ئەڤرۆ:
چاڤەرێ دھێتەکرن ئەڤرۆ یانا جەویە نوونەرا عیراقێ ل قارەمانیا کاسا ئێکەتیا ئاسیا و ھەلگرا ھەردو ناسناڤێن وەرزێ بوری یاریا خوە یا دوێ ژ قارەمانیێ ژ قوناغا پێش دووماھیا رۆژئاڤا ئاسیا بەرامبەر یانا عەھد یا لوبنانی بکەت کو یانا جەویە ل یاریا ئێکێ شیابوو سەرکەفتنەکا گرنگ ل سەر یانا عەھد ل یاریگەھا کەربەلا توماربکەت ب سێ گولان بەرامبەر گولەکێ و پێنگاڤەکا مەزن بوو دووماھیا رۆژئاڤا ئاسیا باڤێژیت .
دڤێ یاریێ دا یانا جەویە ھەلگرا ھەردو قارەمانیێن بوری دەلیڤەیا وێ ژ نوونەرا لوبنانی باشترە کو یانا عەھد پێدڤی سەرکەفتنێ یە جوداھیا دو گولان و ئەڤ چەندە بوو یانا لوبنانی دێ یا ب زەحمەت بیت ژبەرکو یانا جەویە ل سێ سالێن بوری شارەزایەکا باش بوو پەیدابوویە دڤێ قارەمانیێ دا ھەردیسان یاریزانێن ئەوی زوربەیا ئەوان ئەون یێن شارەزایەکا باش دڤان جورە قارەمانیان دا ھەی .
راھێنەرێ یانا جەویە دوھی د گونگرێ رۆژنامەڤانی دا دیارکر یاریا ئەوان ل گەل عەھد ھەتا نوکە ئێکلا نەبوویە و ئەو رێزگرتنەکا مەزن ل یانا بەرامبەر دگرن ژبەرکو ئەوان ژی شیانێن مەزن ھەیە و تەپا پێ یا لوبنانێ ل ماوێ بوری پێشکەڤتنەکا باش ب خوڤە دیتی یە راستە ئەو شیان سەرکەفتنێ ل یاریا ئێکێ توماربکەن ب جوداھیا سێ گولان لێ ھێشتا ھەڤرکا ئەوان ژی دەلیڤە مایە و د تەپا پێ دا پێشبینی بوو ھەر ئەنجامەکی ھەیە لەورا پێدڤی یە ئەو ڤێ یاریێ ب ھشیاری وەربگرن داکو توشی چو خوسارەتیێن نە چاڤەرێکری نەبن.
ژلایەکێ دویڤە پیشەکارێ سوری و یاریزانی یانا جەویە زاھر مەیدانی دیارکر ئەو ھاتینە بەیروت بوو پلێتا دەربازبوونێ بوو دووماھیا رۆژئاڤا ئاسیا و پاراستنا ناسناڤێ سێ ل دویڤ ئێک بوو یانا جەویە .
راھێنەرێ عەھد باسم مرمر دیارکر ئەو دێ چنە دناڤ یاریگەھێ دا بوو سەرکەفتنێ و ئەوان ھەتا نوکە دەلیڤەیا دەربازبوونێ مایە و ل یاریا ئێکێ ژی ئەو ھەژی خوسارەتی نەبوون ب وی ئەنجامی ژبەرکو تیما ئەوان ل یاریا ئێکێ ژی ئاستەکێ بلند پێشکێشکر.
ھەژی گوتنێ یە سەرکەفتنێ یاریا جەویە و عەھد دێ ل گەل سەرکەفتی یاریا فەیسلی یا ئوردونی و جەزیرە یا ئوردونی کەت .

ئەڤرۆ نیوز:
پشتی ل مێرکاتویا بوری یانا مانچێستەر سیتی نەشیای یاریزانی جەزائیری و ستێرا یانا لیستەر سیتی ریاز مەحروز بینتە دناڤ رێزێن پێکھاتیێ خوە ل دویڤ راپورتێن رۆژنامەڤانی یێن نێزیکی یانا مانچێستەر سیتی راھێنەرێ یانێ بەرپرسێن یانێ ئاگادار کرینە بوو مێرکاتویا ھاڤینا ئەڤ سالە ھەڤبەستێ ل گەل ستێرا جەزائیری ئیمزا بکەن.
رۆژناما زەسەن یا برێتانی دیارکریە یانا مانچێستەر سیتی دێ ھەڤبەستا ریاز مەحروز ل مێرکاتویا ھاڤینا بھێت ب دووماھیی ئینت و بوو وەرزێ بھێت یاریزانێ جەزائیری ب کوژمێ ٦٥ ملیون جێنی ئیسترلینی دێ بیتە یاریزانێ یانا مانچێستەر سیتی .
ریاز مەحروز ل وەرزێ ئەڤ سالە ١٣ گول تومارکرینە ھەردیسان ل گەل یازدە گولان بەرھەڤکرینە بوو ھەڤالێن خوە کو پشکداری ٤١ یاریێن یانا خوە دا ل وەرزێ ئەڤ سالە کرینە .

ئەڤرۆ نیوز:
یانا دیاربەکر سپور بوو ماوێ پێنج سالانە ل دویڤ ئێک دەربازی قوناغا پلەی ئوڤ دبیت بوو دەربازبوونێ ژ خولا پلا سێ بوو دو یا تورکیا کو ل چار سالێن بوری ل یاریا دووماھیێ توشی خوسارەتیێ بوویە و نەشیا دەربازبیت ل وەرزآ ئەڤ سالە ژی وەکو ھەر چار سالێن بوری شیا پلێتا دەربازبوونێ بوو قوناغا پلەی ئوڤ د کوما خوە دا ب دەستخوڤە بینت و یاریا خوە یا ئێکآ ڤێ قوناغێ ل ھەینیا بوری ل گەل یانا تێری سپور کر و تێدا ب ئەنجامێ گولەکێ بێ بەرامبەر خوسارەت بوو .
نوونەرا باکورێ کوردستانێ ژ سەرجەمێ حەفت یانێن کوردی دخولا پلا سێ دا بتنێ یانا دیاربەکر شیا دەربازی ڤێ قوناغێ بیت و بریارە سوباهى یاریا خوە یا دوێ ژ ڤێ قوناغێ بەرامبەر یانا تێری سپور بکەت و پێدڤی ب سەرکەفتنێ یە ب ئەنجامێ گولەکێ زێدەتر .
ھەژی گوتنێ یە یانا دیاربەکر سپور ل وەرزێ ئەڤ سالە ٣٤ د کوما خوە دا ئەنجامدان و شیا ١٩ سەرکەفتنا توماربکەت ل گەل حەفت وەکھەڤیا و ھەشت خوسارەتیا .

ئەڤرۆ:
ھێرشبەرێ ھەلبژارتیێ ئنگلتەرا و یانا توتنھام ھاری کین پشتی ل یاریا خوە یا دووماھیێ ل وەرزێ ئەڤ سالە ل گەل یانا خوە دخولا ئنگلتەرا دا شیای دو گولان بوو تیما خوە توماربکەت و سەرکێشیا تیما خوە کر بوو سەرکەفتنەکا گرنگ ل سەر یانا لیستەر سیتی ب پێنج گولان بەرامبەر چار گولان و ب تومارکرنا ئەوان ھەردو گولان ھاری کین شیا نمرا یانا توتنھام یا ژیێ وێ زێدەتر ژ ٣٠ سالان بشکێنت .
ھاری کین بوو یاریزانێ ئێکێ ل یانا توتنھام کو ل ئێک وەرز دا د ھەموو قارەمانیێن یانا ئەوان پشکدار بشێت زێدەتر ٤٠ گولان توماربکەت کو یاریزانێ بەری نوکە یێ یانا توتنھام کلێف ئەلین ل سالا ١٩٨٦-١٩٨٧ شیابوو ٣٩ گولان د ئێک وەرز دا بوو یانا توتنھام توماربکەت لێ ھاری کین شیا ڤێ نمرێ پشتی بورینا ٣١ سالان بشکێنت و ھژمارا گولێن خوە گەھاندنە ٤١ گولان ل ئێک وەرز دا .

ئەڤرۆ:
یانا ئەنتر میلان یا ئیتالی دخوازیت بوو وەرزێ بھێت پێکھاتیەکێ باشتر دروست بکەت بوو وێ چەندێ جارەکا دی بشێت ل قارەمانیێن ئورۆپی و ھەڤرکیێ ل سەر ناسناڤێ کاتشیو بکەت .
مالپەرێ کاتشیو مێرکاتو یێ ئیتالی دیارکریە یانا ئەنتر میلان حەزا ئیمزاکرنا ھەڤبەستا یاریزانێ کرواتی و یانا ریال مەدرید کوڤاسێچ ھەیە کو جارەکا دی ڤەگەرینە یانا ئەنتر میلان پشتی ل سالا ٢٠١٥ ژ یانا ئیتالی بەر ب یانا ئیسپانی ڤە چوو بوو .
وی مالپەری ئاشکراکریە ژی یانا ئیتالی یا ھەمی بزاڤان دکەت جارەکا دی یاریزانێ خوە ڤەگەرینتە دناڤ رێزێن خوە ھەر چەندە بەرپرسێن یانا ئەنتر دانپێدان ب وێ چەندێ کریە دێ یا ب زەحمەت بیت ئەو ھەتا شیانێن ئەڤی یاریزانی ب دەستخوڤە بینت لێ ئەو د وێ ئومێدی دا نە ئەو دێ شێن یاریزان و یانا ئەوی رازیکەن بوو ڤەگوھاستنا یاریزانێ کرواتی.
ل کوڤاسێچ نوکە ئێک ژ ئەو یاریزانانە زوربەیا یاریان ل نیڤا دوێ راھێنەرێ یانا ریال مەدرید زێدان پشت بەستنێ ل سەر شیانێن ئەوی دکەت و ل مێرکاتویا زڤستانێ ژی چەند یانا حەزا ئیمزاکرنا ئەڤی یاریزانی ھەبوو لێ کارگێریا یانا ریال ئەو داخوازی رەتکر بوون ل سەر حەزا زێدان کو وەسا دھێتە پێشبینی کرن یا ئەنتر میلان ژی بھێتە رەتکرن.