ئەندامەکا لیژنا مافێ مرۆڤی ل پەرلەمانێ کوردستانێ ل دور پاراستنا مافێن ژنان و پێشلکاریێن بەرامبەر مافێ مرۆڤی دھێنە ئەنجامدان ل کوردستانێ دیارکر ، کو ل چاڤ سالێن بۆری رەوشا مافێ مرۆڤی د ئاستەکێ باش دایە و پێدڤی ب باشتر بوونێ ھەیە.

د. زوزان سادق ئەنداما لیژنا مافێ مرۆڤی ل پەرلەمانێ کوردستانێ بۆ روژناما ئەڤرۆ گوت : ل ھەموو وەلاتێن جیھانێ پێشیلکاری بەرامبەر مافێن مرۆڤی دھێنە ئەنجامدان و ھەر وەلاتەک ل گور قانوونێن خوە سەرەدەریێ ل گەل دکەن ، ل کوردستانێ ژی ژبلی لیژنا مافێ مرۆڤی ل پەرلەمانێ کوردستانێ دەستەکا تایبەت ھەیە بناڤێ دەستەیا مافێ مرۆڤی ، ل ھەموو دەڤەرا نڤێسنگەە ھەنە و بەرپرسا ئێکێ یە ل دووڤچوونا بابەتان دروستکرنا راپورتان و لیژنا مافێ مرۆڤی ل پەرلەمانی پتر کارێ وێ دووڤچوونا بابەتا و راپۆرتایە یێن تایبەت ب مافێ مرۆڤی ڤە ، لێ پشتی دروستبوونا شەرێ داعش و ھاتنا رێژەکا بلندا ئاواران پێشێلکاری پتر ھاتنە کرن بەرامبەر مافێ مرۆڤی و ھەر ئەندامەکێ لیژنا مافێ مرۆڤی ل دەڤەرا خوە دووڤچوونا بابەتان دکەن ، ئەڤە پتر ژ سالەکێ یە پەرلەمانێ کوردستانێ کارابوویە ڤە بەلێ سەرۆکێ لیژنا مافێ مرۆڤی کو پشکا کومەلا ئیسلامیە و سوران عومەر سەرۆک لیژنە و چۆ کومبۆن ئەنجام نەداینە ئەڤەژی رۆلی دووڤچوونێ ل پێشیلکرنا مافێ مرۆڤی کێم دکەت.

زوزانێ گوتژی : دیارە جڤاک و دابونەریت فاکتەرێن سەرەکینە بۆ سنوردارکرنا ئازادیا ژنێ ، ژبلی لیژنا مافێ مرۆڤی ل پەرلەمانی لیژنا بەرەڤانیکرنێ ژ مافێن ژنێ ھەیە ل کوردستانێ کو دووڤچوونێن ھوور بۆ بنپێکرنا مافێن مرۆڤی دکەت ب تایبەتی رەگەزێ مێ ، بەلێ ئەو ھەماھەنگیا دناڤبەرا ڤان لیژنێن تایبەت ب مافێ مرۆڤی ڤە ل ئاستێ پێدڤی نەبووینە ، لەوما ب ھەر بھانەیەکێ بیت نابیت ژن بھێتە کوشتن وەک سالێن بەرێ ، کوشتنا رێژەکا ژنان ل دەمێ بوری جھێ نەرازیبوونێ یەو نابیت بھێتە قەبوولکرن ژن بھێتە کوشتن ،ژبەرکو تەعداکرنە لسەر مافێن تاکە کەسی ل کوردستانێ ، پشتی ھەر روودانەکێ راپورت ل سەر کەیسێ دھێتە دروستکرن و لایەنێن حوکومی کارێ خوە دکەن چەندین بریار بۆ بکەرێ تاوانێ ھاتینە دەرێخستن.

زوزانێ ئاشکرا کر : ل دەمێ بۆری ئەو شاشیێن نوشداری ئەوێن ھاتیە ئەنجام دان ل کوردستانێ دنەخوش بوون بەلێ لیژنێن تایبەت ڤەکولین لسەر وان شاشیێن نوشداری کرینە و مافێ نەخوشان پاراستیە و لیژنا ساخلەمیێ و مافێ مرۆڤی ل سەر وان ھەموو شاشیان راپورت ھەبووینە و لیژنا ساخلەمیێ کو ژ کەسێن شارەزا پێکھاتیە ئەو بریارا دوماھیێ ددەن بەلێ وەک مافێ مرۆڤی مە ھەرجار دووڤچوون کریە و راپورتا خوە دروستکریە، قانون ھەیە بۆ وان نوشدارێن ئەو شاشی ئەنجامدای ب رێکا قانوونێ سەرەدەری ل گەل دھێتە کرن.

زوزانێ دیارکر : پتریا ئەو مرۆڤێن دھێنە زینداکرن ئەو کەسن ئەوێن مافێن ھندەک مرۆڤێن دی پێشیلکری ، لەورا پێدڤیە حوکمەت بەرھەڤ بکەت و ب رولێ چاکسازیێ رابیت ، ئەو خزمەتگوزاریێن ل چاکسازیا ل دھۆکێ دھێنە پێشکێشکرن بۆ بەندکریا ل گوری پێڤەرێن جیھانیا مافێ مروڤینە ل رێزا ئێکێ دھێت ل کوردستانێ ، ئەو کەسێن دھێنە بەندکرن ھند ھاریکاری دھێنە پێشکێشکرن پشتی ل چاکسازیێ دەردکەڤیت و دزانیت ل چاکسازیێ فێری کاری بوویە و ھەتاکو بشێت ژیانا خوە یا خێزانی برێڤە ببەت.