ئه‌ڤرۆ نیوز، زنار:
هه‌لبژارتیێ به‌لچیكا شیا ب ئاست و ئه‌نجام سه‌ركه‌فتنه‌كا گرنگ لسه‌ر هه‌لبژارتیێ په‌نه‌ما توماربكه‌ت ب سێ گۆلان بێ به‌رامبه‌ر د یاریێن كوما حه‌فتێ دا.
د نیڤا ئێكێ دا هه‌لبژارتیێ به‌لچیكا هه‌مى بزاڤ كرن پێخه‌مه‌ت زیكا گۆله‌كێ توماربكه‌ت سه‌ره‌راى شیان فشاره‌كا زور لسه‌ر گۆلا په‌نه‌ما په‌یدابكه‌ن لێ هه‌مى بزاڤێن وان بێ مفا بون و نه‌شیان چو گۆهۆرینا بكه‌ن و نیڤا ئێكێ ب ئه‌نجامێ بێ گۆل ب دوماهى بینن.
د نیڤا دویێ دا هه‌ر ژ ده‌سپێكێ به‌لچیكا شیا ب رێكا یاریزانێ خوه‌ مارتینز ل خوله‌كا 47 هاته‌ توماركرن، پشتى ڤێ گۆلێ هه‌لبژارتیێ به‌لچیكا به‌رده‌وامى دا ئاستێ خوه‌ یێ باش و شان هێرشێن مه‌ترسیدار لسه‌ر گۆلا په‌نه‌ما په‌یدا بكه‌ن و شیان گۆلا دویێ ل خوله‌كا 68 ژ یاریێ گۆلا دویێ ژى توماربكه‌ن ب رێكا یاریزانێ خوه‌ یێ به‌رنیاس لوكاكو پشتى ڤێ گۆلێ هه‌مان یاریزان شیا گۆلا دویێ ژى توماربكه‌ت ل خوله‌كا 75 و یاریێ ب ڤى ئه‌نجامى ب سێ گۆلان بێ به‌رامبه‌ر و سێ خالان ب دوماهى بینت.

ئه‌ڤرۆ نیوز، زنار زوبێر:
تیما ته‌پا پێ یا یانا زاخۆ توشى خوساره‌تیه‌كا دى بو د خولا عیراقێ یا ته‌پا پێ دا بۆ یانێن نایاب ڤێ جارێ ژى لسه‌ر ده‌ستێ یانا نه‌فت یا به‌غدادى ب دو گۆلان بێ به‌رامبه‌ر د یاریێن گه‌را 32 د وێ یاریێ دا ئه‌وا ل یاریگه‌ها زاخۆ یا نیڤده‌وله‌تى هاتیه‌ كرن.
د ڤێ یاریێ دا سه‌ره‌راى هه‌مى هه‌ول و بزاڤێن یانا زاخۆ لێ نه‌شیان چو گۆلان توماربكه‌ن هه‌تا ده‌قیقه‌یا 16 ده‌مێ ئه‌یمه‌ن حسێن شیاى گۆلا ئێكێ بۆ یانا خوه‌ نه‌فت توماربكه‌ت و نیڤا ئێكێ ب ڤى ئه‌نجامى ب دوماهى هات.
د نیڤا دویێ دا یاریزانێن زاخۆ هه‌مى بزاڤ كرن پێخه‌مه‌ت راستڤه‌كرنا ئه‌نجامێ یاریێ لێ چو ده‌لیڤه‌ ب دروستاهى مفا ژێ وه‌رنه‌گرت به‌رامبه‌ر یاریزانێن نه‌فت ل ده‌قیقه‌یا 80 مفا ژ ده‌لیڤه‌كێ وه‌رگرت و شیان گۆلا دویێ تومار بكه‌ت ب رێكا یاریزانێ خوه‌ مازن فه‌یاز پشتى ڤێ گۆلێ ژى زاخۆ نه‌شیا ئه‌نجامێ یاریێ كێم بكه‌ت و یارى وه‌كى خوه‌ ب سه‌ركه‌فتنا نه‌فت ب دو گۆلان بێ به‌رامبه‌ر ب ڤى ئه‌نجامى زاخۆ ما رێزا 20 و دوماهیا رێزبه‌ندا خولا عیراقێ ب 17 خالان.

ئه‌ڤرۆ نیوز، زنار:
هه‌لبژارتیێ سوید سه‌ركه‌فتنه‌كا ب زه‌حمه‌ت لسه‌ر هه‌لبژارتیێ كوریا باشور تومار بكه‌ت ب گۆله‌كێ بێ به‌رامبه‌ر د یاریێن كوما شه‌شێ دا.
د ڤێ یاریێ دا سوید زه‌حمه‌ته‌كا مه‌زن دیت هه‌تا شیاى گۆله‌كێ توماربكه‌ت لسه‌ر هه‌لبژارتیێ كوریا ئه‌و ژى د نیڤا دویێ دا ب رێكا په‌نه‌لتیێ د خوله‌كا 65 ژ یاریێ، سه‌ره‌راى هه‌مى هه‌ولێن كوریا بۆ راستڤه‌كرنا ئه‌نجامێ یاریێ لێ هه‌مى بزاڤێن وان بێ دوماهى بون و ئه‌ڤ چه‌نده‌ ب ده‌ستڤه‌ نه‌هات و یارى ب سه‌ركه‌فتنا سوید ب گۆله‌كێ بێ به‌رامبه‌ر ب دوماهى هات سوید سێ خالێن گرنگ مسوگه‌ر كرن بۆ ده‌ربازبونا خوه‌ بۆ قوناغا 16.