ئه‌ڤرۆ نيوز، فاتما مزوورى:

دادوه‌ر مه‌دحه‌ت مه‌حمود ئه‌ندامێ دادگه‌ها فیدرالی یا عیراقێ د داخویانیه‌كێ رۆژنامه‌ڤانی دا راگه‌هاند كو كۆمسیۆنا بلند یا سه‌ربخوه‌ یا هه‌لبژارتنان داخواز كریه‌ جی بجێ كرنا هه‌مواركرنا یاسا یا هه‌لبژارتنان بێته‌ راوه‌ستاندن.

دیار ژی كر كو كۆمسیۆنا بلند یا سه‌ربخوه‌ یا هه‌لبژارتنان داخوازا گاڤه‌كا ب له‌ز كریه‌ كو بریاره‌كا‌ وه‌لائی ژبۆ راگرتنا جێ بجێ كرنا سێیه‌مین هه‌مواركرنا یاسا یا هه‌لبژارتنان بێته‌ ده‌رخستن، ئانكو‌ كارێ هه‌ر نه‌ھ دادوه‌رێن راسپاردیێن ل كۆمسیۆنێ بێ راوه‌ستاندن هه‌یا وێ ده‌ما كو دادگه‌ها فیدرالی ڤه‌كۆلین ل بوونا وێ یاسایێ ل دستور دكه‌ت.

هه‌ڤده‌م ب گۆره‌ی یاسا كارێ یاسایی ب له‌ز ژبۆ یه‌كئالی كرنا تانه‌دانێ ئه‌نجام دده‌ت.

به‌ری نها كۆمسیۆنا هه‌لبژارتنان راگه‌هاند بوو كو ل گۆری هه‌مواركرنا په‌رله‌مان نه‌ھ دادوه‌ر گه‌هشتنه‌ ته‌لارێ كۆمسیونێ دا كو یاسایا هه‌مواركری جێ بجێ بكه‌ن.

ئه‌ڤرۆ نيوز:

وه‌زاره‌تا ژ ده‌رڤه‌ يا عيراقێ راده‌ستكرنا “بكوژێ” كچا ئه‌لمانى ژ لايێ هه‌رێما كوردستانێ ڤه‌ بۆ حوكمه‌تا ئه‌لمانيا ب سه‌رپێچيا قانوونێ ددانيت.

د راگه‌هاندنه‌كێ دا، ئه‌حمه‌د مه‌حجوب، ئاخفتنكه‌رێ ب ناڤێ وه‌زاره‌تا ژ ده‌رڤه‌ يا عيراقێ راگه‌هاند، ژ به‌ر نه‌بوونا رێكه‌فتنه‌كا هه‌ڤپشك د ناڤبه‌را عيراق و ئه‌لمانيا دا ل دۆر راده‌ستكرنا تۆمه‌تباران، راده‌ستكرنا تۆمه‌تبار عه‌لى به‌شار ژ لايێ ده‌سته‌لاتا هه‌رێما كوردستانێ ڤه‌ ب ده‌سته‌لاتدارێن ئه‌لمانيا “سه‌رپێچيا قانوونێ” دهێته‌ هژمارتنز

ئه‌ڤرۆ نيوز، فاتما مزوورى:

حه‌يده‌ر عه‌بادى ده‌ربازبوونا له‌شكرێ توركيا بۆ ناڤ ئاخا عيراقێ و ئه‌نجامدانا ئۆپه‌راسيۆنه‌كا له‌شكرى ب هێلا سۆر وه‌سفكر و راگه‌هاند كو ئه‌و پرۆپاكندا هه‌لبژارتنايه‌.

وه‌زيرێ به‌ره‌ڤانيا توركيا، نوره‌دين جانيكلى، دوهى سێشه‌مبى 12-6-2018 راگه‌هاند، توركيا رازيبوونا عيراقێ و ئيرانێ وه‌رگرت ل دۆر ئه‌نجامدانا ئوپه‌راسيۆنه‌كا له‌شكرى ل دژى په‌كه‌كێ ل چيايێن قه‌نديل.

حه‌يده‌ر عه‌بادى سه‌رۆك وه‌زيرێن عيراقێ راگه‌هاند كو هاتنا هێزێن توركى بۆ ناڤ ئاخا عيراقێ و ره‌زامه‌ندى ل سه‌ر ئۆپه‌راسيۆنا چيايێ قه‌نديل هێلا سۆره‌.

سه‌رۆك وه‌زيرێن عيراقێ دبێژيت: “چيايێ قه‌نديل هه‌ر ژ 40-50 سالێن بۆرى بوويه‌ جهێ ئاريشان، ئه‌ڤه‌ نه‌ تشته‌كێ نوو يه‌، يا توركيا ژى ب تنێ بانگه‌شه‌يا هه‌لبژارتنايه‌، مه‌ گوهـ لێ بوويه‌ كو هێزێن توركيا گه‌هشتينه‌ شنگال و ئه‌مێ ڤه‌كۆلينان دكه‌ين”.

زێده‌تر گۆت: “هاتنا هێزێن توركى بۆ ناڤ ئاخا كوردستانێ هێلا سۆرى، ئه‌ڤه‌ ده‌ست درێژيه‌ بۆ سه‌ر سه‌روه‌ريا وه‌لاتێ مه‌”.