ئه‌ڤرۆنيوز:

سه‌رۆك بارزانى ئه‌ڤرۆ دوشه‌مبى 21/5/2018  ل گه‌ل هه‌موو به‌ربژارێن ليستا 184 يا پارتى كۆمبوو وتێدا گۆتاره‌ك پێشكێشكر ورۆناهى خسته‌ سه‌ر ره‌وشا سياسى وهه‌روه‌سا قۆناغێن به‌رى ريفراندۆمێ وروودانێن پشتى ريفراندۆمێ وسوپاسيا خوراگريا پێشمه‌رگه‌ى وگه‌لێ كوردستانێ كر ل قۆناغێن سه‌خت ودژوار دا.

سه‌رۆك بارزانى ده‌ستخوه‌شى ل هه‌موو كادر وئه‌ندام ولايه‌نگر وته‌خێن جودا وگه‌نجێن دناڤ پارتى دا ل ناڤخوه‌ وده‌رڤه‌ كر كو هه‌موو ب ئێك ده‌نگ وب گيانه‌كێ هه‌ڤپشك كار بۆ سه‌رخستنا ليستا پارتى دهه‌لبژارتنێن جڤاتا نوونه‌رين عيراقێ دا كر.

سه‌رۆك بارزانى به‌رچاڤكر كو سه‌ره‌راى هه‌بوونا رێگرى وئاسته‌نگان بۆ وێ چه‌ندێ ليستا پارتى ده‌نگان نه‌ئينيت، به‌لێ جه‌ماوه‌رێ پارتى ب ئيراده‌كا بلند شيان سه‌ركه‌فتنێ بده‌ستڤه‌بينن ول ئاستێ كوردستانێ وعيراقێ وده‌رڤه‌ى وه‌لاتى پارتى حزبا ئێكێ ده‌رچوو وئه‌و ژى بۆ وێ چه‌ندێ ڤه‌دگه‌ريت كو پارتى خودان دوزه‌.

سه‌رۆك بارزانى دگۆتارا خوه‌دا ئاماژه‌ كر كو پارتى ل هه‌موو ئه‌زموونان ب سه‌ربلندى ده‌رچوويه‌، پارتى بۆ وێ چه‌ندێ نه‌هاتيه‌ دامه‌زراندن ململانێ ل گه‌ل لايه‌نان بكه‌ت، به‌لكو هاتيه‌ دامه‌زراندن دا به‌رگريێ ژمافێن گه‌لێ كوردستانێ بكه‌ت، هه‌روه‌سا سه‌ركه‌فتن بۆ وان كه‌سانه‌ يێن باوه‌رى ب دوزا ره‌وا يا گه‌لێ خوه‌ هه‌ى ونابيت ملله‌ته‌ك بهێته‌ چه‌وساندن ونوونه‌رێن وى هزر د پله‌ وپۆست وده‌ستكه‌فتان بكه‌ن، له‌وما پێدڤيه‌ ئارمانجا سه‌ره‌كى يا نوونه‌رێن پارتى ل به‌غدا به‌رژه‌وه‌نديێن بلند يێن ملله‌تێ خوه‌ بيت ونابيت ل ده‌مێ سه‌ركه‌فتنێ دا مه‌غروور بن ول ده‌مێ شكه‌ستنێ وپاشه‌كه‌شێ بێ ئومێد بن.

سه‌رۆك بارزانى، ره‌خنه‌ ل كارێ كۆمسيۆنا هه‌لبژارتنان گرت كو بوويه‌ ئه‌گه‌رێ كێشێن مه‌زن بۆ ده‌نگده‌ران ودووپاتى ل وێ چه‌ندێ كر هژمارنه‌كرنا ده‌نگێ خوووشك وبرايێن ئێزدى ئه‌نفالكرنا ده‌نگێن وانه‌ ومه‌ره‌م پێ ئه‌و بوو كو پارتى ل پارێزگه‌ها نه‌ينه‌وا وه‌كو ليستا ئێكێ نه‌بيت.

ئاماژه‌ ب وێ چه‌ندێ ژى كر كو پێدڤيه‌ بنه‌مايێن هه‌ڤپشكيێ وته‌وافوقێ ويه‌كسانيێ دناڤبه‌را پێهاتان دا ل پرۆسا سياسى يا عيراقێ ل به‌رچاڤ بهێته‌ وه‌رگرتن ول سه‌ر وى بنه‌ماى پێدڤيه‌ هه‌موو لايه‌ن كاربكه‌ن، داخواز ژى كر كو لايه‌نێن كوردستانى ل به‌غدا ب ئێكرێزى وئێك گوتارى ل پرۆسا سياسى يا عيراقێ دا پشكدار ببن.

ئه‌ڤرۆ نيوز:‏
بەربژارەکێ لقا پارتی ل شنگال بۆ ئەڤرۆ دیارکر کو نێزیکی 88 ھزار دەنگێن‏ خەلکێ ‏شنگال ھاتینە سۆتن. داخواز دکەین کۆمیسیۆن پێداچوونێ تێدا بکەت و مافێن خەلکێ ‏شنگال نەھێتە بەرزەکرن.‏
د. سلێمان فانۆ، ئێک ژ بەربژارێن پارتی دیموکراتی کوردستان ل قەزا شنگال بۆ ئەڤرۆ ‏دیارکر کو دەنگێن‏ ئاوارێن شنگال ل کەمپان ھاتینە سۆتن و نەھاتینە ھژمارتن ژ بەر ڤی ‏چەندێ زیان گەھشتینە ھەموو بەربژارێن شنگال و گۆت: “داخوازێ ژ کۆمیسیۆنا بلندا ‏سەربەخۆیا ھەلبژارتنان ل عیراقی دکەین دەنگێن‏ خەلکی شنگال نەھێنە سۆتن”.‏
قادر قاچاخ، بەرپرسێ لقی 17 یێ پارتی دیموکراتی کوردستان ل شنگال دیارکر کو لقا ‏پارتی ل شنگال سکالا ل سەر کۆمسیۆنی تۆمارکر و داخواز ھاتیە کرن کۆمیسیۆن دەست ‏ب ھژمارتنا دەنگێن‏ ئاوارێن شنگال یێن کەمپان بکەت ھەتا نوکە ژی سێ پشکێن دەنگێن‏ ‏خەلکێ شنگال نەھاتینە ھژمارتن.‏
میر داسن فاروق بەگ، ئێک ژ بنەمالا میرێن ئێزدیان بۆ ئەڤرۆ دیارکر کو سۆتنا دەنگێن‏ ‏خەلکێ شنگال پلانەک بوویە دژی ئێزدیان ھاتیە دانان ژ لایێ بەغدا ڤە بۆ وێ چەندێ ‏کوردێن ئێزدی ل قەزا شنگال نەچنە جڤاتا نوونەرێن عیراقی و بەرەڤانیێ ژ کەیسا ‏جینوساید و کارەساتا شنگالێ نەکەن و بەغدا نەڤێت نوونەرێن راستەقینە یێن شنگال ل ‏جڤاتا نوونەران ھەبن بۆ گەھاندنا دەنگێ لێقەومایێن شنگال و کارکرنێ بۆ کەیسا ‏جینوسایدا ئێزدیان ل سەر دەمێ حوکمەتا مالکی ئێزدی ل شنگال تووشی مەزنترین ‏کارەسات بوون ھەتا نوکە ژی کوردێن ئێزدی د بریندارن ژ بەر زولما بەغدا.‏
ئاشکەرا ژی کر کو سۆتنا دەنگێن‏ خەلکێ شنگال پلانەکا بەغدا بوویە بۆ وێ چەندێ ‏ئێزدی نەچنە پەرلەمانێ عیراقێ دێ کارتێکرنەکا مەزن ل سەر کەیسا جینوسایدا شنگال ‏ھێتە کرن ھەکە نوونەرێن شنگال نەچنە پەرلەمانی چونکو کەس وەکو شنگالیان ھەست ‏ب ئێش و ئازارێن خوە ناکەت.‏
خۆیا ژی کر کو د درێژاھیا دیرۆکێ دا حوکومەتا عیراقێ زولم ل ئیزدیان کریە نوکە ژی ‏ناخوازن ئێزدی بگەھنە کێمترین و سادەترین مافێن خوە ل عیراقێ.‏
جەعفەر حەسەن، بەرپرسێ ھەلبژارتنێن پارتی ل قەزا شنگال دیارکر کو لقا پارتی ل ‏شنگال 31 بەربژار بۆ جڤاتا نوونەرێن عیراقێ ھەبوون، چو ژ وان بەربژاران ‏دەرنەچوون، ئەم پرسیار دکەین کا دەنگێن‏ خەلکێ شنگال چلێ ھاتن ب تنێ ل کەمپێن ‏ئاواران رێژەکا زۆر یا دەنگدەرێن شنگال ھەبوون کۆمسیۆنی دەنگێن وان نەھژمارتینە مە ‏وەکو لقا پارتی سکالا تۆمار کر ئەم دێ دووڤچوونێ ل سەر کەین و داخوازێ دکەین مافێ ‏خەلکێ شنگال نەھێتە بەرزەکرن.‏
ئەو ژی دیارکر کو بەغدا ژی ل ھەلبژارتنێن جڤاتا نوونەرێن عیراقی زۆر کێشە بۆ ‏دەنگدەرێن شنگال دروست کرن ھندەک دەنگدەر مالێن وان ل کەمپا بێرسڤێ بوون لێ ‏کۆمسیۆنی بربوونە کەمپا کەبەرتوو بۆ دەنگدانێ کۆمیسیۆن دروست ب ئەرکی خوە ‏رانەبوویە بەرامبەر دەنگدەرێن شنگال.‏
جەعفەر حەسەن گۆت: “بەغدا پلان دانابوو دەنگدەرێن خەلکێ شنگال ل مووسلی ‏نەھێنە زێدەکرن و رێژەکا زۆر یا کارتێن بایومەتری ژی نەگەھشتنیە دەنگدەرێن شنگال ‏ئەم ژ کۆمیسۆنێ نەدرازینە چونکو دەنگێن‏ شنگال نەھاتینە ھژمارتن”.‏
بەیاننامەک ژ لقێ 17ێ پارتی دەرکەفتیە و تێدا ھاتیە ژ ئەگەرێ ئەنجامیێن نەرێنی ‏یێن لقێ 17 پارتی ل شنگال و نەسەرکەفتنا بەربژارێن پارتی ل سنۆرێ ئیدارا لقێ و ‏دەڤەرا رۆژئاڤایێ دیجلە مە دڤێت ڤێ داخۆیانیێ ئاراستەی جەماوەر و لایەنگەرێن خوە ‏بکەین.‏
‏ لقێ 17 د بیاناما خوە دا دبێژیت: “سەرنەکەفتنا بەربژارێن شنگال دزڤریت بۆ ھندێ ‏دەنگێن‏ مەرجدار نەھاتینە ھژمارتن و ڤاڤارتن کو نێزیکی 90 ھزار دەنگان بوون و ‏ڤاڤارتنا ئەلکترونی یا وان گیرۆ بوو، بۆ ماوی چار رۆژان ژی و پاشی 85% ژ سەندوقێن ‏دەنگدانێ نەھاتینە ڤەکرن و گیرۆ بوونا بەلاڤکرنا کارتان و گوھۆڕینا بنگەھێن دەنگدانێ ‏و سەپاندنا وان ئالوزیان ل دەمژمێرێن دووماھیێ یێن دەنگدانێ ب تایبەتی ژی ‏کۆمسیۆنی راسپاردە و پێزانینێن خەلەت دانە نوونەر و برێکارێن مە ل دەمێ پرۆسەیا ‏دەنگدانێ.‏
‏ ھەروەسا ژی تێدا ھاتیە دیارکرن کو گیرۆ بوونا پرۆسیەیا ھژمارتن و ڤاڤارتنێ و بێ ‏بەھربوونا مە ژ وان پێزانین و راسپاردێن ژ بەغدایێ دەرکەفتین کو ئەو پێزانین ل دەڤ ‏تیما کۆمسیۆنێ بوون و د دەمێ گونجایی دا نەگەھشتینە ھەڤال و بریکارێن لقێ 17 و ‏نە ھوشیارکرنا خەلکێ مە ب رەنگەکێ دروست و نەبوونا ئەزمونێ ژ ئالیێ تیمێ لقێ ‏‏17 یێ سەرپەرشت ل سەر ھەلبژارتنان بۆ ئەگەرێ ژ دەست دانا دەنگێن‏ مە یێن ‏مەرجدار و زێدەکرنا رێژا بەربژاران.‏