ئه‌ڤرۆنيوز:
سه‌رۆك مه‌سعود بارزانى ئه‌ڤرۆ پێنجشه‌مبى 31/5/2018 پێشوازى ل ئوساخه نوجێفى جێگرێ سه‌رۆك كۆمارا عيراقێ وسه‌رۆكێ هه‌ڤپه‌يمانيا (القرار) يا عيراقى وشانده‌كێ دگه‌لدا كر.
دديداره‌كێ دا بيرورا ل دۆر هه‌ڤكێشێن سياسى پشتى هه‌لبژارتنێن جڤاتا نوونه‌رێن عيراقێ وئه‌گه‌رێن پێكئينانا حوكمه‌تا عيراقى يا نوو هاتن ئالوگوركرن وهه‌لسه‌نگاندن بۆ دووماهى پێشهاتان وهه‌لويستێ هێزێن سه‌ركه‌فتى ل سه‌ر پاشه‌رۆژا عيراقێ هاته كرن.
ئەڤرۆ، نیۆز، سەباح زوهێر:
زێنه‌دین زێدان دەست کارکێشانا خوە ل ئەرکێ راهێنەرایەتی ل یانا ریال مەدرید راگەهاند.
ئەڤرۆ پێنج شمبی زێدانی د کونگرەکێ روژنامەڤانی دەست ل کارکێشانا خوە ل یانا ریال مەدرید راگەهاند
کو وەرزێ داهاتی دگەل ریالێ نابیت.
دگەل ریال مەدرید ئەڤ سالە ژی بۆ سێیەم جار ل سەر ئێک نازناڤێ خولا چامپیۆنزلیگێ ب دەستڤەئینا، لێ ئەڤرۆ بریارا داویێ دا دگەل یانا ناڤبری دا.
ئه‌ڤرۆنيوز:
وه‌زاره‌تا دارايى وئابوورى خشتێ به‌لاڤكرنا مووچان ئاشكراكر كو دێ ب ڤى ره‌نگى بيت
ئه‌ڤرۆ نيوز:
رێڤەبەرێ کاروبارێن خوەپاراستنا ساخلەمیێ ل دھۆکێ دیارکر کو ئەڤرۆ ٣١/٥/٢٠١٨ رۆژا جیھانیا یا بەرھنگاریا جگارەکێشانێ ب چەندێن چالاکیان ل رێڤەبەریا کاروبارێن خوە پاراستنی ھاتە ساخکرن.
د. سیروان محەمەد ئەسود، رێڤەبەرێ کاروبارێن خوەپاراستنا ساخلەمیێ ل رێڤەبەریا گشتی یا ساخلەمیا پارێزگەھا دھۆکێ دیارکر کو نەرگیلە کێشان ژی ب ھەشت رێیان کارتێکرنێ ل ساخلەمیا مرۆڤێ دکەت و ئیدمانێ چێدکەت و رێ خوشکەرە بۆ چێکرنا پەنچەشێرا مێلاکا سۆر و دەڤی و گەدەێ و میزدانێ، گەلەک کەرەستێن کیمیاوی د جگارێ دا ھەنە ھندەک ژ وان ئەگەرێن پەیدابوونا پەنچەشێری.
ئاشکەرا کر کو د چار ھەیڤێن بۆری دا ژ ئەڤ سالا ٢٠١٨ێ ل سنۆرێ پارێزگەھا دھۆکێ ٧١٨٣ کەس خوەجھێن دھۆکێ و ٩٣٨٠ کەس ئاوارە ژ ئەگەرێ جگارەکێشانێ و ھەبوونا پەیوەندی ب جگارەکێشانێ ڤە تووشی نەخۆشیان بووینە وەکو نەخۆشیا جەلتا مێشکی و ھەناسە و فشارا خوینێ و چەندین نەخۆشیێن دی.
ئەو ژی دیارکر کو رێڤەبەریا کاروبارێن خوەپاراستنا ساخلەمیێ بەردەوام کار دکەت بۆ ھوشیارکرنا وەلاتیان ژ مەترسیا جگارەکێشانێ ل دھۆکێ ٢٢٤ جھێن کافێ و کازینۆ ھەنە ئەڤ سالە ڤەدیتن بۆ ٣٩ جھێن نوو ھاتینە کرن بەلی چو دەستووری نەھاتینە دان و ژ بەر جگارەکێشانێ کازینویەک و چایخانەک و سەرتراشخانەک ھاتینە سزادان.
د. سیروان ئەو ژی دیارکر کو جگارەکێشان گەلەک کارتێکرنێ ل ساخلەمیا مرۆڤی دکەت وەکو پەیدابوونا پەنچەشێری و ئێشێن دومدرێژ یێن سیھان و ھشکبوونا رەھان و ئێشا شەکرێ و بلندبوونا فشارا خوینێ و تەوشا بێرگەر ئەڤە ئێکە ژ ئێشێن رەھێن خوینێ و چارەسەریا وێ ژی گریدایی نەکێشانا جگاران ھەیە ل دەمێ دوگیانی ژی جگارا بیتە ئەگەرێ ژ بەرچوونا زارۆی.
گۆتژی: “جگارێ ٤٠٠٠ کەرەستێن کیمیاوی تێدانە ٤٠ ژوانا ژی دبنە ئەگەرێ پەیدابوونا نەخۆشیا پەنچەشێری ل دووڤ ڤەکولینان گەلەک یا گرنگە جگارەکێش دەستان ژ جگارێ بەردەت”.
ئه‌ڤرۆ نيوز:
عسمەت سەلمان وەیسی رێڤەبەرێ پشکا چاڤدێری و سەلامەتیا خوراکی ل رێڤەبەریا کاروبارێن خوپاراستنا ساخلەمیێ بو نوش نیوز دا دیارکرن کو مەھا رەمەزانێ کەتیە د ھاڤینێ دا و پلا گەرماتیێ زور یابلندە ئەڤەژی دبیتە ئەگەرێ تێکچوونا کەلوپەلێن خوارن و ڤەخوارنێ پێخەمەت پاراستانا ساخلەمیا گشتی و ساخلەمیا روژیگرن بەرێز تیمێن وان دێ ل ڤێ مەھێ پتر سەرەدانا جھێن گشتی کەن مینا دکان و مارکێت و جھێن شریناھیا و شەربەتا ئەو خوارنگەھێن دەستیری پێ ھاتیە دان.
د مەھا پێنج دا تمێن وان:
• سەرەدانا 1393 جھان کریە.
• ھوشداری دایە 243 جھان.
• 66 جە ھاتینە سزادان.
• 9جە ھاتینە گرتن.
• 5,55 تەنێن کەلو پەلێن خوارن و ڤەخوارنێ گرتینە.
عسمه‌ت سه‌لمانی گۆت: ئەڤ کەلوپەلە ژلایێ رێڤەبەریا مە ڤە ھاتنە ژناڤبرن.
ئه‌ڤرۆ نيوز، فاتما مزوورى:
زينه‌دين زێدان راهێنه‌رێ يانا ريال مه‌دريد راگه‌هاند كو بۆ وه‌رزێ بهێت ئه‌و ل گه‌ل رێزێن يانا ريال مه‌دريد نامينيت.
ئه‌ڤرۆ پێنجشه‌مبی 31 ئه‌یارا 2018 زێنه‌دین زێدان د كۆنگره‌یه‌كێ چاپه‌مه‌نیێ دا، ده‌ست ژ كار كیشانه‌ڤا خوه ژ كارێ راهێنه‌رایه‌تیا ریال مه‌دریدێ راگه‌هاند.
ناڤ هاتی د وێ كۆنگره‌یا مه‌دیایان دا راگه‌هاند كو نها ده‌مێ ده‌ست ژ كار كێشانا من بوو ژ راهێنه‌رایه‌تیێ. هه‌روه‌سا گۆت ژی: من ب پیریزێ سه‌رۆك یانه‌یا خوه گۆتیه كو كارێ من ل یانێ ب دووماهی هاتیه.
زێدان هه‌روه‌ها راگه‌هاند ژی: ل كارێ راهینه‌رایه‌تیێ نه یێ ماندوومه، لێ دا كو یانه یا به‌رده‌وام بیت ل سه‌ركه‌فتنا دڤێت ده‌ست ژ راھێنه‌رایه‌تیێ به‌رده‌م كو نها ده‌مێ منه.
زینه‌دین زێدان ل سالا 2016 ل شونا رافایل بینیتێرز بوویه راهێنه‌رێ ریال مه‌درید، د وی ماوه‌ی دا شيا سێ ناسناڤێ چامپیۆنزلیگ ل سه‌ر یه‌ك ب ده‌ست خوه ڤه بينيت. هه‌ر ئێك ژ ناسناڤێن لالیگاو جامێن سوپه‌ر ئورۆپا و جاما سوپه‌ر یا ئیسپانیا ژبۆ ریال مه‌درید ب ده‌ست ڤه ئيناينه.
ئه‌ڤرۆ نيوز، فاتما مزوورى:
پۆلیسێن هه‌ولێرێ راگه‌هاند، هێزێن وان دو كه‌س ده‌سته‌سه‌ر كرينه كو ب دزیا بێتری 100 مسقالێن زێرى هاتينه تۆمه‌تباركرن.
پۆلیسێن هه‌ولێرێ خۆيا كر كو ئەو دو كه‌سێن هاتينه گرتن به‌ری نها ژی تاوان ئەنجام دابوون و هاتبوونه گرتن و پشتی كو هاتينه به‌ردان، ده‌ست ب دزیێ كريه‌ڤه.
د وێ ده‌ربارێ دا رائيد شوان به‌رپرسێ پشكا نه‌هێلانا تاوانان راگه‌هاند، هه‌ردو تۆمه‌تبار ب رێیا كامیرا چاڤدێریێ هاتينه ئاشكه‌را‌كرن و د پشت دا هاتنه ده‌سته‌سه‌ركرن و هنده‌ك ماددێن هۆشبه‌ر ژی ڤێ هاتينه گرتن.
ئه‌ڤرۆ نيوز، فاتما مزوورى:
ئه‌ڤرۆ رۆژا پێنجشه‌مبى ل سه‌ر داخوازيا رى يۆنگ هۆ، وه‌زيرێ ده‌رڤه يێ كوريا باكوور و سێرگى لاڤرۆڤ وه‌زيرێ ده‌رڤه يێ رۆسيا گه‌هشته بيۆنگ يانگ يا پايته‌ختێ كوريا باكوور.
ته‌وه‌رێ سه‌ره‌كى يێ سه‌ره‌دانا لاڤرۆڤ به‌حسكرنا په‌يوه‌نديێن ناڤبه‌را بيونگ يانگ و مۆسكۆ نه.
وه‌زاره‌تا ده‌رڤه يا رۆسيا د داخۆيانيه‌كێ دا ل دۆر سه‌ره‌دانا سێرگى لاڤرۆڤ وه‌زيرێ ده‌رڤه يێ رۆسيا ژ بۆ كوريا باكوور راگه‌هاند كو لاڤرۆڤ د سه‌ره‌دانا خوه دا ژ بۆ بيۆنگ يانگ جودا ل پرسگرێكێن كوريا باكوور و ئه‌مريكا و دانوستاندنان و ره‌وشا كوريا باكوور و رۆسيا بكه‌ن و بزاڤێن ب هێزكرنا تێكه‌ليێن خوه بكه‌ن.
سه‌ره‌دانا وه‌زيرێ ژ ده‌رڤه يێ رۆسيا د ده‌مه‌كى دايه كو بزاڤ و ناڤه‌ندگيريا وه‌لاتان رێخۆشكه‌ره ژبۆ لێك نێزيكبوونا روونشتنێن كۆم جۆنگ ئۆن و سه‌رۆكێ كوريا باكوور و دۆنالد تره‌مپ سه‌رۆكێ ئه‌مريكا كو بڕياره ل 12ى خزيرانێ ل سه‌نگافۆر ب رێڤه بچيت.
ئه‌ڤرۆ نيوز، فاتما مزوورى:
د 10 رۆژێن بۆرى دا، ل سنۆرێ ئيرانێ، سۆپايێ پاسدارێن ئيرانێ 11 كۆلبه‌ر كرنه قوربانى.
ئه‌ڤرۆ رۆژا پێنجشه‌مبی ل سه‌ر ئاخا كوردستانێ و سه‌ر سنۆری بانه یێ كوردستانا رۆژهه‌لات، سوپایی پاسداران ته‌قه ل كۆلبه‌ره‌كێ رۆژهه‌لاتا كوردستانێ كرن د ئه‌نجام دا جانێ خوه ژ ده‌ست دا.
ئه‌ڤرۆ سه‌رێ سبێ رێكه‌فتی 31ى گۆلانا 2018ێ، كه‌مال مه‌جید محه‌مه‌د خه‌لكی گوندێ سوورا و یا سه‌ر ب باژێری بانه یێ رۆژهه‌لاتێ كوردستانێ، ب سه‌ده‌ما ته‌قه لێكرنه‌كا راسته راست یا سوپایی پاسدارێن ئیرانێ د ناڤا ئاخا هه‌رێمێ دا هاته كوشتن و و ته‌رمێ وی كه‌سی ژبۆ نه‌خۆشخانا سلێمانێ هاته ڤهگوهاستن.
دڤێ ده‌ربارێ دا رێڤه‌به‌ریا پۆلیسێن پارێزگه‌ها سلێمانیێ د داخویانیه‌كێ دا ئاشكه‌را كر: كه‌مال مه‌جید ب گوله هاتیه كوشتن و به‌رى بگه‌هیننه نه‌خوه‌شخانێ جانێ خوه ژ ده‌ست دايه.
دڤێ ده‌ربارێ دا پۆلیسێن پێنجوینێ ده‌ست ب ڤه‌كۆلینان كريه و ته‌كه‌ز ل سه‌ر وێ یه‌كێ كرنه. ئه‌ڤ كۆلبه‌ره د ده‌مه‌كی دا كو د ناڤا ئاخا كوردستانێ دا بوویه ته‌قه لێ هاتیه كرن و هاتیه كوشتن.
هه‌ر د ڤێ روودانێ دا 9 سه‌ر هه‌سپ و ئاژه‌لێن كاركه‌ران دانه به‌ر ده‌سترێژیا گوله‌یان و جهێ ئاماژه پێكرنێ یه دو رۆژ به‌ریا نها ل سنۆرێ كێله‌شین و سیده‌كان، هاتنه كوشتن و كه‌سه‌ك ب ناڤێ خه‌لیل ئه‌حمه‌دێ 32 سال خه‌لكێ باژێرێ شنۆ یا كوردستانێ هاتبوو بریندار كرن و پشترا ژی ژبۆ نه‌خوه‌شخانا سۆران هاتبوو ڤهگوهاستن.
هه‌روه‌ها حه‌فتیه‌كێ به‌رى وێ ژی ل هه‌مان سنۆر ب سه‌ده‌ما ته‌قه‌لێكرنا سوپایێن پاسداران كۆلبه‌ره‌ك دى جانێ خوه ژ ده‌ست دا و دویێن دى ژی هاتبوونه بریندار كرن.
ب پشت گرتن ب ئامارێن هاتينه توماركرن ل ده‌ستا ئامارێن رێكخستیا مافێن مرۆڤان د 10 رۆژێن ده‌رباس بووی دى ل سنورێ رۆژهه‌لاتا كوردستانێ دا چار كه‌س ب ده‌سترێژیا گولێن سۆپایین پاسداران هاتنه كوشتن و حه‌فت كولبه‌رێن دن ژی هاتنه بریندار كرن.
ئەڤرۆ نیوز ، فاتما مزۆری :
ل توركیێ ب سه‌ده‌ما نێزیكبوونا هەلبژارتنێن 24 خزیرانێ , ئەو پارتیا كو نوو هاتیه دامه‌زراندن ، كارناما خوه یا هەلبژارتنان ئاشكرا كر ، لێ به‌روڤاژی ئاكه‌پێ هه‌ده‌پێ و جه‌هه‌پێ ، وێ پارتیێ د كارنامه‌یا خوه ده جه نه‌دایه پرسا كوردی ،پارتیێن سیاسی یه‌ك بیه‌ك كارنامێن خوه ژ بۆ هەلبژارتنێن 24 حزیرانێ ئاشكه‌را كرن. هه‌یا نوکە ئاكەپێ ، جەهەپێ ، مەهەپێ و هەدەپێ و پارتیا سه‌عاده‌تێ ژی كارنامێن خوه دانه خویاكرن ، كارناما پارتیا باش ل ئە‌نقه‌رێ ژ ئالیێ سه‌رۆكا وێ پارتیێ ڤە مه‌رال ئاكشه‌نه‌ر هاتە خواندن و هه‌موو به‌ربژارێن پارتیا خوه ژ بۆ په‌رله‌مانل توركیێ دانە نیاسین و ئاكشه‌نه‌ر بال كشاندە سه‌ر دی‌مۆكراتیێ و ماف و دادمه‌ندیێ.
ناڤهاتیێ گۆت :هەکە مە ده‌ستهەلات وەرگرت ئەم دێ ره‌وشا ئاوارته راكەین، هه‌روسا مه‌رال ئاكشه‌نه‌ر كو ب خوه ژی به‌ربژارا پارتیا خوه یه ژ بۆ سه‌رۆكاتیا توركیێ و گۆت ژی : ژ بۆ سازیا ئیداری یا ده‌وله‌تێ و خه‌باتێن وێ ئەم ماف و ئازادیێن تاكه‌كه‌سی ب ئاوایه‌كی بهێزتر ئێخینە دناڤا ده‌ستوورێ نوو یێ تورکیا دا ، ئە‌مد ێ به‌ندا هەلبژارتنان کەینە 5% ئارمانجا مه ئەوە كو ئەم په‌رگالا په‌رله‌مانی د ده‌مه‌كێ نێزیك دا ئەكتیڤ كەین ، هه‌روسا ژ بلی پارتیا نه‌ته‌وەپه‌ره‌ست مەهەپێ د كارنامێن هەدەپێ و ئاكەپێ و جەهەپێ و پارتیا سه‌عاده‌تێ دا ، وان سۆز داینە کو پرسا كوردی چارەسەر بکەن .
لێ پارتیا باش چو سۆز نەداینە ژ بۆ دانا مافێن كوردان ، ژ ئالیێ خوه ڤه به‌ربژارێ پارتیا باش ل دیاربه‌كرێ یێ كورد محه‌مه‌د سالیم ئە‌نساری ئۆگلو كو هه‌م په‌رله‌مانته‌ره و هه‌م ژی وه‌زیر بوویە ، د كارناما وان دا چو گۆتنه‌ك ده‌ربارێ پرسا كوردی نه‌کریە ، دادیار كرن و گۆت: ئەم دێ كێشا كورد بێی توندی و پارچه‌بوونێ ب رێبازێن دیمۆكراتی د په‌رله‌مانا توركیێ دا چاره کەین ، ئە‌ز و پارتیا خوه سۆزێ ددەین كو ڤی بابەتی ب دلداری چاره بکەین .
نيشاندان