ئه‌ڤرۆ نيوز:‏

بەرپرسێ پشکا پەیوەندی و راگەھاندنێ ل سەرۆکاتیا باژێرڤانیا دھۆکێ دیار کر کو بانگەشا ‏ھەلبژارتنێن پەرلەمانێ عیراقێ ڤێ جارێ کێمترین زیان ھەبووینە.‏

ئيسماعیل مستەفا، بەرپرسێ پشکا پەیوەندی و راگەھاندنێ ل سەرۆکاتیا باژێرڤانیا دھۆکێ بۆ ‏رۆژناما ئەڤرۆ دیار کر کو ھەتا 30 رۆژێن دی مۆلەت ب قەوارە و لایەنێن سیاسی ھاتیە دان ‏وێنە و پۆستەرێن خوە ل سەر جادان و جھێن گشتی و د ناڤ بازاری دا راکەن و ھەر ئێکی ‏پشتی ڤی دەمێ ھاتیە دیارکرن رانەکەت دێ باژێرڤانیا دھۆکێ وێنە و پۆستەرێن وان راکەت ‏و ئەو لایەن و قەوارێ سیاسی دێ ب کۆژمەکێ پارەی ھێتە سزادان.‏

ناڤھاتی دیار کر کو دەمێ ھەلبژارتن ھاتینە کرن ھەر قەوار و لایەنەکێ سیاسی کۆژمەکێ ‏پارەی دایە کۆمیسیۆنێ و ئەو پارە بۆ وان ناھێتە زڤراندن ھەکە باژێرڤانی گەردەن ئازاکرنێ ‏نەدەتە وی قەوارە و لایەنێ سیاسی و گۆت: “ئەڤ ھەڤکاریە دناڤبەرا مە دا ھەیە ژ پێخەمەت ‏راکرنا ھەموو بەرمایکێن بانگەشا ھەلبژارتنان، ھەتا نوکە ھندەک بارمایک ب عامودان و ‏جھێن دی ڤە ماینە ئەم ھیڤدارین ئەو ژی بھێنە پاقژکرن و راکرن”.‏

ئه‌ڤرۆ نیوز:
ل گۆر ئه‌نجامێن هه‌لبژارتنێن په‌رله‌مانێ عیراقێ، ل ده‌ڤه‌رى وه‌لاتى، پارتى دیموكراتى كوردستان، ل رێزا ئێكێ دهێت و بزاڤا گۆران ژى ل رێزا دوێ، ل گۆر ئه‌نجامان پارتى 8 هزار و 446 ده‌نگ بده‌ستڤه‌ ئیناینه‌، گۆڕان ژى سێ هزار و دو ده‌نگ و ئێكه‌تیێ ژى 2 هزار و 232 ده‌نگ.

ئه‌ڤرۆ نیوز:

د راگه‌هاندنا كومبوونا مه‌كته‌با سیاسى یا پارتى دیموكراتى كوردستان كو ئه‌ڤرۆ ب سه‌رپه‌رشتیا سه‌رۆك بارزانى هاتیه‌ ئه‌نجامدان، پارتى په‌یامه‌ك ئاراسته‌ى لیست و لایه‌نێن سه‌ركه‌فتى یێن هه‌لبژارتنان كر و دیاركریه‌” داخوازێ ژ هه‌موو لایه‌نێن سه‌ركه‌فتى دكه‌ین، به‌رژه‌وه‌ندیا گه‌ل و نیشتمانیى بئێخنه‌ به‌رى به‌رژه‌وه‌ندیێن كه‌سى و حزبى و پله‌ و پوستان ل به‌غدا”.

ئه‌ڤرۆنيوز:

ژێده‌ره‌كى ژ كۆمسيۆنا بلند يا هه‌لبژارتنان ل عيراقێ راگه‌هاند، كوژمێ پارێ بۆ كارمه‌ندێن كۆمسيۆنێ د هه‌لبژارتنێن جڤاتا نوونه‌رين عيراقێ دا هاته‌ دياركرن.

ئارام سه‌بح، جێگرێ رێڤه‌به‌رێ گشتيێ ده‌سته‌يا هه‌لبژارتنان ل هه‌ريما كوردستانێ گۆت” هه‌رچه‌نده‌ بريارا جڤاتا كۆمسيۆنێ ده‌رنه‌كه‌فتيه‌، به‌لێ پارێ كارمه‌ندێن رۆژا هه‌لبژارتنان يێ هاتيه‌ دياركرن”.

ئارامى زێده‌تر بۆ باسنيوز گۆت” بۆ رێكخه‌رێ ناڤه‌ندا ده‌نگدانێ 300 هزار دينارن وبۆ رێڤه‌به‌رێ ويستگه‌ها ده‌نگدانێ 250 هزار دينارن وبۆ كارمه‌ندێ ئاسايى 200 هزار دينارن”.

دهه‌لبژارتنێن بۆرى يێن جڤاتا نوونه‌رين عيراقێ، كێمترين پاداشتا كارمه‌ندێن به‌روه‌خت يێن كۆمسيۆنێ 250 هزار دينار بوون، به‌لێ ئه‌ڤ ساله‌ كێمترين پاداشت 200 هزار دينارن.

دياركر ژى ” ئه‌و پاره‌ پشتى په‌سه‌ندكرنا ئه‌نجامێن دووماهيێ يێن هه‌لبژارتنان دێ بۆ وان كه‌سان هيته‌ مه‌زاختن وبزاڤ يا هه‌ى ب زووترێن ده‌م بۆ بهێته‌ مه‌زاختن”.