێ ژ روسیا یان ژ ھەر وەلاتەکی ناتۆیێ کرین.

ئه‌ڤرۆ نيوز، فاتما مزوورى:

سه‌رۆكێ ئه‌مه‌ریكا، دۆنالد تره‌مپ راگه‌هاند، گه‌لێ ئه‌لمانیا ل دژی سه‌رۆكا خوه‌ رابوونه‌، ئه‌و ژی ب سه‌ده‌ما سیاسه‌تا وێ یا ل هه‌مبه‌ر په‌نابه‌ران، ژ به‌ر وێ یه‌كێ ژی ئه‌ز رێ ناده‌م كو ئه‌مه‌ریكا ژی ببيته‌ كه‌مپا په‌نابه‌ران.

تره‌مپ ل سه‌ر رۆپه‌لا خوه‌ یا تویته‌رى نڤیسیه‌، چو جاران رێ ناده‌ين ئه‌وا كو ل ئورۆپا روودایه‌، ل ئه‌مریكا دووباره‌ ببيت.

هه‌روه‌سا نڤیسیه‌: نها ئاستێ تاوانان ل ئه‌لمانیا زێده‌ بوویه‌. ئورۆپا شاشیه‌كا مه‌زن كر كو رێ ب هاتنا ملیۆنان په‌نابه‌ران دا، و نها ژی ره‌وشه‌نبیریا ئورۆپا هێدی هێدی دهێته‌ گوهۆڕين. داخویانیێن تره‌مپ هه‌ڤده‌م د گه‌ل جوداكرنا ب سه‌دان زارۆيێن په‌نابه‌ر ژ دایك و بابێن وان دهێت پشتی كو ژ سنورێن مه‌كسیك به‌رێ خوه‌ داينه‌ ئه‌مه‌ریكا و هاتينه‌ گرتن.

زارۆ ب جودا هاتنه‌ كۆمكرن و دایك و بابێن وان ژی هاتنه‌ گرتن. نه‌ته‌وێن ئێكگرتی و رێخستنێن مافێ مرۆڤان و زارۆيان ژی داخوازا پاراستنا مافێن وان زارۆيان دكه‌ن.

پەرلەمانتار و وەزیرەکێ بەرێ یێ ئسرائیل ب تومەتا سیخوریکرن بۆ کۆمارا ئیسلامی یا ئیرانی ھاتنە دەستەسەرکرن.

گۆنین سیگیف ژ لایێ ھەوالگەریا ئسرائیل “شاباک” ب تۆمەتا سیخوریکرن بۆ ئیرانێ و ھاریکاریا وێ د دەمێ شەری دا ھاتە گرتن.

رۆژناما “ئەدیعوت ئەحرۆنۆت” یا ئسرائیلی بەلاڤ کریە کو ئەو وەزیرێ بەرێ یێ ئسرائیل تۆمەتبارە ب پەیوەندیێن وی ل گەل ئتیلاعاتا ئیرانێ.

سازیێن ئەمنی یێن ئسرائیل دبێژن كو سیگیف د سالا 2012ێ دەست تەڤی ئتلاعاتێن ئیران ھەبوویە و دەما کو ل نایجیریا بوویە ل گەل کارمەندەکێ بالیۆزخانا ئیرانێ روونشتیە و پشتی وێ ژی دو جاران سەرەدانا ئیرانێ کریە و ل چەند وەلاتێن دی ژی ل گەل ئتلاعاتێن ئیرانێ روونشتیە.

شاباک ئەو وەزیرێ بەرێ یێ ئسرائیل ب وێ یەکێ تۆمەتبار کریە کو زانیاری د وارێ پێشەسازی یا وزێ و پێگەھێن ئەمنی یێن ئسرائیل، ھەروەسا سازیێن لەشکری و سیاسی داینە ئتلاعاتێن ئیرانێ.

گونین سیگیف د سالا 1995ێ ھەتا 1996ێ وەزیرێ وزە و ژیرخانا ئسرائیلێ بوویە. د ھەمان دەمێ دا د سالێن 1992 ھەتا 1996 ئەندامێ پەرلەمانێ ئسرائیل “کنیست” بوویە پاشان دەست ژ کارێ سیاسی بەردا و مژوولی بازرگانیێ بوو. ناڤھاتی د 2014ێ دا ب تۆمەتا بازرگانی کرن ب ماددیێن ھۆشبەر ھاتە گرتن و پێنج سالان ھاتە زیندانیکرن و پشتی وێ یەکێ چو نایجیریا و ل وێرێ ما.