ئه‌ڤرۆ نيوز:
زاخۆ 1.5 ملم
ئاكرى 0.8 ملم
بارزان 0.6 ملم
ده‌ربه‌ندیخان 0.2 ملم
مه‌یدان 0.4 ملم
دینارته 0.2 ملم
پێنجوێن 0.2 ملم
ماوه‌ت 0.4 ملم
مێرگەسۆر 0.2
بارانا 12 ده‌مژمێرێن بوورى
نووترين نووچه
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
سه‌ره‌كى Twitter
عه‌مار حه‌كيم چ گوته شاندێ پارتى
جێگرێ پارێزگه‌رێ دهۆكێ سه‌ردانا پرۆژێن ئاڤاهیێن نه‌خشه‌دانانا ئاڤاهیان و به‌لێنده‌ران كر
ئه‌ڤرۆنيوز:
سپێده‌يا ئه‌ڤرۆ سێشه‌مبى 22/5/2018 ئوسمان یونس، جێگرێ پارێزگه‌رێ دهۆكێ دگه‌لدا سه‌رۆكێ ئه‌ندازیاران و هژماره‌كا ئه‌ندازیاران سه‌ره‌دانا پرۆژێ ئاڤاهیێ لقێ دهۆك یێ سه‌ندیكا به‌لێنده‌رێن كوردستانێ دا , رووبه‌رێ ئاڤاهی 525م2 و تا نوكه رێژا بجهینانێ گه‌هه‌شتیه 40% و حوكمه‌تا هه‌رێما كوردستانێ كوژمێ 580 ملیۆن دیناران بۆ تمامكرنا دو نهومان ته‌رخانكریه.
ددوڤدا سه‌ره‌دانا پرۆژێ ئاڤاهیێ رێڤه‌به‌ریا نه‌خشه‌دانا ئاڤاهيان دا و سه‌حكره قوناغێن كاری دپرۆژه‌ی دا ، پرۆژه ل سه‌ر رووبه‌رێ 1400م2 دهیته ئاڤاكرن و كوژمێ 2 ملیار و 411 ملیۆن دیناران ژلایێ حوكمه‌تا هه‌رێمێ ڤه هاتیه ته‌رخانكرن ورێژا 100% يا كارى ب دووماهى هاتيه.
دداخۆیانیه‌كێ جێگرێ پارێزگه‌رێ دهۆكێ ل دۆر ئارمانجا سه‌ره‌دانێ گۆت” ئارمانج ئه‌وه ئاگه‌ه ژ كێم و كاسی و پێدڤیێن ڤان پرۆژان هه‌بیت و ئه‌وا پێدڤی بیت بۆ هاریكاری كرنا تیمێن كاری بهێته كرن ,راستی دڤان پرۆژان دا كارێ باش يێ هاتیه كرن و ده‌ست خوه‌شیێ ل تیمێن كاری دكه‌ین”.
فازڵ میرانی:ل گه‌ل مالكى گه‌هشتينه چه‌ند خالێن هه‌ڤپشك
ئه‌ڤرۆنيوز:
بۆ دانوستاندنێن ل سه‌ر پێكئينانا حوكمه‌تا عيراقێ يا نوو، شاندێ پارتى ديموكراتى كوردستان سه‌ره‌دانا به‌غدا كر ول گه‌ل موقته‌دا سه‌در ونورى مالكى وعه‌مار حوكيم كۆمبوويه وبرياره ئه‌ڤ شه‌ڤه ل گه‌ل هادى عامرى ژى كۆمبيت.
پشتى كۆمبوونێ ل گه‌ل نورى مالكى، سه‌رۆكێ ليستا ده‌وله‌تا قانوونێ، فازل ميرانى سه‌رۆكێ شاندێ پارتى راگه‌هاند، ل دۆر پێكئينانا حوكمه‌تا داهاتى يا عيراقێ ل گه‌ل مالكى گه‌هشتينه چه‌ند خاله‌كێن هه‌ڤپشك.
دكۆنفرانسه‌كێ رۆژنامه‌ڤانى يێ هه‌ڤپشك، نورى مالكى سه‌رۆكێ ليستا ده‌وله‌تا قانوونێ گۆت” ئه‌ڤرۆ مه پێشوازى ل برايێ به‌رێز فازل ميرانى وشاندێ دگه‌لدا كر ژ برايێن پارتى ديموكراتى كوردستان، ب مه‌ره‌ما دانوستاندنێ ل دۆر پرۆسا سياسى وئه‌و پێشهاتێن كو پشتى ئه‌نجامدانا هه‌لبژارتنان ده‌ست دكه‌ڤن، بۆ ده‌ستپێكا قۆناغه‌كا نوو وپه‌ره‌پێدانا پرۆسا سياسى”.
نورى مالكى گۆت ژى” دانوستاندن ل سه‌ر بيروبۆچوونان هاتن كرن كو دهه‌ڤپشك بوون، ئه‌وا ل بۆرى رووداى وئه‌وێن پێدڤيه ل داهاتى ژا دا بده‌ستڤه‌بهێن دناڤبه‌را مه وهه‌موو برايێن مه ژ ليست وهه‌ڤپه‌يمانيان وپێكهاتان، ئه‌ڤه ئه‌و ره‌وشا ئه‌رێنى بوو كو دكۆمبوونان دا هه‌بوو، پشتى رايێن ڤى شاندێ به‌رێز كۆمبوونێن خوه ل گه‌ل هه‌ڤپشكێن دى يێن پرۆسا سياسى ب دووماهى دئينن، دێ هه‌ڤدو بينين ژبۆ جێگريكرنا خالێن سه‌ره‌كى يێن لێكتێگه‌هشتنا هه‌ڤپشك”.
مالكى خوياكر” هه‌لبژارتن هاتن ئه‌نجامدان وئه‌نجام ده‌ركه‌فتن ل گه‌ل هه‌بوونا ه‌ند تانه‌يه‌كا كو ئه‌وژى دێ ژلايێ كۆمسيۆنێ ڤه هينه چاره‌كرن، ئه‌م نوكه ل به‌رده‌م قۆناغه‌كا دى نه، كو قۆناغا پێكئينانا حوكمه‌تێ يه، ل ڤێرێ پێدڤيه به‌حسێ تێروانينا هه‌ڤپشك مه بكه‌ين ل گه‌ل برايێن پارتى ديموكراتى كوردستان وبرايێن كوردستانێ”.
ژلايێ خوه‌ڤه، فازل ميرانى راگه‌هاند كو ل گه‌ل مالكى گه‌هشتينه چه‌ند خاله‌كێن هه‌ڤپشك ل دۆر بزاڤێن پێكئينانا حوكمه‌تا عيراقێ.
فازل ميرانى دياركر ژى” ئارمانجا مه پله وپۆست نينن ل عيراقێ، مه دڤێت دامه‌زراوێن ده‌وله‌تێ دروست بكه‌ين”.
پارتی دێ خوە نێزیکی وێ لیستێ کەت یاکو سۆزێ بدەت دستۆری جێبەجێ بکەت
ئەڤرۆ نیوز ، زنار تۆڤی :
ئەڤرۆ سێشەمبی 22 گولانا 2018 شاندەکێ مەکتەبا سیاسی یا پارتی سەرەدانا بەغدا کریە و ل گەل چەندین لایەنێن عێراقی کۆمبووینە و د ڤی واری دا ئەحمەد مایی سکرتێرێ رۆژنامەڤانی یێ مەکتەبا سیاسی یا پارتی دیموکراتی کوردستان بۆ مالپەرێ ئەڤرۆ نیوز گوت : مەرەم ژ سەرەدانا شاندێ پارتى دیموکراتی کوردستان بۆ بەغدا ئەو بوویە ، کو ئەو شاند كۆمبوونێ ل گەل وان لايەنان بکەت یێن کو د هەلبژارتنێن پەرلەمانێ عێراقێ دا سەركەفتين و دیسا چوونا شاندێ پارتی ل دۆر چاوانیا پێكئينانا حوکمەتا داهاتی یا عێراقێ بوویە و دیسا پشکداریا هەرسێ لايەنێن سەرەکی ل عێراقى وەکو كورد و شيعه و سنە یان و پاراستنا دەستكەفتێت گەلێ كوردستانێ.
ناڤهاتی ئەو ژی گوت : هندى پێدڤی بکەت دێ شاندێن پارتى سەرەدانا بەغدا كەن ، هەروەسا پارتى دیموکراتی کوردستان دێ خوە نێزيكی وێ ليستێ كەت ، ياكو سۆزێ بدەت كو دستورى جێبەجێ بكەت بتايبەتی جێبه جێكرنا مادێ ١٤٠ یێ دستۆێ عێراقێ و هەروەسا بەلانس د سۆپايێ عێراقێ دا بهێته پاراستن و پشکداریا كوردستانێ د سۆپايێ عێراقێ دا لدووڤ رێژا پێشتر بیت یا کو ل سالا ٢٠٠٥ ل هەڤ هاتن تێدا هاتیە کرن ، کو رێژا كوردستانێ ٢٠٪ بيت و دیسا شەراكەت د حوکمەتێ دا شەراکەتەکا راستەقینە بين و نەکو کورد وەلاتیێن پلە دوو بن و هەروەسا پاراستنا تەوافوقێ د پەرلەمانێ عێراقێ دا هەموو مافێن گەلێن عێراقێ ب پارێزيت.
سه‌در ل گه‌ل كوردایه
ئه‌ڤرۆ نیوز:
ئه‌ڤرۆ شانده‌كێ پارتى دیموكراتى كوردستان ب سه‌رۆكاتیا فازل میرانى گه‌هشتیه به‌غدا و ل گه‌ل موقته‌دا سه‌در رێبه‌رێ بزاڤا سه‌در و سه‌رۆكا لیستا سائیرون و هه‌روه‌سا ل گه‌ل نورى مالكى سه‌رۆكێ هه‌ڤپه‌یمانیا ده‌وله‌تا قانوونێ كۆم بوو، موقته‌دا سه‌در راگه‌هاند، پێدڤیه حوكمه‌تا بهێت هه‌موو كێشێن هه‌لاویستى ل گه‌ل برایێن كورد چاره‌سه‌ر بكه‌ت.
میرانى راگه‌هاند” بۆ به‌رژه‌وه‌ندیێن ملله‌تێ خوه، ئه‌م یێن چووینه به‌غدا، كورد و عه‌ره‌ب د هه‌ڤپشكن د برێڤه‌برنا عیراقێ دا، ئه‌م یێن هاتین بۆ چه‌سپاندنا مافێن گه‌لێ كورد، ئه‌م یێن هاتین بۆ چاره‌كرنا كێشێن ماینه هه‌لاویستى، مه دڤێت ل گه‌ل عیراقێ رێككه‌ڤین، بۆ وێ یه‌كێ مافێن مه بهێنه چه‌سپاندن و وه‌كو نه‌ته‌وا دوێ پێدڤیه ل سه‌ر وان مافێن مه بده‌نه مه”.
فازل میرانى ئاماژه ب وێ یه‌كێ كر كو ئه‌و دێ ل گه‌ل لایه‌نێن عیراقى یێن شیعه و سوونه و لایه‌نێن دى دێ كوم و گۆت: ئه‌و نوكه پشته‌ڤانیێ ل چو كه‌سه‌كێ ناكه‌ن و له‌زێ ژى ناكه‌ن، ئه‌م دێ پشته‌ڤانیێ ل وى لایه‌نى كه‌ین، یێن داخوازیێن ملله‌تێ كورد قه‌بوول دكه‌ت و میكانزمێ ژى بۆ قه‌بوولكرنێ دانبیت، چونكه ل هه‌ولێرێ ژى كوردان رێككه‌فتن ل گه‌ل ئاغایێ مالكى كر، پاشێ هه‌ر ما كاغه‌ز و خوبر، له‌وا ئه‌م ل گه‌ل رێككه‌فتنێ داخوازا میكانزمێ ژى دكه‌ین، و ب بوچوونا مه پێدڤیه ئه‌نجوومه‌نه‌كێ فیدرالى بهێته دروستكرن كو ئه‌و ئه‌نجوومه‌ن ببیته مه‌رجه‌عه‌ك بۆ هه‌ر میكانزمه‌كێ.
ئيران:موقته‌دا سه‌در دۆستێ مه‌يه
ئه‌ڤرۆنيوز:
باليۆزێ ئيرانێ عيراقێ راگه‌هاند، په‌يوه‌نديێن دناڤبه‌را به‌رپرسێن ئيرانى وموقته‌دا سه‌در دئاسايى ودۆستانه‌نه، گه‌له‌ك ژوان به‌رپرسان ژى، ب قاسم سلێمانى ژى ڤه، رێزه‌كا تايبه‌ت ل سه‌درى دگرن.
ئيره‌ج مه‌سجدى، باليۆزێ ئيرانێ ل به‌غدا، بۆ ئاژانسا ئيرنا يا ئيرانى يا ده‌نگوباسان گۆت” ئيران پيرۆزباهيێ ل وان لايه‌نێن سياسى دكه‌ت كو ب ده‌نگێ گه‌لێ خوه گه‌هشتينه په‌رله‌مانى”.
مه‌سجدى گۆت ژى” سه‌در ئێك ژ دۆستێن نێزيك وكاريگه‌رن ل عيراقێ، ئه‌و داخۆيانيێن به‌حسێ ناكۆكيێ دناڤبه‌را ئيرانێ وسه‌درى دكه‌ن، چو بنه‌مايه‌ك بۆ نينه”.
ئاماژه دا” په‌يوه‌نديێن دناڤبه‌را به‌رپرسێن ئيرانى وموقته‌دا سه‌دردئاسايى ودۆستانه‌نه، گه‌له‌ك ژ وان به‌رپرسان، ب قاسم سلێمانى ژى ڤه، رێزه‌كا تايبه‌ت ل سه‌درى دگرن”.
ل دووڤ هنده‌ك ده‌نگوباسێن رۆژنامه‌ڤانى، موقته‌دا سه‌در، رێبه‌رێ ره‌وتێ سه‌در وهه‌ڤپه‌يمانيا سائيرون ل رۆژا پێنجشه‌مبيا بۆرى ده‌ليڤا 48 ده‌مژمێران ب قاسم سلێمانى، فه‌رماندێ له‌شكرێ قودس يێ ئيرانى دايه تاكو ژ عيراقێ ده‌ركه‌ڤيت، به‌لێ باليۆزێ ئيرانێ ل عيراقێ ئه‌ڤ ده‌نگوباسه ره‌تكرن.
بزاڤا كێمكرنا بهايێ پانزينێ دهێته كرن
ئه‌ڤرۆنيوز:
قايمقامێ قه‌زا هه‌ولێرێ، ل دووڤ مالپه‌رێ فه‌رميێ پارتى، راگه‌هاند، ئه‌گه‌رێ پيچه‌ك بلندبوونا بهايێ پانزينێ بۆ وێ چه‌ندێ ڤه‌دگه‌ريت كو بهايێ په‌ترۆلێ ل جيهانێ يێ بلند بووى ول ده‌رڤه ژى بهايێ پانزينێ يێ بلند بووى، له‌وما ل هه‌رێما كوردستانێ ژى 25 دينار ل سه‌ر هه‌ر ليتره‌كێ زێده‌بووينه. دياركر ژى كو پارێزگه‌رێ هه‌ولێرێ يێ ددانوستاندنێن به‌رده‌وام دا ل گه‌ل به‌غدا بۆ وێ چه‌ندێ وه‌كو پارێزگه‌هێن عيراقێ بهايێ پانزينێ بهێته كيێمكرن.
ل عيراقێ بهايێ لترا پانزينێ 450 دينارن ول هه‌رێما كوردستانێ چونكى پانزينێ بازرگانى يه ب 675 ديناران بوو، نوكه بۆ 700 ديناران بلند بوويه وپانزين ل عيراقێ ل سه‌ر هه‌موو پارێزگه‌هان دهێته به‌لاڤكرن ژبلى هه‌رێما كوردستانێ.
نه‌به‌ز عه‌بدولحه‌ميد، قايمقامێ قه‌زا ناڤه‌ندا هه‌ولێرێ بۆ مالپه‌رێ پارتى گۆت” دو ئه‌گه‌ر يێن هه‌ين بۆ بلندبوونا بهايێ پانزينێ ل هه‌ريما كوردستانێ، ئه‌وژى بلندبوونا بهايێ په‌ترۆلێ وپانزينێ ل توركيا وئيرانێ، چونكى بلندبوونا بهايێ په‌ترۆلێ كاريگه‌ريا كريه سه‌ر هه‌موو به‌رهه‌مێن په‌ترۆلێ، له‌وما ل هه‌رێما كوردستانێ ژى بهايێ پانزينێ 25 ديناران بلندبوويه”.
گۆت ژى” نوكه پاريزگه‌رێ هه‌ولێرێ ل گه‌ل به‌غدا ددانوستاندنێن به‌رده‌وام دايه بۆ وێ چه‌ندێ پشته‌ڤانيا وان بده‌ستڤه‌بينيت وپانزينێ بۆ هه‌رێمێ ژى وه‌كو پاريزگه‌هێن دى يێن عيراقێ ب هنێريت، وى ده‌مى بهايێ پانزينێ وه‌كو پاريزگه‌هێن دى يێن عيراقێ دێ ئه‌رزان بيت”.
سەرۆک بارزانی په‌يامه‌كێ ئاراسته‌ى سه‌رۆكێ فلستينێ دكه‌ت
ئه‌ڤرۆنيوز:
ژئه‌گه‌رێ تێكچوونا ره‌وشا ساخله‌ميا سه‌رۆكێ فلستينێ، سه‌رۆك بارزانى په‌يامه‌ك ئاراسته كر.
هيمن هه‌ورامى، به‌رپرسێ كاروبارێن سياسى وپه‌يوه‌نديێن گشتى ل نڤيسينگه‌ها سه‌رۆك بارزانى، دبه‌رپه‌رێ خوه دا ل سه‌ر تۆرا فه‌يسبووكى به‌لاڤكر كو پشتى ل چه‌ند رۆژێن بۆرى ره‌وشا ساخله‌مى يا مه‌حوود عه‌باس سه‌رۆكێ فلستينێ تێكچووى ونه‌شته‌رگه‌رى بۆ هاتيه ئه‌نجامدان، ل سه‌ر فه‌رمانا سه‌رۆك بارزانى، پشتى نيڤرۆيا ئه‌ڤرۆ 22/5/2018 سه‌ره‌دانا كونسۆلێ گشتيێ فلستينێ ل هه‌ولێرێ كر.
هه‌ورامى رۆهنكر ژى كو وى په‌ياما سه‌رۆك بارزانى وژنێزيك ئاگه‌هداربوون ل ره‌وشا ساخله‌مى يا مه‌حموود عه‌باس گه‌هاند وگۆت” مه هيڤى خواست خودێ مه‌زن شيفايا خێرێ بده‌ت”.
دياركر ژى” كونسۆلێ فلستينێ سۆپاسى وپێزانين بۆ په‌ياما سه‌رۆك بارزانى هه‌بوو ودووپاتكر كو گه‌ل وحوكمه‌تا فلستينێ به‌رده‌وام سه‌رۆك بارزانى ب رێبه‌ر وره‌مزێ دۆزا ره‌وا يا گه‌لێ كوردستانێ دهژمێرن”.
فه‌رسه‌ت سۆفى:هنده‌ك لايه‌ن ناخوازن پرۆژێ چاكسازيا مووچه‌ى وخانه‌نشينيێ په‌سه‌ند بيت
ئه‌ڤرۆنيوز:
ئه‌ندامێ په‌رله‌مانێ كوردستانێ ژ فراكسيۆنا پارتى، فه‌رسه‌ت سۆفى، راگه‌هاند، هنده‌ك لايه‌ن رێگرن ل به‌رده‌م په‌سه‌ندكرنا پرۆژێ قانوونا چاكسازيێ دمووچه‌ى وخانه‌نشينيێ دا.
فه‌رسه‌ت سۆفى دداخۆيانيه‌كێ دا گۆت” ئه‌م بۆ هه‌فتيه‌كێ ده‌ليڤێ دده‌ينه وان لايه‌نان هه‌كه هه‌ر به‌رده‌وامبن ل رێگريێ ل په‌سه‌ندكرنا وێ پرۆژه قانوونێ، دێ بۆ رايا گشتى به‌لاڤكه‌ين كا كينه ئه‌و لايه‌نێن رێگريێ دئێخنه به‌رده‌م په‌سه‌ندكرنا وى پرۆژه‌ى”.
نيشاندان
WP Facebook Auto Publish Powered By : XYZScripts.com