ئه‌ڤرۆ نیوز:
سه‌رۆككۆمارێ توركیا گه‌ف كرن گه‌ر به‌غدا هنده‌ك ده‌ڤه‌رێن هه‌رێما كوردستانێ ژ په‌كه‌كی “پاقژ” نه‌كه‌ت دێ هێرشی وان ده‌ڤه‌ران كه‌ن.
ره‌جه‌ب ته‌ییب ئه‌ردۆگان بۆ سی ئێن ئێنا توركی گۆت: توركیا دێ قه‌ندیل و شنگال و مه‌خموور كه‌ته ئارمانج گه‌ر به‌غدا سه‌ره‌ده‌ریێ د گه‌ل گرۆپێن تیرۆرستی ل وان ده‌ڤه‌ران نه‌كه‌ت.
ئه‌ڤرۆنيوز:
ژئه‌گه‌رێ نه‌خوه‌شيا دلى، سه‌رۆكێ ئێكه‌تيا شه‌تره‌نجێ ل پارێزگه‌ها دهۆكێ، كه‌مال جه‌لاله‌دين دژيێ 53 ساليێ دا وه‌غه‌ركر.
كه‌مال جه‌لاله‌دين بۆ ده‌مێ 15 سالان سه‌رۆكێ ئێكه‌تيا شه‌تره‌نجا دهۆكێ بوو وبابێ هه‌ردو قاره‌مانێن شه‌تره‌نجێ يه ل هه‌رێما كوردستانێ وعيراقێ (كارين كه‌مال) و (دلين كه‌مال).
ئەڤرۆ نیوز ، زنار تۆڤی :
ب بەهانەیا هەبوونا چەکدارێن پەکەکێ ل سنورێ ناحیا کانی ماسێ ئەڤرۆ جارەکا دیتر تۆپخانا سۆپایێ تورکی ب چەندین گۆلە تۆپان ئەڤ دەڤەرێ تۆپ بارانکریە.
ئەڤرۆ پێنجشەمبی 7 خزیرانا 2018 و ل دەمژمێر 1:40 خولەکی پشتی نیڤرۆ جارەکا دی تۆپخانا سۆپایێ تورکی چیایێ زنارا کێستە و پشتا گوندێ کەڤن یێ کێستە و چەندین جهێن دیتر داینە بەر گولە تۆپان و چەندین تۆپ ل وان جهان داینە ، هەرەسا هەر هەیام هەیام تۆپخانا سۆپایێ تورکی ڤێ دەڤەرێ تۆپ باران دکەت.
ئه‌ڤرۆ نیوز ، زنار تۆڤى :
ئه‌ندامه‌كێ به‌رێ یێ په‌رله‌مانێ عێراقێ بۆ ئه‌ڤرۆ نیوز دبێژیت : بۆ ڤێ قۆناغێ گه‌له‌ك باشتره كورد ب ئێك شاند بچنه به‌غدا ، هه‌ر چه‌نده كێشا كوردستانێ ل گه‌ل به‌غدا نه‌كێشا حزبه‌كێ یان ژى یا لایه‌نه‌كێ یه نه یا لایه‌نه‌كێ دیتر ، له‌وما كێشێن هه‌رێما كوردستانێ ل گه‌ل حوكمه‌تا به‌غدا كێشێن هه‌موو خه‌لكێ كوردستانێ نه ، هه‌روه‌سا ئه‌ڤرۆ هه‌موو خه‌لكێ كوردستانێ ژى حه‌ز دكه‌ن كورد ب ئێك تیم بچنه به‌غدا دانوستاندنێ بكه‌ن ، دیسا دێ ده‌ستكه‌فتێن مه وه‌كو هه‌رێم ژى پتر بن ، هه‌كه وه‌كو ئێك شاند به‌ره‌ف به‌غدا بچین ، لێ مخابن ڤێ جارێ ژى كورد د هه‌ڤگرتى نابن ، هه‌ر چه‌نده ئه‌و لایه‌نێن دڤێن كو ل به‌غدا دانوستاندنان بكه‌ن وه‌كو ئێك تیم ، هه‌تاكو نوكه ب تنێ پارتى و ئێكه‌تى بووینه و وان بریار دایه پێكڤه كار بكه‌ن ، لێ لایه‌نێن دیتر هه‌تا نوكه ئێكلا نه‌بووینه و بریارا خوه نه‌دایه.
موئه‌یه‌د ته‌ییب ئه‌و ئه‌ندامێ به‌رێ یێ په‌رله‌مانێ عێراقێ یه زێده‌تر دبێژیت : نوكه دوو جه‌مسه‌ر یێن ل به‌غدا چێبووین ، جه‌مسه‌ره‌ك موقته‌دا سه‌در و حه‌یده‌ر عه‌بادیه ل گه‌ل هنده‌ك لایه‌نێن دیتر و جه‌مسه‌رێ دویێ ژى مالكى و هادى عامرى ل گه‌ل هنده‌ك لایه‌نێن دیترن ، هه‌ر چه‌نده به‌رى نوكه شیعان هه‌ڤالبه‌ندیا نیشتیمانى هه‌بوو ، هه‌موو شیعه د ئێك فراكسیۆن دا پشكداربوون ، لێ نوكه ئه‌و هه‌ڤالبه‌ندیه دناڤبه‌را وان دا نه‌مایه ، لێ ئه‌ڤ هه‌ردو لایه‌نه یێ بزاڤێ دكه‌ن كو ببنه فراكسیۆنا مه‌زنتر ، ژ پێخه‌مه‌ت ئه‌و پۆستێ سه‌رۆك وه‌زیران وه‌ربگرن و دانوستاندنێ ل گه‌ل لایه‌نێن دیتر ژى بكه‌ن ژبۆ پێكئینانا حوكمه‌تێ ، لێ وه‌كو دیار ڤێ جارێ سه‌درى و عه‌بادى پتر شه‌نسێ پێكئینانا حوكمه‌تا عێراقێ یێ هه‌یى ، لێ كوردان وه‌سا دایه دیاركرن كو ئه‌م دێ ل گه‌ل وى بین یێ پتر دانپێدانێ ب مافێن گه‌لێ كوردستانێ بكه‌ت و داخوازیێن مه بجه بینیت ، لێ من چو گه‌شبینى ب وان نینه ، چونكى هه‌لویستێ هه‌ردو جه‌مسه‌ران چو جۆداهى ل هه‌مبه‌رى كوردان نینه ، چونكى ئه‌و كێشێن هه‌تاكو نوكه دناڤبه‌را هه‌رێما كوردستانێ و به‌غدا دا نه‌هاتینه چاره‌سه‌ركرن و دێ وه‌كو خوه مینن و چو ژ وان ناهێنه چاره‌سه‌ركرن ، لێ دبیت پرسا بوودجه‌ى و مووچه‌ى بهێته چاره‌سه‌كرن ، هه‌ر چه‌نده په‌رله‌مانێ عێراقێ پشكا كوردان ژ 17% كریه 21% ، هه‌روه‌سا هه‌كه ئه‌م وه‌كو كورد بشێین پشكا خوه بكه‌ینه 17% دێ گه‌له‌كا باش بیت ، چونكى نوكه ژى رێژا كورسیێن كوردا د په‌رله‌مانێ عێراقێ دا 17% یه ، هه‌ر چه‌نده د به‌رێ ژى دا رێژا ته‌خمینكرى یا كوردان پتر بوویه ژ 17% ، له‌وما 12% نه هه‌قیه‌كا مه‌زنه ل گه‌لێ كوردستانێ هاتیه كرن ، ئه‌ڤه ژ بلى نه‌هه‌قیێن 16 ئوكتۆبه‌رێ ل گه‌لێ مه هاتینه كرن ، لێ دبیت بوودجه و مووچه بهێنه چاره‌كرن و ئه‌نجامه‌ك هه‌بیت، لێ ده‌رباره‌ى بابه‌تێ سنوورێن هه‌رێمێ و مادێ 140 و گه‌له‌ك بابه‌تێن دیتر چو ژ وان هه‌ردو جه‌مسه‌ران نه‌ڤێن خوه دڤان بابه‌تان بگه‌هینن و نه د ئاماده‌نه بۆ چاره‌سه‌ریێ ، هه‌ر چه‌نده ئه‌و لایه‌ن د دانوستاندنان دا جۆره نه‌رماتیه‌كێ نیشان دده‌ن ، لێ ده‌مێ ده‌ستهه‌لاتێ وه‌ردگرن ئه‌وان رێككه‌فتنێن به‌رێ بجه نائینن.
ناڤهاتى ئه‌و چه‌ند ژى دیاركر : د ڤێ قوناغێدا یا گرنگه كورد خوه نێزیكى سوننى یان بكه‌ن ، ئه‌ڤ چه‌نده دێ بوو كورد و سوننى یان ژى یا باش بیت هه‌كه هه‌ماهه‌نگیه‌ك دناڤبه‌را وان دا بهێته كرن ، دیسا هه‌كه هه‌ردو ئێك هه‌لویست بن ژبۆ پشكدارى كرنێ د حوكمه‌تا داهاتى دا دێ گه‌ه‌لكا باشتر بیت، چونكى هه‌كه كورد و سوننى خوه ژ پرۆسا سیاسى ڤه‌كێشن چو حوكمه‌ت ل عێراقێ ناهێنه پێكئینان ، لێ یا دیاره كورد هه‌موو ئێك هه‌لویست نابن ، دیسا سوننى یان ژى ئێك هه‌لویست نینه ، لێ دێ یا باشتر بیت كو هه‌ماهه‌نگیه‌ك دناڤبه‌را كورد و سوننى و شیعان دا هه‌بیت ، لێ وه‌كو دیار حوكمه‌تا ڤێ جارێ دێ یا پرى كێشه بیت.
موئه‌یه‌د ته‌ییب هێشتا دیاركر : هه‌كه ڤێ جارێ هنده‌ك هێزێن سیاسى ببنه ئوپۆزسیۆن ، دێ هێشتا كێشێن حوكمه‌تا عێراقێ مه‌زنتر لێ هێن ، چونكى هێشتا ئه‌م فێرى هندێ نه‌بووینه كو هنده‌ك لایه‌ن دناڤ حوكمه‌تێ دابن و هنده‌ك ژى ببنه ئوپۆزسیۆن ، هه‌ر چه‌نده ئه‌ڤه ل پرانیا وه‌لاتێن جیهانى هه‌نه ، لێ هێشتا ئه‌ڤ چه‌نده ل عێراقێ نه‌هاتیه په‌یره‌و كرن ، له‌وما نوكه ره‌وشا عێراقێ یا باش نینه و پرۆسا سیاسى ل ڤى وه‌لاتى ل هه‌مبه‌رى ئه‌زموونه‌كا مه‌زن دایه ، هه‌روه‌سا بێى كورد و سوننى یان حوكمه‌تا عێراقێ ناهێته پێكئینان ، لێ پرس ئه‌وه ڤێ جارێ دێ كورد ل حوكمه‌تا داهاتى دا چه‌ند ب ده‌ستڤه ئینن ئه‌و یا گرنگه ، چونكى به‌رى نوكه ژى مه پشكدارى د حوكمه‌تێن عێراقێ دا كریه ، لێ هه‌تا نوكه چو كێشێن مه نه‌هاتینه چاره‌سه‌ركرن ، له‌وما یا گرنگ ئه‌وه بۆ كوردان كو دڤان چار سالان دا دێ چاوا شێن كێشێن خوه ل گه‌ل به‌غدا چاره‌سه‌ر كه‌ین ، لێ ئه‌ز نه‌یێ گه‌شبینم كو كێشێن مه بهێنه چاره‌سه‌ركرن ، لێ ب تنێ كوردان رێیه‌ك هه‌یه ، كو ئه‌و ژى پرسا ریفراندۆمێ یه ، ده‌مێ كو 93% ژ خه‌لكێ كوردستانێ گوتیه مه سه‌رخوه‌بوون دڤێت ، هه‌ر چه‌نده ئه‌م نه‌شیاین سه‌رخوه‌بوونێ ب ده‌ستڤه بینیت ، ژبه‌ركو ره‌وشا جیهانێ و یا وه‌لاتێن هه‌رێمى ژى ل دژى داخوازیا مه بوویه ، لێ ب تنێ ب ڤێ رێكێ هه‌كه جاره‌كادى ئه‌نجامێن ریفراندۆمێ بهێنه ئه‌كتیفكرن ، دێ شێین گه‌هینه مافێن خوه ، لێ دڤێت ره‌وشا جیهانى و هه‌رێمى ژى ل گه‌ل مه‌بیت.
ئه‌ڤرۆ نيوز:
ئەو ژنێن بۆ رۆژناما ئەڤرۆ ئاخفتین دیار کر کو، ئەو ل ھەیڤا رەمەزانێ پتر ژ زەلامی ماندوو دبین، چونکی گەلەک کار دکەین ھەم فتارێ بەرھەڤ دکەین ھەم ژی کارێ مالێ و ژدەرڤە دکەین و دبێژن: د ڤێ ھەیڤێ دا ئەم زور خوە ماندوو دکەین بتنێ دا چ ئاریشە و گرفت د خێزانێ دا پەیدا نەبن ژنەک ژی دبێژیت: دەمێ زەلام دبێژتە ژنێ دەستخوش ئەو ماندووبونا خوە ژبیر دکەت، ژبەرکو گۆتنێن زەلامی بو ژنێ پشتەڤانیەکا مەزنن.
ژیان سامی کابانیا مالێ یە و د ژیێ 33 سالیێ دایە و حەفت زارۆ ھەنە ودبێژیت: د ھەیڤا رەمەزانێ دا ئەز گەلەک ماندوو دبم، چونکی کارێ مالێ گەلەکە و ئەرکێ من یێ گرانە، بەلێ تشتێ سەیر بو من ئەوە ھەڤژینێ من چ ژ بھایێ من و ماندووبون و کارێ من نزانیت و ژ خوە ناگریت بو ئێک جار ژی پەسنا من بکەت، بەردەوام ژی رەخنا ل کار و بەرھەڤیێن ئەز دکەم بو خوارنآ دگریت.
شەھلا عەلی د ژیێ 45 سالیێ دایە، فەرمانبەرە و کابانیا مالێ یە، خۆدان سێ زارویە و گۆت: ھەر خوارنەکا ئەز بەرھەڤ دکەم بو فتارێ ھێشتا ئێکی نەگۆتیە خوارنا تە یا خوشە و دەست خوش، بەرۆڤاژی ل جھێ ھەڤژینێ من بێژیت تو یا ماندوو بۆی پتر گازندا دکەت.
ڤێ ژنێ گۆتژی: دەمێ زەلام دبێژتە ژنێ دەست خوش ئەو ماندووبونا بری ژبیر دکەت، چونکی رێزگرتنا زەلامی بو ژنێ پشتەڤانیەکا مەزنە و ھێزێ ددەتە وێ، بەلێ زەلامێ کورد ب گشتی نەشێت گەلەک پەسنا ھەڤژینا خوە بکەت و ھزر دکەت دێ ژن خوە ل سەر سەرێ وی مەزن کەت.
ژلایەکێ دیڤە دلوڤان سەعید سەمیانێ خێزانێ یە دیار کر کو ئەوی چ جارا دانپێدان ب ماندووبونا ژنێ نە دکر و گۆت: د ھەیڤا رەمەزانێ دا ھەڤژینا من نەساخ دبیت، ژبەرکو زور خوە ماندوو دکەت لەوما تووشی ئاریشێن ساخلەمی دبیت، روژەکێ ژی من دەست خوشی لێ نە دکر و رێز ل شیان و ھێزا وێ نەدگرت و من دگۆتێ ئەرکێ تەیە کار بکەی و تو چ خێرا بو خوە ناکەی.
گۆتژی: لێ رۆژەکێ من دەستوری وەرگرت دا ل مال بم من دیت کو ژن ل ھەیڤا رەمەزانێ گەلەک ماندوو دبن و دەمێ زەلام پشتەڤانیێ لێ دکەت ھێزەکا مەزن ددەتە ژنێ، سەرەرای کو ئەرکێ زەلامایە د ڤێ ھەیڤێ دا رێزەکا مەزنتر ل ھەڤژینا خوە بگرن.
ل دور بابەتی چالاکڤان د بوارێ جڤاکی دا بەیان سالح دیار کر کو، رۆلێ ژنێ د ھەیڤا رەمەزانێ دا گەلەک یێ مەزنە ب تایبەت د بەرھەڤکرنا فتارێ دا و ئەنجامدانا کارێن مالێ، ئەڤجا چ فەرمانبەر بیت یان کابانیا مالێ بیت و گۆت: ھەموو بزاڤا دکەت خێزانێ رازی کەت داکو چ ئاریشە درۆست نەبن و خێزان ئالوز نەبیت.
چالاکڤانا جڤاکی گۆتژی: ئەڤجا ئەرکێ زەلامیە رێزێ ل ڤێ چەندێ بگریت و رۆلێ وێ بەرز راگریت، ژبەرکو ئەڤ چەندە دێ مفایەکێ مەزن گەھینتە ژنێ و ھێزەکا مەزن د ئیرادا ژنێ دا پەیدا کەت، چونکی ژن ھەڤژینێ خوە ب پشتەڤانەکێ مەزن ددانیت، ئەڤجا نابیت زەلام گازندا بکەت، ژبەرکو ھەموو ژن حەز دکەن ئەو باشترین کار بکەن، داکو خێزانا وێ یا سەرفەراز بیت و ھەڤژینێ وێ ئەوێ ل رێزبەندیا ئێکێ بدانیت.
ئه‌ڤرۆ نيوز:
چاڤدێرەکا سیاسی ل کوردستانێ دیار کر، پشتی ھەلبژارتنێن 12 ێ ئایارێ عیراق یا بەر ب لاوازی و پارچەکرنا شەرێ تایفی دچیت و لەورا نەشێت چۆ گوھۆرینێن باش ل دەڤەرێ ئەنجام بدەت، ژبەر کو شیعەو سونە ھەرگاڤ رکابەرێن مەزن بۆینە ل نافخویا عیراقێ و لەورا ژی چۆ دەما عیراق یا ئارام نەبۆیە ژبەر ململلانیا سەرکردێن عیراقێ ، پێدڤی و گرنگە کورد بێ لایەن و ب تەوافقا سیاسی حوکمەتا نو پێکبینیت و ب مەرجەکێ لایەنێ حوکمەتێ پێک دئینیت دانپێدانێ ب ھەمو مافێن کوردان بکەت، کو ل عیراقێ 55 مادێن دەستوری و مافێن کوردان تێدانە ھاتینە بن پێ کرن.
روبینا عەزیز چاڤدێرا سیاسی ل کوردستانێ بۆ روژناما ئەڤرۆ راگەھاند، ھەرچەندە لایەنێن عیراقێ ب راستی و دروستی ل گەل کوردان دانینە، بەلێ ھەکە موقتەدر سەدر حوکمەتێ پێکبینیت دێ ژ لایەنێن دی باشتر بیت، ژبەر کو ل دەمێ کوردستانێ ھەلبژارتن بۆ رێفراندۆمێ ئەنجامدای سەدری گوتبوو کو مافێ کوردایە چارە نڤیسێ خوە دیار بکەن، لەورا دڤێ قوناغێ دا بۆ کوردان گرنگە کەسەک ببیت سەروک وەزیر کو باوەری ب مافێ چارەیێَ خو نڤیسینێ ھەبیت، باشتر حوکمەتا نوو یا عیراقێ حوکمەتەکا لاواز بیت، بۆ وێ چەندێ کوررد پتر مافێن خوە بی دەست ڤەبینن ھەتا کو ئەنجامێن رێفراندومی پتر ب ھێز بن.
چاڤدێرا سیاسی گوت: پێدڤیە مەرجێ سەرەکیێ کوردان ژبۆی پشکداری کرن ل حوکمەتا نوو یا عیراقێ مافێن گەلێ کورد بن وەک بۆدجە و موچەو زڤڕاندنا دەڤەرێن کوردستانی یێن دەرڤەی ئیدارەیا ھەرێمێ و ماددێ 140 و قانوونا پەترۆل و گازێ ھەکە ئەڤ مەرجە نەھێنە بجھکرن چۆ مفا تێدانیە بۆ گەلێ کورد، ژبەر کو ژبلی ڤان ئابلۆقێن ئابۆری رەوشا ئەمینا دەڤەرێ ژی ھاتیە تێکدان ژلایێ حوکمەتێ ڤە ل دەمێ بۆری تایبەت ل سنورێ ماددێ 140 ێ دەستوری.
چاڤدێرا ناڤبری ھەروەسا ئاشکرا کر،بابەتێ رێفراندومێ پێدڤیە ب سیاسەتەکا باش بھێتە ب کارئینان ھەکە کورد ل حکومەتا نوو پشکداری ژ بەر کو ب مەرجێ پارچەکرنا عیراقێ دێ ھێتە زانین، حکومەتا عیراقێ ژی ڤێ چەندێ قبول ناکەت، لەورا پێدڤە ب ھوشیاری سەرەدەری ل گەل ئەنجامێن رێفراندۆمی بھێنە کرن، کو مەزنترین دەسکەفتێ سەردەمە دەستێ کوردان دا، مخابن رودانێن 16 ێ ئکتوبەرێ بیست سالا چارە نڤیسی کوردان زڤاندە ڤە پاش و کورد ب وێ خیانەتێ شکەستن و بەغدا ب وێ خیانەتێ بەرامبەر کوردان خوە گەلەک ب ھێز کر، ھەتا شیان پشکەکا کوردستانێ ژ ئەنجامێ وی َخیانەتی داگیربکەن.
ئه‌ڤرۆ نيوز:
فەرماندێ فەرماندەیا شنگال یا پێشمەرگێ کوردستانێ قاسم شەشۆ بۆ رۆژناما ئەڤرۆ راگەھاند، مانا حەشدا شەعبی ل شنگال خەلک بیزارکریە نوکە شنگال یا بوویە مەیدانا ھەڤڕکیا د ناڤبەرا حەشدا شەعبی وپەکەکێ و ھێزێن ئێزدی دا ل دەڤەری، رەنگە ئەڤ ململانا حەشدا شەعبی ل شنگالێ بگەھیتە ئاستی مالوێرانیەکا دی وشەری ل شنگال دروست بکەت، ھەڤدەم حوکمەتا عێراقی نەڤیت رەوشا شنگال خوش بیت و ل سەر پێشلکاریێن نوکە ل شنگال دھێنە ئەنجامدان خوە بیدەنگ دکەت.
فەرماندێ ناڤبری ھەروەسا گۆت: کو ئەم پیشبینی دکەم شەر جارەکا دێ ل شنگال رووبدەت ژبەر حەشدا شەعبی وپەکەکێ ئەڤ ھەردوو گرۆپ وھێزین چەکدارێن یێن بووینە بەلا سەرێ خەلکێ شنگال، داخازی دکەین دەولەتیێن جیھانێ چاڤ ودەستێن خوە ژ شنگال نەگرن وپەکەکێ و حەشدا شەعبی دەربێخن.
قاسم شەشۆ گۆت: حەشدا شەعبی گەفان ل ھەموو ھێزیێن ئێزدیان دکەت وەکو ھێزا پاراستنا ئێزدیخانی چەکی خوە دانن بێ چەک بن ل دەڤەرێ ئەڤە ژی یا زەحمەت بھێتە قبول کرن ئەم داخازی دکەین حەشدا شەعبی ل شنگال نەمینت.
سەیدو چەتۆ، سەرۆکێ فڕاکسیۆنا برایەتیی و پێکڤەژیانێ ل جڤاتا پارێزگەھا مووسل دیارکر، ئەم چاڤەرێ ھاتنا ھێزێن ئەمریکا بووین بۆ دابینکرنا ئارامیێ ل شنگال و دەڤەرێن دی، نوکە ھیزێن ئەمریکی بۆ چیایی شنگال و قەزا بەعاج و دەڤەرا ئوم زیبان و ئوم جریس ل سنوری قەزا بەعاج ھاتێنە بنجھکرن، ئەم داخازی دکەین رێگریێ ل دەستیوەردانا ئێران ل دەڤەری بکەت وریێا ئێران بۆ سوریا بھێتە گرتن.
سەرۆکێ فراِکسیۆنا برایەتیی و پێکڤەژیانێ ل جڤاتا پارێزگەھا مووسل گۆت: ھێزێن ئەمریکی ل سەری چیایێ شنگال مەزارگەھێ چل میرا ھەتا بەعاج ھاتێنە بەلاڤکرن، ھەتا نوکە بۆ مە وەکو جڤات ئاشکرانە بوویە مەرەما سەرەکیی یا ھاتنا ھێزێن ئەمریکێ بۆ دەڤەرا شنگال و بەعاج چیە لێ رەنگە ژ بەر نەمانا بەرمایکێن تیرۆرستێن داعش و گرتنا ریێا ناڤبەرا سوریا و ئێرانی دا بیت.
ئەڤرۆ نیوز ، زنار تۆڤی :
شاندەکێ بلند یێ پارتی دیمۆکراتی کوردستان ل بەغدا یە و ل گەل هەر ئێک ژ فوئاد مەعسۆم سەرۆک کۆمارێ عێراقێ و ئەیاد عەلاوی سه‌رۆكێ لیستا وه‌ته‌نیه کۆم بوویە.
دوهی شاندەکێ پارتی دیمۆکراتی کوردستان ب سەرۆکاتیا فازل میرانی سکرتێرێ مەکتەبا سیاسی یێ پارتی بۆ گۆتوبێژکرنا رەوشا سیاسی یا عێراقێ و سیناریۆیێن پێکئینانا حکومەتا نوو گه‌هشتیه به‌غدا و هه‌ر شڤێدی ل گه‌ل فوئاد مەعسۆمی سەرۆک کۆمارێ عێراقێ و ئەیاد عەلاوی سه‌رۆكێ لیستا وه‌ته‌نیه و جێگرێ سەرۆک کۆماری کۆم بوویە.
شاندێ پارتی دیموکراتی کوردستان ئه‌ڤرۆ پێنجشەمبی 7.6.2018 ل به‌غدا دێ به‌رده‌وامیێ ده‌ته گۆتوبیژێن پێكئینانا حوکمه‌تا نوو و چاڤه‌رێیه ل گه‌ل هژماره‌كا لایەنێن سه‌ركه‌فتی یێن هه‌لبژارتنان كۆمببیت.
ئه‌ڤرۆ نیوز، نه‌وزاد هلۆرى:
رێڤه‌به‌ریا گشتى یا ئه‌زموونان یا سه‌ر ب وه‌زاره‌تا په‌روه‌ردێ یا حوكمه‌تا هه‌رێما كوردستانێ داتا و ئامارێن چوار تاقیكرنێن ئێكێ یێن رێژا 12ێ ئاماده‌یى بو هه‌ردوو پشكێن زانستى و وێژه‌ى راگه‌هاندن كو ئه‌و ژى مێژوو و زێنده‌ه‌رزانى و كوردى و بیركارى و عه‌ره‌بى و ئاینن.
ب گوره‌ى نڤیساره‌كا رێڤه‌به‌ریا گشتى یا ئه‌زموونا رێژا ده‌رچوونێ ژ وان هه‌رچوار بابه‌تان 20% بویه وه‌كو پشكا وێژه‌یى و 26% بویه وه‌كو پشكا زانستى، و ئامارا نه‌هاتى و ئه‌وێن كو تاقیكرن شه‌تب كرى بو بابه‌تێ مێژوو (1521) و كوردى (3720) و بیركارى (2158) و عه‌ره‌بى و ئاین (3526) وه‌كو پشكا وێژه‌یى ، و زێنده‌وه‌رزانى (2552) و كوردى (3148) و بیركارى (9223) و عه‌ره‌بى و ئاین (8996) وه‌كو پشكا زانستى ده‌رچوینه.
هه‌ر بگوره‌ى ئه‌وێ نڤیسارێ هه‌ر قوتابیه‌كێ قوپیایێ بكه‌ت دێ ب ده‌رنه‌چوو هێته هژمارتن و سالا دوڤدا ژى مافێ تاقیكرنان نابیت.
ئه‌ڤرۆنيوز:
دچارچۆڤێ گه‌را 30 ژ خۆلا پلا ناياب يا عيراقێ، ئه‌ڤرۆ يانا زاخۆ ل سه‌ر ياريگه‌ها خوه ب ئه‌نجامێ 1-3 ل سه‌ر ياريگه‌ها خوه ل گه‌ل يانا ئه‌مانه‌ت به‌غداد هاته دوراندن.
گولێن يانا ئه‌مانه‌ت به‌غداد ل خۆله‌كێن 38 و65 و88 هاتن تۆماكرن وگۆلا ئێكانه يا يانا زاخۆ ل خۆله‌كا 70 هاته تۆماركرن ول خۆله‌كا 46 ژى ياريكه‌ره‌كێ وێ يێ پيشه‌كار نه‌شيا ژ په‌نه‌لتيێ گۆلێ تۆمار بكه‌ت.
ب ڤى ئه‌نجامێ يانا زاخۆ ما ل رێزا 20 ودووماهيێ ب 16 خالان ويانا ئه‌مانه‌ت به‌غداد خالێن خوه گه‌هاندنه 42 خالان ول رێزا هه‌فتێ دهێت.
نيشاندان