ئه‌ڤرۆ نيوز:
بەرپرسەکێ وەزارەتا چاندنێ ئاشکرا کر، پشتی چەندین سالێن قەدەغەکرنێ وەزارەتێ بڕیار دایە بۆ ئینانا مێلاکێ ژ دەرڤە و دیارکر، مەرج ھاتینە دیارکرن بۆ ھەموو بازرگانان ھەر بەرھەمەکێ مێلاکێ گورەی ستانداردێن جیھانی نەبیت رێ نادەین بھێتە ناڤا ھەرێما کوردستانێ.
خالس ئەحمەد، رێڤەبەرێ دیوانا وەزارەتا چاندنێ بۆ رۆژناما ئەڤرۆ گۆت” ئەگەرێ قەدەغەکرنا مێلاکێ ل سالێن بۆری بۆ ئەگەرێ ساخلەمی ڤەناگەڕیت، بەلێ رێژەیەکا زۆرا مێلاکێ ھاتبوو وەلاتێن دەوروبەرێ ھەرێما کوردستانێ و مەترسی ھەبوو بھێنە ناڤا ھەرێما کوردستانێ، لەوڕا ژی بڕیار ھاتە دان وی دەمی ئینانا مێلاکێ ب ھەموو شێوەیەکی بھێتە قەدەغە کرن، بەلێ دەمەکێ زۆر ب سەر ڤە چوو ھژمارەکا زۆرا بازرگانان داخواز کر مێلاکێ بیننە ھەرێما کوردستانێ، ژ بەر ڤێ چەندێ ژی لژنێن وەزارەتێ دووڤچوونا ئینانا میلاکێ کر و دەرکەفت رێژەیەکا زۆرا مێلاکێ ب قەچاغی دھێتە ھەرێما کوردستانێ”.
خالس ئەحمەد گۆتژی” لژنەکا بلند ھاتە پێکئینان و نوونەرێن زانکۆیێن کوردستانێ ژی تێدا پشکدار بووینە و بڕیار ھاتیە دان ب گورەی مەرجێن نێڤدەولەتی مێلاک بھێتە ھەرێما کوردستانێ، لەوڕا مەرجێن گران بۆ ئینانا مێلاکێ ھاتینە دیارکرن و رێ نادەین ھەموو مێلاکەک بھێتە کوردستانێ، ھەر بەرھەمەکێ مێلاکێ گورەی ستانداردێن جیھانی و وەزارەتێ نەبیت قەدەغەیە بھێتە کوردستانێ”.
نيشاندان