ئەڤرۆ:
راپورتێن رۆژنامەڤانی ل ئیتالیا وەسا داینە دیارکر یانا یوڤانتوس ھەلگرا ناسناڤێ خولا ئیتالیا یانا بەرشەلۆنا بێ ھیڤی کر پشتی ئەوان دیارکری ئەو نێزیکی نووکرنا ھەڤبەستا یاریزانێ خوە میرالیم بیانیتچ بوینە .
رۆژناما سپورت یا ئیتالی ئاشکراکریە یانا یوڤانتوس موچەیێ یاریزانێ خوە یێ سربی میرالیم زێدەکریە بوو وێ چەندێ ھەڤبەستا ئەوی درێژ بکەن بوو سێ سالێن دی کو یانا بەرشەلۆنا ل مێرکاتویا ھاڤینا ئەڤ سالە ئەڤ یاریزانە کریە ئارمانجا خوە یا سەرەکی بوو ھێلا ناڤین لێ پشتی ڤی دەنگوباسی یانا بەرشەلۆنا دێ نەچار بیت لێگەریانا یاریزانەکێ دی بکەت ژبەرکو یانا یوڤی دیارکریە ئەو دێ موچەیێ ئەوی کەنە شەش ملیون یورۆ ھەردیسان ل گەل پاداشێن زێدەکرنێ ژی دێ ھەبن

ئەڤرۆ نيوز:
گولکەرێ ھەلبژارتیێ فرەنسا و یانا ئەتلەتیکو مەدرید یا ئیسپانی گرێزمان حەزا مانا خوە ل یانا خوە دیارکریە ل دیڤ راپورتێن رۆژنامەڤانی ل ئیسپانیا وەسا داینە دیارکر یاریزانێ ناڤبری ب رێژەیەکا مەزن دێ ل یانا خوە یا پایتەختێ ئیسپانیا مینت لێ ئەوی مەرجەک پێشێکش بەرپرسێن یانێ کریە .
رۆژناما مارکا ئیسپانی دیارکریە گرێزمان ب رێژەیەکا ھەرە مەزن دێ ل ئەتلەتیکو مەدرید مینت لێ ئەوی مەرجەک پێشکێشی یانێ کریە ئەوژی ل گەل مانا ئەوی پێدڤی یە یانە ھەڤبەستێ ل گەل وەلاتیێ وی و ستێرا موناکو توماس لیمار ئیمزا بکەت .
ئەوێ رۆژنامێ ئاشکراکریە ژی سەرەرای یانا بەرشەلۆنا کوژمەکێ مەزن یێ پارەی پێشکێش ئەتلەتیکو مەدرید و یاریزانی کریە لێ یاریزان ب رێژەیا ھەرە مەزن دێ مینت ل یانا خوە یا پایتەختێ ئیسپانی و ھەردیسان یانا ئەتلەتیکو مەدرید ژی موچەیێ سالانە یێ یاریزانی بلندکریە .
ئەوێ رۆژنامێ ئاشکراکریە ژی سەبارەت مەرجێ گرێزمان یانا ئەتلەتیکو مەدرید یا بزاڤێن مەزن کەت بوو ڤەگوھاستنا یاریزان توماس لیمار ژ مۆناکو بۆ رێزێن یانا ئەتلەتیکو مەدرید و ل وەرزێ بوری ژی بزاڤکربوون ئەڤی یاریزانی ڤەگوھێزنا یانا پایتەختی لێ د دانوستاندنان دا سەرکەفتی نەبوون لێ بۆ وەرزێ ئەڤ سالە یانا ئەتلەتیکو کوژمێ باش بەرھەڤکریە بۆ ڤەگوھاستنا وی ژ یانا فرەنسی بۆ خولا لالیگا .

ئەڤرۆ نیوز:
یانا لیون ھەمی رێک بەرامبەر یانا لیڤەرپول گرتن بۆ ڤەگوھاستنا ستێرا وێ نەبیل فەقیر پشتی یانا فرەنسی ب فەرمی مانا یاریزانێ خوە تەکید کری، سەرەرای وێ چەندێ ل ماوێ بوری زوربەیا ژێدەران ل ئورۆپا وەسا دیارکر بوو یاریزانێ ناڤبری ل گەل لیڤەرپول لسەر ھەر تشتەکی ب دووماھی ھاتیی یە بتنێ مایە بەر ب وەلاتێ برێتانیا بچیت بوو ئیمزاکرنا ھەڤبەستێ ب فەرمی لێ ژ نشکەکی ڤە دوھی یانا لیون ئەو ھەموو دەنگوباس رەتکرن و ب فەرمی مانا نەبیل ل یانا خوە راگەھاند.
رۆژناما میرو ئەگەرێن نە سەرکەفتنا ڤێ ھەڤبەستێ دیارکرینە کو دبینت ئەگەر یانا لیڤەرپول بوو ژبەرکو یانا ئنگلیزی کوژمەکێ پارەی یێ مەزن پێشکێشی یانا لیون نەکربوو ھەر چەندە ئەوان وەسا دیارکربوو ئەو د بەرھەڤن کوژمێ ٥٥ ملیون یورۆیا زێدەتر تەرخان بکەن بوو ڤی یاریزانێ لێ ل دویڤ دووماھیی ژێدەر یانە ئنگلیزی ئەو کوژمە زێدەتر لێ نەکر و خواست کێمتر ژ وی پارەی بدەنە یاریزانی لەورا یانا فرەنسی دەرگەھێ دانوستاندنان ل گەل یانا لیڤەرپول گرتن .
ھەژی گوتنێ یە نەبیل فەقیر ل وەرزێ ئەڤ سالە دخولا فرەنسا دا د ٣٠ یاریان دا شیابوو ١٨ گولان توماربکەت کو سەرجەمێ گشتی یێ ٤٠ یاریێن خوە ل گەل لیون ل وەرزێ ئەڤ سالە شیابوو ٢٣ گولان توماربکەت .

ئەڤرۆ:
ستێرا ئەرژەنتینی و یانا بەرشەلۆنا لیونێل میسی دیارکر ھەلبژارتیێ وەلاتی وی نە نە ژ بەربژارێن ب ھێزە بوو موندیالا ٢٠١٨ ل روسیا لێ ئەو دێ ھەمی بزاڤا کەن بشێن ئاستەکێ بلند پێشکێش بکەن و وەکو ھەر ھەلبژارتیەکێ ھزر ل ھەڤرکیێ کربیت .
زێدەتر میسی بۆ رۆژناما مارکا یا ئیسپانی دیارکر ئەو د بەرھەڤن بوو ھەڤرکیێن موندیالی و یاریزانێن ئەوان د باشترین ئامادەکاریێ دا نە و د رژدن بوو دەستڤە ئینانا ئەنجامێن باش و سەرکەفتی ھەر چەندە ئەو نابینت ئەوان وەکو چەند ھەلبژارتیێن دی خوە ب بەربژارێن ب ھێز یا موندیالێ بینن لێ ئەوان ژی ھیڤی و ئومێد ھەنە یا ل سەر ئەوان دێ پێشکێش کەن و بۆ وێ چەندێ بشێن ب گەھینە گوپیتکێ و ھەڤرکیێ ل سەر موندیالێ بکەن راستە رێیا ئەوان دێ یا ب زەحمەت بیت لێ ب ھەبوونا کومەکا یاریزان و ستێرێن ھەلبژارتیێ ئەرژەنتین ئەوان باوەری ب خوە ھەیە دێ شێن ھەڤرکیا ئەوان ھەلبژارتیێن ب ھێز و بەربژارکەن .