ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن : کو ل رۆژانێن جەژنا رەمەزانا پیرۆز نەه روودانێن هاتنوچوونێ ل سەرانسەری پارێزگەها دهۆکێ رووداینە.
ناڤهاتی زێدەتر دا دیارکرن : ل ھەر سێ روژێن جەژنا رەمەزانا پیرۆز ل سەرانسەری پارێزگەھا دھوکێ 9 روودانێن هاتنوچوونێ رووداینە کو تێدا شەش کەس برینوواربووینە و کەسەکێ ژی گیانێ خوە ژ دەستدایە.
ئه‌ڤرۆ نیوز، زنار:
به‌ره‌ڤانێ مه‌كسیكى رافائێل ماركێز چو د مێژوویا پێشه‌نگێن موندیالێ دا پشتى شیاى ریكورده‌كا نوو بشكێت ب پشكداریا یاریا ئه‌ڤرۆ یا وه‌لاتێ خوه هه‌مبه‌ر هه‌لبژارتیێ ئه‌لمانیا.
رافائێل ماركێز ئه‌وێ پشتى موندیالا روسیا دێ دوماهیێ ب ژیانا خوه یا وه‌رزشى ئینت بۆ یاریزانێ چارێ د مێژوویا موندیالێ دا پشكداریێ د پێنج موندیالان دا دكه‌ت و ئه‌ڤ ریكورده ژى ب هه‌ڤپشكى دگه‌ل یێ ئه‌لمانى لوسه‌ر ماتیوس و گولچیێ ئیتالى جانلویجى بوفون و وه‌لاتیێ خوه ئه‌نتوان كارباخال كو ڤان هه‌ر چار یاریزانا پشكدارى د پێنج موندیالان دا كریه ل دووڤ ئێك ب درێژاهیا دیروكا موندیالێ.
ئه‌ڤرۆ نیوز، زنار:
راهێنه‌رێ هه‌لبژارتیێ به‌رازیل تیتى پێكهاتیێ وه‌لاتێ خوه بۆ یاریا ئه‌ڤ شه‌ڤه هه‌مبه‌ر هه‌لبژارتیێ سویسرا ئاشكرا كر
گۆلچى: ئه‌لیسون بیكر
هێلا به‌ره‌ڤانیێ: تیاگو سیلفا – میراندا – مارسێلو – دانیلو
هێلا ناڤین: فیلیب كوتینیو – پاولینیو – كاسیمێرو
هێرشبه‌ر: نیمار – ویلیان – گابرییل جیسوس
ئه‌ڤرۆ نیوز، زنار زوبێر:
هه‌لبژارتیێ مه‌كسیك شیا حنێره‌كا مه‌زن بكه‌ت پشتى شیاى سه‌ركه‌فتنێ تومار بكه‌ت لسه‌ر هه‌لبژارتیێ ئه‌لمانیا هه‌لگرا ناسناڤى ب گۆله‌كێ بێ به‌رامبه‌ر د یاریێن كوما شه‌شێ دا ژ موندیالا روسیا 2018.
د نیڤا ئێكێ دا هه‌لبژارتیێ ئه‌لمانیا ب ئاسته‌كێ نه‌باش هاته دیتن و یاریزانێن مه‌كسیك شیان ب پشتبه‌ستن لسه‌ر هێرشێن هه‌ڤدژ شیان چه‌ندین مه‌ترسیان لسه‌ر گۆلا ئه‌لمانیا په‌یدابكه‌ن و ئه‌ڤ چه‌ند ژى بۆ ئه‌گه‌ر مه‌كسیك شیا گۆلا پێشكه‌فتنێ ل ده‌قیقه‌یا 35 ژ یاریێ توماربكه‌ت برێكا یاریزانێ خوه لوزانوى پشتى ڤێ گۆلێ هه‌لبژارتیێ ئه‌لمانیا هه‌مى بزاڤ كرن بۆ راستڤه‌كرنا ئه‌نجامێ یاریێ لێ هه‌مى هێرشێن وان بێ دوماهیێ بون ژ ئه‌گه‌رێ وێ به‌ره‌ڤانیا چر یا مه‌كسیك ژ گۆلا خوه كرى و شیان نیڤا ئێكێ ب پێشكه‌فتنا خوه ب گۆله‌كێ بێ به‌رامبه‌ر ب دوماهى ئینا.
د نیڤا دویێ دا هه‌ر ژ ده‌سپێكێ یاریزانێن ئه‌لمانیا ب پلانا هێرشكرنێ یارى ده‌سپێكر و شیان فشاره‌كا مه‌زن لسه‌ر گۆلا مه‌كسیك په‌یدا بكه‌ن و ده‌لیڤه‌یێن مه‌ترسیدار دروستبكه‌ن لێ به‌ره‌ڤانێن مه‌كسیك به‌ربه‌سته‌كا مه‌زن به‌رامبه‌ر ڤان هێرشان دانا بوو زێده‌بارى زیره‌كیا گولچیێ وێ ئوچیتا كو چه‌ندین ته‌پێن مه‌ترسیدار دورخستن به‌رامبه‌ر مه‌كسیك هه‌مى پشبه‌ستنا خوه دانابو سه‌ر هێرشێن هه‌ڤدژ یێن بله‌ز لێ هه‌تا یارى ف فیركا دادڤانێ ئیرانى ب دوماهى هاتى چو گوهۆرین د ئه‌نجامى دا په‌یدا نه‌بون و یارى وه‌ك خوه ما ب سه‌ركه‌فتنا مه‌كسیك لسه‌ر ئه‌لمانیا ب گۆله‌كێ بێ به‌رامبه‌ر.
ئه‌ڤرۆنيوز:
چه‌ندين هه‌يڤن شاسوار عه‌بدولواحد مووچێ كارمه‌ندێن كه‌نالێ NRT گيرۆ كرينه وپشكه‌كا مه‌زن ژ كارمه‌ندين وى كه‌نالى گه‌فێن مانگرتنێ وده‌ست ژكاربه‌ردانێ ژ وى كه‌نالى دكه‌ن، ژبه‌ر ڤێ چه‌ندێ دبيت ل ده‌مه‌كێ نێزيك ئه‌و كه‌نال بهێته داخستن.
كارمه‌نده‌كێ به‌رێ يێ كه‌نالێ NRT دبێژيت” ل سالا 2015 كه‌نالێ NRT بوويه سيسته‌مێ HD وژوى ده‌مى شاسوارى پارێ هه‌يڤا ده‌ستكرد يا كه‌نالى نه‌دايه كو دبيته نێزيكى چار مليۆن دۆلاران، له‌وما قه‌ره‌كێ مه‌زن يێ كه‌فتيه سه‌ر وژبه‌ر ڤى چه‌ندێ دبيت كه‌نالى دائێخيت”.
وى كارمه‌ندێ به‌رێ يێ كه‌نالێ NRT زێده‌تر بۆ باسنيوز گۆت” شاسوار يێ كه‌فتيه دبن قه‌ره‌كێ مه‌زن دا، ژبلى وى پارێ هه‌يڤا ده‌ستكرد، هه‌روه‌سا كوژمێ 30 هزار دۆلارێن كريا نڤيسينگه‌ها هه‌ولێرێ يا كه‌نالێ NRT يێ قه‌رداره وهه‌تا نوكه چو پاره‌كێ كريا نڤيسينگه‌ها هه‌ولێرێ نه‌دايه”.
ئاماژه ب وێ چه‌ندێ ژى كر كو پێشتر شاسوارى بۆ وێ چه‌ندێ خوه ژ قه‌رێن خودانێن پشكێن NRT ڤه‌دزيت، بانگه‌شا وێ چه‌ندێ دكر كو ئه‌و نه‌مايه خودانێ كۆمپانيا ناليا وپشكێن چاڤيلاند، به‌لێ ئه‌و چه‌نده راست نه‌بوو، چونكى به‌رى چه‌ند رۆژان ژبه‌ر كۆمێنته‌كێ، شاسوارى دو كارمه‌ندێن كه‌نالێ NRT ده‌ركرن، بێگومان ئه‌وژى به‌لگه‌يه ل سه‌ر وێ چه‌ندێ كو شاسوارى چو پرۆژێن خوه نه فرۆتينه”.
ئه‌ڤه دده‌مه‌كى دايه كو شاسوار ژبلى كو پارێ 10 هزار خودانێن پشكێن چاڤيلاند يێ ل ده‌ف، پێشتر سيروان محه‌مه‌د به‌رپرسێ راگه‌هاندنا كاره‌با سلێمانيێ دكۆنگره‌كێ رۆژنامه‌ڤانى دا گۆتبوو” كاره‌با چاڤيلاند ب بريارا رێڤه‌به‌رێ گشتيێ كاره‌با سلێمانيێ يا هاتيه برين كو ب پاره‌كێ مه‌زن يێ قه‌رداره كو زێده‌تره ژ 445 مليۆن ديناران، چه‌ندين جاران ژى بۆ كريه قست، به‌لێ هه‌ر نه‌داينه، تاكو پارێ كاره‌بێ دده‌ن، ئه‌م كاره‌با چاڤيلاند ناده‌ين”.
ئه‌ڤرۆ نیوز، زنار:
راهێنه‌رێ نوو یێ یانا ریال مه‌درید یا ئسپانى جولیان لوپیتیگى د دیداره‌كێ دا بۆ رۆژناما ماركا یا ئسپانى دیاركر كو سه‌روكێ ئێكه‌تیا ته‌پا پێ یا وه‌لاتێ وى ئاگه‌هدار كربوو ژ هه‌ر تشته‌كى و ئه‌ڤ ده‌لیڤه دوباره نابیته ڤه د ژیانێ دا.
زێده‌تر لوپیتیگى دیاركر به‌رى ئه‌و رازى بیت لسه‌ر وه‌رگرتنا ئه‌ركێ راهێنه‌راتیا ریال مه‌درید وى سه‌روكێ ئێكه‌تیا ته‌پا پێ یا ئسپانیا ئاگه‌هدار كربو كو دێ پشتى موندیالێ په‌یوه‌ندیێ ب یانا ریال مه‌درید كه‌ت له‌ورا ئێكسه‌ر بریار دا وى ژ راهێنه‌راتیا هه‌لبژارتیێ ئسپانیا دوربێخیت سه‌ره‌راى كو ئه‌ڤ چه‌نده ب دلێ شاندێ ئسپانیا و یاریزانێن وێ نه‌بوو لێ وى بۆ ئێكه‌تیا ئسپانى دیاركربو كو راهێنه‌راتیا ریال مه‌درید ده‌لیڤه‌یه‌كه د ژیانێ دا هه‌مى ده‌مان دوباره نابیت لێ ئه‌گه‌ر یانا ریال مه‌درید نه‌بایه ب ڤى شێوه‌ى ره‌فتار دگه‌ل وى نه دكر ژ به‌ركو كارێ وى دا پشتى موندیالا روسیا ده‌سپێكه‌ت.
ئه‌ڤرۆنيوز:
رۆژنامه‌كا له‌نده‌نى نهێنيێن رێككه‌فتنا دناڤبه‌را سه‌در وعامرى ئاشكرا دكه‌ت وبه‌لاڤ دكه‌ت كو ئه‌و رێككه‌فتن بۆ رێگرتنێ بوو ل كوده‌تايا ل سه‌ر ئه‌نجامێن هه‌لبژارتنان وبلندبوونا وان ده‌نگێن داخوازا دوباره ئه‌نجامدانا هه‌لبژارتنان دكر.
ژێده‌ره‌كێ سياسى، نهێنيا ل پشت په‌ردا رێككه‌فنا دناڤبه‌را هه‌ڤپه‌يمانيا سائيرون ب سه‌رۆكاتيا موقته‌دا سه‌در، رێبه‌رێ ره‌وتى سه‌درى وهه‌ڤپه‌يمانيا فه‌تح ب سه‌رۆكاتيا هادى عامرى سه‌رۆكێ رێكخراوا به‌در ئاشكراكر.
رۆژناما (الحياه) يا له‌نده‌نى ئه‌ڤرۆ ئێكشه‌مبى 17/6/2018 ژزارده‌ڤێ وى ژێده‌رى به‌لاڤكر” ئه‌گه‌رێ سه‌ره‌كى يێ هه‌ڤپه‌يمانيا دناڤبه‌را سائيرون وفه‌تح، رێگرتن بوو ل كوده‌تايا لسه‌ر ئه‌نجامێن هه‌لبژارتنان وبلندبوونا وان ده‌نگێن داخوازا دوباره ئه‌نجامدانا هه‌لبژارتنان دكر”.
ئه‌ڤرۆ نیوز، زنار:
هه‌لبژارتیێ سربیا شیا خوه قورتال بكه‌ت ده‌مێ سه‌ركه‌فتنه‌كا گرنگ ل سه‌ر هه‌لبژارتیێ كوستاریكا توماركر ب گۆله‌كێ بێ به‌رامبه‌ر د یاریێن كوما پێنجێ دا.
د نیڤا ئێكێ دا سه‌ره‌راى هه‌مى هه‌ولێن هه‌لبژارتیێ سربیا لێ نه‌شیان چو گۆلان توماربكه‌ن و نیڤا ئێكێ بێ گۆل ب دوماهى هات.
د نیڤا دویێ دا سربیا هه‌ولێن خوه ئێخستنه كار بۆ توماركرنا گۆله‌كێ و ئه‌ڤ چه‌نده ل ده‌قیقه‌یا 56 ژ یاریێ بجه هات ده‌مێ كاپتنێ سربیا ئه‌لكسه‌نده‌ر كولاروف شیاى ب فاوله‌كا ئێكسه‌ر گۆلا ئێكانه یا یاریێ بۆ وه‌لاتێ خوه تومار بكه‌ت و سێ خالێن گرنگ بۆ سربیا مسوگه‌ر بكه‌ت.
ئه‌ڤرۆنيوز، نه‌وزاد هلۆرى
هاڤینگه‌ها گه‌لیێ شێرانه كو ب ئه‌مازۆنا كوردى دهێته نیاسین ،ئێكه ژ هاڤینگه‌هێن هه‌رى خوه‌ش ل هه‌رێما كوردستانێ و پارێزگه‌ها دهۆكێ ب گشتى ، و ئامێدیێ و دێره‌لوك ب تایبه‌تى ، دهه‌رسێ رۆژێن جه‌ژنا ره‌مه‌زانا پیرۆز دا زێده‌تر ژ 30 هزار گه‌شتیاران سه‌ره‌دان بۆ كریه هه‌تا خوه مه‌زنترین و بچووكترین گه‌شتیار ل كوردستانێ سه‌ره‌دان بۆ كریه.
گه‌شتیارێن عه‌ره‌ب و خودانێن كۆمپانیێن گه‌شتیارى دیاركرن كو هاڤینگه‌ها گه‌لیێ شێرانه تشته‌كێ جودايه ل هه‌موو عیراق و هه‌رێما كوردستانێ و دیمه‌نێن سرۆشتى و به‌رێن جوان و ئاڤا شینا گه‌لیێ شێرانه بوویه ئه‌گه‌ر كو سه‌رنجا وان رابكێشیت و ب ئه‌مازۆنا كوردى بهێته نیاسین.
سدقى هاریكى، خودانێ هاڤینگه‌ها گه‌ليێ شێرانه دایه دیاركرن كو د هه‌رسێ رۆژێن جه‌ژنا ره‌مه‌زانا پیرۆز دا زێده‌تر ژ 30 هزار گه‌شتیاران سه‌ره‌دانا گه‌لیێ شێرانه كریه و وان ئه‌ڤ ساله چه‌ندین جهێن گه‌شتیاریێن نوو چێكرینه.
هاریكى زێده‌تر گۆت: (ئه‌ڤ ساله بۆ چێكرنا هنده‌ك كه‌پر و جهێن گوزارى و سیلاڤ و جهێن ڤه‌حه‌ویان و مه‌له‌ڤانى و بازاران كوژمێ 170 ملیۆن دیناران ل هاڤینگه‌ها گه‌لیێ شێرانه و ئه‌مازۆنا كوردى مه‌زاختینه و گه‌شتیارێن مه ژ به‌غدا و موسل و ناڤه‌راست و باشوورا عیراقێ ، و پارێزگه‌هێن هه‌ولێر و سلێمانى و كه‌ركوك و دهوك و هه‌موو پارچێن كوردستانێ و ئه‌وروپا و ئه‌مریكا ژى دهێن)
ب گۆره‌ى ئاخڤتنێن ناڤبرى بچووكترین و مه‌زنترین گه‌شتیارێ هه‌رێما كوردستانێ سه‌ره‌دانا گه‌لیێ شێرانه كریه و گۆت ژى: (بچووكترین گه‌شتیار سه‌ره‌دانا گه‌لیێ شێرانه كرى زارۆ‌كێ چار رۆژى یێ ده‌ڤه‌را به‌روارى بالا بوو، مه‌زنترین گه‌شتیار ژى ژنه‌كا ئه‌مریكى بوو كو ژیێ وێ 106 سال بوون و مه د رێورسمه‌كێ دا هه‌ردو خه‌لاتكرن).
ئه‌ڤرۆنيوز:
ئۆفيسا نه‌ته‌وێن ئێكگرتى ل به‌غدا، دبه‌ياننامه‌كێ دا به‌لاڤكر كو ئه‌كته‌را ئه‌مريكى وباليۆزا نه‌ته‌وێن ئێكگرتى بۆ پرسێن نيازپاكيێ دسه‌ره‌دانا خوه دا بۆ لايێ راستێ يێ باژێرێ مووسلێ ب مه‌ره‌ما پێشكێشكرنا هاريكاريێ بۆ قوربانيێن ل سه‌ر ده‌ستێ داعشێ، دو مليۆن دۆلار بۆ وان قوربانيێن به‌خشين.
دوێ به‌ياننامێ دا هاتيه” ئه‌نجلينا جولى سه‌ره‌دانا وان ئاڤاهيێن مووسلا كه‌ڤن كر ئه‌وێن وێران بووين ژئه‌گه‌رێ شه‌رى وچاڤ ب خێزانێن ئاواره كه‌فت بۆ دانوستاندنێ ل دۆر دوباره ئاڤه‌دانكرنا باژێرى وپێدڤيێن وه‌لاتيێن زڤرين”.
به‌يانناما نه‌ته‌وين ئيكگرتى ژ زارده‌ڤێ ئه‌نجيلينايێ ڤه‌گوهاست” ئه‌ڤه مه‌زنترين وێرانى يه من ديتى دهه‌موو سالێن كاركرنا خوه دا ل گه‌ل نه‌ته‌وێن ئێكگرتى، وه‌لاتيان هه‌موو تشت يێن ژده‌ستداين وخانيێن وان يێن هاتينه ژناڤرن وگه‌له‌ك ژوان دبێ ئاڤ وخزمه‌تگوزاريێن سه‌ره‌كى نه وهێشتا كه‌له‌خ يێن ماينه دبن پاشمايێن ئاڤاهيێن وێرانكرى ڤه، پشتى نه‌مانا كونترۆلا داعشێ نوكه يێ بزاڤا ئاڤه‌دانكرنا خانيێن خوه دكه‌ن وگه‌له‌ك جاران هاريكاريێن كێم بۆ دهێنه كرن، يان ژى هه‌ر بۆ ناهێنه كرن”.
نيشاندان