ئه‌ڤرۆ نيوز، فاتما مزوورى:

عەبدولستار بەیرەقدار پەیڤدارێ جڤاتا دادوەری یا عیراقێ د داخویانیەکێ دا رگەھاند ‏کو ب تۆمەتا سوتنا عەمبارێن رەسافە کو سندۆقێن دەنگدانێ تێدا بوون، چار کەس ھاتنە ‏دەستەسەر کرن.‏

بەیرەقدار گۆتژی: دادگەھا ڤەکولینا رەسافە بریارا گرتنێ بۆ چار تۆمەتباران دەرخستیە ‏کو ب تاوانا سۆتنا عەمبارێن دەنگدانێ تۆمەت بارن.‏
ئاماژە ب وێ یەکێ ژی کر کو سێ ژ وان تۆمەتباران پۆلیسن و ئەوێ دی ژی فەرمانبەرێ ‏کۆمسیۆنا ھەلبژارتنایە و ھەموو ژی نھا د زیندانێ دانە.‏

پەیڤدارێ جڤاتا دادوەری یا عیراقێ بەحس ل سەر وێ یەکێ ژی کو جڤاتا بلند یا ‏دادوەری ھشیاریێ دووبارە دکھت ژبۆ وان کەسێن یاریا ب ئەنجامێن ھەلبژارتنان دکەن کو د ‏دێ دژوارترین سزا ل سەر وان ھێنە سەپاندن.‏

عەمبارێن سەر ب وەزارەتا بازرگانی ل دەڤەرا رەسافە ل بەغدا ئاگر بەربوویێ و ب ‏سەدەما وێ یەکێ سندۆقێن دەنگدانێ یێن کو تێدا بوون ھاتنە سۆتن. ‏

ئەڤرۆ نیوز، فاتما مزووری:‏

سەعد حەدیسی پەیڤدارێ نڤیسینگەھا سەرۆک وەزیرێن عیراقێ بۆ ئاژانسا رویتەرز ‏راگەھاند کو دەستھەلاتا ھەلوەشاندن و دووبارە ئەنجامدانا ھەلبژارتنان ب تنێ د ‏دەستھەلاتا دادگەھا بلند یا فیدرال دایە و نە د دەستھەلاتا سەرۆک وەزیران یان جڤاتا ‏نوونەران.‏

پشتی بوویەرا ئاگربەردانا دەنگێن رەسافە ل بەغدا نەرازیبوونا لایەنێن سیاسی ل دۆر ‏ئەنجامێن ھەلبژارتنان زێدەتر بوو، ژ لایێ خوە ڤە سەلیم جبوری سەرۆکێ جڤاتا ‏نوونەرێن عیراقێ داخواز کر کو پرۆسەیا ھەلبژارتنان بھێتە دووبارە کرن.‏

ھەروەسا ئەیاد عەلاوی سەرۆکێ ھەڤپەیمانیا نشتیمانی یا عیراقێ داخواز کر ھەلبژارتن ‏شەش مەھێن دی ل عیراقێ دووبارە ببن و ھەتا وی دەمی حکومەتەکا کار ب رێکەر بھێتە ‏پێکئینان.‏

ئەڤرۆ، فاتما مزووری:‏
سەرۆکێ دەستەیا بلندا حەج و عومرێ ل عیراقێ راگەھاند کو وەزارەتا حەجێ یا سعوودیێ رەزامەندیا خوە ل سەر ‏زێدەکرنا پشکا حەجیێن عیراقێ کر.‏
خالد عەتیە، سەرۆکێ دەستەیا بلندا حەج و عومرێ ل عیراقێ، د بەیاننامەیەکێ دا دیارکر کو ل دووڤ زێدەبوونا ‏رێژا خەلکێ عیراقێ، دەستەیا وان سالانە بزاڤێ دکەت رێژا پشکا ئیراقێ ژ چوونا حەجێ زێدە بکەت، بۆ ئەڤ سالە ‏ژی ژی، وەزارەتا حەجا سعوودێ رەزامەندیا ژ 33 ھزار و 600 و 90 کەسان بۆ 38 ھزار کەسان زێدەکر.‏
سەرۆکێ دەستەیا بلندا حەج و عومرێ ل عیراقێ گۆتژی: “ل دووڤ رێژەیا ئاکنجیبوونا پارێزگەھا ئەو پشکا زێدە دێ ‏ل سەر ھێت پارڤەکرن”.‏

ئه‌ڤرۆ نيوز:‏

بەرپرسەکێ پارتی دیموکراتی کوردستان ل مووسل ئاشکرا کر کو ھژمارەکا زۆرا تەرمێن سەردەمێ شەڕێ داعش ل ‏بن ئاڤاھیێن ھەرفتی ماینە و خەلکێ مووسل بێزار کریە. دیارکر ژی، داعش چەند رۆژەکە چالاکیێن خوە زێدە ‏کرینە.‏

شێخ محیەدین مزووری، کارگێڕێ لقێ 14یێ پارتی ل مووسل بۆ رۆژناما ئەڤرۆ گۆت: “چەند رۆژەکە داعش دەست ‏ب چالاکیێن خوە کریە ڤە ل مووسل و ل چەند رۆژێن بۆری شانەیێن نڤستی یێن داعش چەندین چالاکی ل ‏سەنتەرێ باژێڕێ مووسل و ناحیا بادۆش ئەنجام داینە و زیان گەھاندینە ھێزێن عیراقی و وەلاتیێن جھێ بوویەر ‏چێبووین، لەوڕا ژی نوکە مەترسیێن داعش زۆرتر بووینە ل سەر مووسل و رۆژ بۆ رۆژێ یێ دەردکەڤن”.‏

شێخ محیەدین مزووری گۆت: “ھژمارەکا زۆرا تەرمێن ژ ئەنجامێ شەڕێ داعش دبن ئاڤاھیێن ھەرفتی دا ماینە، ب ‏تایبەتی ل مووسلا کەڤن، کو خەلکێ مووسل بێزار کرینە ھەر چەندە رۆژانە ژ لایێ کەس و کارێن وان و رێکخراوێن ‏نێڤدەولەتی ھژمارەکا تەرمان دھێنە دەرخستن، بەلێ ھژمارا ئەڤان تەرمان ھند یا زۆرە چەند بھێنە دەرکرن ژی ‏ھەر دمینن، چونکو ناھێتە ڤەشارتن ھژمارەکا زۆرا ئاکانجیێن مووسل ددەمێ سێ سالێن بۆری دا ھاتینە کوشتن و ل ‏بن ئاڤاھیان ماینە”.‏