ئەڤرۆ:
وەزیرێ وەرزش و لاوان ل وەلاتێ ئیسرائیل دیارکر ھەکە ستێرا جیھانی و ھەلبژارتیێ ئەرژەنتین لیونێل میسی ل بەرامبەر ھەلبژارتیێ ئیسرائیل وەکو یاریزانەکێ سەرەکی بکەت ئەو بۆ ھەر خولەکەکێ دێ کوژمەکێ مەزن یێ پارەی پێشکێش وی کەت بۆ وێ چەندێ ل یاریا بەرامبەر ئیسرائیل ل قودس سەرەکی بکەت.
چاڤەرێ دھێتەکرن ل ٩-٦-٢٠١٨ یاریەکا ھەڤالینی دناڤبەرا ئیسرائیل و ئەرژەنتین ل باژێرێ قودس بھێتەکرن و وەزیرێ وەرزش و لاوان ل ئیسرائیل دیارکر ھەکە میسی ل وێ یاریێ وەکو یاریەکێ سەرەکی بکەت ئەو دێ بوو ھەر خولەکەکێ ٥٠ ھەزار دولاران پێشکێشی میسی کەت و ھەردیسان سێ ملیون دولارا ژی دێ پێشکێشی ھەلبژارتیێ ئەرژەنتین کەت بتنێ بوو وێ چەندێ چونکو دێ یاری ل باژێرێ قودس کەن .

ئەڤرۆ نیوز:
راھێنەرێ فرەنسی و یانا ئەرسینال ئەوێ ل وەرزێ ئەڤ سالە پشتی بورینا ٢٢ سالان پوستێ راھێنەریا یانا ئەرسینال ب جە ھێلای دیارکر ئەوی ل ماوێ بوری ھەڤبەستا یانا ریال مەدرید رەتکر بوو.
زێدەتر ئەرسن ڤینگەر بۆ رۆژناما مارکا یا ئیسپانی ئاشکراکر ل دەمێ یانا ئەرسینال یاریگەھا خوە یا نوو دروستکر یانێ داخوازی ژ ئەوی کر ھەڤبەستا خوە بۆ پێنج سالێن دی نوو بکەت و پشتی ئەوی ھەڤبەستا خوە نووکری و ل گەل بوراندنا سالەکێ یانا ریال مەدرید ب فەرمی داخوازی ژ ئەوی کر بوو ئیمزاکرنا ھەڤبەستا یانا مەلەکی لێ ئەو نەشیا خیانەتێ ل یانا خوە ئەرسینال بکەت ھەر چەندە ئەوی حەزا وەگرتنا راھێنەریا ریال مەدرید ھەبوو نە بتنێ ئەوی بەلکو ھەر راھێنەرەک حەز دکەت پوستێ راھێنەریا یانەکا وەکو ریال مەدرید وەربگریت.
ھەردیسان ناڤبری دیارکر ژی ل ماوێ چەند سالێن بوری ل دەمێ ل گەل یانا ئەرسینال ئەوی گەلەک ھەڤبەست رەتکری نە ژبوو خاترا ئەرسینال ھەر چەندە دبیت چەند کەس باوەرنەکەن ژی لێ ئەڤە راستی یەکا کو ھەڤبەستێن ئەوان یانا ژ یێن ئەرسینال بلندتربوون لێ وی نەڤیا خیانەتێ ل ئەرسینال بکەت.

ئەڤرۆ:
گولچیێ یانا مانچێستەر یوناید و ھەلبژارتیێ ئەرژەنتین سێرجیو رومێرو توشی ھنگافتنەکا گران بوو پێشبینی دھێتەکرن بۆ ماوەکێ درێژ ژ یاریگەھان دورکەڤیت و ستاڤێ راھێنەریا ھەلبژارتیێ ئەرژەنتین دیارکریە ئەو نەشێت بۆ موندیالێ پشکداری ل گەل ئەوان بکەت و ل جھێ وی گولچیەکێ نوو داخوازی پێکھاتیێ ھەلبژارتیێ ئەرژەنتین کریە .
رۆژنامەیێن ئەرژەنتینی دیارکریە راھێنەرێ ھەلبژارتیێ ئەرژەنتین سامپاولی گولچیێ یانا تێگریس یا مەکیسکی ناویل گوزمان داخوازی پێکھاتیێ ھەلبژارتیێ ئەرژەنتین کریە ل جھێ رومێروی ئەوێ ل شەڤا بوری توشی ھنگافتنەکا گران بووی و ئەوان رۆژناما ئاشکراکریە ژی راھێنەرێ ھەلبژارتیێ ئەرژەنتین نوکە کەڤتیە ئاریشەکا مەزن دا ژبەرکو ئەوی پشت بەستنەکا مەزن ل سەر گولچیێ یانا مانچستەر یوناید رومێروی کربوو ژبەرکو ھەردو گولچیێن وی یێن دی ھەر ئێک ژ ویلی کابێرو یێ یانا چێلسی بتنێ دو یاریێن نیڤدەولی ھەنە و فرانکو ئارمانی ژ رێڤەرپلێت ھەتا نوکە چو یاریێن نیڤدەولی نین و ئەڤ چەندە دێ بیتە ئاریشەک د موندیالێ دا لەورا ئەوی ناویل گوزمان داخوازکریە کو بەری نوکە ئەو ھاتبوو داخوازکرن و ئەوی ژی بتنێ ئێک یاری کریە ئەوژی ل سالا ٢٠١٥ بوو بەرامبەر ھەلبژارتیێ سنگافورا و چاڤەرێ دھێتەکرن ل یاریا بھێت یا ھەلبژارتیێ ئەرژەنتین بەرامبەر ھایتی ل ٢٩ ڤێ ھەیڤی وەکو گولچیەکێ سەرەکی یاری بکەت .

سێرجیو رومێرو

ناویل گوزمان 

ئەڤرۆ:
یاریزانێن ھەر سێ یانێن بەرشەلۆنا و ئەتلەتیکو مەدرید و ریال مەدرید کونترولا باشترین پێکھاتیێ سالێ ل خولا ئیسپانیا بوو وەرزێ ئەڤ سالە کر کو دەە یاریزان ژ ھەر سێ یانان دناڤا باشترین پێکھاتیێ سالێ دابوون کو چار ژ ئەوان یێن یانا بەرشەلۆنا بوون و ھەر ئێک ژ یانا ریال مەدرید و ئەتلەتیکو مەدرید سێ یاریزان بوون .
مالپەرێ ھو سکورد یێ ئیسپانی باشترین پێکھاتیێ سالێ یێ وەرزێ ٢٠١٧-٢٠١٨ یێ خولا ئیسپانیا بەلاڤەکر و تێدا ھەر سێ یانێن خودانێن رێزا ئێکێ و دوێ و سێ کونترولا پێکھاتیێ سالێ کر کو دەە یاریزان ژ ئەوان ھاتنە ھەلبژارتن و یاریزانەک ژ یانا سالتاڤیگو .
پێکھاتیێ سالی ژی ھەر ئێک ژ گولچیی ئوبلاک ژ یانا ئەتلەتیکو مەدرید و ھێلا بەرەڤانیێ یاریزانێن یانا ریال مەدرید ل گەل دا نەبوون ئەوژی ھەر ئێک ژ پیپی و سێرجیو روبێرتو ژ بەرشەلۆنا و ھێرناندێز و دڤید لویز ژ ئەتلەتیکو مەدرید و ل ھێلا ناڤین کوتینھنو ژ بەرشەلۆنا و کروس و کاسمێرۆ ژ ریال مەدرید و ئەسپاس ژ سالتاڤیگو، ھێلا ھێرشبەریێ مێسی بەرشەلۆنا و رونالدو ژ ریال مەدرید .