ئەڤرۆ نیوز :
پێکهاتیێ پۆرتوگال بۆ مۆندیالا 2018 ل وەلاتێ رووسیا
نووترين نووچه
- هەلبژارتن تنێ بۆ ب دەستڤەئینانا كورسییان نینە، بەلكو پراكتیزەكرنا دیموكراسیەتێ یە
- ژ بۆ ئاشتیێ یا ژ دەستێ مە بهێت دێ ئەنجام دەین
- درووشمێ ئێك هەرێم، ئێك پەرلەمان، ئێك حوكمەت، ئێك هێزا پێشمەرگەی، كاك مەسعود بارزانی ئاماژە یا بۆ كری.
- بەرپرسەكێ پارتی: پارتی دێ سۆزێن خوە ب جهئینیت
- ب سەركەفتنا پارتی د هەلبژارتناندا دێ هەرێم زێدەتر ب هێز و ئارام و ئاڤەدان بیت
- تێکچوونا قۆناغا ئاشتیێ دێ بیتە ئەگەرێ شکەستنا ئاکپارتیێ
- سەرۆك بارزانی و رۆمانۆڤسكی پێنگاڤێن پێكئینانا حوكمەتا نوو یا هەرێما كوردستانێ گەنگەشەكرن
- پێدڤییە پێكئینانا حوكمەتێ ل سەر بنەمایێ دەنگێن ئالیێن سیاسی بیت د هەلبژارتناندا
- هێمن هەورامی: دانوستاندنێن پێكئینانا حوكمەتا نوو یا هەرێمێ دێ ل گەل هەموو ئالییان كەین
- هەبوونا بنەمایێ ئێك ئیدارە و ئێك حوكمەت و ئێک هێزا پێشمەرگەی باشترین بژاردەیە
سه‌ره‌كى Twitter
وەلاتیەک د بەنداڤا مووسلێ دا خەندقی
ئەڤرۆ نیوز ،زنار تۆڤی :
رائید بێوار عەبدولعەزیز بەرپرسێ راگەهاندنا بەرەڤانیا باژێری ل پارێزگەها دهۆکێ بۆ ئەڤرۆ نیوز دایە دیارکرن:کو ئەڤرۆ پێنجشەمبی و ل دەمژمێر 5:00 ئێڤارى وەلاتیەک ب ناڤێ (محەمەد خالد عەبدولقادر) کو ئاکنجیێ (تلعدس مناره) یه و ژدایك بوويێ سالا 1996 دناڤا بەنداڤا مووسلێ دا خەندقيه و ئێكسەر تيمێن نقومڤانێت سێميلێ یێن سەر برێڤەبەریا بەرەڤانیا باژێرێ دهۆکێ و ب ئامادەبوونا بەرپرسێ نقومڤانا (زێرەڤان عەبدوللا) ل جهێ روودانێ ئاماده بووینه و شیان ل دەمژمێر 9:00 شەڤ تەرمێ وی ژ ئاڤێ بیننە دەر و تەرمێ وی وەلاتی هاتیە رەوانەکرن بۆ نۆشداریا داد.
ناڤهاتی گوت ژی:د ئەڤ سالەدا هەتا نوکە 10 کەس ل دەڤەرێن جۆدا یێن پارێزگەها دهۆکێ خەندقینە.
پێدڤیە رۆژی گر ب قەسپان رۆژیێن خوە بشكێنن
ئەڤرۆ نیوز ، زنار تۆڤی :
نۆشدار ئامۆژگاریێ ل كه‌سێن رۆژی گر دكهن كو رۆژیێن خوە ب قەسپان بشكێنن، چونكی چه‌ندین مفا تێدا هه‌نە بۆ لەشی و ب تایبه‌ت بۆ گه‌دێ.
مالپەرێ ISLAM نووچەک بەلاڤە کریە و بەحسێ مفایێن رۆژی شكاندنێ دکەت ب قەسپان و دبێژیت، لدووڤ چه‌ندنن ڤەکۆلینێن زانستی کو نۆشداران ئه‌نجام داینه بۆ ون ده‌ركه‌فتیه كو ئه‌و کەسێن رۆژیێن خوە ب قەسپان دشکێنن،دێ چه‌ندین كاریگه‌ریێن باش ل سه‌ر جه‌سته یێن وان دروست کەت، لەوما بەحسێ هندەک مفایێن وێ کرینە:
. شكاندنا رۆژیێ ب قەسپان مرۆڤی ژ تێكچوونا سیسته‌مێ هه‌رسکرنی دپارێزێت:دەمێ مرۆڤێ ب رۆژی بۆ ماوه‌کێ زۆر خوارن و ڤەخوارنێ ناخۆت، لەوما شكاندنا رۆژیێ ب قەسپان یا ب مفایە، چونكی مرۆڤی ژ تێكچوونا سیسته‌مێ هه‌رسێ دپارێزێت، ئه‌ڤە ژی ب ئەگەرێ هندێ کو پێكهاتێن قەسپان بۆ هه‌رسكرنێ د گران نینن و یارمه‌تیا ڤی سیسته‌می دده‌ن بۆ هندێ کو ب چالاكانە كارێن خوە ئه‌نجام بده‌ن و گه‌ده تووشی سووتاندنێ نه‌بیت.
. قەسپ هێزێ بۆ جه‌ستەی ڤەدگەرینیت: ل دەمێ رۆژی بوونێ و ب ئەگەرێ نه‌خوارنا هیچ خوارنەکێ جه‌سته تووشی بێهێزیێ دبیت، لەوما لدووڤ ڤەکۆلینان نۆشداران ئه‌و چەندە سه‌لماندیه كو رێژەکا زۆر یا شه‌كرێ تێدایه كو هێزێ بۆ جه‌ستەی ڤەدگەرینیت، لەوما پێدڤیە رۆژی گر ب قەسپان رۆژیێن خوە بشكێنن بۆ هندێ کو تووشی لاوازیا جه‌ستەی نه‌بن و هێزا جه‌سته‌یێ وان زێدە ببیت.
عادل موراد وه‌غه‌ركر
وەزارەتا دارایی خشتەکێ نوو یێ مووچەی راگەهاند
ئەڤرۆ نیوز ، زنار تۆڤی :
رێڤەبەریا راگەهاندن و پەیوەندیان ل وەزارەتا دارایی و ئابووری راگەهاند،کو ل حەفتیا داهاتی دێ مووچێ ئەڤان وەزارەت و جهان هێتە دابەش کرن.
رۆژا ئێكشەمبی 20/5/2018. دێ مووچێ وەزارەتا
نافخۆ و دەزگەهێ ئاسایشێ هێتە دابەشکرن.
رۆژا دووشەمبی 21/5/2018 دێ مووچێ
پێشمەرگەیێ زێرەڤانی بەرگری و فریاكەوتن و هێزا ئامادە و
دیوان و لیوایێن وەزارەتا پێشمەرگەی هێتە دابەشکرن.
رۆژا سێشەمبی 22/5/2018 دێ مووچێ
یەكەیێن 70 و 80 یێن پێشمەرگەی هێتە دابەشکرن.
چارشەمبی 23/5/2018 دێ مووچێ
خانەنیشنێن پێشمەرگەی هێتە دابەشکرن
ل رۆژا پێنجشەمبی 24/5/2018 دێ مووچێ
خانەنیشنێن شارستانی هێتە دابەشکرن.
مووچێ پێشمه‌رگه‌ى و ناڤخو و خانه‌نشینان ل ڤان ژڤانان دێ هێنه به‌لاڤكرن
ئه‌ڤرۆنيوز:
ژێده‌ره‌كێ به‌رپرس ل وه‌زاره‌تا دارايى وئابوورى ل هه‌رێما كوردستانێ راگه‌هاند، برياره به‌رى دووماهيا ڤێ هه‌يڤێ ب چه‌ند رۆژان، مووچێ وه‌زاره‌تا پێشمه‌رگه بهێته به‌لاڤكرن، دده‌مه‌كى دا مووچێ پێشتى ل 28 هه‌يڤێ وه‌رگرتبوو.
وى ژێده‌رى بۆ مالپه‌رێ كوردستان تيڤى گۆت ژى” مووچێ وه‌زاره‌تا ناڤخو وخانه‌نشينێن مه‌ده‌نى وله‌شكرى وه‌كو يێ وه‌زاره‌تا پێشمه‌رگه به‌رى سه‌رێ هه‌يڤێ ب چه‌ند رۆژان دێ هێته به‌لاڤكرن”.
دياركر ژى” هه‌تا مووچێ وه‌زاره‌تێن پێشمه‌رگه وناڤخو وخانه‌نشينێن مه‌ده‌نى وله‌شكرى نه‌هێنه به‌لاڤكرن، خشتێ مووچه‌ى يێ هه‌يڤا ئادارێ ناهێته راگه‌هاندن”.
كه‌ناله‌كێ هونه‌رى دێ ل دهۆكێ هێته ڤه‌كرن
ئه‌ڤرۆ نیوز ، شاكر ئه‌تروشى:
سه‌رمایه‌داره‌كێ خه‌لكێ دهۆكێ بۆ ئه‌ڤرۆ نیوز دیاركر، ئه‌ڤه ده‌مه‌كه ئه‌و یێ خوه به‌رهه‌ڤ دكهن دا كه‌ناله‌كێ ته‌له‌فزیۆنى یێ تایبه‌ت ب هونه‌رى و درمایێ ڤه ڤه‌كه‌ن، و گۆت: مه قۆناغێن باش یێن ده‌ربازكرین و د ئه‌ڤ ساله‌دا كه‌نال دێ ڤه‌بیت.
مه‌ئمون ئه‌حمه‌د مه‌جید، رێڤه‌به‌رێ گشتى یێ كۆمپانیا بلان بازار ل دهۆكێ گۆت: هه‌ر ژ ده‌ستپێكا دانانا كۆمپانیێ مه هزر دوێ چه‌ندێ داكریه كو خوه ل هونه‌رێ كوردى بكه‌ینه خودان و پشته‌ڤانیێ لێ بكه‌ین، له‌ورا ل ده‌ستپێكێ مه هزر دچێكرنا به‌رنامه‌كێ هونه‌رى داكر، ئه‌و بوو ل گه‌ل كه‌نالێ دهۆك تیڤى ئه‌م رێكه‌فتین و مه به‌رنامێ (بلان شوو) كو ژ ئاماده‌كرن و پێشكێشكرنا هه‌ڤالێ مه سه‌عید مسته‌فا یه ل وى كه‌نالى ئینا خوار و نوكه ژى یێ به‌رده‌وامه، لێ ژبه‌ر هاتنا هه‌یڤا ره‌مه‌زانا پیرۆز ب شێوه‌كێ به‌روه‌خت مه به‌رنامه راگرت هه‌تا پشتى ره‌مه‌زانێ، بۆ جه‌ژنێ دێ ده‌ست پێ كه‌ینه ڤه.
هه‌روه‌سا به‌رى چه‌ند رۆژان مه هه‌ر پێنج ئه‌ندامێن كۆما وژدان یا هونه‌رى ل دهۆكێ ب به‌رسنگێن زێڕى خه‌لاتكرن، دووماهى پرۆژێ مه یێ هونه‌رى ژى ڤه‌كرنا كه‌ناله‌كێ تایبه‌ته ب هونه‌ر و دراما كوردى ڤه، جه بۆ هاتیه دیاركرن و نوكه هه‌ڤالێن مه یێن ل سه‌ركاردكه‌ن و ناڤێ كه‌نالى دێ كه‌ینه (بلان تیڤى) و د ئه‌ڤ ساله‌دا دێ هێته ڤه‌كرن و كه‌نال دێ یێ دوور بیت ژ سیاسه‌تێ و هه‌ر تشته‌كێ دى و هه‌موو شیانێن خوه دێ مه‌زێخین دا ب باشترین شێوه خزمه‌تا هونه‌رێ كوردى بكه‌ین، چونكو ئه‌م دزانیین مه ل دهۆكێ هونه‌رمه‌ندێن باش هه‌نه، لێ بتنێ پێدڤى ب پشته‌ڤانیێ نه.
لقێ ئێك په‌يامه‌كێ ب هه‌لكه‌فتا سه‌ركه‌فتنا ليستا 184 به‌لاڤ دكه‌ت
ئه‌ڤرۆ نيوز:
لقێ ئێك په‌يامه‌كێ ب هه‌لكه‌فتا سه‌ركه‌فتنا ليستا 184 به‌لاڤ دكه‌ت، ئه‌ڤه‌ژى ده‌قێ وێ يه:
خه‌لكێ دهوكێ یێ خوشتڤى
وه‌فادار و دلسوزێن گه‌ل و نشتیمانى
خودانێن ره‌نگ و كریارا
سه‌ركه‌فتنا هه‌وه ل روژا (12) ى گولانێ د هه‌لبژارتنێن په‌رله‌مانێ عێراقێ دا توماركرى ، ل هه‌وه و هه‌مى خه‌لكێ كوردستانێ پیروزبیت.
هه‌وه رێكا راست به‌رنه‌دا و بریارا هه‌وه ل سه‌ر بنیاتێ ره‌نج و زه‌حمه‌تا چه‌ندین سالا یا خه‌لكى َكوردستانێ بو.
سه‌ركه‌فتنا هه‌وه توماركرى ، ژ ڤه‌خارنا ژه‌هرى بو نه‌حه زان نه‌خوشتر بوو، چونكى هه‌وه كه‌رامه‌ت و ئه‌مانه‌ت و هێزا گه‌لێ خو پاراست ، هه‌ر وه‌سان هه‌وه ئه‌و چه‌نده سه‌لماند كو چ تشت لبه‌ر چاڤێن هه‌وه نینن ژبلى پێشكه‌فتن و سلامه‌تیا وه‌لاتى.
بو ڤێ چه‌ندێ بناڤێ لقێ ئێكێ پارتى ژدل سوپاسیا هه‌وه ئێك ب ئێك دكه‌م و هین هه‌ر بژین و سه‌ربلندبن.
سه‌ربه‌ست تروانشى
به‌رپرسێ لقێ ئێك
17 ێ گولانا 2018
ئەڤ سال وەرزێ كڤاركا دو جاران ل دەڤەرا ئەترووش دەستپێكر
شێخان،بارزان مزووری:
ل دەڤەرا ئەترووش بۆ ئێكەم جارە وەرزێ دەركەفتنا “كڤاركان” د ئەڤ ساله دا دو جاران ژبن ئاخێ دەردكه‌ڤن و ژ كڤاركێن جودانه دگەل كڤاركێن وەرزێن بوری ،له‌وما جهێ حێبه‌تيا وەلاتیێن دەڤەرێ بوو كو دبێژن بۆ ئێكەم جارە ل ڤێ دەڤەرێ ئەڤ كڤاركە دروست دبن.
ئادەم مەحمود ، ئێك ژ وەلاتیێن دەڤەرا ئەترووش بۆ ئەڤرۆنيوز دیار كر كو د ژیێ من دا ئێكەم جارە من دیتی و گوهلێ بووى كڤارك دو وەرزان دروست دبن ، ئەڤ كڤاركە سەنگ و جوانی و خوارنا وان یا جودايه ل گەل یێن وەرزێ ئێكێ، من ئیك كڤارك ل ئاقاری ئینا نێزیك نیڤ كیلو بوو”.
ناڤبری دیار كر كو خەلكەك زور سەرەدانا ئاقارێ ده‌ڤه‌را ئه‌ترووش دكەت ژبۆ دەست ڤە ئینانا كڤاركان كو هنده‌ك د ماوێ 30 خولەكان دا پتری 20 كیلۆیان دەردئینن .
محەمەد عبدلرەحمان، ئێك ژ وەلاتیێن كارێ فروتنا كڤاركان دكەت ل ناڤ بازارێ قەسرۆك بۆ ئەڤرۆنيوز دیار كر كو د ئەڤ ساله دا دو جاران بەرهەمێ مە ل ئاقاری هەبوو، به‌لێ د ڤی وەرزی داكڤارك دجودانه ودەمێ مە بۆ بازاری برین خەلكەك مابوو حەیری ژ جوانی و سەنگێ وان و بازارێ كرین و فروتنا وان گەلەك يێ گەرم بوو خەلكی ب شەڤ تەلەفۆن بۆمە دكر ودگۆت، ئەو كڤاركێن تو د ئینی نەفرۆشە هەموو پێكڤە گەهشتنە مە ژبەر تاما وان یا جودا.
ناڤبری دیار كر كو گەلەك خەلك من ل ئاقارێ دەڤەرا ئەترووش دیت ل باژێرێن دوور بۆ ڤێ دەڤەرێ هاتبوون ژبو دەست ڤە ئینانا كڤاركان و گەلەك خەلكی ل تۆرێن كومەلایەتی به‌لاڤكربوون و وی خەلكی دیت بوون له‌وما سەرەدانا ڤێ دەڤەرێ دكهن.
دێ چاوا حەز ژێکرنا دروست یا زەلامان نیاسی؟
ئەڤرۆ نیوز :
هه‌موو ژن خه‌ونان ب هندێڤە دبینن،کو ئه‌و كه‌سێ وێ خۆش دڤێت هه‌مان هه‌ست بۆ وێ هه‌بیت، یان هه‌ستێ راسته‌قینه یێ وی كه‌سێ خوە وه‌ك خۆشتڤیێ وێ نیشان ددەت بۆ وێ ده‌ربكه‌ڤیت، ئه‌ڤە ژی كارەكێ هنده ب ساناهی نینه و لێهاتن دڤێت.
دەمێ ژن سه‌رسام یان عاشقێ زەلامەکێ دبن،ئەڤ چەندە گەلەک ب روونی یا د رووخسار و رەفتارێن وێدا دیاره، به‌لێ زەلام ب گشتی و زەلامێن رۆژهه‌لاتی ب تایبه‌تی دڤی روویی دا زێدەتر د ڤەشارتینە،هەکە تۆ زۆر یا زیره‌ك نه‌بی،تۆ نەشێی هه‌ستێن وی ئاشكرا بكه‌ی.
مالپەرێ فۆشیا چه‌ند نیشانه‌ک ئاشكرا كرینه كو دسه‌لمینیت ئه‌و زەلامێ عاشقێ تە و تۆ خۆش دڤێی:
. به‌رده‌وام دڤێت تە دلخۆش بكەت، چونكی هەکە زەلامەک ببیتە عاشق، هەموو دەمان حه‌ز دکەت،گرنژینا وێ ژنێ ببینیت،یا کو وی خۆش دڤێت،بۆ ڤێ ژی دێ هەموو بزاڤان کەت.
. چو تشتان لێ ناڤەشێریت، هەر چەندە زەلام ب خوە حەز ژ ڤەشارتنێ دکەن، به‌لێ دەمێ دبنە عاشقێن ژنەکێ ، گوهێ خوە نادەنە وان تشتان و د ئاماده‌نە هه‌موو ژیان و بوری و داهاتیێ خوە،دانیتە هەمبەر وێ ژنێ.
. زوو بەرسڤا نامێن وێ ددەت، گەلەک جاران بێی ئەگەر ژی دێ نامان بۆ لێپرسینا حالێ وێ ڤرێکەت.
. دێ گرنگیێ بتە دەت، دەمێ تۆ ل گەل وی بی ل جهەکێ،دێ هه‌موو گرنگیا خوە بتە دەت و دێ بزاڤێ کەت،کو بچووکترین پێدڤیا تە بۆتە دابین بکەت و چو کێماسیان ل تە ناهێلیت.
. تە نا گوهۆریت، ژبەر هندێ ئه‌و ب ڤی شێوه‌ی عاشقێ تە بوویه،لەوما داخوازێ ژتە ناكەت،کو هیچ تشتەکێ تە ب گوهۆریت، راستییا ڤێ ژی ئەوە،کو ئەو خەلەتیێن تە نابینیت، لەوما نەشێت ب تە بدەتە گوهۆرین.
. گوتنێن تە ژبیر ناکەت ، هەکە پشتی ماوه‌کێ دوور و درێژ ژی بەحسێ تشتەکێ بكه‌ن،ب تەمامی گوتنێن تە ل بیرا وینە، دبیت بزانیت ژی ل وی دەمی رووخسار و جلێن تە د چاوا بوون، چونكی ب ته‌مامی سه‌رنجا وی ل سەر تە بوویه و تۆ ل دەف وی یا گرنگ بووی.
. دزانیت تۆ حەز ژ چو دکەی و حەز ژ چو ناکەی، لەوما دێ وان تشتان کەت،یێن تۆ پێ دلخۆش دبی و دێ خوە ژ وان تشتان دوور کەت،یێن کو تۆ ژێ عێجز دبی.
. دێ وی دەمی تە بجه هێلیت، دەمێ هوون ژڤانەکێ دیتر بۆ دیتنا ئێکودۆ ددانن، چونكی یێ ب هیڤیە کو دێ جارەکادیتر تە بینیت.
نيشاندان
WP Facebook Auto Publish Powered By : XYZScripts.com