ئه‌ڤرۆنيوز:
جێگرێ سه‌رۆكێ پارتى ديموكراتى كوردستان، پشتى راگه‌هاندنا ئه‌نجامێن هه‌لبژارتنێن جڤاتا نوونه‌رين عيراقێ وسه‌ركه‌فتنا ليستا پارتى، دپه‌يامه‌كێ دا دووپاتى ل ئێكرێزى ودانانا كارنامه‌كا هه‌ڤپشك دكه‌ت.
نێچيرڤان بارزانى، جێگرێ سه‌رۆكێ پارتى ديموكراتى كوردستان، سه‌ركه‌فتنا پارتى ڤه‌گه‌راند بۆ به‌رگريا پارتى ژده‌ستكه‌فتێن گه‌لێ كوردستانێ وپێگيريا پارتى ب رێبازا نيشتمانى يا بارزانيێ نه‌مر وخه‌باتا به‌رده‌وام يا سه‌رۆك بارزانى ژبۆ بده‌ستڤه‌ئينانا ئارمانجێن گه‌لێ كوردستانێ وچالاكيێن مه‌كته‌با سياسى وسه‌ركردايه‌تيێ ومه‌كته‌با ولق وناوچه ورێكخراو وبنكه وراگه‌هاندنا پارتى ديموكراتى كوردستان.
دپه‌ياما خوه دا، نێچيرڤان بارزانى داخوازا ئێكرێزيێ ژ هه‌موو لايه‌نێن سياسى يێن كورستانى دكه‌ت، هه‌روه‌سا دووپاتيێ ل سه‌ر دروستكرنا حوكمه‌ته‌كا هه‌ڤپشك يا نوو ل عيراقێ دكه‌ت ل سه‌ر بنه‌مايێ ته‌وافوقێ وبنه‌مايێ هه‌ڤپشكيا كارايا كورد وه‌كو نه‌ته‌وێ هه‌ڤپشك دعيراقێ دا
نيشاندان