NO IORG
نووترين نووچه
Twitter

300

ئەڤرۆ نیوز ، زنار تۆڤی:

موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دیارکر:ئەڤرۆ د روودانەکا ترافیکێ دا کەسەک برینداربوویە.

ناڤهاتی ئەو یەک ژی دا دیارکرن:ئەڤرۆ پێنجشەمبی 2018/2/15 ل دەمژمێر (10:00) سپێدی ل سەر جادا سەرەکی یا گەلیێ زاخۆ،ل نێزیک مفرەقا ئاسهێ روودانەکا لێکدانێ دناڤبەرا ترومبێلەکا تایبەت هوندا رەنگێ سپی ل گەل بیکاب دێر بارهەلگر رەنگێ سور روودایە،د وێ روودانێدا ترۆمبێلا بیکاب وەرگەریایە،د ئەنجامێ ڤێ روودانێ دا کەسەک بریندار بوویە و هەروەسا زیانێن مادی ب هەردو ترۆمبێلان كه‌فتینە.

FB_IMG_1518710470661

9092

ئه‌ڤرۆنيوز:

پارتى ديموكراتى كوردستان 22 كه‌س ژ پارێزگه‌ها دهۆكێ بۆ هه‌لبژارتنێن جڤاتا نوونه‌رێن عيراقێ يێن به‌ربژاركرين كو برياره‌ ل 12/5/2018 بهێنه‌ ئه‌نجامدان.

1- ڤيان سه‌برى عه‌بدولخالق

2- ئه‌حمه‌د سلێمان ياسين

3- ديار ته‌يب محه‌مه‌د

4- به‌يار تاهر سه‌عيد

5- شه‌پال حسێن ره‌مه‌زان

6- عه‌بدولره‌حمان سلێمان عه‌لى

7- عه‌بدولره‌حمان عومه‌ر محه‌مه‌د

8- فاخر حه‌سه‌ن يوسف

9- شيلان تامر عه‌بدوللا

10- غازى ره‌مه‌زان حسێن

11- جه‌هوه‌ر عه‌لى عه‌زيز

12- عومه‌ر عه‌لى محه‌مه‌د ئه‌مين

13- رۆناك عه‌لى يه‌زدين

14- نورى ره‌مه‌زان ئيبراهيم

15- هندرين له‌زگين فه‌ريق

16- شه‌وكه‌ت زه‌ينولعابدين

17- هه‌يفا سه‌ديق ميكائيل

18- ته‌حسين حه‌سه‌ن عه‌لى

19- ئارام ناجى محه‌مه‌د سه‌ديق

20- ئه‌مينه‌ محه‌مه‌د سه‌ديق

21- داليا فه‌رهاد حاجى

22- وه‌سفيه‌ محه‌مه‌د شێخۆ

 

400

ئه‌ڤرۆنيوز:

پارێزگه‌رێ هه‌ولێرێ نه‌وزاد هادى، ئه‌ڤرۆ پێنجشه‌مبى 15/2/ 2018دكۆننگره‌كێ رۆژنامه‌ڤانيدا ل هه‌ولێرێ  راگه‌هاند، ل سه‌ر روودانا شه‌رێ دووهى ل هه‌ولێرێ 12 كه‌س يێن هاتينه‌ ده‌سته‌سه‌ركرن.

دوهى چارشه‌مبى 14/2/2018، دناڤ بازارێ هه‌ولێرێ دا شه‌ره‌ك روودا دناڤبه‌را هژماره‌كا وه‌لاتيێن وى باژێرى وسێ وه‌لاتيێن عه‌ره‌ب يێن عيراقى وپارچه‌ ڤيديۆيا وى شه‌رى دتۆرێن جڤاكى هاتبوو به‌لاڤكرن.

نه‌وزاد هادى گۆت ژى” ڤه‌كۆلين ل گه‌ل كه‌سێن ده‌سته‌سه‌ركرى يا ده‌ستپێكرى وپێرابوونێن قانوونى دژى وان دێ هێنه‌ ئه‌نجامدان”.

رۆهنكر ژى” ئه‌وا دوهى رووداى نه‌ سياسه‌تا مه‌يه‌ ونه جهێ قه‌بوولكرنێ يه‌”.

پارێزگه‌رێ هه‌ولێرێ ئاماژه‌ دا” ئه‌و وه‌لاتيێن عه‌ره‌ب يێن هێرش ل سه‌ر هاتيه‌ كرن، ل گه‌ لگرۆپه‌كێ گه‌شتياريدا هاتبوو هه‌ولێرێ وگه‌شتا وان يا ب دووماهى هاتى وئه‌ڤرۆ يێن زڤرين”.

369

ئه‌ڤرۆنيوز:

فتق ئێک ژ وان حالەتانە کو ل ده‌ف گەلەک کەسان دیار دبیت، ب تایبەت زارۆيان كو گه‌له‌ك جاران تووشی ڤی حالەتی دبن، پەیدابوونا فتقێ ژی ل ده‌ف زارۆيان بۆ ئەگەرێن زکماکی دزڤریت و فتقێ مەترسیا خوه‌ يا هه‌ى، لەوما ب گۆتنا نوشداران پێدڤيه‌ ب زووترین دەم نشتەرگەری بۆ تووشبوويێ فتقێ بھێتەکرن.

عه‌بدولا غازی، نوشدارێ تایبەتمەندێ نشتەرگەریێن زارۆيان بۆ نوش نيوز دیارکر کو فتق ل دەف زارۆيان ھەموو دەما زکماکیە وچو ئەگەرەکێ دی نینە وچو پەیوەندی ب گریا زارۆيی ڤە نینە، یان خوه‌ ھاڤێتن ژ جھێن بلند کو ھەر ژ 100 زارۆيان سێ بۆ چار کەسان تووشی فتقێ دبن، لێ بەروڤاژی ل ده‌ف مەزنان ئەگەرێن دی يێن بۆ هه‌ين.

گۆت ژی“ فتق ل وی دەمی روو ددەت دەمێ ریڤیک ژ زکی بەر ب کیسێ گونی دھێتە خوار، چارەسەریا ڤی حالەتی ب تنێ ب رێيا نشتەرگەریێ یە کو ب زووترین دەم بھێتە ئەنجامدان”.

ئاماژە دا ھندێ کو فتق ل ناڤ رانی دو جۆر ھەنە (ئێک بەر ب گونی دچیت، یا دی ژی بەر ب رانی دچیت)، جورێ ئێکێ گەلەک یا زۆرە ل دەف زارۆيان و جۆرێ دويێ یێ کێمە.

زێدەتر دبێژیت “ فتقێ مەترسیا زۆرا ھەی و ئەگەر ھەیە ھندەك جاران ریڤیك یان ھێلکدان بچیتە تێدا و لێك بزڤرن و خوین ب راوەستیت و ب رزن، ل وی دەمی نشتەرگەریا ب لەز زۆر یا گرنگە، چونکى ب تنێ نشتەرگەری چارەسەریە وچو چارەسەریەکا دی نینە، مەترسیا  دی حالەتێ فتقا مەزن، ئەگەر ھەیە فشار ل سەر گونی دروست بیت و ب چرمسیت، ژ بەر ھندێ نشتەرگەری تنێ چارەسەریە بۆ تووشبوويێ فتقێ کو دڤێت ب زووترین دەم ل ده‌ف تایبەتمەندێ نشتەرگەریا زارۆيان نشتەرگەری بۆ بھێتەکرن”.

145

ئه‌ڤرۆ نیۆز ، ره‌مه‌زان هه‌رنى :

رائید ئیسلام چالى , فه‌رماندێ سریا به‌ره‌ڤانیا كێمایى ل وه‌زاره‌تا پێشمه‌رگه‌ى بۆ ئه‌ڤرۆنیۆز دیاركر ,سریا به‌ره‌ڤان چه‌كێ كێمایى چه‌ندین خول و ب رێڤه‌چۆینه‌ و پێشمه‌رگه‌ تێدا فێرێ خو پاراستن و ناسینا چه‌كێ كێمایێ بۆینه‌ ئه‌ڤ خوله‌ بۆ پێشمه‌رگه‌ى ژ هه‌رتشتى گرنكترن ژبه‌ركو ل ده‌مێ بۆرى پێشمه‌رگه‌ى شاره‌زایێ ل چه‌كێ كێمایى نه‌بۆ به‌لێ پشتى ل چه‌ندین خولا پشكدار بۆى شاره‌زایه‌كا ته‌مام دروست بۆه‌ ژ لایێ پێشمه‌رگه‌ى ڤه‌.

ناڤبرى گوتژى : ل ده‌مێ دامه‌رزاندنێ هه‌تا نوكه‌ سریا به‌ره‌ڤانیا كێمایێ پشكدارى چه‌ندین خولا كریه‌ ل هه‌ولێرێ و به‌غدا و ئه‌لمانیا ب سه‌ر په‌رشتیا ماموستایێن ئه‌مریكى و ئه‌لمانى و سویدى و به‌لێ سوپایێ ئه‌لمانیا پتر ژ هه‌میا مه‌شق و راهێنان ب پێشمه‌رگه‌یان كرینه‌ تایبه‌ت سریا به‌ره‌ڤانیا كێمایى هه‌تا نوكه‌ ژى به‌رده‌وامن تایبه‌ت ل بوارێ مه‌شقا چه‌كێ كێمایى .

ئیسلام چالى ته‌كه‌ز كر : حه‌فتیا داهاتى ژماره‌یه‌كا ئه‌فسه‌رو پێشمه‌رگه‌یێن لیوایێن پێشمه‌رگه‌ى ل وه‌زاره‌تا پێشمه‌رگه‌ى دێ پشكدارى خوله‌كا ده‌م درێژ دا كه‌ن بۆ ده‌مێ 4 هه‌یڤا ژلایێ شاره‌زاییێن بۆارێ كێمایێ ل سوپایێ ئه‌لمانیا كو ب تیورى وپراكتیكى دێ مه‌شق و راهێنان ب پێشمه‌رگه‌یان هێنه‌ كرن ل دور چه‌وانیا ناسین و خوپاراستنێ ل چه‌كێ كێمایى .
سریا به‌ره‌ڤانیا كێمایى ل وه‌زاره‌تا پێشمه‌رگه‌ى پشكه‌كا نوویه‌ سالا 2016 ێ هاتیه‌ دامه‌زراندن به‌رده‌وام مه‌شق و راهێنانا ب پێشمه‌رگه‌ى دكه‌ت ل وارێ چه‌كێ كێمایێ دا.

1379

ئەڤرۆ نیوز، زنار :

ئەلمانیا حەزا خوە بۆ ڤەكرنا دو ناڤەندێن راوێژكاریێ بۆ كۆچبەران ل عێراق ڤەكرینە،ب مەرەما ئاسانكاریێ بۆ وان پەنابەرێن جارەکادی دهێنە ڤەگەراندن بۆ عێراقێ، چونكی بەرلینێ ل بەرە ئەڤ سالە پتر ژ 10 هزار پەنابەرێن عێراقێ ڤەگەرینیت، ئەڤەژی وەك پشکەکێ بۆ دووبارە ڤەژاندنا سەرمایا مرۆڤی ل عێراقێ دهێتە هژمارتن.

ئەو دو ناڤەندێن راوێژكاریا پەنابەران،ئێک ل بەغدایە و یادیتر دێ ل هەولێرێ بیت، وەزیرێ گەشەپێدانا ئەلمانیا گێرد مۆلەر د كۆنگرەکێ رۆژنامەڤانیدا یێ دووبارە ئاڤەدانكرنا عێراقێ دووپاتی ل هندێ كر،کو ڤەگەراندنا ئاواران دێ هاریکاریا ڤەژاندنا سەرمایا مرۆڤی ل عێراقێ دەت،ئەو 10 هزار پەنابەرێن دهێنە ڤەگەراندن بۆ عێراقێ،دێ گۆژمێ 350 ملیۆن یۆرۆیان لێ هێنە خەرجکرن، پەرلەمانێ ئەلمانی ژی رەزامەندی ل سەر دایە، ئەڤەژی ئەو گۆژمێ پارەیەیە یێ کو ئەلمانیا وەك هاریكاری پێشكێشی عێراقێ دکەت.

ئەلمانیا دڤێت د ئاڤەدانكرنا عێراقێ دا،د روویێ مرۆڤی دا زۆرترین رۆلی ببینیت،د ڤەگەراندنا پەنابەران و هاریكاریكرنا وان، پاشی گەهاندنا هاریکاریێن بەردەوام بۆ ئاوارەیان،ب تایبەت زارۆیێن ئاوارەیان،کو دێ رابیت ب دروستکرنا قوتابخانا و نەخۆشخانا و ژێرخانا دەڤەرێن وان.

ل 2014 ب ئەگەرێ هاتنا تیرۆریستان و تەنگژەیا ئابووری ل عێراق، هژمارەكا ئێكجار زۆر یا خەلكێ عێراقێ ب رێیا توركیا خوە گەهاندینە وەلاتێن ئورۆپی، ژ ئورۆپا ژی زۆرترین رێژەیا پەنابەران ل ئەلمانیانە و نوکە وی وەلاتی ل بەرە 10 هزار پەنابەران رەوانەی عێراقێ بكەت.

205

ئه‌ڤرۆ نيوز، عه‌زيز هه‌ورامى:

ئه‌ندامه‌كێ جڤاتا نوونه‌رێن عيراقێ ئاشكه‌را كر كو هه‌تا نوكه‌ چو ژڤان بۆ هنارتنا مووچه‌ و بودجێ نينه‌ و دا زانين كو هه‌تا نوكه‌ ئه‌و نوزانن كا دێ ل به‌رى يان پشتى هه‌لبژارتنان هێته‌ ره‌وانه‌كرن.

زانا رۆستايى، ئه‌ندامێ جڤاتا نوونه‌رێن عيراقێ ل سه‌ر فراكسيۆنا كۆمه‌لا ئيسلامى بۆ ئه‌ڤرۆ نيوز دياركر كو سه‌رۆك وه‌زيرێن عيراقێ رۆژا هنارتنا مووچه‌ و بودجێ هه‌رێما كوردستانێ ديار نه‌كريه‌ و گۆت: “ئه‌و ئاخفتنێن نوونه‌رێن كورد ل به‌غدا به‌حس دكه‌ن چو راستى ژبوو نينه‌”.

زێده‌تر گۆت: “چه‌ندين جاران ل گه‌ل سه‌رۆك وه‌زيرێن عيراقێ كۆمبووينه‌ و چو رۆژه‌ك ده‌ستنيشان نه‌كريه‌ كو بێژن دێ ل ڤێ رۆژێ مووچێ فه‌رمانبه‌رێن كوردستانێ هێته‌ ره‌وانه‌ كرن”.

ئاشكه‌را ژى كر كو د ئاخفتنێن خوه‌ دا ئاماژه‌ ب وێ چه‌ندێ كريه‌ كو هه‌ر ده‌ما هووربينى د هه‌موو وه‌زاره‌تان دا ب دووماهى هات، ل وى ده‌مى دێ به‌حس ل سه‌ر هنارتنا مووچێ فه‌رمانبه‌ران كه‌ن.

ل دووماهيێ ژى گۆت: “هه‌تا نوكه‌ ديار نه‌بوويه‌، كا ئايا هنارتنا مووچێ فه‌رمانبه‌رێن هه‌رێما كوردستانێ دێ كه‌ڤيته‌ به‌رى يان پشتى هه‌لبژارتنێن عيراقێ”.

1008

ئەڤرۆ نیوز:

گەلەک ژ‌ ژنێن نموونه‌یی ئه‌و كێشه‌ هه‌یه‌،كو ل دەف زەلامان‌ د سه‌رنجراكێش و خۆشتڤی نینن، ئه‌ڤەژی گەلەک جاران وان تووشی نه‌خۆشیێن ده‌روونی و بێتاقه‌تیێ دکەت.

ل دەستپێکێ دابزانین ژنێن نموونه‌یی كینە‌.

ئه‌و ژنێن كو‌ خودان كه‌سایه‌تیەکا ب ‌هێز، خوانده‌ڤان، هزرکرنەکا بەرفرەه‌،خودان لەشەکێ ساخلەم،راستگۆنە و د‌ كاروبارێ ژیانا خودا درژد و سه‌ركه‌فتینە.

ل گه‌ل هندێ کو ئه‌ڤ هه‌موو تایبه‌تمه‌ندیێن‌ باش ل دەف هەنە‌،بەلێ زەلام سەرسام نینن ب ڤان جۆره‌ ژنان و وان ئەڤ جۆرێ ژنان نەڤێت، ئه‌ڤەژی ڤەدگەریت بۆ چه‌ند هۆكاران:

. زەلام ل گه‌ل ڤان ژنان، هه‌ست ب‌ فشارەکا ده‌روونی د‌كه‌ن، چونكی ئەو وەسا هزر دکەن کو هه‌موو ئه‌و كه‌سێن ده‌وروبه‌رێن وی،وەکی وی و ب چاڤێ وی هەڤژینا وی ب ژنەکا نموونه‌یی دبینن، ئه‌ڤەژی بۆ زەلامان یا نەخۆشه‌ و خوە ل بەر ناگرن.

. ئه‌و زەلامێن ل ‌گه‌ل ژنێن نموونه‌ییدا دژین،وەسا دبینن کو پەیوەندیا دناڤبەرا وان دا،ژ رکابەریێ و دژایه‌تیكرنێ پێك دهێت،نە وەکو هەڤبه‌شكرنا ژیانا وان،ب‌ تایبه‌تی ل وی دەمێ هەست پێ دکەن،کو ژنێن وان د‌ هه‌موو بریارێن خوە دا دراستن و باشتر هزر دكه‌ن‌، ئه‌‌ڤە ژی وە ل وان دکەت،کو جۆدابوونێ‌ باشتر بزانن،ژ وێ رەوشا ئەو تێدا دژین.

. ژبەر هندێ کو زەلام نەشێن ب رێژه‌کا پێدڤی رێز و حەز ژێکرنا خوە بۆ ڤان ژنان‌ ب سه‌لمینن،هه‌موو دەما‌ وەسا هه‌ست پێ د‌كه‌ن،کو كه‌سێن بێرێز و كێمته‌رخه‌من، ئه‌ڤە ژی وان بێ هیڤی دکەت و هه‌ستێ ژێکجۆدابوونێ ل دەف وان شرین دکەت.

هەروەسا نۆشدار و پسپۆرێن ده‌روونی، رێنماییا ل ڤان جۆرێ‌ ژنان‌ دكه‌ن،كو هندی‌ ئەو بشێن كه‌سێن خوە گونجێنه‌ر بن و نه‌یێن نموونه‌یی بن، بۆ هندێ بشێن ل ‌گه‌ل ئاستێ وی زەلامێ به‌رامبه‌ری خوە بمینن و حەز ژێکرنا خوە ژ ده‌ست نه‌ده‌ن.

142

ئه‌ڤرۆ نيوز:

رێڤەبەرێ گشتی یێ ساخلەمیا پارێزگەھا دھۆکێ دیارکر کو ئەڤرۆ 15ى شوباتا 2018ێ ب ھەڤکاریا رێکخراوا مندالپارێزیا کوردستانێ و سەنتەرێ ژين یێ پەنچەشێرا زارۆيان و نەخۆشخانا ھیڤی یا زارۆيان ئاھەنگ بۆ زارۆيێن ھەلگرێن نەخۆشیا پەنچەشێرێ ھاتە گێران.

د. نزار عسمەت تەیب، رێڤەبەرێ گشتی یێ ساخلەمیا پارێزگەھا دھۆکێ دیارکر کو ل ل پارێزگەھا دھۆکێ سەنتەرێ ژین یێ پەنچەشێرێ ھاتیە دروستکرن بۆ پشتەڤانیا نەخۆشان ھەر چەند پشتەڤانیا نەخۆشان بھێتە کرن یا کێمە، “داخوازێ ژ سەرمايه‌دار و دەولەمەند و بازرگانان دکەین ھەموو شیانێن خوە پشتەڤانیا سەندوقا پەنچەشێرێ بکەن بۆ چارەسەریا زارۆيێن نەخۆش، ئەم ھەموو پشتەڤانێن زارۆيێن نەخۆشين، ئەم ب ئومێدين دێ ئەڤ زارۆيێن نەخۆش چارە بن چونکو ھەموو نەخۆشان چارەسەریا خوە ھەیە”.

د. عه‌بدولرحمان عه‌بدولا، رێڤەبەرێ سەنتەرێ ژین پێ پەنچەشێرا زارۆيان دیارکر کو بەرى نوکە چو سەنتەرێن تایبەت ل دھۆکێ نەبوون بۆ چارەسەریا نەخۆشان و گۆت: “خەلکێ مە د چوونە مووسل و ھەولێرێ بۆ وەرگرتنا چارەسەريێ ل سالا ٢٠٠٨ ل دھۆکێ دەست پێ ھاتیە کرن، ل سالا 2011ێ سەنتەر ھاتیە دروستکرن نوکە ب شیوەیەکێ باشتر خزمەتا زارۆيێن نەخۆش دھێتە کرن ل دھۆکێ 218 زارۆيێن نەخۆش ھەنە ژ وانا ژی 118 زارۆيان چارەسەریا خوە ب دووماھی ئيناینە و یێن چێبووین ب تنی 100 زارۆ ماینە ئەو ژی یێ ل ژێر چارەسەریێ.

ئاماژە دا وێ چەندێ ژی کو ل جیھانێ 175 ھزار زارۆيێن نەخۆش یێن ھاتینە دەست نیشانکرن ھەلگریێن نەخۆشیا پەنچەشیری نە و 12 جۆرێن نەخۆشیا پەنچەشیرێ ھەنە لێ یا ژ ھەموویان پتر پەنچەشێرا خوینێ یە و گۆت: “ل دھۆکێ دەرمانیێن کیمیاوی یێن ھاتینە دابینکرن ئەم ھەولێن بەردەوام داینە بۆ چارەسەریا ھەموو زارۆيان”.

پەیڤا زارۆيێن نەخۆش ژ لایێ سامان حەسەن ڤە ھاتە خواندن و گۆت: “ئەم ب ھیڤینی نە دێ چارەسەر بين دێ دەست ب ژیانەکا خۆش کەین و سۆپاسیا ساخلەمیا دھۆکێ و دایک و خووشک و برایێن خوە کرن بۆ پشتەڤانیا وان یا بەردەوام ل گەل زارۆيێن نەخۆش”.

177

ئه‌ڤرۆ نيوز:

ل دور چاوانيا ڤه‌كرنا فرۆكخانان بۆ عومرێ، رێڤه‌به‌ريا گشتى يا حه‌ج و عومران ل وه‌زاره‌تا ئه‌وقاف و كاروبارێن ئاينى ل هه‌رێما كوردستانێ كۆنگره‌كێ رۆژنامه‌ڤانى ئه‌نجام دا و تێدا ئاشكه‌را كر كو ده‌ركرنا ڤێ بڕيارێ د به‌رژه‌وه‌ندا وه‌لاتيان دا بوو و ئاشكه‌را ژى كر كو پێشتر ئه‌وان رێگرى ل هه‌موو گه‌شته‌كا وه‌لاتيێن هه‌رێمێ بۆ عومرێ كربوو.

دا زانين ژى كو ئه‌وان خودانێن كۆمپانيان ئاگه‌هداركربوون كو نابيت چو كۆمپانيه‌ك وه‌لاتيان ژ هه‌رێمێ ببنه‌ به‌غدا و ژ وێرێ ببه‌نه‌ سعوديێ بۆ ئه‌نجامدانا فه‌ريزا عومرێ.

نيشاندان1...1,0002,0001,9191,9201,9212,9203,920...4,170زێده‌تر لاپه‌ر 1,920 ژ 4,170
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
72 queries in 0.758 seconds.
WP Facebook Auto Publish Powered By : XYZScripts.com