ئه‌ڤرۆنيوز:
ل دووڤ ده‌نگوباسه‌كێ ده‌زگه‌هێن راگه‌هاندنێ يێن عيراقى، دراگه‌هاندنا ئه‌نجامێن ده‌ستپێكى يێن هه‌لبژارتنان، ئالا تاله‌بانى ل سه‌ر ليستا هه‌ڤپه‌يمانيا به‌غدا تنێ 996 ده‌نگ بده‌ستڤه‌ئيناينه.
پێشتر ئالا تاله‌بانى راگه‌هاندبوو كو خوه به‌ربژاركرنا وێ دناڤ وێ ليستا عه‌ره‌بى دا ل به‌غدا ب ئاگه‌هداريا مالا مام جه‌لالى وهيرۆ خانێ بوو.
د هه‌لبژارتنێن سالا 2014 دا، ئالا تاله‌بانى نێزيكى پێنج هزار ده‌نگ ل سه‌ر ليستا ئێكه‌تيێ ل كه‌ركووكێ بده‌ستڤه ئينابوون.
زاخۆ،ھشیار دوبانکی:
پشتی تیما باسکت بۆلا لاوێن یانا زاخۆ شیای دەربازی ڤاڤارتنێن دووماھیا قارەمانیا عیراقێ ل سەر ئاستێ لاوان بووی کارگێریا یانا زاخۆ داخوازیا مێڤاندریا ڤێ قارەمانیێ کریە ل باژێرێ زاخۆ بھێتەکرن.
راھێنەرێ تیما باسکت بولا یانا زاخۆ جوتیار عەلی د داخویانیەکێ دا بۆ رۆژناما ئەڤرۆ دیارکر پشتی ئەو شیان دەربازی یاریێن دووماھیا قارەمانیا عیراقێ بووین ل سەر ئاستێ لاوان ، ب فەرمی کارگێریا یانا زاخۆ داخوازیەکا فەرمی پێشکێشی ئێکەتیا باسکت بولا عیراقێ کریە بوو مێڤاندریا یاریێن دووماھیا قارەمانیێ ل باژێرێ زاخۆ بھێنەکرن .
ھەردیسان ناڤبری دیارکر ژی باژێرێ زاخۆ شیانێن مێڤاندریا ڤێ قارەمانیێ ھەیە و زاخۆ نوکە خودانا دو ھولێن باش ب باشترین شێوە دێ مێڤاندری ھێتە برێڤەبرن و ئەوان داخوازکریە یاری ل ھەردو ھولێن زانکویا زاخۆ و ھولا بنگەھێ وەرزش و لاوان زاخۆ بھێتەکرن .
ناڤبری ئاماژە ب وێ چەندێ ژی کر شەش یانە گەھشتی نە دووماھیا قارەمانیا عیراقێ و دیارکر ئەوی باوەریەکا مەزن ب تیما لاوێن زاخۆ ھەیە دێ شێن ئەنجامەکێ سەرکەفتی د ڤێ قارەمانیێ دا تومارکەن و ھەکە یاری ل باژێرێ زاخۆ بھێنەکرن ئەو د وێ باوەریێ دا یە دێ تیما ئەوان ئێک ژ بەربژارێن ب ھێز بیت بوو برنا قارەمانیێ ژبەرکو پشتەڤانێن یانێ دێ رولەکێ مەزن ھەبیت .
ئه‌ڤرۆنيوز:
هێزه‌كا مه‌زن يا ميليشيێن حه‌شدا شه‌عبى گه‌هشته كه‌ركووكێ ودخوازن وان كه‌سان سزا بده‌ن ئه‌وێن سه‌خته‌كارى دهه‌لبژارتنان كرى وئێكه‌مێن كارى وێ هێزێ سڤكايه‌تيكرن بوو ب ئالايێ كوردستانێ.
مالپه‌رێ كوردستان تى ڤى ل سه‌ر زارێ چه‌ند ژێده‌رێن تايبه‌ت به‌لاڤكر” هێزه‌كا مه‌زن يا ميليشيێن حه‌شدا شه‌عبى ل باشوورێ ناڤه‌راستا عيراقێ به‌ر ب كه‌ركووكێ هاتن”.
دياركر” ئێكه‌مين كارێ وێ هێزا حه‌شدا شه‌عبى سڤكايه‌تيكرن بوو ب ئالايێ پيرۆزێ كوردستانێ”.
وان ژێده‌ران بۆ كوردستان تى ڤى گۆت ژى” ل دووڤ ئاخڤتنێن به‌رپرسێن حه‌شدا شه‌عبى، هاتنا وێ هێزێ بۆ ناڤ باژێرێ كه‌ركووكێ، بۆ سزادانا وان كه‌سايه يێن دهه‌لبژارتنان دا سه‌خته‌كارى كرى”.
ئه‌ڤرۆنيوز:
سه‌رۆك بارزانى، دپه‌يوه‌نديه‌كا ته‌له‌فۆنى دا پيرۆزباهى ل رێبه‌رێ ره‌وتێ سه‌درى كر ب هه‌لكه‌فتا سه‌ركه‌فتنا هه‌ڤپه‌يمانيا سائيرون وه‌كو ليستا ئێكى دهه‌لبژارتنێن جڤاتا نوونه‌رين عيراقێ دا.
ئه‌ڤرۆ سێشه‌مبى 15/5/2018 ، ب گۆره‌ى به‌ياننامه‌كا نڤيسينگه‌ها موقته‌دا سه‌در، هه‌ر ئێك ژ سه‌رۆك بارزانى، سه‌رۆكێ پارتى ديموكراتى كوردستان كو ليستا پارتى پلا ئێكێ ل سه‌ر ئاستێ هه‌رێما كوردستانێ بده‌ستڤه‌ئينايه وپلا دويێ ل پارێزگه‌ها نه‌ينه‌وا،ل گه‌ل نێچيرڤان بارزانى سه‌رۆك وه‌زيرێن هه‌رێما كوردستانێ بۆ پيرۆزباهى كرنێ په‌يوه‌ندى ب موقته‌دا سه‌در كريه وب هه‌لكه‌فتا سه‌ركه‌فتنا هه‌ڤپه‌يمانيا سائيرون كو سه‌در پشته‌ڤانيێ لێ دكه‌ت، پيرۆزباهى ل موقته‌دا سه‌در كر وهيڤيا سه‌ركه‌فتنێ بۆ خواستن.
ل دووڤ به‌ياننامێ، موقته‌دا سه‌در سوپاسيا وان په‌يوه‌نديێن ته‌له‌فۆنى كر ب هه‌لكه‌فتا سه‌ركه‌فتنا ليستا سائيرون وداخوازكر برايه‌تى دناڤبه‌را گه‌لێن عيراقێ ب هێزتر ببيت وخوه‌شتڤى دناڤبه‌را هه‌موو پێكهات وئايين وتائيفێن عيراقێ دا ب هيزتر بيت.
ليستا سائيرون كو ژ ره‌وتێ سه‌درى وحزبا شيوعى يا عيراقى وهژماره‌كا حزبێن دى يێن عيراقى 54 كورسى د هه‌لبارتنێن جڤاتا نوونه‌رين عيراقێ ب ده‌ستڤه‌ئينان كو رێزا ئيكێ ل سه‌ر ئاستێ عيراقێ بده‌ستڤه‌ئينا.
ئەڤرۆ نیوز ، زنار تۆڤی :
د نڤێسینەکێدا عه‌لى سیستانى مەزنە لێڤەگەرێ شیعێن عێراقێ پێشبینى دکەت،کو سوبە چارشه‌مبێ هەیڤ بهێته دیتن و دبێژیت،رۆژا پێنجشه‌مبی ئێكه‌م رۆژا ره‌مه‌زانێ یە.
ئه‌ڤرۆ د بەیاننامه‌کێدا ب ناڤێ عه‌تبه‌یا عه‌باسى ل نه‌جه‌ف هاتیە بەلاڤ كرن،د وێ به‌یاننامێدا ئاماژه بۆ پێشبینا عه‌لى سیستانى مەزنە لێڤەگەرێ شیعێن عێراقێ هاتیە كرن بۆ دیتنا هەیڤێ،کو موسولمانان ئێكه‌م رۆژا هەیڤا ره‌مه‌زانێ پێ ده‌ستنیشان دكه‌ن.
د وێ به‌یاننامێ دا هاتیه کو عه‌لى سیستانى پێشبینى دکەت کو رۆژا چارشه‌مبی كو 29 شه‌عبانا سالا 1439 كۆچیه،د به‌رامبه‌ر دا 16 گولانا 2018،ل دەمژمێر 6:53 خوله‌ك دێ هەیڤ هێتە دیتن،ب ڤێ چەندێ رۆژا پێنجشه‌مبی دێ ئێكه‌م رۆژا هەیڤا ره‌مه‌زانێ بیت.
شیعه ب گرنگی تەماشەی لێدوانێن سیستانى دكه‌ن بۆ دیاركرنا ئێکه‌م رۆژا ره‌مه‌زانێ.
لێ سوننەیێن عێراقێ چاڤەرێی هندێ دكه‌ن، کو سعوودیه بریارێ بدەت.
ئەڤرۆ نیوز:
یانا مانچێستەر یوناید پشتی ل وەرزآ ئەڤ سالە نەشیای ناسناڤێ پرێمر لیگ و قارەمانیێن ئورۆپی ب دەستخوڤە بینت دەست ب لڤینا کریە بوو دەستڤە ئینانا چەند یاریزانێن بەرنیاس و ستێر ل ئورۆپا بوو وێ چەندێ وەرزێ بھێت ب ھێزتر بھێنە دناڤ ھەڤرکیێن نافخوی و ئورۆپی .
راپورتێن رۆژنامەڤانی یێن نیزیکی یانا مان یوناید دیارکریە یانا مانچێستەر یوناید ل سەر داخوازیا راھێنەرێ خوە یێ پرتوگالی جوزێ مورینھوی دەست ب لڤینا کریە بوو دەستڤە ئینانا یاریزانێ یانا ناپولی و ھەلبژارتیێ ئەلبانیا سەید ھیساوی پشتی یاریزانێ ناڤبری ل وەرزێ ئەڤ سالە و وەرزێ بوری ل گەل یانا خوە شیای ئاستەکێ بلند پێشکێش بکەت د قارەمانیا چامپیونیز لیگ و خولا کاتشیو کو بوویە ئارمانجا راھێنەرێ مان یوناید یێ پرتوگالی مورینھوی.
رۆژناما زەسەن یا برێتانی دیارکریە یانا مانچێستەر بەرھەڤیا خوە دیارکریە کوژمێ بھایێ شکاندنا ھەڤبەستا ھیساوی بدەت کو د گەھنە ٤٤ ملیون یورۆیا و یانا ئینگلیزی یا بزاڤێن مەزن کەت زیترین دەم وی کوژمێ پارەی پێشکێش یانا ئیتالی بکەت و شیانێن ئەوی یاریزانی ب دەستخوڤە بینت کو نوکە سەید ھیساوی دھێتە ھژمارتن ئێک ژ باشترین یاریزانێن ھێلا بەرەڤانیێ لایێ چەپی ل سەر ئاستێ جیھانێ و خولێن ئورۆپی .
ئەڤرۆ نیوز ، زنار تۆڤی :
یانا پاریس سان جێرمان یا فرنسی ب فەرمی تۆماس تۆخێلێ ئەلمانی وەك راهێنەرێ نوو یێ وێ یانێ بۆ وەرزێ داهاتی دیار كر.
گرێبەستا یانا پاریس سان جێرمان ل گەل تۆخێلێ راهێنەرێ بەرێ یێ یانا بڕووسیا دۆرتمۆند یا ئەڵمانی بۆ ماوێ 2 وەرزانە.
تۆخێل بۆ وەرزێ داهاتی دێ ل جهێ ئۆنای ئێمری یێ ئیسپانی راهێنەراتیا یانا پاریس سان جێرمان کەت و ئارمانجا ئێکێ یا وێ یانێ د وەرزێ داهاتیدا پێکهاتیە ژبۆ برنا ناسناڤێ چامپیۆنزلیگا ئورۆپی.
ئه‌ڤرۆ نيوز:
رۆژی ئێک ژ روکنێن ئیسلامێ یە و خودایێ مەزن ل سەر بوسرمانان فەرز کرینە، رۆژی ئانکو نەخوارن و نەڤەخوارن ژ ئەلندێ تا رۆژئاڤابوونێ، رەمەزانێ کارتێکرنەکا رووحی و جەستەیی ل سەر مرۆڤان ھەیە، رۆژی ژی دبیتە سیستەمەکێ خوارنێ یێ نە نۆرمال د ژیانا رۆژانە دا.
مفایێن رۆژیێ وەکو ئایین:
رۆژیگرتن بجھئینانا روکنەکێ سەرەکییێ ئیسلامێ و وەکو ئیسلام بخوە دبێژیت گونەھێن مرۆڤی ژێ دچن.
مفایێن جڤاکی یێن رۆژیێ:
رۆژی وەکھەڤیێ دناڤبەرا تاکێن جڤاکی دا دروست دکەت و ھەموویان وەکو ئێک لێ دکەت، زەنگین و ھەژار ھەردو دمیننە برسی و پێکڤە خورانێ دخۆن، ھەروەسا رۆژی وێ ھەستێ بۆ زەنگینی چێکەت کو ھەست ب وان کەسان بکەت یێن خوارن نەبیت بخۆن دا ھاریکاریا وان بکەت، ھەروەسا رۆژی وەدکەت ئەندامێن خێزانێ پتر نێزیکی ھەڤ بن دەمێ پێکڤە فتارێ دکەن.
مفایێن ساخلەمی یێن رۆژیێ:
(رۆژیان بگرن دێ ساخلەم بن) دو پەیڤێن کورتن و مفایێن رۆژیێ دیار دکەن، مفایێن ساخلەمی یێن رۆژیێ:
رۆژی یا ھاریکارە بۆ ژناڤبرنا شانێن ھەیی و ئاڤاکرنا شانێن نوو، ئەو یەک ژی دروست نابیت ھەتا مرۆڤ دەست ژ خوارنێ و ڤەخورانێ بەرددەت.
رۆژی شێوازەکێ بۆ وی کەسێ بخوازیت سەنگێ خوە کێم بکەت، ب مەرجەکی پشتی فتارێ تۆلێن رۆژێ ڤەنەکەت ب خوارنا شرینی و تشتێن ب روون.
رۆژی دەلیڤێ ددەتە عیرکی و مێلاکێ و خالخالک و رووڤیکێن مرۆڤی بێھنا خوە ڤەدەن و خوە نووژەن بکەن.
رۆژی کار بۆ کێمکرنا شەکرێ و کولیسترۆلی د ناڤ خوینێ دا دکەت.
رۆژی وزا ئەرێنی زێدە دکەت و یا نەرێنی کێم دکەت، رەوشا رەمەزانێ یا خۆشتڤی ل بەر دلێ خەلکی و ھەڤگەھشتنا جڤاکی د ناڤبەرا مرۆڤان دا وەدکەت ھەستێن خەم و خەمۆکیێ و بێزاریێ کێم ببن.
مفایێن رووحی یێن رۆژیێ:
رۆژی خەلکی ل سەر ترسا پەروەردە دکەت و ناھێلیت خەلەتیان بکەن.
رۆژی مرۆڤان فێری ھەدارێ و خوە ل بەرگرتنا نەخۆشیان دکەت.
رۆژی یا ھاریکارە مرۆڤ کونترۆلێ ل سەر حەزێن خوە بکەت.
ئه‌ڤرۆ نيوز:
خوارنێ ب شێوەیەکێ گشتی کارتێکرن ل سەر ساخلەمیا مرۆڤی ھەیە و کارتێکرنێ ل سەر جۆرێ نەخۆشیێن مرۆڤی دکەت، لەورا پێدڤیە ھەردەم مرۆڤی ئاگەە ژ خوارنا خوە ھەبیت.
قۆناغا بەری دوگیانیێ گەلەکا گرنگە بۆ ژنان و پێدڤیە ئاگەە ژ جۆرێ خوارنا خوە ھەبیت، ژبەرکو خوارن کارتێکرنەکا مەزن ل سەر پێشخستن و پاشخستنا دوگیانیێ ھەیە و بتایبەت سێ مەھان بەری دوگیانیێ پێدڤیە گرنگیێ ب خوارنا فێقی و زەرزەواتی و پرۆتین و کالسیۆمی بدەن و زێدەتر وان خورانان بخون.
ل گۆرەی ڤەکۆلینەکا بریتانی یا ئاژانسا رویتەرز بەلاڤ کری، ھۆشداری دایە ژنان کو بەری دوگیانیێ خوە ژ ڤان جۆرێن خوارنێ دوور بکەن، ژبەرکو دوگیانیێ گیرۆ دکەن.
قەھوە ڤەخورانەکا خۆشە و رەنگە مرۆڤ رۆژانە ڤەدخۆت، لێ کافیین یا دناڤ دا و دبیتە ئەگەرێ پاشخستنا دوگیانیێ.
ماسی و بتایبەت ماسیێن وەکو یا تۆنا.
ڤەخورانێن کحوولی وەکو مەیێ و بیرێ ویێن دی.
گۆشتێن بەرھەڤرکی ئەوێن د قۆدیکان دا و باسترمە و ھەموو جۆرێن وێ.
ئه‌ڤرۆ نيوز:
دەمێ خەوا کەسەکی دھێت و دچیتە سەر جھێ خوە، لەشێ وی دەست ب بەرھەمئینان ھورمۆنێ میلاتۆنین دکەت کو بەرپرسی ژ بەرھەڤرکان مەژی بۆ نڤستنێ، کێمبوونا وی ھورمۆنی ژی دبیتە ئەگەر د خەودا خوە مرۆڤی بدەت و بێزار بکەت، کێمبوونا وی ژی ژ ئەگرێ بکارئینان مۆبایلێ و شاشا کۆمپیۆتەری و تێلەڤزیۆنێ بەری نڤستنێ.
ڤەکۆلینەکا زانستی یا نوو ئاشکرا دکەت، رۆناھیا شین یا ژ شاشێن مۆبایل و کۆمپیۆتەر و تێلەڤزیۆن دەردکەڤیت دبیتە ئەگەرێ کێمبووان ھورمۆنێ میلاتۆنین و بەرھەڤیا مەژی بۆ نڤستنێ تێکددەت و دبیتە ئەگەر مرۆڤ دخەودا خوە بدەت و ھەست ب نەئارامیێ بکەت.
ڤەکۆلین ل سەر 635 کەسان ھاتە کرن و ژیێ نێزیکی 30 سالان بوو، ئەنجامام وەسا دیار کر کو 136 کەسێن ژ وان د خەوێ دا خوە ددا، ئەو ژی ژبەر بکارئینانا مۆبایلێ و کۆمپیۆتەری و ئامیرێن دیێن وەکو وان بەری نڤستنێ.
نيشاندان