ئەڤرۆ نیوز:
ئەڤرۆ رێکەفتی 5ی ئادارا 2018ێ ل کەمپا کەبەرتوو2 ژنەکێ خوە خاندقاند.
پەیامنێرێ ئەڤرۆ نیوز باسم قاسم شنگالی ژ ناڤ کەمپێ دیارکر کو ئەڤرۆ ل دەمژمێر 4:00 ئێڤاری د کەمپا کەبەرتوو2 ژنەکێ خوە ب خیڤەتی ڤە خاندقاند.
ئاشکەرا ژی کر کو پشتی ئەو هاتیە روانەکرن بۆ نەخۆشخانێ ل دهۆکێ بەری ئەو بگەهیت ئەوێ گیانێ خوە ژ دەست دا.
ئەوێ ژنێ بەری دو سالان ژیانا هەڤژینیێ پێك ئینابوو و خودانا زارۆیەکێ بوو کو ژیێ وێ نێزیکی سالەکێ بوو.
هەتا نوکە نەهاتیە زانین ب چ ئەگەرێ ئەوێ خوە خاندقانیە.
جنیف/ئازاد گوله یی
دچارچوڤێ گه را 88 ێ یا پێشانگه ها سالانه یا ترومبێلا ئه وا ل باژێرێ جنێف یێ سویسری دهێته سازدان.
بەری دەمەکێ کێم ترومبێلا ژجورێ ڤولڤو XC40 یاسویدی ژلایێ روژنامه ڤان وشاره زایێن تایبه تمه ند هاته هه لبژارتن وه ك باشترین ترومبێلا سالا 2018 ێ پشتی هه ڤرکیه کا دژوار دگه ل چه ند مارکێن دن یێن ترومبێلا وه کو BMW وسیترویین وسیات وکیا ئودی ومارسیدس وپیچو وروینو.
هه ژی گوتنێ یه کو پێشانگه ها جنێف یا ترومبێلا ئتڤرۆ هاته ڤه کرن بو روژنامه ڤانا ولبه ره هه شتی هه یڤێ بو خه لکی بهێته ڤه کرن کو سالانه نێزیکی ملیون که سا دهێنه پێش ژ هه می جیهانێ.
ئه‌ڤرۆ نيوز، نیوار:
پشتی ل رۆژا شه‌مبی رێكخراوا هاریكاریا كوردی – ئه‌مریكی ل سه‌رێ چیایێ گاره‌ی دو هرچ به‌رداین، وێنه‌گرێ دهۆك تی ڤی ل ده‌مێ رۆمالكرنێ تووشی هێرشا ئێك ژ وان هرچان بوو، پاشان ژی د كه‌ڤره‌كی دا كه‌فته خوار و نوكه ل نه‌خۆشخانا ته‌نگاڤیایه و سوبه‌هی ژى نشته‌رگه‌ری دێ بۆ هێته كرن.
سوهه‌یب سه‌عدولا، وێنه‌گرێ دهۆك تی ڤی بۆ ئه‌ڤرۆ نيوز گۆت: “دوهی ب مه‌ره‌ما رۆمالكرنا ئازادكرنا سێ هرچان ژ لایێ رێخكراوا هاریكاریا كوردی – ئه‌مریكی چووینه چیایێ گاره‌یی”.
زێده‌تر گۆت: “ل وێرێ و ل ده‌مێ هرچا مه‌زنتر هاتیه ئازادكرن ژ لایێ جه‌ماوه‌ری ڤه گه‌له‌ك هاته ئازراندن و ده‌مه‌كی من دیت یا ل به‌رامبه‌ر من و من ژی بزاڤا ره‌ڤینێ كر د كه‌ڤره‌كی دا چوومه خوار”.
ئاشكه‌را ژی كر كو ژ ئه‌گه‌رێ وێ روودانێ سێ په‌راسیێن وی و ده‌سته‌كێ وی و سه‌رێ وی شكه‌ستینه و گۆت: “سۆپاس بۆ خودێ نوكه ره‌وشا من گه‌له‌ك یا باشه”.
سوهه‌یب سه‌عدولایی دا زانین ژی كو بڕیاره سوبه‌هی ل نه‌خۆشخانا ته‌نگاڤیان ل دهۆكێ نشته‌رگه‌ریه‌ك بۆ ده‌ستێ وی بهێته ئه‌نجام دان.
ئەڤرۆ نیوز ، تۆڤی :
ئه‌ڤرۆ نیڤرۆ 5-3-2018 ل دوریانا سكرێ مووسل ب ئاماده‌بوونا فه‌رهاد ئه‌مین ئه‌تروشی پارێزگه‌رێ دهوكێ و نه‌وفه‌ل سولتان حه‌مادی پارێزگه‌رێ نه‌ینه‌وا و بشار كیكی سه‌روكێ جڤاتا پارێزگه‌ها نه‌ینه‌وا و عسمەت ره‌جه‌ب به‌رپرسێ لقێ 14 یێ پارتی و چه‌ند به‌رپرسێن ئیداری و له‌شكری یێن پارێزگه‌ها دهوك و نه‌ینه‌وا ب شێوه‌كێ فه‌رمی رێیا دهوك موسل بو كاروبارێن بازرگانی هاته ڤه‌كرن.
ب ڤێ هه‌لكه‌فتێ پارێزگه‌رێ دهۆكێ دپه‌یڤه‌كێدا بو كه‌نالێن راگه‌هاندنێ دا گوت : ڤه‌كرنا رێیا نیڤده‌وله‌تی یا دهۆك مووسل گرنگییه‌كا مه‌زن هه‌یه بۆ خه‌لكێ هه‌ر دوو پارێزگه‌هان،هەروەسا گرنگی هەیە بۆ هاتنوچونا گشتی و خورتكرنا بزاڤا بازرگانی دناڤبه‌را پارێزگه‌هێن دهۆك و مووسل و هه‌تا دگه‌هیته پارێزگه‌هێن ناڤه‌راست و باشورێ عیراقێ ژی.
هه‌روه‌سا گوت ژی: به‌ری هاتنا تیرورستێن داعش و داگیركرنا موسل هاتنوچون و بزاڤا بازرگانی دناڤبه‌را هه‌ردوو پارێزگه‌هێن دهوك و نه‌ینه‌وا یا نورمال بوو،ئه‌ڤرۆ ب فه‌رمی رێیا دهوك مووسل هاته ڤه‌كرن و بزاڤا بازرگانی و هاتنوچون دێ نورمال بیته‌ڤه و هیڤی خواستن کو ئه‌ڤ كاره ببیته ده‌رگه‌هێ خێرێ بۆ هه‌موو خه‌لكێ ده‌ڤه‌رێ و داخواز ژ ده‌زگه‌هێن ئێمناهیێ و یێن ئیداری و په‌یوه‌ندیدار یێن هه‌ردوو پارێزگه‌ها كر،كو د هاریكار وهه‌ڤكاربن و هه‌موو ئاسانكاریا بكه‌ن كو رێك یا ڤه‌كری ب مینیت دا خزمه‌تا هه‌موو خه‌لكێ ده‌ڤه‌رێ بكه‌ت و به‌رهه‌ڤیا كارگێریا پارێزگه‌هێ نیشان دا ب، هه‌ر هاریكاریكه‌كێ،ژ پێخەمەت چو ئاسته‌نگ نه‌هێنه پێش و ته‌كه‌زكر كو كومپانی و بازرگانێن پارێزگه‌ها دهوكێ دێ رۆله‌كێ باش هه‌بیت د ئاڤاكرنا باژێرێ موسل دا.
ژلایێ خوەڤه پارێزگه‌رێ نه‌ینه‌وا گوت: ڤه‌كرنا رێیا دهۆك مووسل یا نێڤده‌وله‌تی ل دووڤ راسپاردێن سه‌رۆك وه‌زیرێن حكومه‌تا عیراقا فیدرالبویه و سوپاسیا هێزێن ئێمناهیێ یێن عیراقێ وهه‌رێما كوردستانێ تایبه‌ت هه‌ولدانێن به‌رپرسێ لقێ 14 و هه‌موو لایه‌نان كر وهیڤی خواست كو ئه‌ڤ كاره ببیته ده‌ست پێشخه‌ریا خێرێ بو خه‌لكێ پارێزگه‌هێن دهوك و نه‌ینه‌وا وجهێن دی و هێزا ئابووری یا جاران ل ده‌ڤه‌رێ په‌یداببیت و هه‌موو لایه‌ن مفای ژێ وه‌ربگرن .
ئه‌ڤرۆ نيوز:
به‌رپرسێ لقێ 16ێ پارتى دیموكراتى كوردستان دیاركر كو ژ ئه‌كه‌را هه‌بوونا رێكخستن و سه‌قامگیریا سیاسى دناڤ خوه‌ى یا پارتى دا ، دهێته چاڤه‌رێكرن كو دهه‌لبژاردنێن داهاتى دا ده‌نگێن پارتى زێده‌بن ، ئه‌ڤه تایبه‌تى پشتى به‌لاڤبوونا هژماره‌كا راپرسیێن ، نه فه‌رمى كو پشكه‌ك ژ وان ژلایێ ده‌زگه‌هـ و ناڤه‌ندێن پارت و لایه‌نێن سیاسى هاتینه‌كرن.
بلند ئیسماعیل به‌رپرسێ لقێ 16ێ پارتى دیموكراتى كوردستان بو باسنیوز دیاركر كو تشته‌كێ سرۆشتیه كو گورانكارى ب سه‌ر ده‌نگان دا بهێن.
زێده‌تر گۆت: (ئه‌م ژ وێ یه‌كێ پشتراستین كو ئه‌وا پارتى ژحزبێن دن جودا دكه‌ت ئه‌وه كو پارتى حزبه‌كا جێگیره و سه‌قامگیرییه‌كا سیاسى و رێكخستى تێدایه ، و دناڤ حزبێن دن دا بالبالى دهێته دیتن ، به‌لێ دناڤ پارتى دا ئه‌ڤ یه‌ك نینه و ئه‌م ب هویرى ده‌نگێن خوه دناڤ جه‌ماوه‌رى دا دبینین ، ئانكو پارتى ب ساناهى تر ژ هه‌ر حزبه‌كا دن دكاریت هه‌ر نها ب نێزیكى ده‌نگێن خوه بزانیت ، خوه ئه‌گه‌ر ب رێژا 100% ژى نه‌بیت)
ب باوه‌ریا بلند-ى پارتى دكاریت پارێزگاریێ ل كورسیێن خوه بكه‌ت و ئومێد ژى هه‌یه و چاڤه‌رێ وێ یه‌كێ دكه‌ت كو كورسیێن خوه زێده‌تر بكه‌ت.
ئەڤرۆ نیوز:
د ئاییندەکێ نێزیکدا حوکمەتا عێراقێ دێ بڕیارا دوماهی ئینانێ یا ئابلوقەیا ئەسمانی ل سەر فرۆکخانێن کوردستانێ دەت و گەشتێن نێڤده‌ولەتی ل هەردو فرۆکخانێن هەولێر و سلێمانیێ دێ ئاسایی بنەڤه.
چەند ژێدەرەکێن ئاگەهدار نووچەیێ ڤەکرنا فرۆکخانێن کوردستانی بۆ k24 پشتراست کرینە و دووپات کریە،کو بەغدا سۆزدایە ب زووترین دەم وێ بریارێ بێخیته وارێ جێبەجێکرنی.
ل دەمێ سەرەدانا مەسرور بارزانی شیرەتکارێ جڤاتا ئاسایشا هەرێما کوردستانێ بۆ ئەمریکا و ئەنجامدانا چەندین کۆمبوونێن بلند و گرنگ ل گەل بەرپرسێن سیاسی وسەربازی و ئەمنی یێن ئەمریکا، بەحس ل هەموو کێشە و گرفتێن دناڤبەرا هەولێر و بەغدا کرینە، بەرپرسێن ئەمریکا ژی بریارا ناڤەندگیریێ دایە و ب رژدی هاتینە سەر خەتێ و پەیوەندی دناڤبەرا هەولێر و بەغدا دا ب سەسەرپەرشتا واشنتۆن دروستبووینە،حوکمەتا عێراقێ ژی سۆزداینە،کو د ماوێ داهاتیدا ب چەند پێنگاڤێن جددی دێ بزاڤێن لێک نێزیکبوونێ و دوماهی ئینانا ب کێشەیان دەن،ژ وان ژی چارەسەرکرنا کێشێن دارایی یێن هەرێمێ و ڤەکرنا فرۆکخانان.
ئەڤرۆ نیوز ، زنار تۆڤی :
بڕیاره ئه‌ڤرۆ دوشه‌مبێ یه‌نس ستۆنتلبێرگی سكرتێرێ گشتى یێ ناتۆ سه‌رەدانا به‌غدا بكەت و ل گه‌ل سه‌رۆك كۆمار و سه‌رۆكێ حوکمه‌تێ كۆم ببیت.
هەروەسا ستۆنتلبێرگ ئەڤرۆ دێ ل گه‌ل هه‌ر ئێک ژ فوئاد مه‌عسوومی سه‌رۆك كۆمار و حه‌یده‌ر عه‌بادى سه‌رۆك وه‌زیران و ئیبراهیم جه‌عفه‌رى وه‌زیرێ ده‌رڤه یێ عێراقێ كۆم بیت.
ئارمانج ژ سەرەدانا وی دانانا میكانیزمەکێ یە بۆ به‌رده‌وامبوونا هەماهه‌نگیێ دناڤبەرا ناتۆ و عێراقێ دا.
پێشتر ژی سكرتێرێ ناتۆ ئاماژه‌ى ب هندێ دابوو،کو ناتۆی ل بەرە ژ روویێ راوێژکاریێ ڤە هاریكاریا عێراقێ بكەت.
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا سێشه‌مبى رێكه‌فتى 6ى ئادارا 2018ێ دهێته پێشبينيكرن ئه‌سمان دێ ئه‌وره‌كێ ته‌مام بيت ل گه‌ل هه‌بوونا ده‌ليڤا بارانێ ب تايبه‌ت د دره‌نگى شه‌ڤ دا.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا فشارێن نزمێن وه‌لاتێ توركيا دهێته پێشبينيكرن دێ ئه‌وره‌كێ ته‌مام بيت ل گه‌ل هه‌بوونا ده‌ليڤا بارانێ ب تايبه‌ت د دره‌نگى شه‌ڤ دا.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 13 پله بيت و بلندترين پله ژى دێ 20 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى ژى دێ د ناڤبه‌را 10 بۆ 20كم بيت د ده‌مژمێره‌كێ دا و ماوێ ديتنێ ژى دێ د ناڤبه‌را 9 بۆ 10كم دا بيت.
ئەڤرۆ نیوز ، زنار تۆڤی :
ئۆسكار ب گرنگترین خەلاتێ سینه‌مایی دهێتە دانان،ئه‌و ئه‌كادیمیا ڤی خه‌لاتی د‌به‌خشیت ئه‌كادیمیەکا فه‌خریه نه‌كو كۆلێژا فێركرنا خویندكارایە بۆ سینه‌مایێ،ئەڤ ئەکادیمیە ل 11 ئەیارا سالا 1927 ل كالیفۆرنیا هاتیە دامه‌زراندن و 6000 ئه‌ندامێن تایبه‌ت ب سینه‌مایێ هه‌نە،ژ وان ژی لیژنا ده‌نگدانێ کو پێکهاتینە ژ 5816 ئه‌كته‌ر و پسپۆرێن وارێ سینه‌مایێ،کو 1311 كه‌س ژ وان ئه‌كته‌رێن ژن و زەلامن.
درێژیا ڤی خه‌لاتی 34 سه‌نتیمه‌تر و كێشا وی ژی 3 كیلۆ و 85 گرامه،ل سه‌ر شێوێ شیرێ سوارەکێ هاتیە دروست كرن کو،شمشێرەک د دەسدایە و ل سه‌ر شەریتا فلمی راوه‌ستیایه،ژ مادێ بریتانیۆمی هاتیە دروستكرن.
بۆ هندێ کو ئه‌و فلمه بكه‌ڤیتە ناڤ كاندیدێن ئۆسكارێ پێدڤیە ئەو فلم ل هۆلێن سینه‌ما كالیفۆرنیا بهێنە نمایشکرن، نابیت ماوێ وی ژ 40 خولەکان كێمتر بیت، بۆ هندێ داکو بشێت بچیته ناڤ پێشبرکا فلمێن درێژ،هەکە وەسانەبیت دێ وه‌ك كورته فلمان هێتە دیتن.
ئێكه‌مین رێورەسمێن دابه‌شكرنا خه‌لاتێن وێ ل سالا 1929 ژ ئێک ل هۆلێن ئۆتێلێن هۆلیوودێ و ب ئاماده‌بوونا 250 كه‌سان برێڤەچوو،ل وی دەمی ئەوێن خەلات دبرن پێش رێورەسمێن دابه‌شكرنا خه‌لاتان دهاتنە راگەهاندن.
چالاكیێن مه‌راسیما دابه‌شكرنا خه‌لاتان ل سالا 1930 ب تنێ ب رێیا رادیۆیێ په‌خش دكر و ل سالا 1953 بۆ ئیكه‌مین جار ب رێیا ته‌له‌ڤیزیۆنێ مه‌راسیما دابەشكرنا خه‌لاتان هاتە په‌خش كرن.
خه‌لاتێن ئۆسكارێ بۆ سالا 2017 ل باژێرێ لۆس ئه‌نجلوس یێ سه‌ر ب ویلایه‌تا كالیفۆرنیا ڤە ل ئه‌مریكا ب ئاماده‌بوونا ئه‌ندامان و هه‌موو کاندیدان ل وارێن جۆدا یێن سینه‌مایێ برێڤەچوو.
خه‌لاتێن ئۆسكارێ یێن سالا 2017 ب ڤی رەنگی بوون:
ئه‌كته‌ر مارشالا عه‌لی خه‌لاتێ ئۆسكارێ وه‌رگرت وه‌ك باشترین ئه‌كته‌ری لاوه‌كی د فلمێ Moonlight دا.
فلمێ Suicide Squad خه‌لاتێ ئۆسكارێ بر وه‌ك باشترین میكیاژ و داهێنانا پرچی.
هەروەسا خه‌لاتێ ئۆسكارێ بۆ باشترین دیزاینێ جلو به‌رگان دایە فلمێ Fantastic Beasts and Where to Find.
خه‌لاتێ ئۆسكارێ بۆ باشترین فلمێ دۆكیۆمێنتاری هاتەدان بۆ فلمێ Made in America.
خه‌لاتێ باشترین ده‌نگ هاتەدان بۆ فلمێ Arrival، خه‌لاتێ باشترین ئه‌كته‌را ژن د رۆلی لاوه‌كیدا هاتەدان بۆ ڤایۆلا ده‌یڤ.
خه‌لاتێ باشترین تێكه‌لكرنا ده‌نگی هاتەدان بۆ فلمێ Hacksaw Ridge.
خه‌لاتێ پرفرۆشتنا فلمان هاتەدان بۆ فلمێ The Salesman.
خه‌لاتێ باشترین كورته فلمێ ئه‌نیمه‌شن هاتەدان بۆ فلمێ Piper.
خه‌لاتێ باشترین دیزاینێ به‌رهه‌م ئینانێ و سینه‌ماتۆگرافی و موزیكا ئۆرجینال و ستران و باشترین ده‌هێنه‌ر هاتەدان بۆ فلمێ La La Land.
خه‌لاتێ باشترین ئه‌كته‌را ژن د رۆلێ سه‌ره‌كیدا هاتەدان بۆ Emma Stone د فلمێ La La Land.
خه‌لاتێ باشترین فلمێ ئه‌نیمه‌شن هاتەدان بۆ فلمێ Zootopia.
خه‌لاتێ باشترین ڤیژوال ئیفێكتس هاتەدان بۆ فلمێ The Jungle Book.
خه‌لاتێ باشترین مۆنتاژێ فلمی هاتەدان بۆ فلمێ Hacksaw Ridge.
خه‌لاتێ باشترین كورته فلمێ دۆكیۆمێنتاری دا فلمێ The White Helmets.
خه‌لاتێ باشترین كورته فلم دا فلمێ Sing.
خه‌لاتێ باشترین سیناریۆ دا فلمێ Manchester by the Sea.
خه‌لاتێ باشترین سیناریۆیا وه‌رگێرای هاتەدان بۆ فلمێ Moonlight.
خه‌لاتێ باشترین ئه‌كته‌رێ زەلام د رۆلێ سه‌ره‌كیدا هاتەدان بۆ Casey Affleck د فلمێ Manchester by the Sea.
هه‌رچه‌نده ل هه‌موو سالان ئاهه‌نگا خه‌لاتێن ئۆسكارێ ل رۆژا 27 شوباتێ دهێنە ئەنجامدان،کو تێدا 24 خه‌لاتێن جۆدا ل خوە دگریت ل وارێن سینه‌مایێ دا، وێنه، باشترین ئه‌كته‌رێن زەلام، باشترین ده‌رهێنه‌ر و چه‌ند وارێن دیتر یێن سینه‌مایێ، به‌لێ ئەڤ سالە هاتە پاشخستن،ب ئەگەرێ هەبوونا ئۆلومپیادێن زڤستانێ،لەوما ل هەیڤا ئادارێ ئه‌ڤ ئاهه‌نگه هاتە ساز كرن.
ئه‌ڤرۆ نيوز:
ئەڤرو ل دەم ژمێر 6:00 سپێدێ پەیوەندی ب بنگەهێ بەردەرەش هاتە کرن بهەبوونا رویدانەکا ئاگری ل بازارێن نشتیمان کو ئاگر بەربویە 5 تا 9 دوکانا ل بەردەرەش.
رائيدێ ماف په‌روه‌ر، بێوار عه‌بدولعه‌زيز رێڤه‌به‌رێ راگه‌هاندنا به‌ره‌ڤانيا باژێرى ل دهۆكێ دياركريه كو ژ ئەگەرکێ نەدیار بنگەهێ ناڤبری ل جهێ رویدانێ ئامادەبوو و شیان ئاگری کونترول بکەن و چو زيانێن گيانى نه‌بووينه.
نيشاندان