ئەڤرۆ نیوز ، نەوزاد ھلۆری:
وەلاتیەکێ باکوورێ کوردستانێ و باژێرێ عەنتاب بو مەھا رەمەزانا پیروز قەستا شێلادزێ کریە و ل بەرچاڤێن خەلکی زەلابیێن عەنتابێ درۆست دکەت.
موزەفەر عەنتابی ، ئەو ھوستایێ چێکرنا زەلابیێن عەنتابێ یە بۆ ئەڤرۆ نیوز گۆت: (زەلابیێن عەنتابێ ب تایبەتمەندی و تاما خوە سەرنجا خەلکێ دەڤەرێ کێشایە و دوپات ژبەرکو ئەو ئارێ بو چێکرنا زەلابیێن عەنتابێ ئەم بکاردئینین ل کوردستانێ نینە و نھا بو ھەیڤا رەمەزانێ ب تنێ ئەم ھاتینە شێلادزێ و ل پێش چاڤێن خەلکی زەلابیان درۆست دکەین و خەلکێ ڤێرە گەلەک حەش زەلابێن عەنتابێ دکەن و نھا ئەم چوار جورێن زەلابیێن عەنتابێ درۆست کەین کو ئەو ژی ب گورەی پێدڤی یا خەلکێ دەڤەرێ یە).
زێدەتر گۆت: (ئەڤە 20 سالە ئەز وەکو ھوستا کارێ چێکرنا زەلابێن عەنتابێ دکەم و ئەز لسەر داخوازیا خەلکێ شێلادزێ ھاتیمە ڤێرە و نھا من چوو بازارێن تایبەت نینن ژبەرکو ب شێوەیێ دەمکی ھاتیمە، بەلێ ئەگەر داخوازیێن زێدەتر لسەر ھەبن کارم پشتی رەمەزانێ بازارەکێ تایبەت ڤە بکەم ، و ھەتاکو زەلابیێن عەنتاب ب ھێنە درۆستکرن د چەند قوناغان دا دبوریت مینا ھەڤیر ، قەلاندن ، دوبەکا تایبەت).
نيشاندان