ئه‌ڤرۆنيوز:
ئه‌ڤرۆ شه‌مبيێ 10/3/2018، هونه‌رمه‌ند ته‌وفيق شاكر وه‌غه‌ركر .
نووترين نووچه
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
سه‌ره‌كى Twitter
ئینسکلۆپیدیا پارێزگەها دهۆکێ هاتە چاپکرن و ل رۆژا دوشەمبی دێ گەهیتە دهۆکێ
ئەڤرۆ نیوز ، زنار تۆڤی :
ئەڤرۆ ترۆمبێلێن بارکری یێن ئینسکلۆپیدیا پارێزگەها دهۆکێ ژ ستەمبۆلێ دایە رێ و بریارە ل رۆژا دوشەمبی بگەهنە ئاخا هەرێما کوردستانێ.
دڤی واری دا موسەدەق تۆڤی سەرپەرشتیار و سەرنڤیسەرێ ئینسکلۆپیدیا پارێزگەها دهۆکێ بۆ ئەڤرۆ نیوز دیارکر:کو ئینسیکلۆپیدیا پارێزگەها دهۆکێ ل ستەمبۆلێ هاتیە چاپکرن و نوکە ژ چاپکرنێ ب دوماهی هاتیە و بریارە ل رۆژا دوشەمبی 12 ئادارا 2018 بگەهیتە پارێزگەها دهۆکێ و گوت ژی: 4 هزار دانە ژێ هاتینە چاپکرن،کو ژ 9 بەرگان پێک دهێت و کو هەموو بەرگێن وێ دبنە 5 هزار بەرپەر.
هەروەسا گوت ژی:د ڤێ هه‌لكه‌فتێدا ئەز سوپاسيا هه‌ڤكارێ خوه خالد سالح و هه‌ر كه‌سه‌كى ژ نڤيسكار و ڤه‌كۆله‌ر و ديزاینه‌ر و هۆنه‌رمه‌ندان و هه‌موو ستافێ رێڤه‌به‌ريا گشتی یا ره‌وشه‌نبيرى و هونه‌رى ل پارێزگه‌ها دهۆكێ،دیسا سوپاسیا وان رێڤه‌به‌ر و فه‌رمانگه‌هێن پارێزگه‌هێ دكه‌م يێن هه‌ر ئێكى ب ره‌نگه‌كى هاريكاريا مە كرى ژبۆ ئه‌نجامدانا ڤى كارێ مه‌زن دکەم،ل به‌راهيا هه‌موو يان سوپاسیا پارێزگارێ دهۆکێ فه‌رهاد ئه‌ترووشى دكه‌م،کو ب پشته‌ڤانيا وى ئه‌ڤ به‌رهه‌مه هاتيه چاپكرن.
قەیس خەزعەلی:ئەم حه‌شدا شەعبی تێكه‌لی سوپای ناكه‌ین و دێ ل دژی عه‌بادی راوەستین
ئەڤرۆ نیوز ، زنار تۆڤی :
سكرتێرێ گشتى یێ میلیشیاتێن عه‌سائیبی ئه‌هل حه‌ق بریارا حه‌یده‌ر عه‌بادى سه‌رۆك وه‌زیرێن عێراقێ دەرباره‌ى تێكه‌لكرنا حه‌شدا شه‌عبى ل گەل هێزێن عێراقی ب فێل دزانیت و دبێژیت،ئەو بریار دێ حه‌شدا شه‌عبى کەتە ئارمانج.
پشتی رۆژەکێ ژ بریارا حه‌یده‌ر عه‌بادى سه‌رۆك وه‌زیرێن عێراقێ بۆ تێكه‌لكرنا میلیشیاتێن حه‌شدا شه‌عبى ب هێزێن عێراقی ڤه، قه‌یس خه‌زعه‌لى سكرتێرێ گشتى یێ میلیشیاتێن عه‌سائیبى ئه‌هل حه‌ق گومانێ ژڤێ بریارێ دکەت و دبێژیت ئەڤ بریارە نەیا پەسەندە.
ل دەمێ په‌سه‌ندكرنا بودجەی خه‌زعه‌لى د به‌یاننامه‌كێدا هێرش كریه سه‌ر حكوومه‌تێ و په‌رله‌مانی،چونكی پشكا حه‌شدێ د بودجەی دا دیار نه‌كریە،نوکە ژی پشتی ده‌رچوونا وێ بریارا عه‌بادى، خه‌زعه‌لى دبێژیت، ده‌رکرنا بڕیارە بێی دیاركرنا بودجه‌کێ تایبه‌ت، لێدانا حه‌شدێ و هاڤێتنا وێیە،لەورا میلیشیاتێن حه‌شدا شه‌عبى دێ ل دژی بڕیارا حه‌یده‌ر عه‌بادى سه‌رۆك وه‌زیران راوەستیت.
حه‌شدا شه‌عبى ژ 62 گرووپێن چه‌كدار یێن شیعی یێن جۆدا پێك دهێت،کو هژمارا چه‌كدارێن وێ دگەهیتە 115 هزار كه‌سان، ل سالا 2014 ب فه‌توایەکا عه‌لی سیستانی مەزنە لێڤەگەرێ شیعێن عێراقێ بۆ به‌رهنگاربوونا رێكخراوا تیرۆریستى یا داعش هاتیە دامه‌زراندن.
كالیفۆرنیا.. چه‌كداره‌كی چه‌ندین كه‌س ب بارمته برن
ئه‌ڤرۆ نیوز:
چه‌كداره‌كی ل باكۆرێ ویلایه‌تا كالیفۆرنیا یا ئه‌مریكی هێرشی ماله‌كا حه‌واندنا دانعه‌مران كر و چه‌ندین كه‌س ب بارمته برن.
پۆلیسێن كالیفۆرنیا راگه‌هاند، چه‌كداره‌كی كو جلكێن دژه‌گولـله‌یان لبه‌رن و ره‌شاشه‌ك ڤێیه هێرشی ماله‌كا دانعه‌مران كر و پتری شازده گولـله هاڤێتن و چه‌ندین كه‌س ب بارمته برینه.
پتری هزار كه‌س د وێ مالا دانعه‌مران ڤه‌نه و ب مه‌زنترین مالا ب وی ئاوایی ل ئه‌مریكا دهێته هه‌ژمارتن.
داكو نه‌كه‌ڤیته د ده‌ستێ هێزێن توركیا دا داوی ب ژیانا خوه ئینا
ئه‌ڤرۆ نیوز:
شه‌رڤانه‌كێ هێزا دژه‌تیرۆرا یه‌په‌گێ ل ناوچه‌یا جندرێسێ یا عه‌فرینێ ل رۆژئاڤایێ كوردستانێ، دا كو ب ساخی نه‌كه‌ڤیته ده‌ستێ سوپایێ توركیا و ملیشیایێن وێ یێن سووری، خوه په‌قاند و داوی ب ژیانا خوه ئینا.
ئیلان دارا، ژ هێزا دژه‌تیرۆرا یه‌په‌گێ پشتی شه‌ره‌كێ دژوار دژی سوپایێ توركیا چه‌كدارێن سوپایێ ئازادێ سووریێ ل جندرێسێ كری، به‌ری بكه‌ڤیته ده‌ستێن وان هێزان دا خوه په‌قاند ژبه‌ركو ره‌ت كر ئه‌و هێزه وی ئێخسیر بكه‌ن.
یه‌په‌گێ د به‌یانه‌كێ دا ئه‌و یه‌ك پشتراست كر.
دەرگەهێ وەرگرتنا فلمان بۆ گەرا شەشێ یا فلمە فیستەڤالا دهۆکێ هاتە ڤەکرن
ئەڤرۆ نیوز ، زنار تۆڤی :
ئەڤرۆ دەرگەهێ وەرگرتنا فلمان بۆ گەرا شەشێ یا فلمە فیستەڤالا دهۆکێ یا نێڤدەولەتی یا ٢٠١٨ هاتیە ڤەکرن و وەسا بریارە کو هەتا رۆژا 9.6.2018 فلم بۆ ڤێ فیستەڤالێ بهێنە وەرگرتن،هەروەسا بەرهەڤکەرێن فیستەڤالێ دخوازن کو بەرهەمهێنەرێن فلمان ب بەرهەمێن خوە پشکداریێ د گەرا شەشێ یا فیستەڤالێ دا بکەن.
زه‌لامه‌كێ كۆرێ خوه كۆشت و کچا خوە ژی بریندارکر
ئەڤرۆ نیوز ، زنار تۆڤی :
ل پارێزگەها دهۆکێ زه‌لامه‌كێ كۆرێ خوه یێ 20 سالى ب گولەیێن كلاشینكۆفێ كۆشت و كچا خوه یا 26 سالى ژى ب دژواری بریندار كر.
رائید هێمن سلێمان په‌یڤدارێ رێڤه‌به‌ریا پۆلیسێن پارێزگه‌ها دهۆكێ دایە دیاركرن،ئه‌ڤرۆ ئه‌ینیێ و ل ده‌مژمێر 11:00 سپێدێ ل گۆندى زاوا یێ سه‌ر ب قه‌زا دهۆكێ ڤه، زه‌لامه‌كێ 52 سالى ژ ئه‌گه‌ره‌كى نه‌دیار، ب گولەیێن كلاشینكوفێ دانایه كچا خوه و كورێ خوه،د وێ روودانێدا وی زەلامی كورێ خوه یێ 20 سالى د جهدا كۆشتیه و كچا خوه یا 26 سالى ب دژواری برینداركریه.
ناڤهاتی ئاشكرا ژى كریە،كو پشتى ڤێ روودانێ وی زەلامی ئێكسه‌ر خوه راده‌ستى پۆلیسان كریه و كچا وى ژى بۆ نه‌خۆشخانا ته‌نگاڤیان هاتیه ڤه‌گوهاستن بۆ چاره‌سه‌ریێ.
هوور‌بینیێن قانوونا كۆمپانيا نه‌فتا نيشتمانی یا عێراقی
ئەڤرۆ نیوز ، زنار تۆڤی:
ئه‌ندامەکێ ليژنا نه‌فت و وزه‌یا په‌رله‌مانى ل عێراقێ، هورده‌كاریێن قانوونا كۆمپانيا نه‌فتا نيشتمانى دیاردکەت،کو لدووڤ وێ قانوونێ ب گۆژمێ 10% یا پارێ نه‌فتێ د بۆ وێ پارێزگەهان هێتە خه‌رجکرن،یاکو نەفتێ به‌رهه‌م دئینیت.
جه‌مال كۆچه‌ر، ئه‌ندامێ ليژنا نه‌فت و وزێ ل په‌رله‌مانێ عێراقێ گوتیە،د وێ پرۆژه قانوونێ دا 10% یا پارێ نه‌فتا پارێزگەهان بۆ وێ پارێزگەهێ هاتیە ته‌رخانكرن،یاکو نەفت تێدا، پشکەک ژ وی پاره‌ی دێ بۆ وەلاتیان بیت، 90% یا پارێ نه‌فتا وی پارێزگەهێ دێ بۆ حوکمه‌تێ بیە ،هەروەسا 10% ب سه‌ر سێ سندوقان دا دێ هێتە دابه‌شکرن،پشکەک بۆ راهێنان و گه‌شه‌پێدانا وان كارمه‌ندانه یێن كو ل وان كۆمپانيێن نه‌فتێدا كاردكه‌ن،پشکەک ژی بۆ بەرەبابێن داهاتی یێن وێ پارێزگەهێنه، پشکەک ژی بۆ خۆجهێن و پارێزگەهێ یە.
گوت ژی، هه‌ر پارێزگەهەکا برێیا ڤێ كۆمپانیا نه‌فتا نیيشتمانی نەفتێ بفرۆشیت و ڤرێکەتە ژ ده‌رڤە،دێ شێت ژ وێ 10% مفادار بیت،ژبەر هندێ بۆ ڤێ قانوونا نوو و رێنمايى و په‌يكه‌ر بۆ نەهاتیە ده‌رکرن،ئه‌و پاره يان دێ هێتەدان بۆ خەلکێ يان دێ بیتە بودجه و دێ بۆ وێ پارێزگەهێ چیت.
گوتیە ژی،ئه‌و قانوونە ژ حوکمەتێ نه‌هاتیه په‌رله‌مانی، هندەك كه‌سێن دناڤ په‌رله‌مانی دا ئه‌ڤ پرۆژه پێشنياركریە،لەورا هێشتا تانوپۆیا وێ قانوونێ ديارنينه ژلایێ جڤاتا وه‌زيران، دڤێت ده‌سته‌يه‌ك بۆ بهێته دروستکرن، ئه‌و ده‌سته‌يه دێ په‌يكه‌ر و تانوپۆ و چارچوڤەی بۆ دانیت، ئه‌و قانوونه ب تنێ بۆ چارچۆڤەکێ گشتى بۆ هاتیە دياركرن.
هەروەسا گوتیه،خالا نەباش ئەوە،کو ئه‌و ده‌سته‌يه بكه‌ڤیتە ژێر ده‌ستێ عه‌بادى،لەورا هندەکان مه‌ترسیا هندێ هه‌يه،کو ب دروستى ب كار نه‌ئینیت، چونكی ئه‌و كۆمپانيا د بنه‌ره‌تدا، ل سه‌ر بنه‌مایێ كۆمپانيا روسنه‌فتا رووسى و په‌يوه‌ندیا وێ كۆمپانيایێ ل گه‌ل پوتینی و كۆمپانيا ئيكسۆن موبيل یا ئه‌مريكى و په‌يوه‌ندى ل گه‌ل سه‌رۆكاتیا ئه‌مريكا و كۆمپانیا پى بى یا بريتانى و په‌يوه‌نديا وێ ل گه‌ل حوکمه‌تێ هاەیە دروستكرن،کو چاوا حوکمه‌تا وی بڤێت نه‌فتا كیژ وەلاتی بێخیتە ژێر ده‌ستهەلاتا خوە،برێیا وێ كۆمپانيا كارى بۆ دکەت.
دیارکر ژی،د داهاتی دا ئه‌ڤ كۆمپانيا نه‌فتا نيشتمانی دێ وەلێ هێت،کو كۆمپانيا ده‌ولەتێیە،دێ سياسه‌تا ده‌ولەتێ ژ دەرڤە و نافخوەیا وەلاتی په‌يره‌و کەت و ئه‌و كه‌رته ژی دێ کەڤیتە ده‌ستێ هندەك كه‌ساتیێن سياسه‌تمه‌دار، ئه‌ڤەژی پلانا وانە، ئه‌ڤەژی ئێکە ژ مه‌ترسيێن وێ قانوونێ.
سه‌باره‌ت جێبه‌جێكرنا وێ قانوونی ل پارێزگەهێن هه‌رێما كوردستانێ دیارکر،ژبەر هندێ کو ل هه‌رێمێ وه‌زاره‌تا سامانێن سروشتی یا هه‌رێمێ تاك لايه‌نه كارێ نەفتێ دکەت و نەفتێ دفروشیت،وان خالەک دانایه،هەکە هه‌رێم نه‌فتا خوە برێیا ڤێ كۆمپانيانیێ بفرۆشیت و مامه‌لێ ل گه‌ل بكەت،دێ ئه‌وا نوونەرەکێ وه‌زاره‌تا سامانێن سروشتی ل هه‌رێمێ بیتە ئێک ژ ئه‌ندامێن وێ دهستهیێ.
جەمالی گوت ژی،ژبەرکو حوکمه‌تا هه‌رێمێ وه‌ك وه‌زاره‌ت مامه‌لا نه‌فتێ دکەت، باوه‌رناكه‌م پارێزگايه‌ک بچیت، سه‌ره‌ده‌ریێ ل گەل ڤێ دهستهیێ و قانوونی بكەت،هەروەسا نه‌فتا پارێزگاها خوە برێیا وێ كۆمپانيێ بفرۆشیت و رێكکه‌فتنی ل گه‌ل بكەت، لەورا دبیت هه‌رێم ب ئێک پاكێج مامه‌لێ ل گه‌ل بكەت، يان ژی دێ ب ئێکجارى مامه‌لی ل گه‌ل کەت،يان ژی دێ بايكۆتێ کەت و مامه‌لێ ل گه‌ل ناكەت.
ته‌رمى وى ل پارێزگه‌هه‌كا عیراقێ هاته دیتن
ئه‌ڤرۆ نيوز: بارزان سلێمان مزیرى
پشتى سێ روژێن به‌رزه‌بوونێ ته‌رمێ هاولاتیه‌كێ خه‌لكێ شێخان ب كوشتى هاته دیتن ل پارێزگه‌ها دیاله.
حاجى پیرو، بابێ وى كه‌سێ هاتیه كوشتن بۆ ئه‌ڤرۆ نيوز راگه‌هاند : كورێ من كاسبه و كه‌ره‌سته‌یێن خۆارنێ دفروتن ل به‌غدا وه‌ك هنگڤین و مێوژ ئه‌ڤ جوره خارنێن سه‌فه‌رى ، به‌رێ سێ روژا ل مال ده‌ركه‌فت و چۆ به‌غدا ب مه‌به‌ستا كاركرنێ پاشى بێده‌نگ ما ، پشتى سێ روژا ب دوڤرا چۆم ب كوشتى من دیته‌ڤه ل ناحیا شاره‌بان ل پارێزگه‌ها دیاله.
ناڤبرى گوتژى : كورێ من ب ناڤێ ( هه‌ژار) دایك بۆیێ سالا 1988 ێ یه و چه‌ندین ساله كارێ فروتنا كه‌ره‌سته‌یێن خوارنێ دكه‌ت , ژلایێ چه‌ند كه‌سێن نه‌ناس ڤه دهێته ره‌ڤاندن و پاشى دكوژن، ئه‌ڤرۆ پێنچ شه‌مبى ته‌رمێ وى من زڤرانده‌ڤه و ڤه‌شارت ل شێخان.
ئه‌و داخوازیێن کورد ژ به‌غدا دكه‌ن وه‌كى وان دڤێت بجهناهێن
ئه‌ڤرۆنیوز، سه‌باح زوهێر:
فه‌رزنده زێبارى ئه‌ندامێ جڤاتا نوونه‌رێن عێراقێ دده‌ته دیاركرن كو ئه‌و داخازیێن ئه‌م ل به‌غدا دكه‌ین وه‌كى مه دڤێت چێنابن، مه ب چه‌ند خالێن گرنگ دژایه‌تیا وى پروژێ عه‌بادى كر، كو چه‌ند خال د وى پروژێ حكومه‌تا عێراقێ دا دروست نه‌بوون و دستورى ژى نه‌بوون و زولمه‌كه ل ڤى پروژه‌ى دا ل كوردا دهێته‌كرن. گۆت ده‌مێ مه عه‌بادى دیتى مه ئه‌و پرس لێ كر كا بوچى پشكا هه‌رێمێ ل 17%هاته كێمكرن، لێ وان دیاركر كو وه‌ك پارێزگه‌ه ئه‌ڤ پشكه یا بۆ هه‌رێمێ داناى نه وه‌ك هه‌رێمه‌ك و مه وه‌ك ئالیێن سیاسی زور گڤاشتن و هه‌ولدان ژى كرن دا كورد ل ڤى پروژه‌ى دا خوساره‌ت و زیاندار نه‌بن، لێ سونه و شیعه دناڤ خودا رێكه‌فتینه و داخازیێن خوه بجه ئیناینه خوه كره ئێك و ل په‌رله‌مانى دانیشتن و پێدڤى ب ئه‌ندام په‌رله‌مانێت هه‌رێمێ نه‌ما، له‌وما بودجه دناڤ خودا په‌سه‌ند كرو بێ كورد پشكداربن، ب ڤێ چه‌ندێ زیانه‌كا زور ب كوردان كه‌فت ل پرۆژه بودجا سالا 2018ێ.
زێده‌تر گۆت كو هه‌رچه‌نده ئه‌م كورد وه‌ك ئالیێن سیاسى ل هه‌مبه‌رى به‌غدا هه‌مى خودان ئێك هه‌لویست بووین بێ جوداهى، لێ پشتى 16ئوكتوبه‌رێ لاوازیه‌ك مه‌زن كه‌فتی یه هه‌لویستێ كوردان ل به‌غدا، عێراق هه‌رده‌م هه‌ولده‌ت ده‌ستهه‌لاتێ ل ده‌ستێ هه‌رێمێ دا نه‌هێلیت، لایه‌نێ ده‌ره‌كى ژى هاروكاره بۆ عه‌بادى و گرنگیێ ب عه‌بادى دده‌ن و ئه‌مریكا و ئه‌وروپا پشته‌ڤانیێ لێ دكه‌ن، ژبه‌ر هندێ ئه‌و وه‌سا بێ منه‌تى خوه دبیت ل هه‌مبه‌ر كوردان و سیاسه‌ته‌كا بێمنه‌تى دكه‌ت، هه‌رچه‌نده ئه‌و ره‌فتارا ڤێ گاڤێ عه‌بادى دكه‌ت پێشلكرنا ده‌ستورى یه.
ئاماژه دا وێ چه‌ندێ كو ره‌وشا عێراقێ ب گشتى نه‌یا باشه و ئه‌و ژى د هه‌لوه‌شیایى نه و دلاوازن ژى و روژانه گوهرین یێ دروست دبن و هه‌لویستێ وان ژى یێ لاوازدبیت، خه‌لكێ وان ژى ره‌وشا وان گه‌له‌ك یا خرابه، لێ وان دڤێت هه‌رده‌م كورد لاواز و شكه‌ستى بن و دێ هه‌رده‌م ژى پێكولا وێ چه‌ندێ كه‌ن كو كوردان ده‌ستهه‌لاتا وان یا لاواز بیت و ئه‌و ل ڤێ چه‌ندێ ژى رازى نابن.
گۆت ژى ئه‌ڤانه بووچونه‌كا وه‌سا نینه كو ئه‌م بشێین سه‌رده‌ریێ دگه‌ل بكه‌ین، ل ڤێره ئه‌م هه‌مى پشته‌ڤانێت حكومه‌تا خوینه، چونكى ئه‌ڤێ په‌یوه‌ندى یا ب هه‌مى ملله‌تێ كورد ڤه هه‌ى و دڤێت ئه‌م ئێك هه‌لویستى یا خۆ بپارێزین داكو بشێین به‌ره‌ڤانیێ ل ماف و گه‌لێ كورد بكه‌ین.
نيشاندان
WP Facebook Auto Publish Powered By : XYZScripts.com