ئەڤرۆ،ھەژار مەعروف:
بتنێ چار رۆژماینە بوو دەستپێکرنا ھەڤرکیێن موندیالا ٢٠١٨ ل روسیا و د موندیالا ئەڤ سالە دا ٧٣٦ یاریزان ژ ٣٢ ھەلبژارتیان پشکدارن کو ژ ٣١٠ خولێن ژئێک جودا جودا یاری دکەن ل سەرانسەری جیھانێ ، لژنەیا موندیالا ٢٠١٨ بۆ قارەمانیا ئەڤ سالە ژی بچووکترین و مەزنترین یاریزانێن موندیالا روسیا ئاشکراکرن کو ئەوژی بچوکترین یاریزان یێ ھەلبژارتیێ ئوسترالیا بوو ھەردیسان مەزنترین ژی گولچیێ ھەلبژارتیێ مسرێ بوو.
د موندیالا ٢٠١٨ چەندین یاریزانێن گەنج و خودان شیان ل سەرانسەری جیھانێ د پشکدارن لێ یاریزانێ ھەلبژارتیێ ئوسترالیا و یێ رەگەز کورد دانیال ئەرزینی کو خەلکێ رۆژھەلاتا کوردستانێ یە ناڤێ خوە د موندیالا ٢٠١٨ تومارکر وەکو بچووکترین یاریزان ل پێشیبا چەندین ستێرێن بەرنیاس ھات .

دانیال ئەرزینی یێ ١٩ سالی وەکو بچووکترین یاریزان ھاتە دەسنیشانکرن ئەوژی ل ٤-١-١٩٩٨ ل وەلاتێ ئیرانی رۆژھەلاتا کوردستانێ ژ دایکبوویە و ل رێزا دوێ یاریزانێ یانا پاریس سانجێرمان کلیان مپاپی ل ٢٠-١٢-١٩٩٨ و ل رێزا سیێ یاریزانێ یانا ریال مەدرید ئەشرەف حەکیمی ٤-١١-١٩٩٨ دھێت .

مەزنترین یاریزان ل موندیالا ٢٠١٨ گولچیێ بەرنیاس یێ ھەلبژارتیێ مسری عیسام ئەلحەزاری یە کو ژیێ وی گەھشتی یە ٤٥ سالی، ھەردیسان ناڤبری دێ بیتە مەزنترین یاریزان پشکداری د مێژویا موندیالێن جیھانێ دا کربیت کو بەری وی چو یاریزانان د ژیێ ٤٥ سالی دا بەری نوکە پشکداری د موندیالێ دا نەکریە و ب ڤێ چەندێ عیسام ئەلحەزاری پێشکەڤت ل سەر گولچیێ ھەلبژارتیێ کولومپیا فرید موندراگون کو وی د ژیێ ٤٣ سالی دا پشکداری د موندیالێ دا کربوو ل موندیالا ٢٠١٤ ھەردیسان یاریزانێ ھەلبژارتیێ کامیرون روجی میلا د ژیێ ٤٢ سالی دا ل موندیالا ١٩٩٤ پشکداری کربوو .

ئەڤرۆ:
ل ماوێ بوری دەنگوباسەک ھاتیە بەلاڤەکرن کو پەیوەندی دناڤبەرا رونالدوی و یانا ریال مەدرید بەر ب لاوازبوونێ ڤە چوینە و گەلەک رۆژنامەیێن ئیسپانی دیارکریە ل ھاڤینا ئەڤ سالە رونالدو دێ پێکھاتیێ ریال مەردید ب جە ھێلیت.
رۆژناما موندو دیپورتڤو یا ئیسپانی دیارکریە یانا ریال مەدرید ئاشکراکریە ھەر یانەکا حەزا کرینە ستێرا وێ یا پرتوگالی کریستیانو رونالدوی ھەبیت پێدڤی یە ل سەر ئەوێ یانێ ٢٠٠ ملیون یورۆیا پێشکێش یانا ریال بکەت و ھەر یانەکا ئەڤی کوژمێ پارەی بدەت ریال مەدرید دێ دەست بەردانێ ژ رونالدوی کەت .
ھەژی گوتنێ یە ھەڤبەستا رونالدوی ھەتا سالا ٢٠٢١ یە ل گەل یانا ریال مەدرید و نرخێ شکاندنا ھەڤبەستا ئەوی ئێک ملیار یورۆیە و لەورا ریال مەدرید ماڤ ھەیە دەستکاری د نرخێ فروتنا رونالدوی دا بکەت ل دیڤ ژێدەرێن نێزیکی یانا ریال مەدرید ئەوێ یانێ کوژمێ فروتنا ئەوی دیارکریە .

ئەڤرۆ:
یانا بەرشەلۆنا ل سەر پلانا خوە یا نوو بۆ وەرزێ بھێت دووماھی کومبوونا خوە کر و چەند بەرپرسێن یانێ ئامادەبوون کو ژ ئەوانان سەرۆکێ یانێ بارتومیوی و سیگواری رێڤەبری یانێ کو د ڤێ کومبوونێ دا پتر بەحس ل سەر ڤەگوھاستنا یاریزانانێن نوو ھاتەکرن ھەردیسان فروتنا چەند یاریزانێن خوە بۆ وەرزێ بھێت ب مەرەما دەستڤە ئینانا کوژمەکێ پارەی بشێن چەند یاریزانێن دی بینە جھێ ئەوان.
رادیویا کەتەلونیا دیارکریە د وێ کومبوونێ دا تەکید ل وێ چەندێ کریە کو پلانا ئێکێ یا یانێ ئەوی دەستڤە ئینانا ھێرشبەرێ فرەنسی و یانا ئەتلەتیکو مەدرید گرێزمان و ھەردیسان بەرەڤانێ یانا سیڤلیا لینگلیتی .
ھەردیسان ئەوێ رادیو ئاماژە ب وێ چەندێ ژی کریە یانا بەرشەلۆنا ھزر ل چوونا چار یاریزانێن خوە کریە ب مەرەما وێ چەندێ بشێن کوژمەکێ پارەی ب دەستخوڤە بینن داکو بشێن ھەردو یاریزانان گرێزمان و لینگلیتی ب دەستخوڤە بینن کو یانێ ھزر ل چوونا ھەر ئێک ژ بەرەڤانێ کولومبی مینای و گولچیێ دوێ یێ یانێ سیلیسنی کریە کو ب شێوەیێ خواستن ب دەنە یانەکێ بەرامبەر کوژمەکێ پارەی ب دەستخوڤە بینن ھەردیسان بریار ب فەرمی دایە دەستبەردانێ ژ ھەر ئێک ژ یاریزانێ فرەنسی لوکاس دینی و یێ بەلجیکی ڤێرمیلینی .