ئەڤرۆ نیوز:
وەزارەتا ساخلەمیێ عیراقێ دیار کر: هزار و 759 حالەتێن نوویێن کۆرۆنایێ هاتنە تۆمار کرن.
هەروەسا گۆتیە: د 24 دەمژمێرێن بوری دا هزار و 759 حالەتێن نوویێن تووشبوون ب ڤایرۆسیێ کۆرۆنایێ ل سەرانسەری عیراقێ هاتیە تۆمار کرن و هزار و 724 کەس ژی چێبووینە، 94 کەسان ژی وەغەر کریە، سەرجەمێ گشتی یێ تووشبوویان ژی گەهشتە 62 هزار و 275 کەسان.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا ئاگر بەربوو ترۆمبێلەکێ و ب تەمامی هاتە سۆتن.
ناڤهاتی زێدەتر ئاشکرا کر: بەری دەمەکێ ل گەلیێ پیرهەڤیێ یێ سەر ب ناحیا قەسروکێ ڤە، ل قه‌زا شێخان، ئاگر بەربوو ترۆمبێلەکێ ژ جورێ بی ئێم دەبلیۆ، هەر چەندە زیانێن گیانی د وێ روودانێ دا نەبوون، لێ ئەو ترۆمبێل ب تەمامی ھاتە سوتن.
ئەڤرۆ نیوز:
وه‌زاره‌تا ساخلەمیا هه‌رێما كوردستانێ ئامارا 24 دەمژمێرێن بوری یێن كۆرۆنایێ راگه‌هاندن و دیار کریه: 324 كه‌سێن دی ل هەرێما کوردستانێ تووشی ڤایرۆسێ كۆرۆنا بووینه و هەروەسا 11 كه‌سێن دیتر ژی ژ ئەگەرێ کۆرۆنایێ وەغەر کریە .
هەروەسا گۆتیە: ٣٢٤ تووشبوویێن نوو هاتینە تۆمار کرن، ژ وان ژی (١٣٧ ل هەولێرێ)، (١٣٥ ل سلێمانیێ، ٣٧ ل گەرمیان)، (١٥ حالەت ژی ل دهۆكێ)، دیسان ٩٧ کەسێن دی چێبووینە، (٨٤ ل هەولێرێ) و (٩ ل دهۆكێ و چار ل هەلەبجە)، 11 کەسین دی وەغەر کریە، (٦ ل هەولێر) و (٥ ل سلێمانیێ).
ئەڤرۆ نیوز:
جێگرێ رێڤەبەرێ گشتی یێ ساخلەمیا سلێمانیێ دیار کر: پێنج تووشبوویێن دی یێن کۆرۆنایێ ل نەخۆشخانێن تایبەت ب تووشبوویێن کۆرۆنایێ ڤە ل سلێمانیێ وەغەر کرینە، کو ژنەک و چار زەلامن.
عەبدوللا ئەحمەد، جێگرێ رێڤەبەرێ گشتی یێ ساخلەمیا سلێمانیێ گۆتیە ژی: ئەوێن وەغەر کرین، ژی یێن وان دناڤبەرا 60 بۆ 80 سالیێ دانە و سێ کەس خەلکێ ناڤا شارێ سلێمانیێ نە و دو کەسێن دیتر ئێک خەلکێ بیارەیە و یێ دیتر ژی خەلکێ پیرەمەگروونە.
ئەڤرۆ نیوز:
بەرپرسەکێ وەزارەتا دارایی یا حوکمەتا هەرێما کوردستان راگەهاند کو بریارە ل حەفتیا بهێت مووچێ هەموو فەرمانبەرێن هەرێما کوردستانێ بهێنە دابەشکرن و ژ بەر هندێ ژی وان دەست ب بەرهەڤیێن خوە کرینە.
مەولود سابیر رێڤەبەرێ گشتی یێ بەنکێن بازرگانی سەر ب وەزارەتا دارایی و ئابووری یا حوکمەتا هەرێما کوردستانێ راگەهاند کو وان بەرهەڤیێن خوە تەمام کرینە دا کو د دەمێ دابەشکرنا مووچەی دا رێنمایێن ساخلەمیێ بهێنە بجهئینان و گۆت: (دڤێت قەرەبالغ ل بەنکان دروست نەبیت کەسەک دێ هێت و مووچێ هەموو فەرمانگەه یان ژی دەزگەهەکێ بەت و پاشی ب بەرچاڤ وەرگرتنا رێنمایێن ساخلەمیێ بەلاڤ بکەت، دێ کورسی ژی ل گەلەک جهان هێنە دانان دا وەلاتی پتر نێزیکی هەڤدو نەبن).
ئەڤرۆ نیوز:
رۆژناما فیگارۆ یا فرەنسی د راپۆرتەکێ دا ئاماژە ب هندێ کریە کو گەلەک ئاشکرایە ئیسرائیلێ دەست ب هێرشێن مەزن ل سەر بنگەهێن ئەتۆمی یێن ئیرانێ کرینە، ئەمریکا ژی پشتەڤانیێ ل ئیسرائیلێ دکەت و نها شەرێ هەر دو وەلاتان دەستپێکریە.
هەمان رۆژنامێ دیار کریە کو هەتا نها دیار نینە کا دێ ئیران ل هەمبەر هێرشێن ئیسرائیلێ چ کەت، لێ دەمەکە ئیسرائیل ل سووریێ هێرشی بنگەهێن سەربازی یێن ئیرانێ دکەت و هەتا نها ئیرانێ ئەو شیان نەبووینە کو بشێت بەرسڤا ئیسرائیلێ بدەت.
ئەڤرۆ نیوز:
بەرپرسەکێ سەربازی یێ لەشکرێ نەتەوی یێ لیبیا کو جەنەرال خەلیفە حەفتەر سەرۆکاتیا وێ دکەت بەری دەمەکێ راگەهاند کو هێزێن وان هێرشی بنگەهێ سەربازی یێ ئەلوەتییە ل لیبیا کرینە کو د ئەنجاما وێ هێرشێ دا گەلەک ئەفسەر و سەربازێن تورکیا هاتینە کوشتن.
بەری دەمەکێ وەزارەتا بەرەڤانیێ یا تورکیا ژی راگەهاند کو فرۆکێن هندەک وەلاتان کو پشتەڤانیێ ل خەلیفە حەفتەری دکەن هێرشی بنگەهێ سەربازی یێ ئەلوەتییە کرینە، لێ وەزارەتا بەرەڤانیێ یا تورکیا ئاماژە ب زیانێن وێ هێرشێ نەکریە.
ئەڤرۆ نیوز:
بەرپرسەکێ حوکمەتا ویفاقا نشتیمانی یا لیبیا راگەهاند کو فرۆکێن شەری یێن ئیماراتێ هێرشی بنگەهێ سەربازی یێ تورکیا ل لیبیا کرینە کو د ئەنجاما وێ هێرشێ دا گەلەک ئەفسەر و سەربازێن تورکیا جانێ خوە ژ دەست داینە.
هەتا نها ل دۆر وێ هێرشی و زیانێن وێ بەرپرسێن تورکیا چو داخۆیانیەک فەرمی بەلاڤ نەکرینە.
نيشاندان