ئەڤرۆ نیوز :
جولیان لۆپیتیگێ ب فه‌رمی گرێبه‌ستا خوە ل گه‌ل یانا ریال مه‌درید ئیمزاکر
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى Twitter
ل زاخۆ گەنجەک د رووبارێ خابیری دا خەندقی
ئەڤرۆ نیوز ، زنار تۆڤی :
ئەڤرۆ پێنجشەمبی 14.6.2018 گەنجەک د رووبارێ خابیری دا ل زاخۆ خەندقی.
رائید بێوار عەبدولعەزیز بەرپرسێ راگەهاندنا بەرەڤانیا باژێری ل دهۆکێ بۆ ئەڤرۆ نیوز گوت : ئەڤرۆ ل دەمژمێر 2:35 پشتی نیڤرۆ پەیوەندی ب تیمێن نقومڤانێن زاخۆ هاتیە کرن ب هەبوونا روودانەکا خەندقینێ ل رووبارێ خابیری ل زاخۆ ، کو گەنجەکێ بناڤێ ( ر ، م ، ع) دژیێ 17 سالیێ دا خەندقی یە دئاڤێ دا و دیارکر ژی : د هەمان دەمدا تیمێن مە ل جهێ روودانێ ئامادەبون و شیان لەشێ وی ژ ئاڤێ بینەدەر و تەرمێ وی هاتیه رەوانەکرن بۆ نۆشداریا داد ل زاخۆ.
سوبەهی ئێکەم رۆژا جەژنا رەمەزانا پیرۆزە
هەلبژارتیێ سعودی هاتە گولبارانکرن
وه‌رگرتنا باجێ ل سەر بەرهەمێن ژ ده‌رڤه دهێن كه‌فته دوارێ بجهئينانێ دا
ئه‌ڤرۆنيوز:
وه‌زاره‌تا چاندنێ وژێده‌رێن ئاڤێ ل هه‌رێما كوردستانێ راگه‌هاند ب مه‌ره‌ما پاراستنا به‌رهه‌مێ ناڤخوه‌يى باج هاته سه‌پاندن ل سه‌ر چه‌ندين به‌رهه‌مێن ژده‌رڤه دهێنه هاورده‌كرن.
وه‌زاره‌تا چاندنێ دبه‌ياننامه‌كێ دا گۆت” بۆ ئه‌ڤ ساله ده‌ست بجهئيننا بريارا دانانا باجێ ل سه‌ر به‌رهه‌مێن هاورده‌كرى دێ هێته دانان وئارمانج ژێ پاراستنا به‌رهه‌مێ ناڤخوه‌يى يه”.
وه‌زاره‌تا ناڤبرى، رێنمايێن خوه ئاراسته‌ى ده‌رگه‌هێن سنورى يێن هه‌رێما كوردستانێ كرينه كو ل دووڤ وان رينمايان ژى باج هاتيه دانان ل سه‌ر چه‌ندين به‌رهه‌مان وبۆ هه‌ر كيلۆيه‌كێ باج هاتيه دياركرن.
د روودانه‌كا ترافیكێ دا سێ كه‌س ب گرانى برینداربوون
ئه‌ڤرۆ نیوز ، نه‌وزاد هلۆرى:
ئه‌ڤرۆ به‌رى نیڤرو ژ ئه‌نجامێ روودانه‌كا ترافیكێ ل سنوورێ قه‌زا سۆران ل نێزیك گه‌لیێ عه‌لى به‌گ سێ كه‌س ب گرانى برینداربوون.
عه‌ميد ” عیماد رێكانى” به‌رپرسێ به‌ره‌ڤانیا باژێرى ل سوران بۆ ئه‌ڤرۆ نیوز گۆت: (ئەڤرۆ بەری نیڤرۆ ژ ئەنجامێ روودانە ترافیکێ دناڤبەرا دوو ترومبێلێن تایبەت ل گەلیێ عەلی بەگ یا سەر ب قەزا سوران سێ کەس ب گرانی برینداربوون)
زێدەتر گوت: (بریندارێن روودانێ بۆ نەخوه‌شخانا تەنگاڤیان ل سۆران هاتینە رەوانەکرن).
خزمەتگوزارییەكا به‌روه‌خت دڤايبه‌رى دا هاته زێده‌كرن
ئه‌ڤرۆنيوز:
ميديايێن ته‌كننولۆژى يێن جيهانى به‌لاڤكر كو نووترين ڤێرژه‌نێ ڤايبه‌رى، خزمه‌تگوزاريه‌ك تێدا هاتيه زێده‌كرن ئه‌وژى پێشبينيكرنا ئه‌نجامێن ياريێن مۆنديالا رۆسيا 2018 نه، هه‌كه پێشبينى راست بيت، دێ خه‌لات بۆ هه‌بن.
دياركرن ژى هه‌كه پێشبينيا ته بۆ هه‌ر ياريه‌كێ راست بيت، دێ ڤايبه‌ر دێ ستێكه‌ره‌كان بۆ پارێ ته ڤه‌كه‌ت بێ به‌رامبه‌ر، يان ژى كارتا تايبه‌تمه‌ند يا (Viber Out) دێ پێشكێشى ته‌كه‌ت، كو ب وێ تايبه‌تمه‌نديێ دێ شێى په‌يوه‌نديێن جيهانى ئه‌نجامده‌ى.
ئاماژه هاتيه دان كو ئه‌و خزمه‌تگوزاريه ب شێوه‌كێ به‌روه‌خته وده‌مێ مۆندبالا رۆسيا 2018 ب دووماهى هات، ئه‌و خزمه‌تگوزارى نامينيت، بۆ ب ده‌ستئينانا وێ خزمه‌تگزاريێ ژى تنێ پێدڤيه ڤايبه‌رى دناڤ مۆبايلا خوه دا نوو بكه‌ى ئانكو (Update) بكه‌ى.
كه‌‌شناسيا هه‌رێمێ: ل دهۆكێ ئه‌ڤرۆ دێ تۆز بيت
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ ئه‌ڤرۆ پێنجشه‌مبى 14/6/2018 راگه‌هاند، ژ ئه‌گه‌رێ كاريگه‌ريا نزمه پاله‌په‌ستوێ نيمچه گزيرتا عه‌ره‌بى، پێشبينى دهێته كرن كو ل دهۆكێ ئه‌سمان نيمچه ئه‌ور بيت ل گه‌ل بلندبوونا تۆزێ.
رێڤه‌به‌ريا ناڤبرى ئاماژه دا كو ل پاريزگه‌هێن دى ژى يێن هه‌رێما كوردستانێ دێ ديارده‌يا تۆزێ هه‌بيت.
ب ڤیدیۆ – 35 ساله خودان پێدڤیه‌كێ تایبه‌ت كارێ سه‌رتراشیێ دكه‌ت
ئه‌ڤرۆ نیوز ، نه‌وزاد هلۆرى:
خودان پێدڤیه‌كێ تایبه‌ت ل ناحیا شێلادزێ یا سه‌ر ب قه‌زا ئامێدیێ ئه‌ڤه 35 ساله وه‌كو سه‌رتراش كار دكه‌ت، و بوویه كه‌سه‌كێ به‌رنیاس و شاره‌زا د تراشینا پرچا خه‌لكى دا ، به‌لێ زوربوونا سه‌رتراشخانان و قه‌یرانا دارایى كارتێكرن ل كارێ وى كریه.
زوهێر عه‌بدوللا ئه‌و خودان پێدڤیێ تایبه‌ته بۆ ئه‌ڤرۆ نیوز گۆت: (ل سالا 1982 هه‌تا نها ئه‌ز وه‌كو سه‌رتراش ل شێلادزێ كاردكه‌م و بۆ چه‌ندین سالان ژى هه‌ر من بتنێ كارێ پرچ تراشینا خه‌لكى دكر، ل ده‌ستپێكێ من شه و مه‌قه‌س بكاردئینان و ئه‌و ژى گه‌له‌ك د كێم بوون و بۆ خوشكرنا وان مقه‌سان ژى چه‌ندين جاران من سه‌ره‌دانا مووسل كریه)
زێده‌تر گۆت: (پشتى پێشكه‌فتنا ته‌كنولۆژیایێ ماكینه‌یێن تایبه‌ت ده‌ركه‌فتن و پاشى هژماره‌كا سه‌رتراشان ل شێلادزێ په‌يدابوون و كارێ پرچ تراشینا خه‌لكى دكر و نها تنێ ل شێلادزێ نێزیكێ 50 سه‌رتراشخانان يێن هه‌ين).
هه‌لكه‌فت و جه‌ژنێن نه‌ته‌وه‌ى و ئايینى بازارێ وان گه‌رم كریه و ئه‌و ب شه‌ڤ و رۆژ كاردكه‌ن داكو بشێن خزمه‌تا خه‌لكى بكه‌ن، خه‌لك ژى بو جوانكرنا سه‌ر و سیمایێ خوه كه‌فتینه د سرا سه‌رتراشینێ دا، ل دۆر ڤێ چه‌ندێ گۆت: (ل رۆژانێن به‌رى جه‌ژنێ ب تایبه‌تى نها كو ره‌مه‌زانه ل سه‌رتراشخانا بوویه سرا و ب شه‌ڤ و روژ كار دكه‌ین ، هه‌ر چه‌نده ئه‌ڤ یه‌ك وه‌كو بازار و كار باشه و ده‌لیڤه‌كا مه‌زنه، به‌لێ دهه‌مان ده‌م دا كارتێكرنێ ل من دكه‌ت ژبه‌ركو ئه‌ز خودان پێدڤیێ تایبه‌تم و نكارم گه‌له‌ك ل سه‌ر پیێن خوه ب راوستم).
ناڤبرى د درێژاهیا ئاخڤتنێن خوه‌دا دیاركر ژى كو دماوه‌یێ 35 سالێن بۆرى دا ئه‌وى بێ ڤه‌برین خزمه‌ته‌كا باش بۆ شێلادزێ كریه به‌لێ هه‌تا نها چو كه‌س و لایه‌نان خوه ل وى نه‌كریه خودان و دخوازیت كو لایه‌نێن شوله‌ژێ وى خانه‌نشین بكه‌ن و ل دووماهیێ گۆت: (ئێدى ئه‌ز ناڤ سالڤه چوم و نكارم وه‌كو به‌رێ ل سه‌ر كارێ خوه به‌رده‌وام بم و ژبلى كارێ تراشینا پرچا وه‌لاتیان چو كارێن دى ناكه‌م و ئه‌ز ئه‌ندامێ سه‌ندیكا كرێكارێن كوردستانێ مه و سالانه ئابوونه‌یا خوه دده‌م و ئه‌ڤه 35 ساله من خزمه‌ت هه‌ى و هه‌تا نها چو كه‌س و لایه‌نه‌كێ ژى خوه ل من نه‌كریه خودان و دخوازم كو لایه‌نێن شوله‌ژێ وه‌ستيانا من ل به‌رچاڤ وه‌ربگرن و من خانه‌نشین بكه‌ن)
زوهێر ل1958 ژ دایكبوویه ودژيێ دو ساليێ دا تووشى ئیفلێجێ(شه‌له‌لێ) دبیت.
وەزارەتا ئەوقافێ: مەرج نینە سوباهى جه‌ژن بيت
ئه‌ڤرۆنيوز:
په‌يڤدارێ وه‌زاره‌تا ئه‌وقافێ وكاروبارێن ئايينى ل هه‌رێما كوردستانێ راگه‌هاند، چو وه‌لاته‌كێ ئيسلامى ب فه‌رمى ئێكه‌مين رۆژا جه‌ژنا ره‌مه‌زانا پيرۆز ديار نه‌كريه، ئاماژى ب وێ چه‌ندێ ژى دكه‌ت كو وه‌زاره‌تا ئه‌وقافێ بۆ دياركرنا وێ رۆژێ پشت به‌ستنێ ب شيانێن خوه ووه‌لاتيێن هه‌رێما كوردستانێ دكه‌ت.
نه‌به‌ز ئيسماعيل، په‌يڤدارێ وه‌زاره‌تا ئه‌وقافێ وكاروبارێن ئايينى ل هه‌رێمێ بۆ باسنيوز گۆت” ئێڤاريا ئه‌ڤرۆ پێنجشه‌مبى 14/6/2018 لژنا بلند يا ديتنا هه‌يڤێ دێ كۆمبيت وچاڤدێريا ديتنا هه‌يڤێ كه‌ت”.
گۆت ژى” سه‌ره‌راى وێ چه‌ندێ مه په‌يوه‌ندى ل گه‌ل وه‌قفا سونى ووه‌لاتێ سعوديێ يا هه‌ى، به‌لێ بۆ دياركرنا رۆژا ئێكێ يا جه‌ژنێ دێ وه‌زاره‌تا ئه‌وقافێ پشت به‌ستنێ ب خوه كه‌ت”.
نيشاندان
WP Facebook Auto Publish Powered By : XYZScripts.com