زاخۆ،ھشیار دوبانکی:

چاڤەرێ دھێتەکرن ئەڤرۆ ل دەمژمێر چار و نیڤ ئێڤاری ل یاریگەھا نەجەف تیما تەپا پێ یا زاخۆ ئەوا پشکدار دخولا عیراقێ دا بیتە مێڤانا تیما یانا نەجەف ژ چارچوڤێ یاریێن گەرا ٢٧ ژ قوناغا دوێ کو تیما زاخۆ بوو ماوێ حەفتیەکێ یە ل باژێرێ بەغدایە ب مەرەما ھەردو یاریێن خوە یێن یێن گەرا بیست شەش و بیست حەفتێ بەرامبەر زەورا و نەجەف .

شارەزایەکێ تەپا پێ ل باژێرێ زاخۆ وەسا دبینت ئەرکێ یانا زاخۆ ب زەحمەت کەفتی یە و دەلیڤەیا ھەرە مەزن ئەو بوو زاخۆ پێدڤی بوو مفای ژ یاریگەھا خوە بینت لێ زاخۆ ل وەرزێ ئەڤ سالە نەشیا مفای ژ ئەرد و جەماوەرێ خوە بینت و خالێن ب سانەھی ل ناڤا یاریگەھا خوە ژ دەست دان و یاریێن بھێت یێن یانا زاخۆ ب زەحمەتن ژبەرکو ل گەل ئەوان تیمانە ئەوێن ھەڤرکیا رێزێن پێشی و چەندێن دی بوو مانا خوە ئەڤ چەندە ژی بوو زاخۆ یا ب سانەھی نابیت.

زێدەتر حەکیم حاجی دبێژیت: ژ دەستدانا ھەر خالەکێ ل یاریێن بھێت دێ مەترسی ل سەر زاخۆ زێدە لێ ھێت ژبەرکو یاری بوو یاری ھەڤرکیێن وێ یێ ژ وێ دورکەفن و ل سەر زاخۆ پێدڤی یە ل شەش یاریێن یاریگەھا خوە ھەر چو نەبیت پێنج سەرکەفتنا توماربکەت دا رەوشا وێ باشتر لێ بھێت .

ل دووماھیێ دیارکر ژی بوو یاریا ئەڤرۆ دبینت ئەرکێ زاخۆ دێ گەلەک یێ ب زەحمەت بیت ژبەرکو تیما نەجەف ژ تیمێن ب ھێزە ل ناڤ ئەرد و جەماوەرێ خوە و تایبەت ل قوناغا دوێ رەوشا ئەوێ بەر ب باشی ڤە چوویە و نوکە ھەڤرکیێ دکەت بوو سەرێ لیستا خولێ ھەردیسان چەند یاریزانێن زاخۆ ماندیبوونەکا مەزن ل دەڤ ھەیە کو د حەفت رۆژان دا سێ یاریا ئەنجام دەن و دێ کارتێکرنەکا مەزن ل سەر ئاستێ ئەوان یێ ھونەری کەت.

ئەڤرۆ نیوز:
یانا بەرشەلونە یا ئسپانی د بەیان نامەکا فەرمی دا رێژا ھنگافتنا یاریزانێ خوە یێ فرەنسی عسمان دێمبلی ئاشکەراکر.
دێمبلی ل دەستپێکا نیڤا دویێ ل یاریا ھەمبەر ریال سوسیداد ل یاریا گەرا دووماھیا خولا ئسپانیا یاریگەھا ب جە ھێلا ب ئەگەرا ھنگافتنێ.
زێدەتر ل دور ڤی بابەتی یانا بەرشەلونە خویاکریە کو ھنگافتنا دێمبلی نە گەلەک یا مەزنە و تنێ چاڤدێریا نوشداری بو دڤێت داکو بەرھەڤیا وی بو یاریێن دووماھیا موندیالێ بھێتە دوپاتکرن.
زێدەتر ل دور ڤی بابەتی روژناما موندو دیبوریڤو دوپاتکریە کو ماوێ دوورکەفتنا ڤی یاریێ دێ دو حەفتی ھەتا ٣٠ روژان بیت و پشکداریا وی د موندیالا روسیا دا یا مسوگەرە.
دھێتە زانین ئەف یاریزانە ل دەمێ ئاھەنگ گێرانا یانا بەرشەلونە ب ھەلکەفتا برنا ھەردو ناسناڤێن نافخوی ھاتە دیتن و رێڤەچون ب شێوەکێ سروشتی دکر.

ئەڤرۆ نیوز:
ستێرا یانا مانچستەر یونایتد یا ئنگلیزی ئاماژەکرە دەلیڤا چونا خوە بو ناڤا پێکھاتیێ یانا پاریس سان جێرمان یا فرەنسی و زێدەتر کومێنتا وان گوتگوتکێن نێزیکبونا وی بو ڤێ یانێ کرن.
زێدەتر بول بوگبا دداخویانیەکێ دا بو تورا کانال بلس خویاکر د شیاندا نینە دانوستاندنێ ل سەر پاشەروژا خوە بکەت چونکو بوچون و رودان دھێنە گوھورین تایبەت یێن گرێدای ھەڤبەستا وی ل گەل یانا مانچستەر یونایتد.
ل دور پەیوەندیێن خوە ل گەل راھێنەرێ تیمێ یێ پرتوگالی جوزێ مورینھوی ئاماژەکر کو ل ھندەک یاریان وەکو یێ سەرەکی پشکداری پێ دکر و جاران ژی یەدەک بوو و ھەر جارەکێ چاڤدێر و روژنامەیان ب شێوەکی ئەف چەندە شروڤە دکر و ئەوا دورست راھێنەری مافێ دەستنیشانکرنا پێکھاتەکێ گونجی یێ ھەی و پەیوەدیێن وی ل گەل راھێنەری نە یێن ھەڤالینیێ نە و ل دەمێ ئەو ل گەل یەدەکا دھاتە دانان وی ل ناڤا یاریگەھێ ب ئاستێ خوە یێ بلند بەرسڤا وی ددا.
دیسان ئەوژی ئاشکەراکر ل سەردەمێ مورینھوی نیشانا کاپتنیێ پێ ھاتە دان بو جارا ئێکێ د دیروکا وی دت ل ڤێ یانا ئنگلیزی و ئەف چەندە بو ھاندەر ئاستێ خوە زێدەتر پێشبێخیت و دێ یا ب مفا بیت بو ناڤا پێکھاتیێ فرەنسی ژی.
ل دووماھیێ ل دور بابەتێ چونا وی ل پاشەروژێ بو یانا پاریس سان جێرمان دیارکر حەز دکەت ل بن روناھیا یاریگەھا پاریس سان جێرمان یاریێ بکەت، لێ نە ل ناڤا پێکھاتیێ یانا پاریس سان جێرمان چونکو بو وی یا گونجای نینە و زێدەتر دایک و بابێن وی پشتەڤانێن یانا مارسیلیا نە.

ئەڤرۆ نيوز:
پشتی بورینا ٢٢ سالان راھێنەرێ فرەنسی و یانا ئەرسینال ئەرسین ڤێنگر ب فەرمی پوستێ راھێنەریا یانا ئەرسینال ل وەرزێ ئەڤ سال ب جە ھێلا و ماوەکێ درێژە چەندین ناڤ بوو پوستێ راھێنەریا یانا ئەرسنال یا نوو ھاتینە بەلاڤەکرن و چەند رۆژنامەیێن برێتانی وەسا دابوونە دیارکرن یانا ئەرسینال دێ ھەڤبەستێ ل گەل یاریزانێ خوە یێ ئیسپانی یێ بەری نوکە ئارتیتا و ھاریکارێ راھێنەرێ یانا مانچستەر سیتی پیپ گواردیولا ئیمزاکەت .
رۆژناما ئەلکترونی ئیفینگ ستاندرد یا لەندەنی ئەڤرۆ دەنکوباسەک دور ژ ھەموو پێشبینیا بەلاڤەکر و تێدا دیارکر راھێنەرێ ئیسپانی و یانا پاریس سانجێرمان ئونای ئێمری گەھشتی یە باژێرێ لەندەن بوو دەست ب دانوستاندنان ل گەل بەرپرسێن یانا ئەرسینال ب مەرەما وەرگرتنا پوستێ راھێنەریا یانا لەندەنی بوو وەرزێ ٢٠١٨-٢٠١٩ .
ھەردیسان دیارکریە ژی ئەڤرۆ ئێمری ب رێیا فروکخانەیا پاریس بەر ب لەندەن چوویە و ھەردیسان ھەر دوھی ل گەل بەرپرسێن یانا ئەرسینال کومبوویە بوو وەرگرتنا پوستێ راھێنەریا یانێ و راھێنەرێ ئیسپانی ژی چەند مەرج ھەنە داناینە بەرامبەر کارگێریا یانا ئەرسینال و دھێتە چاڤەرێکرن ھەردو لایەن ل سەر خالێن ھەڤبەسێ پێک بھێن ژبەرکو ھەردو لایەن نێزیکی ئیکن.
ئەوێ رۆژنامێ ئاشکرایە ژی ئارتیتا کو گەلەک نێزیکی ئیمزاکرنا ھەڤبەستا یانا ئەرسینال ببو پشتی ئارتیتا رازەمەندیا پیپ گواردیولای ژی وەرگرتی لێ پشتی پاریس ھەڤبەستا ئێمری ھەلوەشاندی یانا ئەرسینال بریارا خوە گوھوری و ھزر ل ئینانا راھێنەر پاریس سانجێرمان کر ژبەرکو شارەزایەکا باشتر ھەیە .
ھەژی گەتنێ یە ئونای ئێمری راھێنەرێ ئیسپانی ل گەل یانا پاریس سانجێرمان ل دو وەرزێن بوری حەفت ناسناڤ ب دەستخوڤە تومارکربوون لێ د قارەمانیێن ئورۆپی دا نەشیابوو چو دەستکەفتیا بوو یانا پاریس ب دەستخوڤە بینت کو ل قوناغا ١٦ ل سەر دەستآ بەرشەلۆنا ژ قارەمانیێ ھاتبوو دەرێخستن ل ٢٠١٦-٢٠١٧ و ل قارەمانیا ئەڤ سالە ل سەر دەستێ ریال مەدرید ل قوناغا ھەشتێ .